٥ قصة لم تكن خائنة

عمر:واليوم راح انهي الموضوع
ظافر:يعني عرفتو
عمر:اي جبت ملفو رائد بالجيش الصفقة كبيرة بيع مخدرات
ظافر:مانك خايف
عمر:عند الحق ما بخاف
ظافر:بس بتخاف يكون الي داعمهن شريك معهن
عمر:مو مهم الملف انفتح والتحقيق راح يبلش وراح جيب الكل مكلبش
ظافر:خبرت سيادة العقيد
عمر:اي وناطرني بمكتبو
ظافر:لكن وصلني للمركز وروح الله يوفقك
عمر:...
رجع ظافر على المركز كان معو ملف التهريب والسيدي ومتوجه لمكتب العقيد اعطاهن هويتو الامنية وسمحلو بالدخول وقت شافو العقيد انبسط فيه ضربلو تحية عمر وقف وسلم عليه
العقيد:تشرفت بزيارتك
عمر:الي الشرف سيادة العقيد
العقيد:تفضل تفضل
قعدو على كنبايات مريحة بمكان شرح
العقيد:تفضل قلت عندك موضوع ما بيتأجل
عمر:اي بخصوص ابي الله يرحمو
العقيد:الله يرحمو عامر كان بصمة شرف بتاريخ مهنتنا
عمر:انا اتطوعت بالشرطة لاعرف مين قتلو
العقيد:وشو صار معك
عمر:فتحت ملفات قديمة وراح فرجيك عليها
رغم توترو بس كان متشجع اعطاه الملفات وبعدها فتحلو السيدي الصفقة كاملة والجريمة
العقيد:معقول...جميل والرائد ومهيوب بس مين هالرجال
عمر:هاد خالي انا خالي جودت
العقيد:يعني كرمال ممنوعات اكيد طلبو يشاركوه وهو رفض بيفكرو كل الناس متلهن وسخين
عمر:سيدي بدي منك تكتبلي ورقة تبليغ لالقاء القبض عليهن والتحقيق معهن
العقيد:اعتبرها صارت بجيبتك
عمر: ..
انبسط كتير عمر
كتبلو الورقة ووقعها وختمها وسلمو اياها
العقيد:بالتوفيق بدي شوفهن عم يتحاكمو
عمر:باذن الله احترامي سيادة العقيد
العقيد:الله معك
رجع للمركز مبسوط وبوشو لعند ظافر
ظافر:طمني
عمر:الورقة معي
ظافر:اووف واخيرا
عمر:بس باقي اشحطهن لهون
ظافر:ههه جميل قريب ليكو
ابتسم بانتصار اخد معو كلبشات وتوجه ل غرفتو فتح عليه بدون لا احم ولا دستور ارتعب جميل ولونو انخطف
جميل:شوفي يا عمر
عمر:جاي بمهمة رسمية القاء القبض عليك بتهمة موثقة
جميل:...
اشر لعناصرو ودغري حاوطوه وكلبشوه
جميل:انت شو عم تعمل..راح تندم
عمر:اشحطوه على غرفة التحقيق لحتى كمل
راح لعند ظافر بسرعة
عمر:خود هي الورقة وبتروح بجيبلي الرائد لهون مشحوط شحط لروح جيب خالي انا
ظافر:حاضر سيدي
لتنين توجهو لمهمتهن وصل عمر لفيلا خالو ومعو سيارات شرطة كتير عناصر ما بتنعد دق الباب بقوة وفتحتلو الخدامة
عمر:معنا امر بتفتيش البيت
اشرلهن وفاتو كانت نسرين وامها وجاد بالصالة قاعدين واتفاجئو بوجود عمر ومعو هالكمية من العناصر
نسرين:عمر ..شو الموضوع
شلح النظارات واطلع فيها
عمر:هلا بتعرفي
كان صوت ابوها طالع من فوق
جودت:انتو شو عم تعملو...راح تتحاسبو على عملتكن هي
وقت شاف عمر اتجمد وتغير لونو
عمر:خالي...تمنيت جيبك بطريقة محترمة تليق بمقامك انشالله تكون عجبتك
جودت:شوفي ياعمر..عم تمزح معي صح
عمر:للاسف...تمنيت امزح معك بطريقة منيحة بس انت اضطريتني
جودت:بدي افهم الموضوع
عمر:هلا بفرع التحقيق راح فهمك منيح اشحطوه.
نسرين:عمر ...عمر شو عم تحكي
مسكتو من كتافو
دفشها شوي
عمر:بس تحضري محكمتو بتعرفي
تركها مصدومة وتوجه للفرع كان بقمة السعادة تحقيق وعصبيه وضرب كفوف طبعا لجميل والرائد اعترافات مع ندم وخوف وشغلات خطيرة حكو كلشي واكتشف تهريبات وعمليات اغتيال كبيرة وبعدها بلش بخالو صاحب الحصة الاكبر قعد قبالو عمر بغرفة شبه عتمة وبلش تحقيق
عمر:اي خالي...ولا قلك جودت شو الداعي لقتل صهرك حامي عرضك
جودت:عمر في غلط بالموضوع
عمر:لا لا الجريمة موثقة بس بدي اعرف مين لشريك الرابع وليش غدركن واعترف
جودت:مهيوب...
عمر:شاطر برافو هي بتعرفو منيح
جودت:...
عمر:احكي عم اسمعك
جودت:..
عمر:احكي خالي هيك هيك راح يتنفذ الحكم بحقك
جودت:الله يلعن الشيطان الله يلعنو
عمر:مية مرة
جودت:جميل كان حاقد عليه وكرمال انا مشي صفقة مخدرات طاوعتو بالاول حاولت اقنع ابوك بانو يمشي طلبات جميل بس هو رفض وبحزم وبيومها خفت خفت منو ابوك ما بينلعب معو حسيتو استحقرني مشان صفقة المخدرات واستغلينا طلعتو بمهمة سرقة وو..وقتلناه بس سدءني اندمت بلحظتها...انا انا
عمر:..
كان قلبو عم يغلي حقد عليه تزكر كيف مات ابوه وهلا عرف كرمال شو
عمر:انت حقيرو واطي وربي ما راح ارحمك الا لشوف حبل المشنقة معلق هون برقبتك
جودت:عمر..عمر لاتنسى انا اخو امك وانت صهري
عمر:كنت صهرك واخو امي..هي لو تعرف بس مستحيل تسامحك اشحطوه للنظارة وسجل كل اقوالو
طلع من غرفة التحقيق كان عم يسمع رجاء خالو الو بس بعيونو مو شايف الا دموع امو ودم ابوه وقت جابوه محمل تنفس براحة وتوجه ل غرفتو يرتاح شلح الجاكيت واسترخى على الكرسي بدخلة ظافر كان واضح عليه الفرحة

ظافر:اسمحلي هنيك واضربلك تحية
عمر:ههه والله انا الي بدي اضربك كف هلا
ظافر:ههه والله خفت يكون كزب وخفت من جميل
عمر: وهلا
ظافر:هلا...هلا عنجد كبرت بعيني انت انبسطتلك كتير
عمر:...
