لم تكون في مرحلة بتاعت تَخطِي أيًا كان نوعها ..

( إنقطاع من الصلاة ، الدعاء ، الذكر ، القرآن، علاقة مُحرمة، أشخاص مشو من حياتك، وشَتى الأنواع )

خليك مُقتنع تمامًا إنه ماف حاجه تتخطَى بيها المراحل دي غير ربنا !
في مرحلة من نَزوات حَياتي أخدت ليّا قرصه صغيّرونة كده ، كانت صَعبة شديد وضاغطة بطرِيقة ما طبيعية ، ودي سُنة ربنا طبعًا إِنك تتعصِر وتجيب الزيت وتقول الروبّ ..
بس وين ربنا من الكلام ده كله !
موجودّ ربنا مالو = موجود .

كل ما يسألوني وأَكون مُتجرسة، بسمَع كلمَة مالِك ؟
فشنو .. حاصل معاكِ شيء ؟
بصرَاحة لا كُنت بحكي ولا ببكي .
الصبر سمِح وجميل والأجمل من ده كلو إنه ربنا كريم شديد ورَحيم علينا كُلنا بلا فرز ، بس الإبتلاءات تأتِي تِباعًا كلها وراء بعض ، إبتلاء وراء إبتلاء ، ودموع وراها دموع ، أجور معاها أُجور ،يقين ما بعده يقين ، وجبرٌ من رحمنٍ غفور .

والصبُر ده ذاتّو عَايز صبُر ما بَعده صبر ، تلّوك القرضة وتمسِك فيه بس لأنه طوق النجاة🤣♥️.

كل فترة حُزن وزعَل ، إكتئاب وهم وغم ، إنتكاسه أو تفلُت زاحِمّها باليقين والصبر .
النقطة التانية والأهم
القرآن كل ما تحس نفسك ما تمام أمسك في القرآن والدعاء .
مرات ربنا بنزل عليك الإِبتلاّء فشكل هَدية وبغلفه تغليفه سمحة خلّاص ويخُتها قدامك .. إنت تقوم تفتحها وتتوالّي عليك الأقدار ، قدر وراء قدر فما عليك إلا بالصبر .
إذا صبرت مُبارك عليك الأجر والفلّاح .
وإذا ما صبرت وإتجزعت ح تلقى الأقدار هيّ هيّ ما إتغيرت منها حاجه ..

تُبتلى، فتصبِر ، فتؤجر ..
تُختبَر ، فتجزّع ، فتُصبُّ عليكَ الإبتلاءات حتى تُتقِن التصبُّر وتَنال الأجر وسِّر كُل تِلك الأجُور اليقينُ بِالله♥️.

#وعد_الدرديري

في موضوع مؤذي شديد وبحسننا نحنا كلنا كبنات بالأسى على اخوات البنات الحنقول ليهم ربنا يهديهم ويصلح حالهم ياارب ويعفو عننا وعنهم ويردهم اليه رداً جميلا...

اذا انت بنت وربنا م ابتلاك بحب الظهور في الميديا كصور كفديوز فيس او تيك توك احمدي ربنا شديد والله انت في نعمة عظيمة وادعي ربنا بالثبات♥️..

لما مرة حضرت محاضرة لي شيخ وائل وهو بتكلم عن البنت لما تكون ماشه الجامعة وهو بحسب ليها في السيئات البتكون في ميزانها مسافة الطريق بس عرفت ليه المقولة البتقول عجبت لمن غلبت احاده عشراته يعني ليه اذا السيئة بمثلها والحسنة بعشرة امثالها كيف في ناس بتغلب سيئاتهم حسناتهم!...

