٣ قصة لم تكن خائنة
اصحيت وقت طلعت الشمس كنت متجمدة على المقعد مو شبعانة نوم ابدا ولا دفا جوعانة وعطشانة وخلص مابقى اتحمل حاسة انو روحي عم تطلع قررت روح وسلم حالي للشرطة هاد احسن حل دغري رحت على اول مركز للشرطة كان فيه كتير ناس اكترهن امن وعم يجيبو مطلوبين كنت طالعة للطابق التاني الي فيه مدير المكان شفتهن شاحطين شب وعم ينزف بلعت ريقي وكفيت للقاعة كان فيه اكتر من مكتب واستغربت بهيك مكان في ضحك كان الصوت طالع من مكتب مفتوح اطلعت منيح كانو شبين واحد ورا مكتب والتاني قاعد على الطاولة قبالو وعم يحكو ويضحكو وقلت اكيد بيحبسوني بدون ما يضربوني دقيت الباب وشافني الي ورا المكتب والتاني دغري انتبهلي
عمر:تفضلي...مين حضرتك
ريما:انا..انا جاية لسلم حالي
عمر:ليش شو عملتي
ريما:انا مطلوبة للعدالة من شي سنتين
عمر:وليش اليوم جاية تسلمي حالك
ريما:..
عمر:طيب شو تهمتك
ريما:سرقة
عمر:بسيطة السرقة
ظافر:ههه اي اهون شي السرقة طيب فوتي مشان نكتب اقوالك واندكك بالسجن
عمر:قربي لهون وهاتي هويتك مدامك جاية لتسلمي حالك
ريما:هويتي...بس انا
عمر:ناسيتها روحي جيبيها
ريما:لا ما معي
ظافر:ليش اديش عمرك
ريما:١٩
عمر:وكيف بلاهوية
وقف وحط ايدو بجيبتو واجى لعندي
ريما ما طالعت
عمر:في حدا بلا هوية ...طيب اسمك الكامل لفيشلك عليه
ريما:اسمي ريما العبد
عمر:والشهرة
ريما:هي شهرتي
عمر:طيب اسم ابوكي وامك
ريما:ما بعرف
ظافر:شوعم تسلبيها علينا
عمر:طول بالك لنفهم ...كيف ما بتعرفي
ريما:لاني عشت بميتم
عمر:طيب هنيك بكون لكل شخص اوراق او اظبارة وينها
ريما:ما بعرف
عمر:طيب احكي شو سرقتي
ريما:سرقت ميتم
عمر:كنتي عايشة فيه
ريما:اي والشرطة طالبيتني من هداك الوقت
عمر:طيب راح نكلبشك هلا ونفتح محضر افتح المحضر ظافر
ظافر:طيب متل ما بدك رغم انو مو مقتنع بكلامها
عمر:يلا احكيلي كيف سرقتي وشو المسروقات ووين هالميتم وشو اسم صاحبو لنبلش تحقيق وتحري
ريما:...
ظافر:يلا راح سجل احكي
ريما:سرقت كلشي بالميتم
عمر:عدي المسروقات
ظافر:بتكون نسيت
ابتسملو الي واقف وغمزو حسيتهن بس عم يتمسخرو
عمر:صحيح انسيتي
ريما:لا سرقت مصاري واغراض
عمر:وشو قيمتهن ووين بعتيهن
ريما:..
ظافر:وين الميتم شو اسمو
عمر:تعال حقق عني
ظافر:لانو قهرتني هالمتهمة
عمر:شو صار معك
ريما:بشو
عمر:بلي سالك عنو ازا ما نسيتيه
ريما:الميتم مو هون
ظافر:ليكون بدولة تانية
ضحكو سوى
عمر:وين الميتم
ريما:بمنطقة على طراف المدينة
عمر:هاتي اسمو
ريما:هو بحارة شعبية ببيت عربي
ظافر:ليكون عصابة مشردين وانتي مفكرةحالك ربيانة بميتم
ريما:..
عمر:انا عم حقق مو انت
ريما:..
عمر:بميتم ولا تابعة لعصابة
ريما:ما بعرف بس كنا كتار هنيك
عمر:طيب
حط كرسي حد الصوبيا
عمر:تعالي اقعدي هون
قعدت وحسيت بدفا ارتحت كتير بس خايفة منهن كمان
.......