ظافر:مانك مبسوط
عمر:لا ابدا...انبسط بقضية موت ابي
ظافر:الحق معك بس بقصد لانك مسكتهن
عمر:انا ما تخيلت يكونو هني ومهيوب طول الوقت يحكيلي حواليك...
ظافر:وسافر
عمر:اي سافر بس في مذكرة بلاغ بحقو اول ما يوصل للبلد راح ينمسك
ظافر:ولا يمكن يرجع بس ليش لمحلك عنهن
عمر:اكيد كرمال صفقة وسخة رفضوها
ظافر:عمر..بدي اسالك ليش بوقتها اجيت ومتاكد اني بعرف
عمر:حسيتك متغير وبدك تخبرني شي وخايف منو قلت ظافر عندو الحقيقة
ظافر:..يلا الحمد الله على كل حال وايمتى محاكمتهن
عمر:الاسبوع الجاي
ظافر:ونسرين
عمر:نسرين ...انتهت بحياتي من زمان مستحيل اقبل عيش مع وحدة ابوها قتل ابي
ظافر:بس هي
عمر:رغم انك بتعرفني
ظافر:بعرفك اي لهيك ما راح ناقشكك
بقلبو:يلا باقي بس ريما تخبر عن الي اعتدو عليها وبدكهن بالسجن واولهن جاد الوسخ
وقت رجع للبيت خبر امو بكلشي صار كانو دموعها يكرجو غصب عنها وهو حدها حاضنها وعم يواسيها
رجاء:جودت...جودت يقتل جوزي ابو ابني
عمر:للاسف اي
رجاء:هاد اخي سندي هاد
عمر:راح يتعاقب امي
رجاء:الله لا يحرمني منك ياروحي ويخليلي ياك سند وافتخر فيك
بعدت عنو واطلعت فيه
رجاء:عمر ونسرين هي ما دخلها
عمر:بس مستحيل اتجوزها راح اتركها لانو ولا يمكن اقبل اطلع فيها لسى ومستحيل اقبل يكون جودت جد اولادي
رجاء:اعمل الي بريحك بس بطريقة ما تجرحها اي
عمر:لا تخافي عليي
راح لغرفتو يرتاح كان بالو مرتاح كتير لاول مرة بتاريخ حياتو غفي من تعبو وقلة نومو وبقي يومين نايم وما الو نفس يصحى صحتو امو غصب عنو
رجاء:يلا بدنا نفطر
عمر:شو اليوم
رجاء اربعا
عمر:شو
تجلس بسرعة
عمر:امي ليش ما صحيتيني
رجاء:اخ منك بس
عمر:..
افطر معها وتوجه للمركز غياب نسرين عنو قلة اتصالها اكدلو انها متعاطفة مع ابوها وما الها عين تشوفو لهيك كان مرتاح من هالناحية
.......
اصحيت متاخرة لانو سهرت على فيلم ببالي عمر كل الوقت متاكدة مستحيل شوفو عندو شغلو اهم من كل شي رحت للمطبخ ركبت القهوة وغسلت وشي بدلت تيابي البست قميص طويل خمري وجينز غامق والبست الاشار على راسي بحسو قطعة مني وبالزور لاشلحو وانا نايمة اخدت فنجان القهوة وشفيت منو وقعدت بالصالة اتفرج على برنامج صباحي وقت اسمعت صوت إطلاق نار دلقت القهوة وارتعبت بلشت اتلفت حواليي خايفة وبسرعة رحت لافتح باب البيت وقت شفت عمر مرتمي حد سيارتو اتخدرت من خوفي ركضت تلقائيا عليه كان مغمض عيونو ولرصاصة ببطنو بشلت صحيه
ريما:عمر ...عمر رد عليي
فتح عيونو بصعوبة
ريما:مين عمل مع هيك انت منيح
عمر:ااه..اه
ريما:عمر بترجاك كون منيح بترجاك ياربي شواعمل شو اعمل
ما شفتو من دموعي الغزيرة ماني قدرانة اعمل اي شي حسيت على ايدو وقت لمس خدي ومسحلي دموعي
عمر:لا تبكي...كوني قوية على طول
ريما:مين عمل فيك هيك
عمر:اعدائي كتار...انتي ديري بالك على حالك
ريما:لا تحكي هيك لا تحكي هيك راح تكون منيح
سحبت موبايلو من جيبتو كان عم يرن ورديت بسرعة
ريما:الو..الو عمر تصاوب
ظافر:شوعم تحكي وين هو
ريما:هون ببيتو لجديد بترجاك لا تطول اطلب الاسعاف بسرعة
عمر:لا تخافي عليي
اطلعت بعيونو كنت راح موت رعبة وقلبي من جوى عم يتقطع وقت شفت الدم هيك غزير دخلت اركض وجبت منشفة وضغطت مكان الجرح اتاملت وشو وكيف تعبان وعم يصب عرق مسحتلو جبينو ارتسمت بسمة على شفافو
عمر:خايفة عليي
ريما:كتير
عمر:كيف بتشوفيني ريما...بنفسي اعرف
ريما:مو وقت هالحكي والله
عمر:وازا متت كيف راح اعرف
ريما:لا لا ما راح تموت راح تكون منيح عمر:بتحبيني
ما بعرف بهيك لحظات حسيت بكلشي
ريما:اي بحبك...بترجاك تكون منيح
عمر:وانا ..وانا ريما
قبل يكمل كان واصل ظافر والاسعاف بعدوني عنو وبسرعة حطوه ع الحمالة ودخلوه سيارة الاسعاف وانا اطلعت معهن بقيت طول الطريق عم ادعي لربي يكون منيح شفتو مغمض عيونو
ريما:عمر انت منيح
الممرضة:فقد دم كتير نزل ضغطو
ريما:مشان الله اعملوا اي شي لا تخلوه يموت
الممرضة:نحن راح نعمل الي علينا
كان نفسو يريحني بس صوت الاسعاف يخوفني وقت وصلنا للمشفى بأقسى سرعة دخلوه لغرفة العمليات ضليت واقفة برا وعم ابكي وصل ظافر وكان كتير متوتر
ظافر:شو الي صار مين قوصو
ريما:مابعرف مابعرف اسمعت صوت رصاص واطلعت وشفتو مرتمي هيك
مابعرف كيف مضى الوقت كانو كل شوي يفوتو دكاترة وبعدها نقلوه لغرفة خاصة وحدو سيروم اجى الدكتور لعند ظافر
ظافر:شو طمني
الدكتور:الحمد الله وضعو مستقر وطالعنالو لرصاصة

ظافر:وهلا كيف راح يكون
الدكتور:راح يضل تحت المراقبة اربع وعشرين ساعة لحتى نطمن اكتر ما على قلبو شر
كان كتير خايف عليه رفيقو ومعصب وانا شعوري لا يوصف كلشي بحياتي مريت فيه بكفة والي صار مع عمر اليوم بكفة تانية وحسيت بسخافة الايام وهلا مافي شي بيستاهل دموعي الا عمر
بقلبي:يارب اكتبلو عمر جديد يارب يقوم بالسلامة
مابعرف كيف دريت امو لاحظت وجود شرطة وعناصر كتير وامو كانت عم تبكي ودغري ظافر قرب منها ليواسيها
رجاء:ابني وينو
ظافر:منيح صار احسن لا تخافي عليه
رجاء:كيف ما خاف هي رصاصة الي فاتت بجمسو ابني ما بيستاهل
ظافر:راح يتحاسب الي عمل هيك معو
رجاء:بدي شوفو وينو
ظافر:هلا بتشوفيه طولي بالك خالة
مسحت دموعها واطلعت فيني
رجاء:انتي شو عم تعملي هون
ظافر:ريما الي خبرتنا لولاها كان تصفى دمو
رجاء:بعيد الشر عنو
قعدت حدي تزكرت كيف كانت تسهر على راحتي وانا حامل اهتمامها اهتمام عمر فيني حطيت ايدي على كتفها وقربت منها
ريما:راح يكون منيح لا تخافي
رجاء:الله يسمع منك يا بنتي
ريما:عمرحدا منيح مستحيل ينأذى
رجاء:الله لا يوفقهن ولاد الحرام
ريما:آمين

.....