شيخ وائل وهو بحس في السيئات دي قال احسب معاي من طلعت من البيت سيد الدكان عاين ليها وعينوا جات في حته ما تمام في ميزانها ....
وفي 2 هناك لا بتعرفهم لا حتشوفهم تاني عاينوا ليها وعلقوا فيها في ميزانها...
جات مارة بشلة كلهم عاينوا وكلهم في ميزانها....
وده بس من طلعت جات راكبة المواصلات من الكمساري وكل الناس المرت بيهم ديل عاينو وفي ميزانها نزلت حرس الجامعة في ميزانها اولاد الجامعة في ميزانها ناس لا حتشوفهم ولا حتلاقيهم تاني كلهم في ميزانها شايف مع الشيء ده كتيررر كيف؟!💔...
بعدين انت بتقدري عليه يأاختي؟💔

طيب ده انسانة ممكن تطلع مرتين او 3 في الاسبوع دي السيئات الممكن تجيها في ميزانها!..

اتخيل معاي بنت بتطلع كل يوم في تيك توك بلبس ما بيرضي ربنا وحركات لا ترضي الله وكل المفاتن ظاهرة كل الناس بتشوفها وكل الناس ممكن تفتح المقطع في اليوم 1000 مرة ويشوفها الف مرة وكل مرة رصيد سيئاتها ماشي زايد تتخيل معاااي دي بعدين عداد سيئاتها حيكون كيف؟💔...

المؤسف في الموضوع كل بنت قايمة جديد عايزة تظهر بحاجتين لا ثالث لهما وهي للاسف فقيرة جداً لا تمتلك غير جمالها ومفاتنها وجسمها ده💔...

قريت بوست لي واحد قال النوع ده كل م تحس انها مهمشة وفديوهااتها م جابت ريتش ووصول عالي حتعمل كل مرة مصيبة اكبر والعري حيزيد والمفاتن حتظهر اكتر عشان هي فاكره انو ده كل م تملك💔....

انا والله قلبي بوجعني للبحصل واللي بنشوفوا في الريلز وفي التيك توك وفي الصور وفي كل شيء لي بنت عارضه نفسها وجمسمها للماشي والغاشي وتظن انها هي الفائزة وهي لا تعرف انها الخسرانة الوحيدة في اللعبة💔...

حاافظوا على نفسكم يابنات أنتوا غاليات شديد والله ربنا كرمك وعززك شديد م ترخصي نفسك وما تذليها اكرميها وصونيها الي ان تلقي الله انت ابداً م هينة عشان تكوني سلعة كده للماشي والغاشي♥️...

تستاهلي البصونك وبحفظك وبدسك من عيون الناس البجي بيتكم ويكرمك ويقعد مع راجالك وانت معززة مكرمة محفوظة مصانة اوع ترخصي نفسي♥️...

وانتِ يالمستورة يالمافي زول شافك ولا في زول حيشوفك وداسه نفسك كده ومحافظة عليها وبتجاهدي شديد في الوسط البقى كل شيء متاح وعادي للاسف....فعايزة اقول ليك أن الله يحبك وانا احبك وانتِ غالية علينا كلنا👑♥️.

ان يغفر الله لهم ولنا ويهديهم ويهدينا ويعفو عنا وعنهم ويردنا اليه رداً جميلاً اللهم تثبنا على دينك الي يوم نلقاك...

#مُنية_مجدي

‏كتب سلمان الفارسي إلى أبي الدرداء:

‏"أمَّا بعد، فإنك لا تنال ما تريد إلا بترك ما تشتهي، ولن تبلغ ما تأمل، إلا بالصبر على ما تكره، فليكن قَولُكَ ذِكراً، وصَمتُكَ فِكراً، ونَظَرُكَ عِبرةً، واعلم أن أعجزَ الناسِ من أتبَعَ نَفسَه هواها وتمنى على الله الأماني، وأن أكيسهم من أتعب نفسه.

لأن ليس للإنسان إلّا ما سعى،
ها أنا يارب أُحاول
فبارك المسعى بالقبول
واختم لي بالوصول
واجعلني من الشاكرين من قبل ومن بعد
ثُم ألهمني بنعمتك لأُحدّث.

-هدير خليل

هذا الصباح❤️


" وللتذكير فقط "

مهما كنت مضايق و حاسِس البتمر بيه حالياً أكبر من طاقتك ،وصعبانة عليك نفسك ؟!

اسمح لي أخطفك للحظات بس ..

