Маҳфуза опамнинг қизи Зиннура инглиз тилида ўзининг она тилида гаплашгандек хотиржам гаплашади. 5 ёшли қизчани кўриб ҳозирги ёшлардан фахрланаман деб турсам ичимдаги овоз "Ҳей, сен қарамисан? Инглиз тилида тилинг жингалак бўлиб қолади, икки гапни қўшиб гапиргунча пешонанггача терга ботасан!", деган овоз келади.

Хуллас, шу қўшнимга ҳавас қилиб, қизимни у борадиган боғчага қўйдик. Ёмон демайман, ҳар ҳолда оз-моз ўрганди. Шу десангиз қизим ҳа деганда қўшнимиз қизидек бўлмайди-да))))

Катта бўлсам азза-базза болаларимни қўшнимнинг боласига солиштирмайман "Сен зўрсан", деб улғайтираман деган олам-олам орзуларим бор эди, замонавий она бўлмоқчи эдим)))🙈На чора, бошга тушганни кўз кўрар.

Ҳам устозим, ҳам қўшним Маҳфуза Артиковадан бир куни ҳазил аралаш "Қизингизга қандай витаминли овқатлар беряпсиз, инглиз тилидан мот қилиб ташлаяпти-ю", деб сўраб олдим😜

"Кидс academy" ⭐️⭐️⭐️га боради десалар бўладими!!! Шартта уйга бориб 4 ёшли қизимга "Ухлаб ётавермасдан, тур, "Кидс academy" га борасан, Сенга тенгги қизлар...."😡😡 деб маҳалладаги хотинлар қизларига айтадиган гаплардан тайёрлаб турмоқчи эдим. Маҳфуза опа курслар сентябрдан бошланишини айтиб қолдилар.

Келдик, муҳитига гап йўқ. Болалар дарсга кириб кетишди. Мен эса кирибоқ қўшнимнинг қизига "Ҳи, Зиннура, how are ю" дедим ҳамма биладиган сўзларни айтиб😝😝. У эса "Айм fine thank ю" деди. Мен серсавол қизнинг саволларига жавоб беролмай "маккилаб" қолмай деб секин ташқарига чиқаётсам💃💃💃 "Қаерга кетяпсиз, нима қилмоқчисиз" деса бўладими инглизчалаб😂😂😂Эй Худойим, ўғирлик устида қўлга тушгандек пешонамдан тер чиқаётганди. Ўзимни дадил тутиб "Оутсиде. Waiting ю" дедим 🙈 У эса ОК, китоб ўқиб туринг" деди яна инглизчалаб. "Ок, мс Zinnura, се ю" дедиму қочиб қолдим.😜😜

Энди қизим ҳам қўшнимнинг қизидек мени мот қилиб турса, ундан қандай қочаман дедим-у ўқув залига ўтдим. Қарийб 2 соатдан бери жой бўшамайди. Ўқув биноларида жой топилмайдиган замонларгаям келибмизей деб секин бурчакда Тўра Сулаймоннинг китобини ўқиб хабарни сизга ҳам илиниш фикри келиб қолди.😍 Майли, дуо қилиб қўярсизлар)))

Хуллас, дўстлар, фарзандингиз қўшнининг боласидек бўлишини хоҳласангиз "Ибрат академий"🗣🗣🗣га келинг!!!!!

Дарслар сизга қулай вақтда ҳар шанба куни Мустақиллик метродан чиққанингизда Ёшлар ижод саройининг 2-қаватида бўлиб ўтади. Инглиз "теачер"лари бирам мулойим, бирам ақлли ва гўзалки, бувимга ўхшаб "Бизнинг замонларда бундай шароитлар қаёқда эди, даладан бери келмай кетмон чопганмиз", деб хасрат қилмоқчи эдим, катта-катта аёллар ҳам тил ўрганишяпти, мени куйдириб.😜 Хуллас, турли баҳоналар "отмен" Зинғиллаб тил ӯрганмасам бӯлмас экан)))

Худога шукр, қизим ҳам инглизчада ранглар, ҳайвонлар ва рақамларни айтиб, яна ӯзи ҳақда гапириб берди. Ҳовурим сал босилди😂😂

Ўқирманлар, келинг, кўринг, болаларимиз ривожлансин. Агар келолмасангиз келадиганларга юбориб қўйинг постни!!!!

"KİDS ACADEMY " The best program.

Шоҳсанам Нишонова.

3

Сени кўриб бўлмас дедилар, ахир
Қисмат шунча талхми, шунчалар тахир?
Гулда, қумда, сувда – ҳар ерда борсан,
Топа олғусидир ҳар кўнгли басир.