فتح عيونو حس حالو بحلم كان بدو يتجلس بس توجع والسيروم معلق بأيدو كان ظافر قبالو مستند ومغمض عيونو
عمر:ظافر..
دغري فتح عيونو وقرب من عمر
ظافر:عمر مين عمل معك هيك
عمر:اخ...مابعرف بس مين غيرهن الي مسكتهن باخر مهمة
ظافر:بتقصد جميل وجودت
عمر:اكيد مين غيرهن
ظافر:بس مافي دليل
عمر:وين لرصاصة
ظافر:اكيد لساها مع الدكاترة
عمر:جيبها
ظافر:طيب ماشي
راح وجابها مسكها بايدو وتاملها منيح
ظافر:شو بين معك
عمر:ابعت دورية وخليهن يفتشو بيوتهن
ظافر:بامرك انت شاكك بحدا
عمر:اي وخايف يكون صح شكي
ظافر:مين احكيلي
بقي ساكت
بقلبو:معقول جاد بدو ينتقم لابوه ولا نسرين بعتتو بس مافي غيرهن حسو اني اذيتهن
ظافر:طيب لا تحكي راح نفتش لبيوت
بعد ما طلع ظافر دخلت امو عليه ودغري قربت منو قعدت حدو وباست ايدو
عمر:شو عم تعملي امي يا الله منك
رجاء:الله يحميلي اياك انا كل هالشغلة ما بحبها ما بدي يصير فيك متل ما صار بأبوك
عمر:لا امي مابيصير انتي كوني منيحة وبس
رجاء:صحيح ريما برى
وقت اتزكرها انبسط وارتاح تزكر قبل يفقد الوعي كيف كانت قريبة منو وحنونة عليه تزكر انو كان بدو يحكيلها انا كمان بحبك وابتسم
رجاء:شو عمر شو القصة شوفي بينك وبينها
عمر:لا ولاشي
رجاء:كانت ببيتك
عمر:اي مقطوعة من شجرة
رجاء:حسيت انك الحقتها هداك اليوم عمر..ليكون حاببها
عمر:مو وقت هالكلام
ابتسمتلو ومسحت على شعرو
رجاء:كنت ملاحظة من وقت فاتت حياتنا وتغيرت انت بس لا تنسى شو انحكى عليها
عمر:خلص امي
رجاء:راح طمنها عنك بيكون بالها مشغول
بعد ما طلعت امو ابتسم وانبسط كتير بس ما فاتت لتشوفو ورغم هيك مشتاقلها رجع ظافر لعندو وتنهد ب تعب
عمر:شو صار معك
ظافر:في هاد المسدس كان ببيت خالك هو اقرب شي لعيار لرصاصة الي انضربت
عمر:حسيت
ظافر:منعت اي حدا يطلع من البيت قلت انت بتعطيني الاوامر
عمر:خير ما عملت وخلي حدا يحقق مع جاد
ظافر:حاضر ..صحيح عمر ...يعني ريما كانت ببيتك
عمر:اي ليش بتسال
ظافر:شو عم تعمل ببيتك
عمر:بخبرك بعدين فيك تندهلا بدي شوفها
ظافر:اممم اي حاضر ليش لا
.......

٦ قصة لم تكن خائنة
كنت خجلانة منو دخلت معي الخالة وقت شفتو ارتحت كان متحسن كتير من بعيد سلمت عليه
ريما:الحمد الله ع سلامتك
عمر:الله يسلمك
ريما:ما على قلبك شر
عمر:تسلمي
ريما:كيف صرت
عمر:احسن بكتير
ريما:وعرفت مين الي قوص.
عمر:بينعرف وين بدو يروح مني
ريما:بس لازم تاني مرة دير بالك
عمر:يلا صارت وصارت
رفعت حواجبي مستغربة
ريما:بس هي رصاصة مو اي شي عادي
عمر:متعود والي الو عمر ما بتهينو شدة
دخل رفيقو مبتسم
ظافر:حكم والله
عمر:ههه
حسيتو توجع من هالضحكة
ظافر:خلصني شد همتك بيكفي الك يومين نايم واليوم متصاوب
عمر:اشتغل عني
ظافر:لا مافيني وجودك انت غير
عمر:كيف
ظافر:يعني العقيد مبسوط منك وسأل عنك كمان
عمر:تسأل عنو العافية...شو صار معك
ظافر:كلشي تمام وازا بدك منسجلك اقوالو
عمر:بيكون احسن
تركتهن يحكو وقعدت بقاعة الانتظار حابة احكي معو ع انفراد حابة نكون لحالنا بدون اي شخص تاني تزكرت هلا ملامحو ابتسامتو رغم الوجع مزحو مع صاحبو وزميلو هو حدا متواضع كتير اجت لعندي الخالة وقعدت حدي
رجاء:ريما صارحيني...