واطلب منك ترفع نظرك للسماء فوق

فوق في شنو ؟!

في الأكبر منك ومني

الشايل همومنا والمُدرك لكل صغيرة وكبيرة

والمتابع الحكاية من أول .. لحظة بـلحظة

الـ أرزاقنا في يده
لا .. بل أنفاسنا زاتها تحت رحمته

والقادر يدبرها من عنده ويشقلب أحوالك حسي كلها

في لحظة بس !

من أشدّ الضيق الى اوسع الطريق.

ما بـ يعجزّه شيءٌ لا في الأرض لا في السماء.

بس ربنا عندو حكمة من كل حاجة

كلنا عارفين كدة

وعارفين كمان الإبتلاء بجي بمقاس كل واحد بالزبط وحسب طاقة تحمله

كلنا عارفين الكلام ده م محتاجين تذكير مش ؟

بس أحياناً بتضيق علينا لمّ ننساه

وممكن في لحظات لم نسمعه من غيرنا ما يعجبنا ، لانه احنا عارفينه كويس ، او متوقعين نسمع حاجة تانية

طيب حيفرق متين؟

حيفرق لو بس لـ لحظات خطفت نفسك من واقعك الأليم ورفعت بصرك للسماء وردّدت:

"وماذلك على الله بعزيز"

وهي فعلاً ما صعبة على ربنا ، حتفرج .

الصبر صعب أنا عارفة ، لكن بعلّمنا كتير .

وغالباً مافي يد الواحد غير يصبر مرات صح ؟!


أنا كمان عندي دعاء بحبّ ادعي بيه في اللحظات الـ زي دي

كلما الدنيا تعكّنن معاي وتضيق بي واحتار ادعي بشنو؟

بلقى نفسي تلقائياً لسان حالي بردّد :

"اللهم تعلم ما في نفسي ولا اعلم مافي نفسك وانت علّام الغيوب."

وبكتفي بكدة

بحسها وصلت

وربنا فهمني تماماً

فهل ممكن يكون في شعور باعث الطمأنينة اكتر من كدة ؟❤️


#وفي_النهاية

الحمد لله على كل ضيقة بتقرّبنا من ربنا وتخلينا ندرك في نهاية المطاف ..

وفي كل مرة

أن كُل الملاجئ دون الله كاذبة.

" 𝒂𝒍𝒍 𝒔𝒉𝒆𝒍𝒕𝒆𝒓𝒔 𝒘𝒊𝒕𝒉𝒐𝒖𝒕 𝒂𝒍𝒍𝒂𝒉  𝒂𝒓𝒆 𝒇𝒂𝒍𝒔𝒆"

#تنزيل_صابر.

في سورة الكهف آية عظيمه بتقول:
{ وَكَيْفَ تَصْبِرُ عَلَىٰ مَا لَمْ تُحِطْ بِهِ خُبْرًا }

ودى من أقرب الآيات لقلبي الحقيقة.

حقيقي بيبقى صعب على الإنسان بنظرته الدنيوية المحدودة إنه يفهم كل اللي بيحصل حواليه أو يفهم الحكمة المستخبية وراء الابتلاء.

فـ يا رب ألهمنا الصبر على ما لم نُحِط به خُبرا.

وارضنا بقضائك حتى تظهر حكمتك في كل شيء.💕

ولأن القدر موكَّل بالنطق ..

وإنّ الصبر واليقين في تدابير ربنا مالهُمش غير نهاية واحدة وهي "الرِضا والجَبر" ..

فَـ بإذن الله السنة الجاية في نفس التوقيت ده هتكون حياتي مختلفة جدًا للأفضل والأسعد، وهكون عايشة واقع أحلامي ودعواتي كلها استجابت، وحياتي هتكون مليانة ليالي جميلة تجبُر خاطري وتراضيني ..

بإذن الله لسه الدنيا شايلالي من حِلوها كتير، وخزاين ربنا ليا هتفضل مليانة بالخير كله. ♥️.

لم تكون في مرحلة بتاعت تَخطِي أيًا كان نوعها ..

