Telenovella uchun sujet

Ayol uydan chiqar,
faromushxotir.
Eshikni qulflab yo qulflamay... farqsiz.
Taksi yo avtobus to‘xtar zahoti,
o‘tirar, ketadi qaygadir...
aksi
ko‘rinar avtoning ko‘zgularidan.
Ko‘zlarini olib qochadi,
dunyo
tebranar kirolmay bu achchiq ko‘lga.
Qop-qora ko‘l ichra bir dunyo bunyod.
Odamlar... o‘tadi ko‘lning yuzida
Qoldirib erinchoq soyalarini.
Ayol... Ketolmaydi, qaytar iziga
Urilib qismatning qoyalariga.
Qaytar,
yopiladi qayta bu kitob,
Yana jimib qolar chertilgan torlar.
Ulovdan otilib chiqqanda shitob
Angrayib qoladi svetoforlar.
Ishxonaga kirib kelar telbavor:
Asabiy nigohlar siltar qo‘lini.
Rejissor buyurar: Kamera!  Motor!
O‘ynaysiz baxtiyor ayol rolini...

S.Z.

2025.

@suhrob_ziyo1

Bugundan 1 oylik ta'tildaman. Yaxshi kino–ruhga quvvat. Bu kinoda bir ayolning samimiyati, kuchi, o‘z kasbiga mehri jamiyatni o'zgartirganiga guvoh bo‘lasiz. Sizga ham ilindim. Xohlasangiz Siz ham tavsiya qilib keting!


Benzakalonka malikasi Uzbek tilida 1962 O'zbek tarjima kino HD
https://youtube.com/watch?v=iAh91CCB3vY&si=-XgkifhI0V4_22Y8

Ayyom muborak, yaxshilar, bor bo‘ling!

Алла туркумидан

Болам, қулоқ сол, сенга
Рост аллалар айтаман.
Боболаринг бўйига
Хос аллалар айтаман.

Болам, бу қўшиқларни
Осмонлардан олмадим.
Ярми чин, ярми ёлғон
Достонлардан олмадим.

Бил, сенинг боболаринг
Покдомон бўлган, болам.
Қаҳрамон ахтармаган,
Қаҳрамон бўлган, болам.

О, мозийга қарасам,
Икки кўзим кўл бўлур.
Икки юзим лолазор,
Икки енгим ҳўл бўлур.

Широқ ёққан чироқни
Икки дунё ўчирма.
Ватанни сев, севгини
Ўзгалардан кўчирма.

Шоҳсанам Нишонова
2024

***

Икки момонг ҳаёт, икки бобонг ҳам,
Момоли, боболи тўкиссан, бойсан.
Буни қай тил билан қилайин ошкор?!
Яхшими бу бахтни оламга ёйсам?!
Дунёда отасиз, онасиз қанча!
Мен улар олдида отам, онам бор деб
қандай айтаман?!

Онанг бор— покиза, ҳалол, самимий,
Вафоли, тақволи, меҳрибон, доно...
Хуллас, яхши аёл ва лекин буни
Бировга айтишдан борми ҳеч маъно?
Ёрсизу йўлдошсиз есирлар қанча!
Мен улар олдида чин ёрим бор деб
қандай айтаман?!

Опанг туғилганда ғамим кетди-ю,
Қувондим—дунёни кўзга илмадим.
Бош— кўкка, томирим сувга етдию,
Бахтимни бировга ошкор қилмадим.
Дунёда тирноққа зор юрган қанча!
Уларнинг олдида қизим бор дея
қандай айтаман?!

Мана, сен дунёга келдинг, интизор
Кўнглим хоналари тўлди зиёга.
Қувончимни қандай айлайин ошкор
Одам иси ёқмай қолган дунёга?!
Тирноққа зор юрган одамлар қанча!
Уларнинг олдида ўғлим бор дея
қандай айтаман?!


Дунёда бир бахтсиз бўлса ҳам ҳатто,
Бахтлиман дейишга бўлмайди ҳаққим.

Мансур Жумаев.