ريما:بشو
رجاء:الي حكيتو نسرين هداك لنهار صحيح
ريما:اي صحيح
رجاء:ليش ماخبرتيني قصتك
ربما:لانو انا بكرها فكيف بدي احكيها
رجاء:بس لو خبرتيني كنت ما اتفاجئت وما صار الي صار كلنا منمر بظروف اقوى مننا
ريما:بعرف كنت مفكرة انو اندفنت قصتي الغريبة وبلشت حياة جديدة
رجاء:بدي ترجعي معي عالبيت
ريما:..
رجاء:استفقدتلك من اول ما اطلعتي تمنيت لو انقطع لساني ولا حكيت معك بقسوة
ريما:لا تحكي هيك يا خالتي
رجاء:راجعة معي
ريما:مابعرف
رجاء:طيب فكري ورديلي خبر
ريما:انشالله
رجاء:انا بدي روح للبيت ضروري بدي تديري بالك على عمر لارجع
ريما:حاضر ولا يهمك انا هون
حسيت بامان من كلامها وانبسطت طلع ظافر من عند عمر وراح مع الخالة وانا لسى بمكاني وعم استنى عمر يصحصح ويطلع من المشفى لاعرف شو مصيري بعد ما الخالة بدها ترجعني لعندها واكيد انا راح اتركلو البيت الزلمة بدويتجوز فيه انفتح باب غرفتو وقت شفتو قلبي اعلن النصر دقاتو كانت قوية واخجلت منو
عمر:انتي هون..تعالي عاوزك بموضوع
ريما:..
دخلت عليه بخجل
ريما:ليش تحركت من السرير هلا بتتعب
عمر:عادي ما بهم فوتي
سبقني للسرير وساعدتو لحتى تمدد من جديد فكرة انو بدون بلوزة خلتني ما اطلع فيه ابدا رفع لحرام على حالو واطلع فيني
عمر:عن شو كنا نحكي قبل افقد الوعي
ريما:اه...مابعرف نسيت
عمر:بس انا ما بنسى
ريما:..
عمر:قلتيلي انك بتحبيني
ريما:لا ابدا
عمر:ههه شو عم تسلبيها عليي
ريما:لا مو هيك بس بس يمكن خفت عليك وحكيت هيك بعدين انت نسيت انك خاطب
عمر:كنت
شو فرحت بالكلمة هي وقلبي فرفح
ريما:كيف يعني
عمر:فسخت الخطبة
فرجاني ايدو بدون محبس
ريما:له ليش نسرين حلوة ومافي منا
عمر:اي صح بس لاطلع من هون بحكيلك كل لحكاية
ريما:بدي ابقى عندكن
عمر:وين بدك تروحي لكن
ريما:...
عمر:ما بجبرك على الاقامة عندي راح خيرك اكيد
قطع حديثنا ظافر وقت شافنا منسجمين هيك ابتسم بخبث
ظافر:احم احم...الظاهر ازعجتكن
عمر:شوفي عندك
ظافر:اعترف
عمر:عنجد بهالسهولة
ظافر:اي حكى انا قوصتو وماني خايف لا منك ولا منو ولسى ما شاف شي مني
ريما:عرفت مين قوصو
ظافر:اي جاد ابن خالو تخيلي
عضيت على شفافي وانصدمت
ريما:ليش...يعني شو عاملين متخانقين
عمر ابتسم:لا ثار قديم
ريما:يعني بدو ينسجن
ظافر:اي حولوه للنظارة
عمر:جنت على نفسها براقش
اندق الباب وفاتت نسرين كانت زعلانة ودموعها على عرض خدودها وانفها احمر
نسرين:ليش هيك عم تعمل فينا انت...بالاول ابي وهلا اخي ليش
عمر:مين سمحلك تفوتي
نسرين:بعد كلشي بيناتنا هيك بيصير ...بتهون عليك العشرة
عمر:ظافر قلعها مابدي احكي
ظافر:اطلعي لبرى ما بيسوالو الانفعال
نسرين:خليه ينفعل بس لازم اعرف ليش عمر ليش
عمر:كيف ليش عشرة شو عن شوبتحكي ابوكي قتل ابي بدم بارد وهلا اخوكي اجى يقلتني عن اي عشرة عم تحكي كلاب الشوارع فيها وفى اكتر منكن
انفعل بطريقة جنونية اول مرة بشوفو هيك
عمر:اطلعي لبرى واوعى لسى تفرجيني وشك
نسرين:بسيطة فيك
رمتني بنظرات بتخوف وطلعت تبكي برى كان عم ياخد نفس وتعبان
ظافر:طول بالك ما بيسوالك الانفعال
حط ايدو على بطنو كان عم ينزف ودغري ندهو للدكتور وطالعونا لبرى اعصابي عم ترجف وخفت لوقت الي طمنونا عنو حطولو مهدء ونام اجت الخالة رجاء بس ما حكيتلها شو صار سهرت انا وياها بس ساكتين وكل وحدة بالها بشي مكان لحد ما اجى ظافر وخلانا نرجع عالبيت غصب عننا كنت خجلانة منها وهي خجلانة مني هيك حسيت ووقت اوصلت البيت معها انبسطت ارتاحت نفسيتي بالاخص انو ريحة عمر فيه رجعت لتختي ومكاني حطيت راسي بس ما نمت تزكرت منظر عمر والدم خوفي عليه وكيف صحي وكيف انفعل في كتير شغلات عم اتزكرها وقول وين كنت ووين صرت

.......
لبس لبلوزة بصعوبة كانت امو عم تساعدو ولبستو جاكيت بيجامة لونو رمادي غامق وقف بهدوء واطلع ب ريما كانت بتشبه الملاك واقفة على جنب وباين الفرحة من عيونها لانو راح يطلع من المشفى
بقلبو:لهدرجة خفتي عليي عنجد هالمخلوقة حساسة كتير مين فيه يجرحك
دخل ظافر عليه بشقاوة مع غمزات بتدل على ملاحظتو بالاعجاب
ظافر:شو صحصحت
عمر:بدك ضل بضل هون
ظافر:لا شو تضل الحياة ناطرتك
عمر:...
