Surxondaryolik soliqchilar faoliyati tahlil qilindi

Surxondaryo viloyati soliq boshqarmasida Soliq qo‘mitasi raisi o‘rinbosari Jahongir Abdiyev ishtirokida shaxsiy tarkib bilan yig‘ilish o‘tkazildi.

Dastlab budjet tushumlarini ta’minlash, xususan 2025-yilning 9 oyi hamda sentabr oyini samarali yakunlash masalasi muhokama qilindi.

Har bir soliq turi bo‘yicha belgilangan prognoz ko‘rsatkichi va uning amaldagi ijrosi birma-bir tahlil etildi.

“Korxonabay” yo‘nalishida samaradorlik ko‘rsatkichi past bo‘lgan soha va tarmoq mas’ullari hamda “mahallabay” tizimida eng quyi natijalarni qayd etayotgan soliq inspektorlari tanqid qilindi.

Soliq to‘lovchilar tomonidan ortiqcha to‘langan yoki ulardan ortiqcha undirilgan soliq to‘lovini qisqartirish, ortiqcha to‘lovga yo‘l qo‘ygan soliq xodimlariga belgilangan tartibda intizomiy jazo choralari qo‘llanilishi yuzasidan ogohlantirildi.

Xufyona iqtisodiyotni qisqartirish, norasmiy ishchi-xodimlar faoliyatini legallashtirish bo‘yicha ishlar yetarli darajada tashkil etilmayotganligi ko‘rsatib o‘tildi.

Uchrashuvda shuningdek  korrupsiyaga qarshi kurashish va uning oldini olish masalasiga alohida e’tibor qaratildi. Korrupsiyaviy holatlarga sabab bo‘layotgan omillar va ularni bartaraf etish choralari muhokama qilindi. Xususan ichki mehnat tartib-qoidalariga rioya etmaslik, ishchanlik kayfiyatining pasayishi va ta’magirlik barcha huquqbuzarliklarning asosi ekanligi ta’kidlandi.

Jamoada sog‘lom muhitni shakllantirish va  o‘zaro birdamlik belgilangan prognoz rejasi ijrosini ta’minlash bilan bir qatorda korrupisyaviy xatarlarning oldini olishda ham muhim ahamiyat kasb etishi qayd etildi.

👉Telegram facebook youtube instagram

#qonunchilikdagi_yangiliklar

Auditorlik tashkilotlariga ham soliqlar bo'yicha xulosalarni taqdim etish huquqi berildi

O'zbekiston Respublikasi Prezidentining "Tadbirkorlik subyektlarini yangicha yondashuvlar asosida qo'llab-quvvatlash chora tadbirlari to'g'risida"gi Farmoni qabul qilindi.
👉PF-176-son, 26.09.2025-yil

Mazkur Farmonning 3-ilovasiga muvofiq O'zbekiston Respublikasi Prezidentining ayrim hujjatlariga qo'shimcha va o'zgartirishlar kiritildi.

Xususan, soliq maslahatchilari tashkilotlari bilan bir qatorda auditorlik tashkilotlariga ham soliq to‘lovchilar ixtiyoriy tugatilganda soliqlar bo'yicha xulosalarni taqdim etish huquqi berildi. Bunday tashkilotlar ro‘yxati Soliq qo‘mitasi tomonidan yuritiladi.

Yillik aylanmasi 10 milliard soʻmgacha (ilgari 1 milliard soʻmgacha) va soliq xavfi darajasi oʻrta boʻlgan soliq toʻlovchilar ixtiyoriy tugatilganda, soliq maslahatchilari tashkilotlari va auditorlik tashkilotlarining soliqlar bo'yicha xulosalari soliq organlari tomonidan tan olinadi.
👉PQ-4846-son, 30.09.2020-yil
_________
#новое_в_законодательстве

Аудиторские организации получили право выдавать заключения по налогам

Принят Указ Президента "О мерах по поддержке субъектов предпринимательства на основе новых подходов".
👉№УП-176 от 26.09.2025 г.

Приложением №3 к данному Указу внесены изменения и дополнения в некоторые акты Президента РУз.

В частности, помимо организаций налоговых консультантов, и аудиторским организациям предоставлено право на выдачу заключения по налогам при добровольной ликвидации налогоплательщиков. Перечень таких организаций ведет Налоговый комитет.

Заключения организаций налоговых консультантов и аудиторских организаций будут признаваться налоговыми органами при добровольной ликвидации налогоплательщиков с годовым оборотом до 10 млрд сумов (ранее до 1 млрд сумов) и средним уровнем налогового риска.
👉№ ПП-4846 от 30.09.2020 г.

Тelegram |Facebook |Youtube| Instagram |X| Threads

#Tabrik

Hurmatli ustoz va murabbiylar!

Har bir insonning ilk ustozi ota-onasi boʻlsa, unga harfni, oq-u qorani tanitadigan, Vataniga sadoqat, millatiga cheksiz hurmatni oʻrgatadigan bebaho zot bu shubhasiz, oʻqituvchi va murabbiydir.

Bugun oʻzining dadil va ildam taraqqiyot yoʻlidan borayotgan Yangi Oʻzbekistonimizning baxt-u iqboli, yorugʻ kelajagi yoʻlida fidokorona xizmat qiladigan yosh avlodni tarbiyalashda Siz kamtarin va ilm-maʼrifat fidoyilarining mehnatlaringiz beqiyos.

Shu bois butun millatning taqdirini oʻz taqdiridan ustun koʻrgan Siz mehridaryo ustozlar oldida doim taʼzimdamiz.

Muhtaram ustozlar!

Sizlarni 1-oktabr — Oʻqituvchi va murabbiylar kuni bilan samimiy tabriklayman. Doimo munosib shogirdlaringiz, elimiz ardogʻida boʻlib yuring!

Sherzod Kudbiyev,
Soliq qoʻmitasi Raisi

Тelegram |Facebook |Youtube| Instagram |X| Threads