НЕГА ДУОЛАРИМИЗ ҚАБУЛ БЎЛМАЙДИ?

Иброҳим ибн Адҳам раҳматуллоҳи алайҳдан “Менга дуо қи­линглар, ижобат қиламан” ояти хусусида сўраб, биз дуо қила­миз–у, ижобат бўлмайди, дейишганида у киши: “Қалбларингиз ўн­та нарсадан ўлган”, деди:
1. Аллоҳни танийсизлар-у, ҳаққини адо қилмайсизлар.
2. Аллоҳнинг китобини ўқийсизлар-у, лекин унга амал қил­майсизлар.
3. Иблисни душман деб даъво қиласизлар, аммо уни дўст қи­либ оласизлар.
4. Расулуллоҳ соллаллоҳу алайҳи ва салламни яхши кўришни даъво қиласизлар, лекин у зот соллаллоҳу алайҳи ва салламнинг йўллари ва суннатларини тарк қиласизлар.
5. Жаннатни яхши кўришни даъво қиласизлар, аммо унга кириш учун амал қилмайсизлар.
6. Дўзахдан қўрқишни даъво қиласизлар, лекин гуноҳлардан тўхтамайсизлар.
7. Ўлим ҳақ деб даъво қиласизлар, бироқ унга тайёргарлик кўрмайсизлар.
8. Бошқаларнинг айби билан машғул бўласизлар, аммо ўз айбингизни сезмайсизлар.
9. Аллоҳнинг ризқини ейсизлар-да, унга шукр қилмайсизлар.
10. Ўликларингизни дафн қиласизлар-у, ундан ибрат олмай­сизлар.

Ишончли маърифий каналга уланинг!✅
👇🏼👇🏼
🔎 @ShayhSaboqlari ✔️

Ибн Қоййим роҳимаҳуллоҳ дедилар:

"Ким Аллоҳнинг бандаларига мулойимлик қилса, Аллоҳ ҳам унга мулойимлик қилур.

Ким одамларга раҳм-шафқат қилса, Аллоҳ ҳам унга раҳм-шафқат қилур.

Ким одамларга яхшилик қилса, Аллоҳ ҳам унга яхшилик қилур.

Ким одамларга саҳийлик қилса, Аллоҳ ҳам унга саҳийлик қилур.

Ким одамларга фойда етказса, Аллоҳ ҳам унга фойда етказур.

Ким одамларнинг айбини яширса, Аллоҳ ҳам унинг айбини яширур.

Ким одамларни яхшиликдан тўсса, Аллоҳ ҳам ундан яхшиликларини тўсур.

Ким Аллоҳнинг бандаларига қай йўсинда муомила қилса, Аллоҳ ҳам унга дунё ва охиратда ҳудди шу зайлда муомала қилур. Аллоҳ таалонинг Ўз бандасига нисбатан муомаласи банданинг одамлар билан қилажак муомаласига мувофиқ бўлур."

Ишончли маърифий каналга уланинг!✅
👇🏼👇🏼
🔎 @ShayhSaboqlari ✔️

ГУНОҲЛАРНИ ЮВУЧИ АЙРИМ ОСОН ИБОДАТЛАР!

✅ Ушбу ҳадиси шариф билан ювинг:

🍀"Ер юзида кимда-ким "ла илаҳа иллаллоҳ, валлоҳу акбар, ва ла ҳавла ва ла қуввата илла биллаҳ" дер экан, унинг барча гуноҳларига каффорат бўлиб кетади, гарчи гуноҳлари денгиз кўпигидек кўп бўлса ҳам".

✅ Овқатдан сўнг ювинг:

🍀"Кимда-ким таом еганидан сўнг "алҳамду лиллаҳиллазий атъамани ҳазат тоъаама ва разақанийҳи мин ғойри ҳавлин минний ва ла қувва" (мендан ҳеч куч-қувват бўлмасдан ушбу таомни менга едириб ризқ бериб қўйган Аллоҳга ҳамд бўлсин) деса, ўтган гуноҳлари кечирилади".

✅ Кийим кийиш асносида ювинг:

🍀Кимда-ким киятуриб "алҳамду лиллаҳиллазий касааний ҳазас савба ва разақанийҳи мин ғойри ҳавлин минний ва ла қувва" (мендан ҳеч куч-қувват бўлмасдан ушбу кийимни менга кийдириб ризқ бериб қўйган Аллоҳга ҳамд бўлсин) деса, ўтган гуноҳлари кечирилади".

✅ Ҳар кунингизда ювинг:

🍀"Кимда-ким бир кунда юз бор "субҳаналлоҳи ва биҳамдиҳи" деса, унинг барча гуноҳлари каффорат қилинади, гарчи денгиз кўпигидек кўп бўлса ҳам".

✅ Ҳар намоз ортидан ювинг:

🍀"Кимда-ким ҳар намоз ортидан 33 марта "Субҳаналлоҳ", 33 марта "Алҳамдулиллаҳ", 33 марта "Аллоҳу Акбар" деса, бу 99 та, юзинчисида "ла илаҳа иллаллоҳу ваҳдаҳу ла шарика лаҳ, лаҳул мулку ва лаҳул ҳамду, ва ҳува ала кулли шайъин қодийр" деса,
унинг барча гуноҳлари каффорат қилинади, гарчи денгиз кўпигидек кўп бўлса ҳам".

🌱 📌 ... Юқорида келган дуоларнинг барчаси саҳиҳ ҳадисларда келган.

- Бундан ташқари пайғамбар алайҳиссалом бошқа кўпгина дуоларни, гуноҳларни тўкувчи зикрларни ўргатиб кетганлар.

- Бизга эса фақат бунга ихлос билан амал қилиб, чин қалбдан айтиб юриш қолди.

- Бир неча лаҳзаларда шунчалик катта савобларга эга бўлишни истамаймизми?

- Парвардигор барчамизни тилидан Аллоҳ зикри аримайдиган бандаларидан қилсин, амалларимизни ихлос билан суғорсин, риёдан, кибрдан, ҳасаду нифоқдан, бошқа қалб касалликларидан узоқ қилсин, ибодатларни баланд иштиёқ билан адо этадиганлардан қилсин. Амиин...

Ишончли маърифий каналга уланинг!✅
👇🏼👇🏼
🔎 @ShayhSaboqlari ✔️