ظافر:خليني ساعدك
عمر:لا بمشي لحالي
مشي بهدوء وطلعو من الغرفة كانو عناصرو محاوطين المكان خايفين عليه من جديد طلعو من المشفى طلعو سوى بسيارتو ووراه كان في تلت سيارات مرافقة وصل للبيت كان مرتب ونظيف وغرفتو جاهزة ارتاح فيها وبقي بدلال تام اهتمام اكل طيب وراحة
عمر:لازم من زمان اتصاوبت
رجاء:شوهالحكي هاد
عمر:اي دلال على دلال وما عدا النوم
رجاء:ههه طيب استقيل انت نفذت وعدك
عمر:ما بعرف...شو ريما استقيل
كانت شاردة وانتبهت دغري
ريما:اه...مابعرف
عمر:بس تقول ريما بستقيل
ريما:انا..انا شو دخلني
عمر:اتزكري قبل افقد الوعي شو حكيتيلي
ريما:يا الله انت ما بتنسى
عمر:هئ
ورفع حواجبو
رجاء:شو حكتلك
عضت على شفافها
عمر ابتسم:حكتلي انها
ريما:لا ماحكيت اي قلتلو كون منيح بس هو فسر شي تاني
عمر:ههه اي فسرتها متل ما بدي
اطلعت فيهن لتنين وابتسمتلهن
رجاء:بدي روح شوف الشوربا
ريما:خليكي انا بشوفها
رجاء:لا خليكي انتي
تركتهن وطلعت وبقيت ريما محتارة وعم تفرك ايديها مدلها ايدو بمعنى تعالي
ريما:ليش
عمر:بدي احكي معك قربي
وقفت قبال تختو واطلعت فيه كانو عيونو عم يضحكولها
ريما:شو القصة
عمر:اني بحبك
ريما:...
عمر:وانتي بتحبيني...وهيك منكون تعادلنا
ريما:لا ابدا بعدين الموضوع اكيد بدو نقاش ومو وقتو كمان
عمر::ناقشي على كيفك والنتيجة وحدة
ريما:راح اتركك ترتاح
عمر:بلعكس ماني مدايق منك ابدا
ريما:يلا نام
عمر:ههه هو صحيح بحب النوم بس مو اكتر من شوفتك حدي
لفت ظهرها وطلعت من الغرفة ابتسم لكلامو معها لاول مرة بيكون جريء مع بنت هيك تمدد منيح وبقي شارد بملامحها وكيف خجلانة منو
.....
حسيت حالي واقعة بشي حفرة ولازم ابعد عن عمر لو بحبو انا خبصت مع غير جوزي بأرادتي صحيح اندمت بس عملت شي ما بيسوى وعمر ما بيستاهل اخدعو وخلص راح ناقشو بس ليصحى ويرجع متل قبل وبدو يستقبلني عند امو يستقبل ما بدو بدبر راسي تنفست براحة وقت تزكرت منو كلمة بحبك وانا بموت عليه وهلا اكتشفت كتير شغلات فيه تغير عن قبل مو عمر الي عرفتو وشفتو اول مرة رتبت الغرفة ورتبت شوية تياب الي جبتهن من بيت عمر ووقفت عند الشباك لشم هوى واتزكر كل التفاصيل الي بتجمعني فيه تزكرت حملي وابني
وكلشي بيصير معي المسا اطلعت للصالة رتبتها وشغلت التلفزيون واجت الخالة رجاء قعدت عندي
رجاء:شو طولتي بالغرفة
ريما:رتبت تيابي
رجاء:يعطيكي العافية
ريما:خالتي..ليكون عم دايقكن انا
رجاء:شوهالحكي...والله البيت بدونك بلا روح
ريما:مع اني حدا كتير مشؤوم
رجاء:بلعكس بيكفي شوفتك
ريما:ههه هلا بسدء حالي
رجاء:اي سدءي انتي مافي منك
ريما:خالتي صحيح الي انحكى
رجاء:شو انحكى
ريما:بخصوص خطبة عمر من نسرين
رجاء:ااخ يا بنتي اي صحيح
ريما:مع انها مابتستاهل
رجاء:ما بتستاهل بس اخي الي من لحمي ودمي طلع قاتل جوزي شو بدي اتامل من ولادو
بقلبي:وابن اخوكي حاول يقتل ابنك
رجاء:والله ما بعرف كيف كانو مخبيين بتيابهن بتسدءي لحد هلا ما بسدء ياريتها كزبة
ريما:معك حق صعبة وانسجن اخوكي
رجاء:اي وانحكم عشرين سنة هو وشركائو الحق يا بنتي الا ما يبان
ريما:وعمر راح يترك هالمهنة
رجاء:ياريت الله يسمع منك يا بنتي...انا بضل على اعصابي بنام وبفيق وبخاف يوصلني خبر بشع عنو متل هداك لنهار
ريما:مين خبرك بوقتها
رجاء:اتصلو فيني من مركز الشرطة
ريما:يلا المهم انو بخير
رجاء:بس مو كل مرة بتسلم الجرة..عمر كل حياتي هو اول فرحة بعمري
ريما:الله يخليلك اياه
عمر:وتفرحي فيني
انصدمت واخجلت ابتسمتلو امو
رجاء:ليش اجيت خليك مرتاح
عمر:سمعت حكي قلت لاطلع اتسلى مليت بالغرفة
قعد بهدوء وهو حاطت ايدو على بطنو
عمر:شو يعني ما الكن سيرة غيري
رجاء:اي وياريت تستقيل من هالشغل
عمر:اي خلص اتصلت ب العقيد وخبرتو وحكالي بس بعد التكريم
رجاء:تكريم شو
عمر:هاد يا ستي الي بيمسك اكتر من عشرين قضية وبيمسك فاعلهن بيتكرم وانا رشحو اسمي لاني مسكت مجرمين من الشرطة وقضية متسكرة من سنين طويلة
رجاء:يا عمري عنجد....انشالله بشوفك باعلى المرات
عمر:ما هلا كنتي بدك استقيل
رجاء:هههه فرحتني بهالخبر
عمر:وانتي ريما
ريما:انا ...شبني
عمر:ما فرحتي بهيك خير
ريما:الله يوفقك يارب
رجاء:شبك حل عن هالبنت

عمر:ما بحل عنها الا لتوافق
رجاء:على شو
عمر:انا زلمة تعودت على الخطبة ومافيني اقعد بدون خطيبة
ريما:اي اخطب الصبايا معبية البلد
عمر:اي وست الصبايا هون موجودة
تنفست بصعوبة من كلامو كانت الخالة مبتسمة ومبسوطة
عمر:عنجد ريما انا بدي اياكي
وقفت بسرعة
ريما:تصبحو على خير
رجاء:لسى بكير
وقف عمر بهدوء واجى لعندي
عمر:ريما عنجد انا رايدك وبدي اكتب كتابي عليكي
ريما:...
رجاء:اي ما راح لاقي احن واطيب من قلبك على ابني
ريما:..
عمر:قولي موافقة هلا بجيب الشيخ
ريما:الموضوع اكبر من هيك ..
