🇺🇿#Yozgi_kasblar_markazi
#Press_tur

Sergelida "Yozgi kasblar markazi" faoliyati o‘rganildi

🟡 "Dolzarb 90 kunlik tadbirlar" doirasida tashkil etilib, Sergeli tumanidagi 104-sonli umumiy o‘rta ta’lim maktabida faoliyat yuritayotgan “Yozgi kasblar markazi” faoliyati bilan yaqindan tanishish maqsadida press-tur tashkil etildi.

➡️Mazkur markazda joriy yil yoz mavsumida jami 6 ta to‘garak faoliyati yo‘lga qo‘yilgan bo‘lib, bugungi kunda bu to‘garaklarga 216 nafar mahalla yoshlari va umumta’lim maktabi o‘qituvchilari jalb etilgan. Ular qiziqishlari va iste’dodiga qarab to‘garaklarga yo‘naltirilgan.

To‘garaklar quyidagi yo‘nalishlarda faoliyat olib bormoqda:
📌 Tikuvchilik
📌 Pazandachilik
📌 Ayollar sartaroshligi
📌 Shinomontaj
📌 Elektronika va maishiy texnika ta’miri
📌 Kulolchilik

Mashg‘ulotlar 10 nafar tajribali o‘qituvchi va murabbiylar tomonidan olib borilmoqda.

❗️Markazning asosiy vazifasi – yoshlarning bo‘sh vaqtini mazmunli o‘tkazish, kasb-hunarga bo‘lgan qiziqishini rivojlantirish hamda bandligini ta’minlashdir.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

📚 Kitobxonlik festivali doirasida maʼnaviyat va maʼrifat targ‘iboti!

Bugun yurtimizda kitobga mehr, maʼnaviyat va maʼrifatga sadoqat g‘oyasi asosida o‘tkazilgan Kitobxonlik festivali doirasida mazmunli tadbir bo‘lib o‘tdi.
📌 Tadbir Respublika Maʼnaviyat va maʼrifat markazi tuman boʻlimi, Oʻzbekiston Yozuvchilar uyushmasi, Toshkent shahar Bolalar kutubxonasi, “Nuroniy” jamgʻarmasi tuman boʻlimi va tuman axborot-kutubxona markazi hamkorligida tashkil etildi.

📖 Tadbir davomida milliy maʼnaviyatimiz peshqadamlarining quyidagi asarlari taqdim etildi:
🔹 Munavvar qori Abdurashidxonov — “Yalqovlik yovimizdir”
🔹 Abdulla Avloniy — “Vatanni suymak imondandir”
🔹 Abdurauf Fitrat — “Yurt qaygʻusi”

Bu asarlar yosh avlodga vatanparvarlik, milliy o‘zlik va maʼrifat sari intilish ruhini singdirishda muhim vositadir.

🎁 Tadbirda ishtirok etgan fuqarolarga ushbu asarlar sovg‘a qilindi. Bu esa kitobga mehr, ilmga muhabbat tuyg‘ularini mustahkamlashga xizmat qiladi.

✨ Kitob – insonning eng yaqin do‘sti. Shunday festivallar orqali biz yoshlarni ongli, bilimli va vatanparvar etib tarbiyalaymiz.

📣 Ilmga chanqoq, qalbida vatan tuyg‘usi jo‘sh urgan har bir yurtdoshimizni kitob o‘qishga va bunday tadbirlarda faol ishtirok etishga chorlaymiz!

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

"Maftunkor ranglar jilosi" loyihasi g‘oliblari munosib taqdirlandi

✨Yurtimizda 5 yildirki, O‘zbekiston Nogironlar jamiyatining "Maftunkor ranglar jilosi" nomli loyihasi muvaffaqiyatli amalga oshirib kelinmoqda. Ushbu loyiha doirasida har yili tuman bosqichlari tashkil etilib, g‘oliblar saralanadi va shahar bosqichiga yo‘llanma olishadi. Shahar bosqichida ham yuqori natijani qo‘lga kiritgan ishtirokchilar Respublika bosqichiga yo‘l olishadi. Respublika bosqichi g‘oliblari esa qimmatbaho sovg‘alar bilan taqdirlanadi.

⭐️Kuni kecha mazkur loyihaning Toshkent shahar bosqichi “Magic City” saylgohida bo‘lib o‘tdi. Unda Sergeli tumani bosqichida ishtirok etib, shashka bo‘yicha g‘olib bo‘lgan G‘afforbekov Azimbek hamda rasm chizish yo‘nalishida g‘oliblikni qo‘lga kiritgan Obidjonov Odiljon shahar bosqichida faol ishtirok etib, munosib sovg‘alar bilan taqdirlandilar.

Aytish joizki, Obidjonov Odiljon loyihaning Respublika bosqichida qatnashish imkoniyatini qo‘lga kiritdi. Unga omad tilaymiz!

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website