كان عم يهمس ل ظافر
عمر:شو فهمت شي
ظافر:هي بنت هربانة من عصابة وجاية لتسلم حالها
عمر:انت شايفها بنت ..مو شايف بطنها قدامها
ظافر:اي لاحظت يعني معقول
عمر:كلشي وراد هلا ازا بدنا نفتح تحقيق ما راح نخلص راح اتفاهم من راسي لراسها باينتها مو عرفانة الله وين حاطها
ظافر:هيك الظاهر وشو بدك تعمل ازا طلعت عنجد تابعة لعصابة
عمر:منمسكهن بس هي سلمت حالها بتعرف حارة المشردين هديك السنة عملنالهن كبسة شكلها من هنيك
ظافر:اي طيب روح اتفاهم معها
راح بقلة حيلة عليها كانو خدودها موردين من الدفا عكس وقت اجت كانو بلون الليمون وشفافها ناشفين من البرد وباهت لونهن حط كرسي قبالها واتاملها
عمر:حامل انتي
ريما:اي حامل
عمر:..
ريما:انا متجوزة يا سيدي
عمر:ووين جوزك
ريما:مبارح طلقني
عمر:ليش
ريما:تخانقنا وطلقني
عمر:طيب هاتي اسمو
ريما:بدك تحقق معو
عمر:اكيد
ريما:...
عمر:شو ليش ساكتة ..خايفة
ريما:اي والله كتير
عمر:لكن ليش جيتي ما بتعرفي شو الوضع هون
ريما:جيت لسلم حالي وبس لانسجن
عمر:وشو السجن ل يلي خلفني الشغلة بدها تحقيق وتحريات شهود كمان ولازم نحقق مع جوزك ونمسك كل العصابة الي انتي منها
ريما:انا مو عصابة ابدا انا لحالي كنت وقت سرقت
عمر:شو عم تمزحي معي
ريما:والله ما فكرت هيك قلت بسلم حالي بنسجن وخلص
عمر:شو خلص الشغلة اكبر من هيك فيها محاكم وتحقيق ولازم تجيبي باقي العصابة لازم يتحقق مع كل شخص تعاملتي معو
ريما:انا لا ما تعاملت مع حدا بشتغل لحالي يا سيدي
عمر:...
بقلبو مافي امل
عمر:طيب احكيلي كلشي
ريما:متل شو
عمر:يعني كلشي جاية لتسلمي حالك بسببو
ريما:...
عمر:اسمعي شكلك مو صاحبة مشاكل ابدا ازا عاملة شغلة عاطلة احكيها
ريما:عاطلة لا وربي بس بس انا جوزي خبرني انو الشرطة بتسال عني لهيك جيت لسلم حالي

عمر:عنك وانتي بلا هوية بلا اهل نحن وقت نسال منسال عن حدا عامل جريمة والو تهمة ملموسة
ريما:اي سرقت ميتم
عمر:وين عنوانو الدليل طيب
ريما:..
عمر:خلص فيكي تتيسري وعلى مسؤوليتي
ريما:طيب مافيك تحطني بالسجن
عمر:كيف
ريما:من الي حكيتو
عمر:انتي ناوية اتقلع من شغلي
ريما:ليش يا سيدي
عمر:ما انا حكيتلك بدك تجيبي دليل شهود لازم يتنكب بلاغ بحقك لتنحبسي الشغلة مو شوربا قلتلك روحي
ريما:ولا باي صفة
عمر:شو عم غني بالطاحون
ريما:..
عمر:يلا روحي اطلعي ولهون لا بقى تيجي الا بشهود
ريما:..
طلعت مترددة نطرها لسكرت الباب وراها وراح لعند ظافر
ظافر:خهه نهفة وربي
عمر:يمكن مو لاقية مسكن جاية لتنحبس
ظافر:مفكرةانو هون اوتيل
عمر:ههه والخدمة فيه عشر نجوم
ظافر:ما جربت الفلقة يمكن عمر ليش ما خليتها كنا خوفناها
عمر:شكلها مرعوبة
ظافر:وازا عنجد تابعة لعصابة
عمر:والله شكلها ما بتعرف تفك الحرف بعدين يا سيدي انا المسؤول
ظافر:تخيل يدرى جميل انك فكيت وحدةجاية لتسلم حالها
عمر:خهه ويدرى انا فرطت من جوعي وبدي روح للبيت ارتاح
ظافر:الله معك
لبس الجاكيت وطلع من المركز
...
بقيت ناطرتو برى فكرتو راح يتاخر بس شكلو خلص دوامو لهيك قبل يطلع بسيارتو رحت لعندو ركض
ريما:استاذ استاذ
قربو عناصر تنين مني بس دغري اشرلهن لراحو
عمر:شوفي
ريما:ساعدني بترجاك
عمر:كيف
ريما:اسجني هون وبكون ممنونيتك
عمر:لا حول ولا قوة الا بالله روحي من هون بكون احسنلك انت بمكان مية الف واحد بيتمناه
ريما:وانا بتمنى كون مكانهن احبسني مشان الله
عمر:..