تركتهن دخلت للغرفة وسكرت الباب قعدت على طرف التخت فكر كيف بدي خبرو عن موضوع يوسف لانو متاكدة راح يغير رأيو فيني حاولت وتخيلت حالي عم خبرو كنت استحقر حالي اكتر حسيت وقت اجت الخالة لتنام وخفت يطلع نهار جديد عليي وشوف عمر وواجهو من وين طلعلي بالموضوع هاد والخالة رجاء معقول توافق بعد الي سمعتو تاني يوم كان عمر عادي وما جاب سيرة ابدا كان عم يتحسن واجى زارو ظافر بغرفتو وبعد اسبوع طلع من غرفتو مجهز حالو لابس قميص ابيض وجينز غامق وجاكيت اسود نصي (يعني حفر)
كان مرتب حالو وطل علينا ونحن عم نحفر كوسا
عمر:توصيني شي امي
رجاء:وين
عمر:ع الشغل
رجاء:لسى جرحك
عمر:لا تخافي عليي
رجاء:بدك ترجع
عمر:اي راجع اكيد
رجاء:برضاي عليك دير بالك
عمر:ولايهمك
لف ظهرو وراح كنت بدي شوفو وهو نازل واتاكد ازا صحيح صار احسن تركت الخالة عم تحفر ورحت طليت من البلكون شفتو نازل وتنين مرافقة عند سيارتو واقفين كان عم يناقشهن واخد المفتاح منهن وكانو صرفهن
رجاء:ريما شو عم تعملي عندك
ريما:يلا اجيت خالتي
شغل سيكارة برى وفات للسيارة وشغلها وراح
قعدت لكمل حفر كوسا
رجاء:شو مراقبيتو
ريما:فكرتو تعبان بس مشالله مشيتو راكزة وهو الشوفير
رجاء:اي عمر بيكابر كتير على حالو حلك تتعودي عليه
ريما:..
.....
وصل للمركز صفط سيارتو ونزل كان الاستقبال حافل والهيئة عمر راح يصير رئيس المركز هيك الاشاعات طالعة والشاطر الي بدو يسلم عليه ويضربلو تحية اقوى من الي قبلها دخل لمكتبو وسكر الباب كان ببالو بس ريما لا مركز ولاشي شلح الجاكيت وتوجه للشباك وقف قبالو وشغل سيكارة كانت دقات قلبو قوية اليوم كانت بتجنن وهي عم تحفر كوسا ورافعة عن ايديها لصغار صحيح ما ركز فيهن بس النعومة عم تشع منها غمض عيونو لانو ما بدو يتزكر رقبتها وكيف بتجنن وبيضا
بقلبو:حرام انتي تبيني على اي انسان اوووف منك عم تحرقيني وما حاسة فيني والله معاد اتحمل تضلي بعيدة وافقي بقى رضيان بكلشي فيكي وصار معك بس يوم ارحميني وكوني الي
عم تلعب باعصابي ولا على بالها عم تتهرب مني كيف بدي اقنعك كيف
انفتح الباب دغري التفت كان ظافر ما اهتم عمر وكمل شرودو
ظافر:شووو ولا عبالك تحكيلي تفضل
عمر:هيك هيك باب زريبة وعلى كيفك بتفوتو
ظافر:الظاهر ادريت بترفعك واستلامك منصب رئيس وشايف حالك عليي
عمر:انت وين وانا وين
ظافر:ههه وين انت بمكتبك السابق وراح نطالعك بعد كم يوم للطابق الرابع وتصير رئيس علينا
عمر:ظافر حل عني
ظافر:اي دخيل الله حتى التقليعة منك عسل
عمر:...
رمى السيكارة من الشباك وما اطلع فيه وقف حدو وحاول يطلع بنفس المكان
ظافر:اي عمر شو القصة...نسيتيني ليش اجيت
عمر:تهز بدني اكيد
ظافر:لا جيت لحتى تتواسطلي وتحطني هون بدالك وصير المحقق ظافر
عمر:بدي اتنازلك عن كل مناصبي
ظافر:اوف عال...يكتر خيرك ازا المركز مو بعينك شوفي بعينك..
بقي ساكت
ظافر:بلا شوفي بعينك
عمر:هون بقلبي يا زلمة مو بعيني
ظافر:قلبك...لحظة لحظة عشقان عمر
عمر:قول غرقان هيمان
ظافر:طفشان...نعسان
عمر:انقلع ولاه من وشي
ظافر:اعرفت مين حابب هي نفسها المشردة الي فاتت وسرقت قلبككك
عمر:اي ريما...انا معاد فيني هون جواتي نار
ظافر:احم احم...شو بطفيها
عمر:..
ظافر:حضن دافي وصبية حلوة
عمر:خلص
ظافر:غرت عليها يا بعدي
عمر:...
ظافر:خلص اخطبها
عمر:تهربت مني وبتعرف مافيني ضل وراها الاحسن اتركلا البيت يمكن تشتاق
ظافر:واثق من حبها
عمر:اي ومتاكد بس هي عنيدة
ظافر:الها ظروف
عمر:اي معك حق...
ظافر:اي شيلنا من هالكزب كلو
التفت عليه وضربو بوكس على كتفو
ظافر:وجعتني يا زلمة
عمر:لانك عديم احساس
ظافر:اخخ ياريت هلا تفوت مشردة واتعلق فيها
هرب ظافر وعمر عصب منو
ظافر:راجعلك بس تروق
زفر ب تعب وكمل شرودو عند الشباك
......
رجاء:اتأخر عمر
ريما:...
رجاء:لاتصل فيه
بقيت ساكتة لاسمع عنو اي خبر وحكتلو بالاخير الله يكون معك
ريما:راجع
رجاء:عندو مناوبة اسبوعية
ريما: ..
غص قلبي بس ما اظهرت قلبت بالمحطات وراحت الخالة لتنام وانا الحقتها مر على غيابو اسبوع ما رجع كان يتصل بامو ويطمنها وانا معاد فيني اشتقتلو كتير كنت امنع حالي بالزور لفوت لغرفتو وخطرلي روح الها ريحتو بطمني بتحسسني بالامان كنت طالعة من الحمام قبل روح نام فتحتها بهدوء ودخلتها وقفت بنصها وانا عم اتأملها بكل زاويا هو بكون موجود فيها قربت من خزانتو بس ما فتحتها ترددت كتير وبعدها لعطوراتو شكلو مولع

بالعطورات والساعات والنظارات الشمسية كان حد تختو في ساعة منبه عليها صورتو مسكتها وبلشت اتاملو باين انو الصورة قديمة بايام عسكريتو بس طالع كتير حلو وباين فرق العمر بين الماضي والحاضر وقت اسمعت باب البيت عم ينفتح جن جنوني حسبت المسافة الي راح اهرب فيها بيكون فات للبيت وشافني من وين طالعة بسرعة حطيت المنبه وقع وطالع صوت قوي رجعتو لمكانو بس قبل اطلع كان عمر واقف ع الباب
عمر:شو عم تعملي هون
ريما:..انا...انا كنت عم رتب
عمر:بهيك وقت
اطلع بساعتو كانت الساعة ١٢ وربع
ريما:..
فات وسكر الباب حسيت انو جبل ووقع عليي
عمر:عم تدوري على شي
ريما:ابدا...