( إنقطاع من الصلاة ، الدعاء ، الذكر ، القرآن، علاقة مُحرمة، أشخاص مشو من حياتك، وشَتى الأنواع )

خليك مُقتنع تمامًا إنه ماف حاجه تتخطَى بيها المراحل دي غير ربنا !
في مرحلة من نَزوات حَياتي أخدت ليّا قرصه صغيّرونة كده ، كانت صَعبة شديد وضاغطة بطرِيقة ما طبيعية ، ودي سُنة ربنا طبعًا إِنك تتعصِر وتجيب الزيت وتقول الروبّ ..
بس وين ربنا من الكلام ده كله !
موجودّ ربنا مالو = موجود .

كل ما يسألوني وأَكون مُتجرسة، بسمَع كلمَة مالِك ؟
فشنو .. حاصل معاكِ شيء ؟
بصرَاحة لا كُنت بحكي ولا ببكي .
الصبر سمِح وجميل والأجمل من ده كلو إنه ربنا كريم شديد ورَحيم علينا كُلنا بلا فرز ، بس الإبتلاءات تأتِي تِباعًا كلها وراء بعض ، إبتلاء وراء إبتلاء ، ودموع وراها دموع ، أجور معاها أُجور ،يقين ما بعده يقين ، وجبرٌ من رحمنٍ غفور .

والصبُر ده ذاتّو عَايز صبُر ما بَعده صبر ، تلّوك القرضة وتمسِك فيه بس لأنه طوق النجاة🤣♥️.

كل فترة حُزن وزعَل ، إكتئاب وهم وغم ، إنتكاسه أو تفلُت زاحِمّها باليقين والصبر .
النقطة التانية والأهم
القرآن كل ما تحس نفسك ما تمام أمسك في القرآن والدعاء .
مرات ربنا بنزل عليك الإِبتلاّء فشكل هَدية وبغلفه تغليفه سمحة خلّاص ويخُتها قدامك .. إنت تقوم تفتحها وتتوالّي عليك الأقدار ، قدر وراء قدر فما عليك إلا بالصبر .
إذا صبرت مُبارك عليك الأجر والفلّاح .
وإذا ما صبرت وإتجزعت ح تلقى الأقدار هيّ هيّ ما إتغيرت منها حاجه ..

تُبتلى، فتصبِر ، فتؤجر ..
تُختبَر ، فتجزّع ، فتُصبُّ عليكَ الإبتلاءات حتى تُتقِن التصبُّر وتَنال الأجر وسِّر كُل تِلك الأجُور اليقينُ بِالله♥️.

#وعد_الدرديري

أكتر حاجة بحبها في الدين الإسلامي إن حرفيًا أقل و أصغر حاجة بنُجزى عليها
رد السلام ، إماطة الأذى عن الطريق ، زيارة المريض ، الكلمة الطيبة ، شوفت حاجة حلوة فقلت سبحان الله ، زيارة الأقارب و مساعدة الغير و غيره كتير
يعني حرفيًا الذوقيات في التعامل مع غيرك بتاخد ثواب عليها
بتتعب أو تتجرح بتاخد ثواب
بتكظم غيظك أو تجتهد في مذاكرتك بتاخد ثواب
حتى بسم الله و الحمد لله لما ناكل و غيرهم من الأذكار اللي بنقولها في حياتنا اليومية بناخد ثواب و أجر عليها
بحس إن ربنا بيسهلنا كل حاجة عشان نجمع حسنات
الحمد لله على نعمة الإسلام و كفى بها نعمة والله🩷🩷🩷🩷🩷🩷🎀

مرة من أكتر المرات الكنت حاسس فيها باليأس قبل فترة طويلة، كنت داخل في كم حاجة، وظروفي وقتها كانت مش أحسن حاجة.

بتذكر كنت في السوق وخشيت الجامع أصلي، وأنا بصلي كنت مهموم وبدعي ربنا يفرج علي الأنا فيه، المهم خلصت الصلاة وأنا كنت حاسي مش ح اقدر أقوم طوالي ، حاسس اني محتاج أقعد شوي.