ريما:والله ما الي مكان روحلو متت من جوعي وبردي تكسر ظهري من نومة المقاعد وربي ما بنسالك هالمعروف
عمر:شو كان اسمك
ريما:اسمي ريما والله ما بنسى معروفك هاد معي
عمر:ما عم تفهمي عليي الشغلة مو سهلة وحتى الي عم تطلبيه غبي كتير صبية بعمرك حرام تنحبس لهيك روحي شوفي حياتك والطلاق مو حل ارجعي لجوزك
ريما:صعب بترجاك
عمر:انا مو فاضيلك وعندي شي اهم من كلامك هاد واوعي ها لسى توقفيني يلا
ريما:بتحبسني يعني
عمر:شو انتي ما بتفهمي
ريما:اي ما بفهم راح اضربلك سيارتك بالحجار وانحبس
عمر:..
فتح الباب واتحداني بنظراتو
عمر:وحتى لو عملتي هيك ما راح اسجنك روحي يلا
ريما:..
قطعت الامل منو يمكن لو رفيقو كان سجني بدون هالتشدد ما الي غير حاول احرق هالمكان وانحبس
امشيت بوش الهوى تكتفت وبقيت ماشية عم فكر بجريمة لعمى حتى بالسجن ما استقبلوني اكيد في لعنة مرافيقتني لحد هاليوم ما اعرفت امن حالي او رافق شي بنت حلال وحتى وقت تجوزت تجوزت من واحد ابن حرام ذلني وكل الي عرفتهن مو مناح الا عمي ابو قاسم ومستحيل انا روح لعندو راح يلمحني هنيك يوسف وانا ما بدي اصغر بعينو اكتر من هيك اصلا ليش هيك عمل معي
ريما:عم تسالي لك ريما بتستاهلي رخصتي حالك الو يعني كان لازم اخدك بالاحضان ...اي اخدني بس قبل يعرف شو صاير معي خلص راح سكر ع الموضوع وانسى كلشي صار معي وراح بلش من اليوم بس كيف ووين ..الاحسن روح اوقف عند باب شي معمل لاتوظف ويمكن لاقيلي سكن هنيك لو الي ام كانت دعتلي وكانت تيسرت كل اموري بس المقطوع مقطوع اسمعت صوت زمور السيارة ودغري التفتت كان نفسو الضابط فتح الشباك ووقف
عمر:لوين رايحة هلا
ريما:الله ما بينسى حدا
عمر:يعني مو لعند زوجك
هزيت راسي بنفي
عمر:بتعرفي حدا
ريما:راح دور ع شغل وبامن سكن
عمر:طيب اطلعي
ريما:ما بدي عزبك معي
عمر:اطلعي لنحكي يمكن اقدر ساعدك
بدون تردد اطلعت هالشب باينتو ابن حلال قعدت وحسيت براحة اول مرة بحسها بكل حياتي تنفست بعمق وشميت ريحة طيبة ههه حسيتها خاصة بالسيارات شكلها سيارتو جديدة حسيتو عم يطلع فيني التفتلو بتردد وبالفعل عيونو عليي
عمر:اي ريما شو قصتك وليش جاية لتنحبسي
ريما:لانو مافي مكان روحلو مبارح نمت بالحديقة تجمدت وبردت وبالنهار بقضيها عم دور ع شغل تلت ارباعهن عندهن موظفين والباقي بيغمزني لشغلات
عمر:فهمت عليكي ما الك حدا او بتعرفي حدا
ريما:لا ابدا ما اقدرت رافق او اتعرف على حدا وقت هربت من الميتم فكرت راح تاخدني عيلة وتأمني عندا بس بقيت مشردة
عمر:واكيد انتي متجوزة وحامل
ريما:شو قصدك
عمر:لا لا يمكن حدا متعرض
ريما:لا تكفي..انا حامل من جوزي بس ما عاد تحملتو ولا هو تحملني طلبت الطلاق واطلعت من بيتو
عمر:المشاكل كتيرة كنتي تفاهمتي معو او بالاحرى لازم ما فرطي فيه
ريما:..