4

Ҳар яхшида Дорулхудони кўрдим,
Ҳар ёмонда ундан жудони кўрдим.
Кўзини кўрмадим ёримга боқиб,
Нигоҳида аввал Худони кўрдим.

5

Ҳушёрман хатарми, хавфми, огоҳ қил,
Магар паришонман, асра, паноҳ қил.
Унвоним йўқ қуллигимдан зиёда,
Ва лекин нафсимга ӯзимни шоҳ қил!

Шоҳсанам Нишонова

"Тазарру" туркумидан

3

Seni ko‘rib bo‘lmas dedilar, axir
Qismat shuncha talxmi, shunchalar taxir?
Gulda, qumda, suvda – har yerda borsan,
Topa olg‘usidir har ko‘ngli basir.

4

Har yaxshida Dorulxudoni ko‘rdim,
Har yomonda undan judoni ko‘rdim.
Ko‘zini ko‘rmadim yorimga boqib,
Nigohida avval Xudoni ko‘rdim.

5
Hushyorman xatarmi, xavfmi, ogoh qil,
Magar parishonman, asra, panoh qil.
Unvonim yo‘q qulligimdan ziyoda,
Va lekin nafsimga o‘zimni shoh qil!

Shohsanam Nishonova

"Tazarru" turkumidan

"Тазарру" туркумидан

6

Умримга сўз берсанг, шеър бўлар содир,
Сафарда собир қил, қаламда – собит.
Имонимни олма жонимдан олдин
Обид қил, обид қил, обид қил, обид!

7

Гул тиласам гулзор, қир сўрасам тоғ,
Етарми таърифин айтмоққа сўзим.
Кечир, товонимга тикан кирган чоғ,
Бошқа мўъжизани кўрмади кўзим.

Шоҳсанам Нишонова


"Tazarru" turkumidan

6

Umrimga so‘z bersang, she’r bo‘lar sodir,
Safarda sobir qil, qalamda – sobit.
Imonimni olma jonimdan oldin
Obid qil, obid qil, obid qil, obid!

7

Gul tilasam gulzor, qir so‘rasam tog‘,
Yetarmi ta’rifin aytmoqqa so‘zim.
Kechir, tovonimga tikan kirgan chog‘,
Boshqa mo‘jizani ko‘rmadi ko‘zim.

Shohsanam Nishonova

“Тазарру” туркум
Шоҳсанам Нишонова

8

Бошимда ҳижрону фироқ бор,
Қошимда яқину йироқ бор,
Умр бер, ҳузур бер, ўчирма,
Ортимда иккита чироқ бор.

9

Йўлидан қайтганлар йўлин топмади,
Ломакон юрганлар қӯним топмади.
Яшаса яшади сени топганлар,
Икки дунёда ҳам ӯлим топмади

“Tazarru” turkum
Shohsanam Nishonova

8

Boshimda hijronu firoq bor,
Qoshimda yaqin-u yiroq bor,
Umr ber, huzur ber, o‘chirma,
Ortimda ikkita chiroq bor.

9

Yo‘lidan qaytganlar yo‘lin topmadi,
Lomakon yurganlar qo‘nim topmadi.
Yashasa yashadi seni topganlar,
Ikki dunyoda ham o‘lim topmadi.

“Тазарру” туркум

Шоҳсанам Нишонова

10

Дунё – гузар, қадим ҳийлакор,
На харидор бўлдим, на тужжор.
Сўз берсанг-у васфингни ёзсам,
Бедор ўтса тунларим, бедор.

11

Кечалар ойлидир, кунлар сафоли,
Ҳар кимнинг ўзига аёндир ҳоли.
Тўрт фасл жо бўлган қалбим уйини
Кибрдан холи қил, кибрдан холи.

“Tazarru” turkum

Shohsanam Nishonova

10

Dunyo – guzar, qadim hiylakor,
Na xaridor bo‘ldim, na tujjor.
So‘z bersang-u vasfingni yozsam,
Bedor o‘tsa tunlarim, bedor.

11

Kechalar oylidir, kunlar safoli,
Har kimning o‘ziga ayondir holi.
To‘rt fasl jo bo‘lgan qalbim uyini
Kibrdan xoli qil, kibrdan xoli.

12
Бир кун шодон, бир куним нолон,
Ҳайрон ўтар йилларим, ҳайрон.
Кўнгил Каъба дерлар, қўрқаман,
Қанчасини айладим вайрон.

13

Умрим доғли бўлса, доғларин ювгин,
Аросат йўлларда зое кетказма.
Битта чумолига, битта қушга ҳам,
Менинг қўлим билан озор етказма!

