🎉 “Yulduzcha” oromgohida 3-mavsum boshlandi! 🎉

📍 Sergeli tumanida yozgi ta’til davrida yoshlarning bo‘sh vaqtini mazmunli o‘tkazishga qaratilgan “Dolzarb 90 kun” loyihasi doirasidagi tadbirlar izchil davom etmoqda.

🟢 2025-yil 30-iyun kuni Sergeli tumanidagi 264-umumta’lim maktabi qoshida tashkil etilgan “Kamalak” sog‘lomlashtirish oromgohida 3-mavsum tantanali tarzda ochildi.
🧒 Oromgohga tashrif buyurgan bolajonlar ochilish marosimini o‘zlarining quvnoq qo‘shiqlari, raqslar va sahna ko‘rinishlari bilan bezadilar.
🎯 Tadbir davomida oromgoh rahbarlari tomonidan yangi mavsum uchun belgilangan rejalar, to‘garak mashg‘ulotlari, sport musobaqalari, madaniy-ma’rifiy tadbirlar hamda “Dolzarb 90 kun” doirasidagi loyihalar haqida batafsil ma’lumot berildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook  🌐 Website

Sergelida 47 juftlik yoshlar “Yoshlarni oilaviy hayotga tayyorlash” markazida o‘qitildi

Sergeli tumani Oila va xotin-qizlar bo‘limi tomonidan FHDYO bo‘limi bilan hamkorlikda 2025-yil iyun oyida nikohlarini rasmiylashtirish uchun ariza bergan navbatdagi yosh oila quruvchilar uchun o‘quv mashg‘ulotlari tashkil etildi.

Mashg‘ulotlar “Yoshlarni oilaviy hayotga tayyorlash” markazida o‘tkazilib, unga markazga biriktirilgan mas’ul o‘qituvchilar bilan bir qatorda bir qator soha mutaxassislari ham jalb etildi.

Tadbirda Sergeli tumani hokimining o‘rinbosari, Sergeli tumani FHDYO bo‘limi mudirasi D.Radjabova, tuman bosh imom-xatibi R.Asqaraliev, Ma’naviyat va ma’rifat bo‘linmasi rahbari G.Xudaybergenova, tuman tibbiyot birlashmasi bosh ginekologi P.Koshkarova, hudud otinoyisi M.Muxamedova, “Oqila ayollar” harakati yetakchisi S.Usmahonova hamda Oila va xotin-qizlar bo‘limi bosh mutaxassisi Sh.Alieva tomonidan yoshlarga tibbiy, huquqiy, psixologik, ma’naviy-ma’rifiy hamda diniy yo‘nalishlarda chuqurlashtirilgan tushuntirishlar berildi.

O‘quv mashg‘ulotlari davomida yoshlarga baxtli va mustahkam oila qurish, reproduktiv salomatlik, ona va bolalikni muhofaza qilish, kitobxonlik madaniyati, o‘zaro hurmat, sog‘lom muloqot, ibratli ota-ona bo‘lishga tayyorgarlik kabi mavzular keng yoritildi.

Mashg‘ulotlarni muvaffaqiyatli tamomlagan, oila qurish arafasida turgan 47 juftlik yoshlarga maxsus sertifikatlar topshirildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Hokim_qabuli

Xalq qabulxonasida tuman hokimining qabullari tashkil etilmoqda

Bugun Xalq qabulxonasi binosida tuman hokimi Elbek Shukurovning qabuli o‘tkazildi. Qabulda tegishli tashkilot va xizmat ko‘rsatuvchi idoralar rahbarlari ham ishtirok etdi.

Qabul davomida mahalla aholisi tomonidan bildirilgan muammo va murojaatlar tinglanib, ayrim masalalarga joyida yechim topildi. Qolgan murojaatlar bo‘yicha mas’ullarga aniq topshiriqlar berilib, ularning ijrosi nazoratga olindi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website