距離一周年，仲有淨返唔夠10日。

唔知大家仲記唔記得，我地係為左咩而抗爭左一年。

Admin曾經亦係港豬，好記得721，睇住立場直播，一個記者以第一身視角被打到跌低嘅痛苦，以佢記錄低鄉黑一走，警察1分鐘都無就到嘅畫面，話比大家聽：

香港，原來無我地想像中咁美好。
原來市民，係可以不被保護。
原來政府同警察，真係可以好黑暗。

果日係我嘅覺醒日。

我希望我將來唔會因為恐懼講真話、講心聲嘅後果而自我滅聲；
我希望我嘅下一代，唔駛強迫自己「愛」一個唔鐘意嘅政權，唔駛恐懼講錯野送中；
我希望香港人，能夠公平地生活係一個安全嘅城市，而唔係因為恐懼比狗打，比藍絲打，而去逢迎當權者同警察，扭曲自己嘅思想同良知。

為左要令自己、令下一代、令香港人唔駛生活係恐懼之中，越黎越多香港人出黎，為建立一個民主、非專制嘅香港而努力。

但點解，當時我地會為左爭取免於恐懼嘅自由而出黎，到左今日，反而會被恐懼擊倒，而躲藏係無數藉口---「be water」、「靠國際戰線就得」、「有限聚令 要罰2000」、「會比狗咬 坐48」嘅身後？

自己嘅未來，應該靠自己爭取。
我仍然記得金鐘無數電話嘅點點星光；
我仍然記得每晚迴盪係每個商場嘅榮光；
我仍然記得連儂牆上嘅無數文宣；
我仍然記得勇武持盾持傘推進嘅勇敢；
我更記得，人山人海嘅黑衫人群，佢地手上各色嘅遮，同埋願意為香港企出黎，每一個勇敢嘅你。

2019年10月20日 尖沙咀-西九龍高鐵站民陣遊行 反對通知書 警方於原定遊行時間開始前舉旗，因為人數太多無可能驅散到而離開。

而家好多時預先包定，但其實只要人夠多，根本就佢點布袋陣都毫無意義。

人多並唔一定贏，但人少一定輸，人多先可能令個戰局有更多變化，多人著黑衫拎遮先可以互相掩護，令更多手足安心做野。

人數，先係我地最大嘅武器。

香港人，2020年自由之夏2.0，約定你。

The Watcher 狩望者哨兵頻道及教學資訊頻道

如果大家對教學內容有疑問 歡迎黎 @Sentinel_Discussion 討論
太多人Tldr 所以教學以簡短為主 有問題歡迎問😊