كنت عم قرب خطوة خطوة وهو واقف بمكانو ومبتسم
عمر:بس عيب تفوتي غرفة مو الك يعني لو شو ما صار مافي سبب مقنع لتفوتي لغرفة شب عزابي بنص الليل
ريما:سدءني
عمر:احكي بسدءك
ريما:اسمعت صوت حركشة يمكن فارة
عمر:فارة...وما فاتت الا لغرفتي
ريما:فيني اطلع
عمر:لا عادي كملي اعتبريني مو موجود
ريما:كمل...شو بدي كمل
عمر:الي كنتي تعمليه
ريما:بترجاك خليني اطلع
شلح الجاكيت وعلقها وابتسملي فتحلي الباب
عمر:يلا روحي .
طلعت ركض
عمر:لحظة...شو كسرتي بغرفتي
ريما:المنبه وقع
عمر:اممم طيب روحي نامي
....
سكر الباب على حالو بدل تيابو وقعد بتختو اطلع بالمنبه وشاف صورتو مسكو وضحك
عمر:هههه كان لازم اعملت معك فليم مرتب...بس حرام خافت مني كانت عم ترجف وكانها معاقبة من شي مدير مدرسة لعمى معقول انا بخوف شه لعمى على هالشغلة
تجلس وشاف حالو بالمرايا
عمر:لعمى كيف خافت مني والله باين اني وحش بس ما اكلتها
تمدد من جديد وهو عم يتزكر ملامحها
عمر:ايمتى راح تكوني الي وبين ايديي
غمض لانو تعبان بس ما غفي كان مستسلم لدقات قلبو والصبح هرب من البيت بكير قبل حدا يصحى ما بدو يختلط فيها اكتر تابع شغلو بس بشرود وتشتت وقرر يروح ويحكي معها من الاخر لبس جاكيتو وبسرعة راح لتحت بيتهن واتصل بالتلفون الارضي
عمر:الو
رجاء:اهلين ابني
عمر:ريما عندك
رجاء:اي ليكها عم تجلي ريما..يا ريما
ريما:شو
رجاء التلفون الك
ريما:الي انا...الو
عمر:انا تحت انزلي بدي احكي معك
ريما:هلأ
عمر:اي هلا ناطرك لا تتأخري
....
اطلعت بحالتي وشكلي ودغري رحت غسلت ورتبت الاشار على راسي وانزلت متل ما انا بتياب البيت كان لساه بالسيارة وعم يشرب دخان فتحتها وقعدت رمى السيكارة من الشباك واطلع فيني
عمر:اتاخر موضوعنا
ريما:..
عمر:يعني طالب ايدك على سنة الله ورسولو ليش رافضة
ريما:لانو..والله مو زابطة
عمر:شو الي مو زابط بحبك وبدي اياكي يعني بدك اكتر من هيك
ريما:لا بس بس انا والله بعد الي صار معي ما الي نفس بالزواج
عمر:مو كل لرجال واحد
ريما:لا فهمتني غلط بخصوص الي عملو جوزي معي
عمر:شي صار ومضى ووعد ما احكي بالماضي
ريما:انت هيك راح بتقول
عمر:لا ابدا وسدءيني وقت مل منك ما راح جيب سيرة الماضي انا اتعرفت عليكي ومتاكد من انك حدا كتير طيب
ريما:بس والله ماضيي ما بشرفك
عمر:خلص انا مسؤول عن قراري مو انتي وساعة مل منك بيصير تصرف تاني مستحيل اجرحك
ريما:والله
عمر:خلص بترجاكي يعني ما ضل الا ابوس ايدك وتعطيني الموافقة
ريما:ليش انا
عمر:ما بعرف إسألي قلبي لا تسأليني الي وربي من وقت لمحتك فايتة لمكتبي وفي جواتي نار شعلت حاولت اتجاهلها انا ما صرفتك والحقتك هيك بالصدفة كنت متاكد اني راح انزل وشوفك من جديد والحقتك لاعرف شو قصتك
ريما:..
عمر:بدك تضلي ساكتة
ريما:..
عمر:خلص معك وقت اسبوع وبس ازا وافقتي رديلي خبر وازا ما وافقتي خلص منضل هيك او قلك بترك البيت وبروح لبيتي لجديد
ريما:طيب خليني خبرك على شي
عمر:خلص بعد ما توافقي
ريما:لا ضروي تعرفو
اجاه اتصال ودغري رد
عمر:احترامي سيدي....اي اطلعت اجازة ساعية ...حاضر سيدي خلال خمس دقايق بكون عندك ....
اطلع فيني وابتسم
عمر:بدي امشي فكري اي
هزيت براسي وانزلت تركتو واقف واطلعت لفوق كانت الخالة ع البلكون ناطريتني
رجاء:تعالي يلا احكيلي شو القصة
ريما:مشان نفس الموضوع
رجاء وافقي يعني ترجاكي كتير عمر مو من النوع الحوح
ريما:..
رجاء:فكري منيح ما راح تلاقي بحنيتو وطيبة قلبو
بقلبي:انا خايفة خايفة من الي عاملتو وماني قدرانة بوح فيه اجى مرتين بالاسبوع كنت اتجانبو بس ما بيمنع راقبو وهو فايت وطالع لغرفتو وانسحر فيه اكتر كان لابس قميص قطن نص كم ابيض وبيجامة سودة طلع من غرفتو وقعد عنا
رجاء:الجو بارد ليش لابس نص كم
عمر:قبل اتحمم قلت بشرب قهوة لانو عندي دوام
دغري وقفت ورحت حضر القهوة اشربناها سوى وخلص قررت وافق على زواجي منو وراح خبرو بايام الخطبة عن الي عملتو شرب القهوة وراح تحمم وجهز حالو وراح للمركز عند باب البيت اطلع فينا

عمر:اي قبل انسى...انا اليوم عندي استلام منصب جديد
رجاء:الله يهنيك يا عمري
عمر:يعني عازمكن ع العشى بهيك مناسبة
رجاء خلص ماشي اي ساعة نجهز
عمر:ع لتمانية انطروني
رجاء:خلص ولا يهمك
نطرني لاطلعت فيه وابتسملي مع غمزة وخلص معاد فيني ابتسمتلو بقينا ناطرينو وطبعا مستحيل ما رتب حالي الليلة راح خبرو اني موافقة والي بدو يصير يصيرطبعا ما الي حمل كسر جديد يارب اجبر بخاطري كنت مشترية فستان طويل لونو زيتي كم والو جاكيت بيج البست الاشار وحطيتلو دبوس على الجنب وكتير انبسطت بشكلي وبقي بس الحفاية البست جرابات وجهزتها واطلعت لعند الخالة انبسطت فيني كتير
رجاء:شو هاد ما يبلى
ريما:حلو يعني
رجاء:بجنن انتي محليتو
بعد شوي اجانا اتصال وردت الخالة
رجاء:يلا نازلين لعندك
طبعا كنت كتير مترددة وخجلانة وعم رتب كلامي معو قعدت خالتي رجاء حدو وانا ورا لهيك اطمنت شوي
ريما:مسالخير
التفتلي دغري
عمر:مسالورد
ما عرفت وين بدي ودي وشي منو بلشت اطلع من الشباك لحد ما وصلنا لمطعم باين انو فخم قعدنا وهو طلب العشى كانت سفرة مليانة من جميع الاصناف تعشينا وطلب فواكه كانت قعدة حلوة حكالنا عن التكريم والمنصب لجديد والظاهر انو مبسوط فيه
.......