بقلبي:لانك مو عايش عيشتي
عمر:طيب ازا الي حكيتيه صحيح وطلع ابدا مو كزب راح ساعدك
ريما:كيف
عمر:بامنلك سكن وشغل
ريما:عنجد يكتر خيرك
عمر:راح اخدك معي للبيت
ريما:بيتك انت
عمر:ساكن مع امي
ريما:..
عمر:ازا ما بدك براحتك

ما اقدرت فوت هالفرصة
ريما:بروح معك بس بخاف كون تقيلة دم
عمر:خلص لا تهتمي
مشي بالسيارة بقينا ساكتين ووصلنا لحارة متواضعة ومليانة بنايات انزلت معو وامشيت وراه وحسيت بخوف بس زال وقت فتح الباب ونده لامو
عمر:امي..يا امي
رجاء:اجيت حبيبي
....
كان بدو يطمنها ل ريما لهيك نادى لامو فاتت وسكر وراها الباب دخل للصالة وراح لعند امو باس ايدها وراسها
رجاء:الله يرضى عليك مين هي
عمر:اي بعرفك ريما
رجاء:تشرفنا
سلمت عليها
عمر:اقعدي ارتاحي
قعدت خجلانة
عمر:امي عاوزك بكلمتين
لحقتو امو على غرفتو كان واقف وعم يفكر بكزبة لحتى امو توافق على اقامتها بشكل مؤقت
رجاء: شوفي حبيبي ومين هي
عمر:ريما راح تضل هون لحتى امنلها سكن وشغل
رجاء:اي
عمر:هي تايهة هون
رجاء تايهة ولا هربانة
عمر:مو مهم المهم انو هي حدا مسكين وبدي تديري بالك عليها
رجاء انا ما عندي مشكلة بس مو لازم نعرف قصتها شكلها حامل
عمر:متزوجة هيك حكتلي نحن مادخلنا ابدا بهالموضوع المهم نستضيفها هالمدة لحتى تروح
رجاء:متل ما بدك...بس يمكن تكون صاحبة مشاكل وعصابات او جاية مقصودة لبيتك لانك محقق و
عمر:ههه دخيل قلبكك يامو انا الي طالعتها معي مو هي طلبت ولا تخافي عليي المهم لا تزعليها باين انها مسكينة
رجاء:باين انت المسكين
عمر:خهه بتعرفي لاي ساعة سهران
رجاء: للتلات
عمر:ههه ما نمت وفهمك كفاية جوعان وتعبان
رجاء:خسى الجوع يا روحي راح حضرلك لفطور
عمر:لا بس اصحى باكل عيوني عم يغمضو لحالهن
رجاء:متل ما بدك
لبس بيجامة وتمدد بالتخت وغمض عيونو بدون ما يفكر بشي ابدا وغفي تارك هموم الشغل ورا ظهرو صحي بوقت متأخر كتير كانت الساعة تمانية متكسر من النومة تجلس بتعب وراح للحمام غسل وشو وسمع صوت حكي
عمر:هي امي مستلميتها للمخلوقة
طل عليهن كانت ريما مبدلة تيابها لابسة بلوزة صوف خمرية وتنورة جينز ورابطة الاشار ورا رقبتها وامو عم تحكيلها عن معاناتها مع حماتها بزمانها
عمر:احم احم
رجاء:اصحيت تقبرني
عمر:وميت جوع
رجاء:يلا تكه وبحضرو
ريما:خليكي خالة انا بسخنو
وقفت دغري وهو قعد حد امو وابتسملها
عمر:شو عم تعيدي الماضي
رجاء:لانها غريبة حكيتلها
عمر:ههه شايفها متل الطالبة معك
رجاء:ههه حاجتك مسخرة
عمر:اي شو بين معك بنت حلال ولا
رجاء باين انها مسكينة ما خلتني ادقر شغلة
عمر:بس اوعي تردي عليها المخلوقة حامل وبتتعب
رجاء:اي ولايمتى راح تبقى هون
عمر:مو حكينا بالموضوع
رجاء:وانت
عمر:انا شبني
رجاء:يعني بتضل عزابي
عمر:ههه انا الي يومين عندك ازا مستقلعة رايح من هلا
رجاء:لا بمزح
عمر:وعلى كلا رايح للقهوة بعد العشى
رجاء:اي حبيبي
اجت ريما لتندهلو
ريما:الاكل جاهز
راح يتعشى وهي رجعت لعند امو
.....