"Тазарру" туркумидан
Ш.Н

12

Bir kun shodon, bir kunim nolon,
Hayron o‘tar yillarim, hayron.
Ko‘ngil Ka‘ba derlar, qo‘rqaman,
Qanchasini ayladim vayron.

13

Umrim do‘gli bo‘lsa, do‘g‘larin yuvgin,
Arosat yo‘llarda zoye ketkazma.
Bitta chumoliga, bitta qushga ham,
Mening qo‘lim bilan ozor yetkazma!


"Tazarru" turkumidan
Sh.N

16

Қўрққан бўлсам  қўрқдим бандаларингдан,
Чеккан бўлсам келди жонимга жабр.
Саҳардан шом қадар сенга югурдим
Одам севганидан қўрқарми ахир?

17

Сочимга гард келса гилдан, шубҳасиз,
Бошимга дард келса, тилдан шубҳасиз,
Айтмаган сўзимга тавбаларим бор
Айтганларимга ҳам бисёр, шубҳасиз.

"Тазарру"

Шоҳсанам Нишонова


16

Qo‘rqqan bo‘lsam qo‘rqdim bandalaringdan,
Chekkan bo‘lsam keldi jonimga jabr.
Sahardan shom qadar senga yugurdim
Odam sevganidan qo‘rqarmi axir?

17

Sochimga gard kelsa gildan, shubhasiz,
Boshimga dard kelsa, tildan shubhasiz,
Aytmagan so‘zimga tavbalarim bor
Aytganlarimga ham bisyor, shubhasiz.


"Tazarru"
Shohsanam Nishonova

18

Ўзинг бердинг қанча қувончу ғамни,
Дилни бир ўзингга ёриб бўлмасми.
Бунча фирқалар кўп, кафтдек умримда,
Қошингга кўнгилдан бориб бўлмасми?!

19

Саҳроларга қараб гулистон кўрдим,
Не тонгки ҳар тараф дилистон кўрдим,
Ишқингдан қатра нур тушмагунича
Кўрсам бу дунёни зимистон кўрдим.

"Тазарру"дан

Ш.Н


18

O‘zing berding qancha quvonchu g‘amni,
Dilni bir o‘zingga yorib bo‘lmasmi.
Buncha firqalar ko‘p, kaftdek umrımda,
Qoshinga ko‘ngildan borib bo‘lmasmi?!

19

Sahrolarga qarab guliston ko‘rdim,
Ne tongki har taraf diliston ko‘rdim,
Ishqingdan qatra nur tushmagunicha
Ko‘rsam bu dunyoni zimiston ko‘rdim.

"Tazarru"dan
Sh.N

Уюшмага китобим учун бориб яна бир анчадан бери ўқишни истаган китоб билан бойиб қайтдим. Келиним Шоҳсанам совға қилди. Бошингиз соғ бўлсин, қизим!

Elning katta SHOIRI Xurshid Davron bizga kitoblardan sovg'a qildilar. Ular kelganda uyushmaga fayz kirib kitoblar talash bo‘ldi.

P/s: Men va bolalarim xususida qanday duoi tilaklar yozganlarini ommaga ko'rsatgim kelmadi.

“Тазарру” туркум
Шоҳсанам Нишонова

20

Худодан қочмадим, Худога қочдим,
Шарт эмас бу ҳолга муллаю, қози.
Ҳар битта томирим Пули сиротдир,
Икки кўзим асли Мезон тарози.

21

Ўқидим шоҳларнинг тарихин қадим,
Қитъаю юртларни олдилар осон.
Менга шоҳлар каби хотима берма,
Кибр ё нафсга қилдирма яксон.

“Tazarru” turkum
Shohsanam Nishonova

20

Xudodan qochmadim, Xudoga qochdim,
Shart emas bu holga mullayu, qozi.
Har bitta tomirim Puli sirotdir,
Ikki ko‘zim asli Mezon tarozi.

21

O‘qidim shohlarning tarixin qadim,
Qit’ayu yurtlarni oldilar oson.
Menga ular kabi xotima berma,
Kibr yo nafsga qildirma yakson.

22

Жаннат аён чаман, гулларда дедим,
Дўзах пинҳон гаҳи тилларда дедим.
Сенинг даргоҳингни излаганларга,
Худонинг даргоҳи дилларда дедим.

23

Биламан, теграмда ҳаммаси бекор,
Неки сир англадим, садпора кўнглим.
Худойим-ай, мени уйғотиб юбор,
Ҳануз дунё билан овора кўнглим.

"Тазарру"
Ш.Н


22

Jannat ayon chaman, gullarda dedim,
Do‘zax pinhon gahi tillarda dedim.
Sening manzilingni izlaganlarga,
Xudoning dargohi dillarda dedim.

