مثل الطير اطباعك
تعوف المشتريك وترد للباعك

حسين محمد

صار سنين ادك علباب
اليّ يومين ما مريت .. اجاني الباب !

الما بيهم محّنه وما يمَرون
ناخذ بابنه و ندك اديهم🤎

بعد شيفيد اعتذارك
ينقبل ما ينقبل
بالسمة الغربان باعتنه وشرتنه
وقسمتنه نصير جم وجبة اكل

الهوى يلتم عليه منين ما ذكروك
و أدك رجلي و اظل بعازة الخنگة

و اغص بريحتك ما كمت اغص بالزاد
المفارك النسمة العابرة تغرگة!

- الشهيد علي رشم💔

اكو حضنة مّـلاگة و حضنة وداع
ياهي تريد منهن من الآكـيك

ملچــوم صرخ ياهو اليصدگ بيك
لو تنتحر لوماتبـين ملچــوم

ما ننكر فضل ما ننسى خذلان
وشم بكلوبنا تبقى المواقف

و حَگ الـما وصـل واحــد مكانـة تدري شكـد الك عنـدي مكانـة؟
شلــت الگلب خليتك انتَ بمكــانة و النبـض البيـك صار النبـض بيـة🥹✨.

اكثر سالفة تأذي الوصل ملهوف
من يتمنه ما واصل ..

ريام القيسي

الماي شال تراب لو مر عالتراب
ولو جره بين الصخر يحله ويطيب
واحنا ..إحنا مثل الماي صفانه العذاب
لو شرب من ماينه معلعل يطيب

- صاحب الضويري

يجي الليل ويجن كُلهن
ضحكتك صورتك وانتَ ..

خَل نتبادل انا وياك
الادوار!
واغيب وانتَضل اسئل عليه!
وافرض تگدر تنام
فنك تفز
ما حلمان بيه!

علي رشم

يمر اسمك وأحس حرورتك بالراس
وأذب روحي بنهر يومين ما أبرد

جواد الحمراني

هالگد ما احبك خلص حتى الشوگ
ماحبك گمت من كثر ما احبك

جبار رشيد

عكب ذاك الامان وياك ارد لوحدي مو سهله يتيم وفززو من حلم بي اهله


مهند العزاوي

لا سرك مثل يوسف وأشمره ببير ولا أگدر أضُم اليحترك بية

لـ مهند العزاوي

انه لو عايفَك
ما چان أفز بالليل
وأحضن صورتَك وثنينة نجمّر
انه بأصعَب ظَرف مَريت
وانتَ تگلي متغير.

مو صوچ الوكَـت چان الخَلـل بيـهه عفَـت عقـليي و مَشيـت بشَـور رجلـيه اصدلـكك من افَـوت اكَـبر احلامَـكك چان وكـت كايــم سَـلام ترده منـيه👋🏾💔.