Sergelida “Oqila ayollar” harakati ishtirokida forum bo‘lib o‘tdi

Sergeli tumanida “Oilalar mustahkamligini ta’minlashda ‘Oqila ayollar’ harakatining o‘rni” mavzusida forum bo‘lib o‘tdi.
Mazkur tadbirda “Oqila ayollar” harakati a’zolari, olima ayollar, hamkor tashkilot vakillari, “Ayollar maslahat kengashi” a’zolari, tadbirkor va hunarmand ayollar faol ishtirok etdilar.
Forumda harakat a’zosi M.Xalisova tomonidan “Oqila ayollar”ning joriy yilning dastlabki besh oyi davomida amalga oshirgan ishlari yuzasidan hisoboti tinglandi.
Tadbir davomida hamkor tashkilot vakillari va mahalla xotin-qizlar faollari tomonidan xotin-qizlarning siyosiy faolligini oshirish, ularning tibbiy va huquqiy savodxonligini yuksaltirish, ijtimoiy-ma’naviy barqarorlikni mustahkamlash borasida olib borilayotgan ishlarga oid fikr va mulohazalar bildirildi.

Shuningdek, “Oqila ayollar” harakati a’zolarining murojaatnomasi o‘qib eshittirildi. Unda kelgusida amalga oshiriladigan muhim yo‘nalishlar belgilab berildi. Jumladan:
Oilaviy ajrimlar, erta nikoh va yoshdagi tug‘ruqlarning oldini olish;
Milliy qadriyatlarni targ‘ib etish va qizlar tarbiyasiga alohida e’tibor qaratish;
“Sog‘lom oila – sog‘lom jamiyat” tamoyili asosida targ‘ibot ishlarini kuchaytirish;
Ayollar bandligini ta’minlash, tadbirkorlikni rivojlantirish va kasb-hunar o‘rganishlariga ko‘maklashish;
Ayollar o‘rtasida jinoyatchilik va oilaviy muammolarni bartaraf etish borasida profilaktik ishlarni jadallashtirish masalalari muhokama qilindi.

Forum doirasida ochiq muloqotlar, bahs-munozaralar o‘tkazildi, mavjud muammolar va ularning yechimlariga oid aniq takliflar ilgari surildi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook  🌐 Website

Sergeli tumanida 2024–2025-o‘quv yilida 3408 nafar o‘quvchi maktabni tamomladi

2024–2025-o‘quv yilida Sergeli tuman umumta’lim maktablarini jami 3408 nafar bitiruvchi tamomladi. Shundan 3021 nafari davlat, 387 nafari esa nodavlat ta’lim muassasalari bitiruvchilaridir.
O‘quv yili yakunida 51 nafar bitiruvchi “Oltin medal”, 15 nafari “Kumush medal” bilan taqdirlandi. Medal sohiblarining 57 nafari qizlar hisoblanadi.

Shu kunga qadar 11-sinf bitiruvchilarning 53 nafari xorijdagi oliy ta’lim muassasalariga muddatidan oldin o‘qishga qabul qilindi.
Ulardan:
26 nafari xorijiy davlat OTMlariga grant asosida, 27 nafari esa shartnoma asosida o‘qishga qabul qilingan.
Ushbu ko‘rsatkichlar tumanda ta’lim sifati yuksalayotgani va yoshlarga oid davlat siyosatining amaliy natijalar berayotganini yaqqol ko‘rsatmoqda.

✍️Sergeli tuman hokimligi Matbuot xizmati

🕊Telegram 📱Instagram 📱Facebook  🌐 Website