23

Bilaman, tegramda hammasi bekor,
Neki sir angladim, sadpora ko‘nglim.
Xudoyim-ay, meni uyg‘otib yubor,
Hanuz dunyo bilan ovora ko‘nglim.

“Tazarru”
Sh. Nishonova

Kartina muallifi: Muhammad Shafiq

“Tazarru” turkum
Shohsanam Nishonova

24

So‘ylagulik emas ko‘rganlarimni,
Bilasan bariga ko‘nganlarimni.
Mayli, bermasang ham so‘raganim lek,
Olmasang bas o‘zing berganlaringni.

25

Ekinga suv kelsa – amal bo‘lgusi,
Tunu kun teng kelsa – hamal bo‘lgusi.
Yaldo kechasini kechgan chog'larim,
Yorug‘ kunlarimga tamal bo‘lgusi

“Тазарру” туркум
Шоҳсанам Нишонова

24

Сўйлагулик эмас кўрганларимни,
Биласан барига кўнганларимни.
Майли, бермасанг ҳам сўраганим лек,
Олмасанг бас ўзинг берганларингни.

25

Экинга сув келса – амал бўлгуси,
Туну кун тенг келса – ҳамал бўлгуси.
Ялдо кечасини кечган чоғларим,
Ёруғ кунларимга тамал бўлгуси.

Айтишларича, энг камтар инсон ҳам дўсти, ҳамкасби карьерада, билим-тафаккурда ўтиб кетса ҳасад қилиши бор гап экан. Фақат фарзанди ўзидан ўтсагина хурсанд бўларкан.

Шунинг учун дўстлар, фарзандингиз тафаккурда сиздан ўзишини хоҳласангиз "Kids academy"га олиб келинг!

Курс Республикамизнинг барча вилоятларида мавжуд. Мурожаат учун қуйидаги ҳаволага ўтинг:

https://docs.google.com/forms/d/e/1FAIpQLSf0WnSPM_7rZQTAxz75Ebyd4JSNVZ9uvZMKteEsi9lMsP1Ing/viewform?usp=header

“Тазарру” туркум
Шоҳсанам Нишонова


26

Тасаддуқ ишқингни тожисар қилсанг,
Куйган сарим дардни мухтасар қилсанг.
Жаннат ҳам, дўзах ҳам сўраб юрмадим,
Етарки ҳолимга бир назар қилсанг.

27

Юзимизни ол эт, сомон эттирма,
Сенга не хуш—жонга малол эттирма.
Илло еганимиз ҳалол луқмадир,
Васлингдан ўзгасин хаёл эттирма!

“Tazarru” turkum
Shohsanam Nishonova

26

Tasadduq ishqingni tojisаr qilsang,
Kuygan sarim dardni muxtasar qilsang.
Jannat ham, do‘zax ham so‘rab yurmаdim,
Yetarki holimga bir nazar qilsang.


27

Yuzimizni ol et, somon ettirma,
Senga ne xush — jonga malol ettirma.
Illo yeganimiz halol luqmadir,
Vaslingdan o‘zgasin xayol ettirma!

28
Қисмат ғаюр келса ғамнок бўламиз,
Қачон бу ўйлардан озод бўламиз?!
Вайрона дунёда билдим, ўзингга
Ошиқ бўлган кундан обод бўламиз.

29

Даҳр уммонида хирмонимиз сўз
Бизларни ёмон сўз дегувчи қилма.
Мазлумга зулмдан қайтаргин яна
Етимлар ҳаққини егувчи қилма!


28

Qismat g‘ayur kelsa g‘amnok bo‘lamiz,
Qachon bu o‘ylardan ozod bo‘lamiz?!
Vayrona dunyoda bildim, o‘zingga
Oshiq bo‘lgan kundan obod bo‘lamiz.

29

Dahr ummonida xirmonimiz so‘z
Bizlarni yomon so‘z deguvchi qilma.
Mazlumga zulmdan qaytargin yana
Yetimlar haqqini yeguvchi qilma!

Shohsanam Nishonova

“Тазарру” туркум
Шоҳсанам Нишонова

30
Синовга тушдик ишқ тегирмонида
Синовчининг кўнгли чок бўлмайдими?
Ошиқни синовлар поклар дедилар
Ошиқлар азалдан пок бўлмайдими?


"Tazarru"turkum
Shohsanam Nishonova

30
Sinovga tushdik ishq tegirmonida
Sinovchining ko‘ngli chok bo‘lmaydimi?
Oshiqni sinovlar poklar dedilar
Oshiqlar azaldan pok bo‘lmaydimi?

Assalomu alaykum! 30 yoshimga ishora qilib "Tazarru"( tavba) turkumini yozdim. Sizga ma'qulmi? Fikrlaringiz men uchun muhim.