وهنا كانت النقطة الغير مفهومي تمامًا.

بعد انتهت الصلاة في كم راجل بقوم وبشكي، يا أهل الخير أنا مريض عايز مساعدة، يا أهل الخير عايز اتم قروش عملية لي أمي، يا أهل الخير أنا كفيف ما عندي طريقة اشتغل ساعدوني.

وقفت وأنا بتمعن الناس ديل، حسيت بشعور غريب وقتها، وهي إني في أسوأ الحالات حسب ظني، ويمكن ما معاي ولا جنيه وقتها، بس ربنا سترني وكفاني من مسألة الناس، ربنا سترني رغم حوجتي ودبر أمري وجعلني عزيز أنا والفي رقبتي من أهلي .

وقتها بالضبط فهمت الفرق بين العزة والذلة، واختيار ربنا لي إنو يعزك ويكرمك ويكفيك سؤال غيرك ما عندو علاقة بالوضع الإنت فيه، بعدها طوالي حمدته ربنا كتير على نعمة الصحة والعزة وأنا كلي قناعة إنو زي ما ربنا أعزني وسترني من الناس وقت الحوجة ح يدبر لي أمري هو.

وفعلا كان كرمه كرم الكريم ، فالشاهد في القصة إنو ما دايمًا الحال الإنت فيه هو أسوأ حال، والرضا والقناعة هم مفتاح السعادة وإنو كله الحصل معاي كان بكرم الله لا بجهدي .♥️


#أمين_عبدالماجد

" اللهم أصلح قلوبنا، وأزل عيوبنا، وتولنا بالحسنى، وزيّنا بالتقوى، واجمع لنا خيري الدنيا والآخرة، وارزقنا طاعتك ما أبقيتنا♥️."

اللهم صل وسلم على نبينا محمد وعلى اله وصحبه اجمعين.

هذا المساء ❤️


أريد في المستقبل ..
بالًا مطمئنًا،
ورفيقًا حنونًا، يكون وجهتي الآمنة، وأكون له سكنًا
نبني بيتًا صغيرًا،
أعمدته الحب.
وأرجو ألا أُخذل مجدداً في موضع طمأنينتي،
وأرجو أن ترحم الحياةُ قلبي الهش،
وأنالَ ما أتمناه بشدّة، ولو لمرة واحدة."

خُذ هذه منّي..

لا تُظهر للنّاس تفاصيلك، لا تُعلِن عبادتك، أخفِ دمعتك، لا تنشغل بتصوير، لا تُركّز بإشعار، لا تركض خلف هاتفك، أطفئ كُلّ شيء، حاوِل، انتبه لمحرابك، أطِل سجودك، كرّر دعاءك، لا تلتفت لأحد، لا تعمل ليُقال عنك، بل ليَرضىٰ عنك، وأنت تعلم جيّدًا كم تحتاج إليه! فاقترب.

انفَصِل، وافصِل، ثُمّ عِش تفاصيلك كأنّها الأخيرة.

- قُصَيّ عَاصِم العُسَيلي.💛🌸

"شكر النعم، مفتاح الزيادة والبركة"💕✨

كم من نعمة نعيشها يوميًا دون أن نلتفت لها؟ نعمة الصحة، ونعمة السمع والبصر، ونعمة الأهل، ونعمة الأمان.. بل حتى أنفاسنا التي نأخذها بسهولة، هي من أعظم نعم الله علينا.

قال الله تعالى:"لَئِن شَكَرْتُمْ لَأَزِيدَنَّكُمْ." [إبراهيم: 7]

فبالشكر تدوم النعم، وتزداد، وتتبارك حياتنا.

الشكر لا يكون فقط باللسان، بل بالقلب الذي يعترف بفضل الله، وبالجوارح التي لا تستخدم النعمة في معصيته.

قل في كل صباح ومساء:

*"اللهم ما أصبح بي من نعمة أو بأحدٍ من خلقك، فمنك وحدك، لا شريك لك، فلك الحمد ولك الشكر".*

هذه الكلمات البسيطة تحفظ النعمة، وتفتح لك أبواب خير لا تُحصى.