ما مليت من حكاياتها لانهن بيشبهو قصتي كانت مراة ملتزمة وحنونة بنفس الوقت اعطتني تياب كانو لاختها بس كتير حلوين ومرتبين اجى عمر مبدل تيابو لابس بنطلون جينز وبلوزة صوف سودة
عمر:بدك شي امي
رجاء:لا تتاخر
عمر:ماشي يلا بخاطرك
رجاء:الله معك
سكر وراه الباب
رجاء:شو رايك نروح للغرفة انا تعبت
ريما:اي ماشي
كانت غرفتها حلوة مرتبة شرحة بنفس الوقت وفيها تختين
رجاء:راح تنامي بغرفتي
افهمت قصدها لانو عندها شب عزابي بالبيت خايفة على ابنها مني او من ابنها عليي ابتسمتلها
رجاء:ههه بدك تنامي بهدول لتياب
ريما:لا اكيد هلا بطالع قميص نوم
رجاء:اي خدي راحتك
البست القميص وقعدت بالتخت تغطيت لاول مرة بجرب هيك شعور دفا وحنان
رجاء:اشلحي عن راسك عمر ما بقى ييجي
شلحت وتمددت بمكاني
رجاي:شعرك غزير مشالله
ريما:اي
رجاء:باين انك تعبانة
ريما:اي والله كتير
رجاء:ارتاحي لكن
غمضت وغفيت بدون ما حس
مر اسبوع على اقامتي ببيت عمر وكنت متاكدة انو هالاقامة مؤقتة يعني كمان اسبوع راح اتقلع او لاقي شغل اصحيت بكير على غير العادة حبيت اعمل فنجان قهوة واشربو على رواق على بلكون المطبخ كنت عم راقب الشارع وشوي انسفطت سيارة بيضا ونزلت منها ست وفاتت للبناية ما توقعت تكون قاصدة هالبيت اندق الباب بهدوء ورحت لافتح كانت صبية بشعر قصير اشقر وعيون زرق بيجننو
نسرين:مين انتي
ريما:انا..انا انت الي مين
نسرين:امم انا مين لكن
دخلت وبدون تردد فاتت وتوجهت ل غرفة عمر بقيت صافنة بمكاني فتحت باب غرفتو ودخلت عليه وسكرت كمان
......
كان نايم ومستغرق بالنوم بسبب تعبو بالدوام فارش ايديه على لمخدة وحدة فوق لمخدة ووحدة تحتها وقت شافتو بلا بلوزة جن جنونها وتخيلتو مع الصبية الي فتحت
نسرين:اكيد عمر متزوج 😔وهي المخلوقة حامل منو كنت متاكدة انو ما بحبني بس مجبور على هالخطبة انا بفرجيك يا عمر قعدت حدو وبلشت تصحيه
نسرين:عمر...لا تعمل حالك نايم...بدي احكي معك يلا اصحى ..هزتو من كتفو ودغري تحرك

عمر:اممم
نسرين اصحى صحصح معي يلا
عمر:نسرين
تجلس بسرعة فرك عيونو ووشو
نسرين:اي نسرين لكن مين فكرتني اه
عمر:بس ما الك بالعادة
نسرين:قلت اجى ليلة مبارح من دواومو لروح زورو بكون اشتاقلي بس شكلك غرقان بالعسل هون
عمر:عسل شو
نسرين:اسال حالك
اشرت على صدرو
عمر:شو قصدك
نسرين:من ايمتى بتنام بدون اواعي
عمر:والله هي غرفتي بنام لابس شالح مو شغلك
نسرين:امم غرفتك قلتلي
عمر:شو نسرين شبكي
نسرين:ما بعرف اسال هالندبة هي الي على رقبتك
اطلع بالمكان الي اشرت عليه
عمر:نسرين هي انتي علمتيها مو من حالها طلعت حاجتك
نسرين:مين هي الي عندك
عمر:مين قصدك
نسرين:الي فتحتلي البنت الي بتشبه الباربي
عمر:ههه هلا هي باربي
نسرين:شو انت شايفها وحامل كمان
عمر:اهااا عم قول لشو هالكشرة ريما قصدك
نسرين:كمان اسمها ريما
عمر:اي شو القصة
نسرين:ليش هي عندك
عمر:لك انا موساكن لحالي وريما هون بتساعد امي بشغل البيت
نسرين:من ايمتى
عمر:تعبت وجيبتلها وحدة تساعدها
نسرين:تساعدها وانت هون
عمر:نسرين شبكي غيرانة ولا جانة اليوم
نسرين:لتنين
عمر:ازا لتنين انا هلا بجن ها
نسرين:ليش ما خبرتني من ايمتى هون هي اه من وقت الي قلتلك راح بتغدا عندكن وانت رفضت انا كنت شاكة ومتاكدة.
