Ozodbek NAZARBEKOV
"UYG‘ON, O‘G‘LIM!"

Botirjon ERGASHEV sheʼri
Mirafzal HUSANOV musiqasi
Rauf NABIYEV klipmeyker

@Botirjon_Ergashev

Yaxshi loyiha boshlashibdi, soʻzga e’tiborli boʻlishga undaydigan

Oʻsha vaqtlar yozilgan she’rimniyam joylagim keldi. 2018-yil

Xayrli oqshom, aziz san’atsevar ijodkorlar hamda adabiyot ixlosmandlari!

Bugun, 19-sentabr “Nazm va Navo” guruhimizda yangi va nozik bir loyihani boshladik. Loyiha ilk mavzusi “She’r, shoir va shuur” bo‘ldi. To‘g‘ri, bu mavzu bir qarashda yangilikdek tuyulmasligi mumkin. Ammo aslida u — eskirmas, doimo dolzarb mavzulardan biridir. Chunki inson uchun tafakkur qanday zarur bo‘lsa, jamiyatimiz va xalqimiz orasidagi ma’naviy yetuklikni yuksaltirish ham shunchalik muhimdir.
Biz hozir 21-asr texnika zamonida yashayapmiz. Kiberxavf-xatarlar kuchayib, yoshlarimizning dunyoqarashlariga “ma’naviy chang soladigan” illatlar ko‘paygan bir pallada ijodkor va jamiyatni bog‘lovchi ko‘prik sifatida she’riyatning o‘rni beqiyos. She’r — qalbni himoya qiluvchi, ongni uyg‘otuvchi, ma’naviy parda bo‘lib xizmat qiladi. She’r — qalbning tili, ma’naviyatning ozuqasi. She’r oddiy so‘z emas. U — qalbning nidosi, inson ruhining eng nozik ifodasi.
Ilmiy jihatdan she’riyat — badiiy tafakkurning eng qadimiy va eng ta’sirchan shakli boʻlsa badiiy jihatdan esa she’r — qalbdagi otashin tuyg‘ularning jilosi, jamiyatning ruhini tarannum etuvchi ohangdir. Hattoki Payg‘ambarimiz ham she’rni e’tirof etganlar. Demak, she’r bu — ma’naviyat ozuqasidir. Inson jismi qanday non va suvga muhtoj bo‘lsa, ruh ham ma’naviy daldaga muhtojdir. Shoir — jamiyatning yuragi va uyg‘otuvchisi. Shoir — faqat oʻz tuygʻularini ifodalovchi ijodkor emas, balki xalqning vijdoni, yuragi, shuur uyg‘otuvchisidir. Cho‘lpon aytganidek: “Uyg‘onganlarning vazifasi — uyg‘otish.” Darhaqiqat, shoir uyg‘ongan qalb egasi sifatida o‘z xalqini uyg‘otadi, uni yuksalishga chorlaydi.
Mashrab davrini eslaylik. U qo‘liga qalam olib yozmagan, she’rini og‘zaki aytib ketavergan, oʻta chapani boʻlgan. Xalq esa uni yodlab, og‘izdan og‘izga ko‘chirib, asrlar osha bizga ulkan devon qoldirdi. Bu — xalq va shoirning uygʻunligidagi buyuk bir merosdir. Bugungi kunda ham Mashrablar bor, ammo ularni tildan tilga ko‘chiradigan tinglovchilar yetishmayapti. Demak, she’rni qadrlaydigan, shoirni eshitadigan, ijodni yuksaltiradigan tinglovchilarni chorlash — bizning eng katta vazifamizdir. Men nega bunday deyapman, afsuski, bugun ayrim joylarda shoirlarga “shoir jo‘qi” kabi xunuk va masxaromuz o‘xshatishlar bilan qaralayapti. Hatto ba’zilar shoirlarning dunyoqarashini “eskilik sartiqlari” yoki “tantaknamo qarashlar” deb atash darajasiga yetganiga guvoh boʻldim. Bu holat — achinarli. Anchayin dilim ogʻridi, ichimdagi ogʻriqlarimni uygʻotib yubordi bu holat. Chunki bu nafaqat shoirni, balki ma’naviyatni kamsitishdir.
Azizlar, bugun biz ma’naviyatni yuksaltirishimiz uchun ijodkorlarning o‘z ijodini qanday talqin etishi ham bir mahoratga aylanmoqda. Chunki ma’naviyat — ongning immunitetidir. Jamiyatga hissa qo‘shaman degan ijodkor borki, ijodini to‘g‘ri talqin qilishi, uni xalq orasida go‘zal va toza holda yetkazishi shart deb oʻylayman. Men ijodkorman, ijod qilyapman, mukofot olib, e’tirof etildim deya koʻkrak kerish barobarida adabiyot va xalq orasidagi koʻprikni bogʻlashda ham xizmat qilishimiz kerak va zarur.
Shu bois men bugun siz azizlarni birgalikda o‘ylashga, ijodkorlar va ularning ijodini xalq orasida to‘g‘ri, va chiroyli tarzda talqin qilishga chorlayman. Sizlarning bu boradagi qaynoq takliflaringizni intiqlik bilan kutib qolaman

P/s: She’r — bu ruhning nidosi, shoir — uning elchisi, shuur esa jamiyat qalbining ko‘zgusi. Agar she’r qalblarga yo‘l topa olsa, shoir uyg‘otuvchi kuch bo‘lsa, shuur uyg‘oq bo‘lsa, demak, jamiyat yuksaladi.
Shunday ekan, keling, ma’naviyatimizni boyitaylik, shoirlarimizni qadrlaylik, she’rni esa jamiyatni uyg‘otuvchi kuch sifatida tarannum etaylik.

Hurmat ila kaminangiz Shohista Isoqova

𝐍꯭𝐀꯭𝐙꯭𝐌꯭🎸꯭𝐍꯭𝐀꯭𝐕꯭𝐎꯭

Qayniapam ketgandan keyin uyda yolgʻiz mazza qiladigan qaynsinglim…