كان مبسوط فيها اكتر من المنصب وكل شوي يعمللها اشارات بتدل على الاعجاب وهي عم تتبسملو خلت قلبو يرقص جواتو وبعدها امو راحت للحمام وبقيو لحالهن
عمر:احم احم....شو ريما بكرى اخر يوم بالمهلة ما قررتي
ريما:امبلا
عمر:اي شو طمني
بقلبو:باين انها رافضة لو موافقة بينتلي دغري
ريما:اي موافقة
عمر:عنجد ريما يعني خلص بكرى جيب شيخ
ريما:اي بس بشرط
عمر:لك كل لشروط والأوامر انا حاضر الها
ريما:بدي تسمعني وتفهمني
عمر:ماراح نختلف يعني بكرى
ريما:متل ما بدك
عمر:راح اعمل العرس عن قريب
ريما:..
عمر:لاتتحججي من هلا عم خبرك
ريما:طيب بس في كم شخص بدي اعزمهن
عمر:اي اكيد
ريما:وكمان شغلة
عمر:شو.
ريما:انو مشان جاد
عمر:جاد بالسجن بتهمة شروع بالقتل ونسرين ومرت خالي سافرو ما بقيلك حجة بعدين انتي متجوزة من رجال وعند كلمتو
ريما طيب ..
عمر:يعني خلص نقول مبروك
ريما:هه اي
رجاء مبروك شو
عمر:ريما وافقت
رجاء:كنت متاكدة راح توافق بس حبت تلعب باعصابك

اطلعت فيهن لتنين يا ربي معقول نسيو شو حكت نسرين ولا تناسو وانا كيف هيك راح مضي معهن اووف راسي راح يتفجر بس مجبورة ابتسم خلصنا العشى واطلعنا بالسيارة كان طول الطريق مبسوط وفرحان وعم ٠يسمعني اغاني وصلنا للبيت وصفط السيارة انزلنا منها وخالتي سبقتنا وانا مشيت حدو
كل شوي نطلع ببعض ونبتسم كانت ليلة حلوة ما اقدرت نام وما عرفت السبب فرحة ولا خوف وتاني يوم كان عنا شغل كتير ترتيب وتعزيل ٠
وعمر اتصل ب رفيقو وجاب شيخ وشهود وكتبنا كتابنا لبسني محبس دهبي كتير حلو وعلى قد اصبعتي ما تزحزح من البيت ابدا رغم انو خالتي كل شوي تقلعو بس هو ولا على بالو تحضيراتي للعرس كانت غير شكل مو لحالي انا وجمانة سوى مريت على عمي ابو قاسم وخبرتو واخدت رقمو لاعزمو هو واختو ما خليت شي ينقصني ابدا ودغري ضبيتهن بالبيت لجديد وعمر تحضيراتو اكبر ومعارفو اكتر يمكن كانت احلى ايام حياتي وحبيت عيش اللحظة وما استبق الأحداث ولا رجع الماضي
......
كانت بزيارة ببيت اهلها دخلت على البيت كانت ريحة بشعة طالعة من الصالة قربت اكتر وشافت يوسف قاعد ومسترخي وقدامو ئنينة بيضا وبايدو كاسة وعم يشرب راحت لعندو معصبة وتخنصرتلو
ريم:يوسف شو هاد
يوسف:وووينو
ريم:شو وينو هادالي بايدك
يوسف:كاس
ريم:شفت انوكاس شوفيو وشو ريحتو
يوسف:اممم فيو عرق...خدي دوقيلك شفه روقي اعصابك
ريم:ومن ايمتى بتشرب يا بعدي
يوسف:بطلتو زمااان بس اشتهيت هالكاس خدي خدي خلينا ننبسط سوى
ريم:بعدو عن خلقتي اوف منك ومن هالعيشة
يوسف:دخيل عيشة بيت اهلك انا صحلك زلمة طول لعرض انت بدك تشتوش
ريم:شيل الكاس من ايدك احسن ما كسر الدنيا
يوسف:والله...خووفتيني يا مراة
ريم:يارب
كسرت العلبة واخدت منو الكاسة وكسرتها
يوسف:لك لك شو عملتي انت حمارة
ريم:لك اي حمارة ساعة اقبلت فيك وهلا بتشوف يا يوسف راح كسر البيت على راسك
بلشت بكسر المزهريات وهو فرطان ضحك وعم يعطيها اغراض لتكسرهن كانو دموعها شلال بس يوسف مو حاسس فيها وبعد ما خلصت تركتو وفاتت لغرفتها تبكي دخل عليها وهو تعبان وتمدد بمكانو بتيابو وريحتو
ريم:روح من هون
يوسف:مابهون عليي فيكي
ريم:ليش هيك خدعتني ليش ...فكرتك رجال
يوسف:ههه اخ راسي
ريم:انا معاد بدي اياك طلقني
يوسف:كرمال كاسة عرق
ريم:كرمال كلشي من يوم العرس لليوم ما شفت منك شي منيح
يوسف:هلا بعوضلك يوم العرس وكل الايام الباقية والجاية
ريم:اوعى تقرب مني

يوسف:لكن احضن لمخدة ولا لحرام
ريم:لا تدقرني اوعك
يوسف:لعمى لكن ليش تزوجت لاحضن حالي
ريم:تسطفل دبر حالك
يوسف:لا تخليني اجبرك ها
ريم:بتسترجي
وكانو تحدي صار بالنسبة الو بلش يتهجم عليها وبعدها بكيت وصرخت فيه
ريم:بترجاك يوسف ما بدي شد على حالي انا حامل
بقي صافن بعيونها بلع ريقو وكانو طاقة فرج وانفتحتلو
يوسف:عنجد ريم
ريم:اي اي والله
يوسف:طيب ليش ما خبرتيني
ريم:اليوم رحت للدكتورة
يوسف:وشو خبرتك
ريم:حكتلي وضعي منيح وصرلي شهر وكم يوم
يوسف:عنجد والله ماني مسدء هاتي لبوس ايدك
ريم:ههه شو دخل ايدي
يوسف:لازم تهتمي بحالك انا مشته