عمر:خلصتي شك وغيرة ولا لسى
نسرين:كنت متاكدة انك ما بتحبني شو غشيمة عنك انت مو قصة خجل ولا شغل انت ما بتحبني
عمر:...
غمض لانو هلا صحيان وعم يناقش بامور مو صحيحة
عمر:خلص حبيبتي روقي هلا بفهمك وهلا بتتاكدي انها بس خدامة هون
تجلس واخد بلوزتو لبسها ومدلها ايدو
عمر:يلا نشرب قهوة
وقفت معو ولسى زعلانة وبقلبو
عمر:الله يكبرلك عقلك يا نسرين ازا هيك وخطبة بكرى راح تعدمني بعد الزواج طلعو من الغرفة كانت امو مع ريما بالمطبخ وفرحت بشوفة بنت اخوها
رجاء:نسرين عنا عم قول ليش البيت منور
نسرين:بوجودك عمتوو
عمر:صباح الخير
رجاء:صباحك ورد وفل شو رومنسية ع الصبح
نسرين:رغم انك بتعرفيه لابنك
اطلعت ع البلكون وزورتها ل ريما
قعدو كل واحد من جهة حد رجاء
رجاء:عمر مافي منو وانت كمان مافي منك لازم تديرو بالكن على بعض
نسرين:مو هيك الهيئة
عمر:بدي غسل وشي واشرب قهوة وصحصح ما بعرف كيف الك مزاج ع النكد من الصبح
تركها وراح
نسرين:شفتي انا نكدة انا
رجاء:هو الصبح مستحيل يحكي اي كلمة ما حلك تتعودي
نسرين:والله هي لحالها حكاية بيكفي لحد هلا ما حسسني بشي اسمو حب
رجاء:نسرين بعرفك مثقفة وواعية
نسرين:بس اي بنت بتحب الدلال والاهتمام لك السؤال بس عمر مطنش
رجاء:شغلو ما حلك تتعودي
نسرين:حفظت هالموشح
رجاء:ههه لسى بتغاري عليه
نسرين:وراح موت قهر...اي مين هي عمتو
رجاء:هي هي ريما
نسرين:وليش هي هون
رجاء:اه
عمر:ما سدءتيني عم تسالي امي ..قلتلك جاية تساعد امي
رجاء اي حبيبتي
نسرين:وليش معصب انت
عنر:ماني معصب بس ما بحب اسألتك الي ما الها لزوم
نسرين:اصلا انا كلي على بعضي ما الي لزوم بحياتك ...يلا عمتي بخاطرك
رجاء وين...عمر لا تخليها تروح
لحقها دغري وعم يتأفف منها
.....
حسيت اني اشعلت فتنة بيناتهن بدون سبب والبنت عم تتزوارني كل شوي راح ليراضيها ودخلها على غرفتو ورحت لافهم من الخالة
ريما:انا السبب خالة
رجاء:لا حبيبتي نسرين على طول بتعملو مشاكل لتعرف قيمتها عندو
ريما:بس
رجاء:والله مو انتي السبب هني على وش زواج وعم يجهزو بيتهن وبدها تدلل
ريما:الله يتمملهن على خير
رجاء:دخيل قلبكك شو طيوبة
ريما:وراح تبقى زعلانة
رجاء:هلا بيصالحها يسطفلو متعودين على بعض
ريما:عن حب خطبو
رجاء:لا من وقت كانو صغار وهني مع بعض ولساتهن
ريما:اي
بقلبي:يعني شي متل الاجباري
ريما:حضرلهن القهوة
رجاء:لا يسطفلو هني بس يتصالحو بيشربوها تعالي معي نروح نتفرج على شي برنامج
......
بعد عزيمة على غدا مدلل رضيت عليه ومو بس هيك بقيت متعمشقة فيه بالسيارة بس عمر جامد بمكانو وصلها للبيت ورفض ينزل
نسرين:بتسلم على بابا
عمر:سلمي انتي عليه
نسرين:بزعل منك
عمر:لا هلا تصالحنا عندي شغل والله
نسرين:فنجان قهوة ما بعطلك
اطلع فيها بنظرة حادة وفهمت عليه
نسرين:براحتك لا تنسى بكرى
عمر:لا ما بنسى.