فلا تنسَ أن تذكِّر نفسك دائمًا..

إذا أردت دوام النعم، فأكثر من قول:
"الحمدلله"💜

نبرة هادئة وعميقة:


خلونا نكون صادقين مع نفسنا شوية:
الحياة فيها أيام ما ساهلة.. بتجي زي الضباب، تقيلة، وما بتعدي من غير ما تترك وراها وجع أو دروس.
بتتعبنا، بتخلينا نسأل كتير، ونحتار أكتر.

لكن رغم دا كله..
في يقين بيخلي القلب يطمن:
"ربنا ما كتب حاجة عبث.. وكل وجع معاهو حكمة، وكل تأخير فيهو رحمة، وكل صبر وراه عوض بيشبهك".

الحمد لله دائمًا وأبدًا 💘✨.

اليوم سمعت معلومة من شخص وأبهرتني وما أعرف عن صحتها يقول:

"صلي بأكثر من مكان عشان الأماكن اللي صليت فيها تشهد لك يوم القيامة"🩵✨

"قل الحمدلله حتى وإن باتت أيامك مُمتلئة بالخيبات، فلا شيء يساوي العافية🌸✨."

-
" اللهم ألَّا يُصاب قلبي بوهن، أو يكسِر كرامتي طلبًا، أو أُشفِق على نفسي بعد ركضٍ طويل في طريقٍ خاطيء؛ اللهُم الصواب في كُل قرار، ونور البصيرة لكُل حاجة، والهُدى الذى لا يمسَّه ظُلمة ولا يعقبه أيّ ندم❤️ ."

اللهم صل وسلم على نبينا محمد وعلى اله وصحبه اجمعين

دقيقة من وقتك يا بت الناس، فالكلام الجاي دا مهم بالنسبة ليك ❤️

سألتي نفسك يوم :
ليه دايما أهل الدين والعلماء بينصحوك إنتي؟
وليه الغرب مركز عليكِ براك، وبيحاول يزرع الافكار الغريبة في راسك باسم "الحقوق" و"الحرية"؟

الموضوع ما صدفة...
لأنك إنتي الأساس... إنتي الركيزة...

لو إنتي صلحتي، المجتمع كلو بيصلح
ولو فسدتي، المجتمع كلو بينهار.

إنتي البتربي، إنتي البتغرسي القيم،
إنتي البتصنعي الرجال وتربي الجيل،
إنتي أول مدرسة، وأول قدوة، وأول حب في حياة أي زول.

والله يا أختي، لو عرفتي قيمتك الحقيقية،
كان أبغض شي لي قلبك النسويات الفيمنست،
البيحاولوا يخلوك تتمردي على دينك وفطرتك...
وكان هيكون أحب شي ليك دينك البكرمك وبيعرفك قيمتك.

ما تنجري ورا الغرب وتقليدهم الأعمى...
الحرية الحقيقية في طاعة ربك،
والكرامة الحقيقية في التمسك بدينك.

خليكِ فخورة بإنك بت، وفخورة بدورك...
لأنو المجتمع بيقوم عليك، والجيل بيبدأ منك.

واديك اكبر دليل على كلامي :

البخاري ربته أمه،
الشافعي ربته أمه،
أحمد بن حنبل ربته أمه،
الحافظ بن حجر ربته أخته
محمد الفاتح ربته أمه ليكون فاتح القسطنطينية،
‏وابن تيمية كانت أمُّه تسمَّى تيمية، وكانت واعظة، فنسِب إليها، وعرِف بها.

ف‏النساء مصانع الرجال؛ إذا صلحت المرأة صلح البيت والمجتمع ♥️

#فذكر

" هذه الكتابات حُرة.. الغرض منها أن تُرافقك خلال يومك ، وتصلُح ما افسدته الحياة في قلبك ، أن تعبر عني وعنك ، و تلمس بلُطف شعور أو توصل فكرة❤️."

قناتي الأولى على تيليجرام✨