Ps: Шоирнинг эълон қилишга улгурмаган шеърларидан

Ўзбекистон Ёзувчилар уюшмаси аъзоси, шоира, таржимон ШОХСАНАМ ОДИЛЖОН ҚИЗИ НИШОНОВА билан Ўзбекистон Ёзувчилар уюшмаси аъзоси, шоир, таржимон МАНСУР ЖУМАЕВ ижоди ҳақида суҳбатлашдик. Шунингдек, адабий жараёнлар таржимачилик ҳақида ҳам мулоҳазалар билдирилди.

@tafakkur_ijod

NIYAT

Onamni aldadim soppa-sog‘man deb,
Otamni aldadim: “Pulim bor doim”.
Og‘amni aldadim: “Borarman, nasib...”
Men seni nima deb alday, Xudoyim?!

G‘unchani gul dedim – kuldi, quvondi,
Bulbul deb aytganim chumchuqmi, bilmam,
Bunda baxt bor dedim, erkam ishondi...
Robbim, endi meni yolg‘onchi qilma!

Mansur Jumayev


NİYET

Anamı aldattım: “Sapasağlamim”,
Babamı aldattım: “Param hep vardır, ”.
Kardeşimi aldattım: “Geliyorum nasip ”
Seni ne diye kandırayım, Rabbim?!

Tomurcuğa “gül” dedim — açıldı, güldü
Bülbül dedığim — bir serçeyemi, bilmem.
“Burada mutluluk var” dedim — aşkım inandı...
Rabbim, artik beni yalancı yapma!

Mansur Cumayev

çeviren Şohsanam Nişonova

P/s: Mansur akaning she'rlarini turkchaga tarjima qilishni boshladim. Mas'uliyati, hayajoni cheksiz. Duo qilib tursangiz xursand bo'laman. "Aka"ning she'rlarini asliyatidan uzoqlashtirmay turk qardoshlarimizga yetkazish nasib qilsin menga!

Ассалому алайкум, азиз дўстлар! Мансур Жумаев хотирасига бағишлаб махсус стипендия жорий этиш ниятида жорий йилнинг май ойида хабар берган эдик. Ушбу стипендия Қашқадарё вилояти Ғузор туманида ўтказилиши режалаштирилмоқда. Унда Ғузор туманида таҳсил олаётган барча мактаб ўқувчилари қатнашишлари мумкин. Кейинги йилдан вилоят ва Республика бўйлаб ташкил этамиз Худо хоҳласа.

Стипендия 2 та ғолибнинг ҳар бирига 500(беш юз )минг сўмдан ўқув йили охирига қадар тўлаб берилади.

Унда Навоий бободан тортиб ҳозирда яшаб ижод қилаётган қашқадарёлик ёш шоирлар ижодидан ҳам саволлар берилади.


Тўлиқ низом билан Мансур Жумаевнинг ижодий ўзанида танишишингиз мумкин.

https://www.tg-me.com/Mansur_Jumayev

“Тазарру” туркум
Шоҳсанам Нишонова

1
Гарчи йўлим аён, тафаккурим бор,
Ўз ҳолимга қўйсанг, таназзулим бор.
То қиёмат қадар фарзона қилгин,
Ҳар ишда ўзингга таваккулим бор.

2

Сени топгунимча кун қора бўлди,
Пора дилим элга ошкора бўлди.
Ёлғизим, ишқингда ўртаган дардлар
Васлинг умидида чикора бўлди.

"Tazarru" turkum

1
Garchi yo‘lim ayon, tafakkurim bor,
O‘z holimga qo‘ysang, tanazzulim bor.
To qiyomat qadar farzona qilgin,
Har ishda o‘zingga tavakkulim bor.


2


Seni topgunimcha kun qora bo‘ldi,
Pora dilim elga oshkora bo‘ldi.
Yolg‘izim, ishqingda o‘rtagan dardlar
Vasling umidida chikora bo‘ldi.

✍Shohsanam Nishonova

Маҳфуза опамнинг қизи Зиннура инглиз тилида ўзининг она тилида гаплашгандек хотиржам гаплашади. 5 ёшли қизчани кўриб ҳозирги ёшлардан фахрланаман деб турсам ичимдаги овоз "Ҳей, сен қарамисан? Инглиз тилида тилинг жингалак бўлиб қолади, икки гапни қўшиб гапиргунча пешонанггача терга ботасан!", деган овоз келади.