طبعتلو بوسة على خدو ونزلت وبقيت عم تودعو لاختفى كان حدا بارد لدرجة والسبب طبيعي نسرين كبرت معو وربيت معو لعبت معو وما بحس تجاها ولا باي شي حتى وقت يكونو لحالهن ما بحاول يبوسها او يقرب منها ولحد هلا قلبو ما دقلها ابدا بس مجبور يسايرها ويراضيها وصل لعند ظافر كان ناطرو بالقهوة
ظافر:طولت ولوو
عمر:مو لخلصت من نسرين
ظافر:ههه صحلك شقرا صرت بدك سودة
عمر:ولا حتى حمرا
فرطو ضحك
ظافر:عنجد عمر
عمر:اي عنجد ازا نفسي فيك نفسي بالنسوان
رجعو فرطو ضحك

ظافر:لا هيك كتير ما بخطر على بالك
عمر:اي كتير بس وقت كون بدي امسك الكرباح
ظافر:ههه اي بعرفك
عمر:وين القهوة
ظافر:ماشربت عند الحب
عمر:ولا بدي اشرب
ظافر:بنت خالك يا زلمة شبك
عمر:شيلني منها
ظافر:اي بدك تداوم
عمر:بكرى اي الليلة لا
ظافر:بتمك في حكي احكيه
عمر:..
ظافر:عم تخبي شي عليي
عمر:لا
ظافر:براحتك لا تحكي
عمر:عملتلي مشكلة
ظافر:ليش
عمر:..
ظافر:عامل شي معها
عمر:لا...بس..بس
ظافر:خوفتني ولوو
عمر:هو مابعرف من وين بدي بلش
ظافر:يا لطيف من وين ما بدك
عمر:تخانقنا لانو استضفت ريما عندي
ظافر:مين ريما
عمر:ما تزكرتا...ريما
شهق وتجلس منيح
ظافر:عمر ريما عندك انت
عمر:اي
ظافر:مجنون انت
عمر:اشفقت عليها
ظافر:ليش طيب ليش ما خبرتني
عمر:نسيت
ظافر:وشو راح تستفيد انا حاسس هالبنت مو نظيفة
عمر:..
ظافر:عمر انت صاير لعقلك شي صح
عمر:لا ابدا بس وقت اطلعت من المركز لحقتني وطلبت حطها بالسجن مشيت وراها مابعرف كيف فجاة حنيت عليها حسيتها عنجد مقطوعة وحبيت ساعدها
ظافر:وبتروح بتحطها ببيتك يمكن تكون جاسوسة لشي عصابة
عمر:لا ازا موبايل ما معها
ظافر:هني هدول الي بينخاف منهن
عمر:استضفتها ومشي الحال المخلوقة حامل وحكتلي قصتها باين انها مظلومة انا فترة وبس راح دبرلها شغل..
ظافر:اي وبعدين
عمر:ولاشي ...
ظافر:وبعد الشغل بيت
عمر:لا تسطفل هي بتشوفلها بيت بس انا ما بدي تشتغل وهي حامل
ظافر:لا تحكيلي بدك تخليها لتولد عندكن
عمر:امي حابيتها كتير وعم تسليها وتساعدها
ظافر:اي
عمر:راح اعطيها مصاري بدل الشغل الي عم تشتغلو وهيك بحسب اني جبت خدامة لامي
ظافر:مابعرف كيف صاير تفكر من ايمتى قلبك حنون عمر...يعني لوما بعرفك بقول حنون من يوم يومو
عمر:..
ظافر:ليكون
عمر:حبيتها😉
ظافر:بتعملها
عمر:لا ما بعملها وخلص خلينا نسكر ع الموضوع حكيتلك لحتى تعرف ولحتى ما تزعل مني
ظافر:انت بتتحمل النتيجة
عمر:..
ظافر:على فكرة معها حق نسرين تحرد
عمر:ههه ليش بقى
ظافر:ريما حلوة
عمر:ونسرين حلوة
ظافر:بس بتفرق عن بنت خالك
عمر:..
ظافر:عم ترجم الي جواتك صح
عمر:فكرك عمر بيحب بيوم ويومين او حتى اسبوع انت بتعرفني
ظافر:اي ومو معقول تحب وحدة على قولها مطلقة وحبلة هي ازا مو
عمر:ما الي فيها وبعدين امي مرتاحة الها كتير وانا بعرف احساس امي ما بخيب
ظافر:دخيل احساسك😁
استرخى وابتسملو شف من القهوة وبقيو سهرانين وعم بتناقرو لساعة ١١ وبعدها ظافر الي فركش السهرةوكل واحد فيهن رجع لبيتو

.....