Хуллас, шу қўшнимга ҳавас қилиб, қизимни у борадиган боғчага қўйдик. Ёмон демайман, ҳар ҳолда оз-моз ўрганди. Шу десангиз қизим ҳа деганда қўшнимиз қизидек бўлмайди-да))))

Катта бўлсам азза-базза болаларимни қўшнимнинг боласига солиштирмайман "Сен зўрсан", деб улғайтираман деган олам-олам орзуларим бор эди, замонавий она бўлмоқчи эдим)))🙈На чора, бошга тушганни кўз кўрар.

Ҳам устозим, ҳам қўшним Маҳфуза Артиковадан бир куни ҳазил аралаш "Қизингизга қандай витаминли овқатлар беряпсиз, инглиз тилидан мот қилиб ташлаяпти-ю", деб сўраб олдим😜

"Кидс academy" ⭐️⭐️⭐️га боради десалар бўладими!!! Шартта уйга бориб 4 ёшли қизимга "Ухлаб ётавермасдан, тур, "Кидс academy" га борасан, Сенга тенгги қизлар...."😡😡 деб маҳалладаги хотинлар қизларига айтадиган гаплардан тайёрлаб турмоқчи эдим. Маҳфуза опа курслар сентябрдан бошланишини айтиб қолдилар.

Келдик, муҳитига гап йўқ. Болалар дарсга кириб кетишди. Мен эса кирибоқ қўшнимнинг қизига "Ҳи, Зиннура, how are ю" дедим ҳамма биладиган сўзларни айтиб😝😝. У эса "Айм fine thank ю" деди. Мен серсавол қизнинг саволларига жавоб беролмай "маккилаб" қолмай деб секин ташқарига чиқаётсам💃💃💃 "Қаерга кетяпсиз, нима қилмоқчисиз" деса бўладими инглизчалаб😂😂😂Эй Худойим, ўғирлик устида қўлга тушгандек пешонамдан тер чиқаётганди. Ўзимни дадил тутиб "Оутсиде. Waiting ю" дедим 🙈 У эса ОК, китоб ўқиб туринг" деди яна инглизчалаб. "Ок, мс Zinnura, се ю" дедиму қочиб қолдим.😜😜

Энди қизим ҳам қўшнимнинг қизидек мени мот қилиб турса, ундан қандай қочаман дедим-у ўқув залига ўтдим. Қарийб 2 соатдан бери жой бўшамайди. Ўқув биноларида жой топилмайдиган замонларгаям келибмизей деб секин бурчакда Тўра Сулаймоннинг китобини ўқиб хабарни сизга ҳам илиниш фикри келиб қолди.😍 Майли, дуо қилиб қўярсизлар)))

Хуллас, дўстлар, фарзандингиз қўшнининг боласидек бўлишини хоҳласангиз "Ибрат академий"🗣🗣🗣га келинг!!!!!

Дарслар сизга қулай вақтда ҳар шанба куни Мустақиллик метродан чиққанингизда Ёшлар ижод саройининг 2-қаватида бўлиб ўтади. Инглиз "теачер"лари бирам мулойим, бирам ақлли ва гўзалки, бувимга ўхшаб "Бизнинг замонларда бундай шароитлар қаёқда эди, даладан бери келмай кетмон чопганмиз", деб хасрат қилмоқчи эдим, катта-катта аёллар ҳам тил ўрганишяпти, мени куйдириб.😜 Хуллас, турли баҳоналар "отмен" Зинғиллаб тил ӯрганмасам бӯлмас экан)))

Худога шукр, қизим ҳам инглизчада ранглар, ҳайвонлар ва рақамларни айтиб, яна ӯзи ҳақда гапириб берди. Ҳовурим сал босилди😂😂

Ўқирманлар, келинг, кўринг, болаларимиз ривожлансин. Агар келолмасангиз келадиганларга юбориб қўйинг постни!!!!

"KİDS ACADEMY " The best program.

Шоҳсанам Нишонова.