اصحيت وما شفت الخالة رجاء عندي لهيك دغري البست تياب البيت والبست الاشار واطلعت من الغرفة غسلت وشي ورحت للمطبخ قبل فوت كان صوت حكيهن
عمر:متل ما قلتلك
رجاء:الله يخليلي اياك
فتت وصبحت عليهن كانو عم يفطرو
ريما:صباح الخير
ردت بس الخالة رجاء وهو شف كاسة الشاي ووقف
عمر:يلا بخاطرك امي وصيني قبل روح
رجاء:سلامتك يا روحي انتبه على حالك
كان حاطت المسدس على خصرو لبس الجاكيت وطلع دغري من المطبخ
رجاء:جيبي كاسة شاي وتعالي افطري
ريما:..
قعدت وشاركتها بالفطور وبعد ما خلصت ضبيت الاكل وجليت ورحت لعندها ع الصالة كانت قاعدة وناطريتني طالعت من جزدانها مصاري واعطتني اياهن
ريما:لشو هدول
رجاء:هدول من عمر الك
ريما:بس مستحيل اخدهن
رجاء:بدال تعبك
ريما:ليش شو عم اشتغل
رجاء ولو كان بدبري حالك فيهن
ريما:يعني هو اعطاكي اياهن
رجاء:اي وخبرني انو مو لاقيلك شغل لحتى يامنلك شغل وساعتها
ريما:خالة عنجد مافيني اخدهن شكرا الك والو انا مو متعودة اخد مصاري من حدا
رجاء:نحن حدا ...انا تعودت عليكي وحاسس اني بعرفك من زمان ..خديهن بس هالمرة بتشتري شوية اغراض اكيد بيلزموكي وما بدك تجيبي تياب للبيبي
ريما:...
رجاء:يلا لا تكسري خاطري
ريما:..
اخدتهن وانا مترددة ومتاكدة انهن حسنة منو
رجاء:اليوم عمر ما راح يرجع اليوم راح ناكل على زوقك
ريما:تكرمي خالة
حسيت بخجل منيح انو امو اعطتني اياهن لو هو مستحيل اقبل اصلا ما عم يطلع فيني يمكن حاسس اني وحدة مو منيحة ومعو حق الي عملتو انا مستحيل سامح حالي عليه ازا هو تجوز اكيد راح ابقى مع الخالة هههه عم تحلمي لك ريما لازمك اقامة وببلاش لا مع راتب كمان وقت شوفو راح اسألو لشو هالمصاري يمكن اول مرة بنطر حدا هيك كنت عم عد الثواني يوم الاحد لحتى ييجي كنت متاكدة ع الساعة تلات راح يفوت البيت ضليت واقفة ع البلكون مجهزة الغدا شفت سيارتو انصفطت ونزل منها دغري بلشت اسكب الاكل جهزت الطاولة دغري وجليت كم شغلة سعل عند باب البيت واسمعت الخالة رجاء عم تحكي معو
.....
كان البيت مرتب فيو روح جديدة عم يحس فيها عمر ريحة الاكل بتشهي كان جوعان بس وقت شم الريحة فرط من جوعو سلم عل امو وشلح الجاكيت رماه عالكنباية

عمر:راح موت من جوعي
رجاء:الأكل جاهز يلا غسل ايديك
عمر:ضروري يعني
رجاء:ههه دخيل قلبكك
راح غسل ودغري دخل للمطبخ كانو ناطرينو قعد دغري وبلش بالاكل كان عم يشوف ريما بطرف عينو ما اكلت كتير اغلب الوقت عم تحرك بالصحن شبعت امو دغري وركبت ابريق الشاي لمحها عم تطلع بس فيه ودغري اطلع فيها
عمر:في شي
ريما:لا ابدا
شبع وصار بدو يتاكد منها
عمر:لا في شي بتمك في حكي
ريما:اي..بس لتشبع
عمر:انا اشبعت احكي
ريما:..
طلعت امو من المطبخ وبقي شاردفيها وكيف متلبكة
ريما:مشان المصاري
عمر:مصاري شو
ريما:الي اعطيتهن للخالة
عمر:اي شبهن
ريما:ما الهن داعي ابدا
عمر:مشان هيك...هدول الك يعني بدل تعبك
ريما:بس انا ما عم اتعب ابدا
عمر:بتعتبري انك عم تشتغلي بمكان تاني
ريما:بس انت فضلت عليي
عمر:لا فضلي على حالي وبس وهدول من حقك ما تفكري انهن حسنة وازا بدك تشتري اي شي انا بوصلك
ريما:والله ما بعرف شوبدي قلك..
عمر:..
ريما:عنجد شكرا الك
عمر:..
وقف ودغري راح لعند امو قبل يحس بشغلات تانية