#Qutlov

MUKOFOT MUBORAK BO‘LSIN!

Shavkat Mirziyoyev «Matbuot va ommaviy axborot vositalari xodimlari kuni munosabati bilan soha xodimlaridan bir guruhini mukofotlash to‘g‘risida»gi farmonni imzoladi.

Mukofotlanganlar orasida O‘zbekiston Yozuvchilar uyushmasi a’zolari ham bor.

O‘zbekiston» va «Pravda Vostoka» gazetalari tahririyati bosh muharriri, Yozuvchilar uyushmasi a’zosi Salim Doniyorov «O‘zbekiston Respublikasida xizmat ko‘rsatgan jurnalist» faxriy unvoni bilan;
“Jadid” gazetasi bosh muharriri, O‘zbekiston xalq shoiri Iqbol Mirzo “Mehnat shuhrati” ordeni bilan;
«Adolat» gazetasi muxbiri Kamol Matyoqubov, «Biznesni rivojlantirish banki» aksiyadorlik tijorat bankining axborot xizmati rahbari Shuhrat Oripov, «Chinoz hayoti» gazetasi bosh muharririning o‘rinbosari Abdijalol Raximov, «XXI asr» gazetasining Qoraqalpog‘iston Respublikasi va Xorazm viloyati bo‘yicha muxbiri Ro‘zimboy Hasan “Do‘stlik” ordeni bilan;
«Ishonch» va «Ishonch-Doveriye» gazetalarining Sirdaryo viloyati bo‘yicha muxbiri Xolbekova Baxor II darajali «Sog‘lom avlod uchun» ordeni bilan taqdirlandi.
Shu munosabat bilan O‘zbekiston Yozuvchilar uyushmasi jamoasi ularni ushbu mukofot bilan qutlaydi va yutuqlari bardavom bo‘lishini tilaydi.

O‘zbekiston Yozuvchilar uyushmasi Axborot xizmati

#Matbuot_va_ommaviy_axborot_vositalari_xodimlariga_tabrik


        Yurtimizning qayerida va qaysi jabhasida boʻlmasin doimo Matbuot va axborotlarda, turli ijtimoiy tarmoqlarda xalqimizga tezkor, ishonchli maʼlumot ulashayotgan barchani Oʻzbekiston Yozuvchilar uyushmasi Surxondaryo viloyat boʻlimi hamda Surxon ijodkorlari jamoasi chin dildan samiymiy muborakbod etadi. Ularning kelgusi ishlarida muvaffaqiyatlar tilaydi. Hamisha ilgʻor va zukko boʻlishingizga hamisha tilakdoshmiz.

Oʻzbekiston Yozuvchilar uyushmasi
Surxondaryo viloyat boʻlimi

https://www.tg-me.com/Surxonadabiyoti

#30_iyun_yoshlar_kuni

YOSHLIK. BAHOR. MUHABBAT

Asrlar bor – ro‘yoday,
Fasllar bor – muvaqqat.
Doim zangor daryoday
Yoshlik. Bahor. Muhabbat.

Umrimda uch saharim,
Uch go‘zal xush saharim,
Mening uch xushxabarim
Yoshlik. Bahor. Muhabbat.

Sog‘inchlari qanotli,
Yomg‘irlari novvotli,
Armonlari ham totli,
Yoshlik. Bahor. Muhabbat.

Aytsam dildan zorimdan
Gullar ungay qoringdan.
Nishon yo‘g‘u borimdan –
Yoshlik. Bahor. Muhabbat.

Sen, ey singlim, sen og‘am,
O‘tgay alam, o‘tgay g‘am,
Olamda eng oliy dam –
Yoshlik. Bahor. Muhabbat.

Mangu karvon tiriklik,
Dardu hijron tiriklik,
Nadir, inson, tiriklik?
Yoshlik. Bahor. Muhabbat.

Bo‘yi basti gul Vatan,
Bosh-oyoq ko‘ngil Vatan,
Otin so‘rsang, bul Vatan –
Yoshlik. Bahor. Muhabbat.

Dunyo archasi yolg‘on,
Qancha-qanchasi yolg‘on.
Shudir yodimda qolg‘on:
Yoshlik. Bahor. Muhabbat.

Sirojiddin SAYYID,
O'zbekiston xalq shoiri

#Эълон

Диққат, Диққат!

    Ассалому алайкум қалби қайноқ ижодкорлар, қадрдон китобхонлар!!! Азиз адабиёт мухлислари!
       Барчангизни Ўзбекистон Ёзувчилар уюшмаси Сурхондарё вилоят бўлими ташаббуси билан ташкил этилган, музокара ва мушоҳадаларга, нафис мушоираларга бой бўлган “Жайхун” адабий клубида бўладиган кўнгиллар суҳбатига таклиф этамиз. Шеърлардан баҳраманд бўлинг. Юраги оташ истеъдодлар, даврамизга марҳабо.
      Анжуманда:
1. “Сангардак мушоираси” муҳокамаси.
2. ”Зомин” семинари ҳақида.
3. Кўнглим шеърларини ўқиётирман.
4. Ғолибларни мукофотлар билан тақдирлаш.
     
      “Жайхун” мушоираси 2 июль куни соат 10:30 да Термиз шаҳридаги вилоят болалар кутубхонасида бўлиб ўтади. Мўлжал Марказий банк ёнида.
Мурожаат учун телефонлар: 93 264 64 03. 90 747 81 93.
https://www.tg-me.com/Surxonadabiyoti

Ассалому алайкум! Азиз ижодкорлар! Адабиётга ошно кўнгиллар, эшитмадим деманглар!

  3 июль куни, яъни эртага соат 10:00да Қумқўрғон туманидаги Марказий кутубхонасида Ўзбекистон Ёзувчилар уюшмаси Сурхондарё вилоят бўлими қошида ташкил этилган "Шеърият" адабий клубининг машғулоти бўлиб ўтади.

Бунда:
— “Мотурудий 1155 ёшда”
—  Мушоира.
— Ғолибларга мукофотлар.


Ким учун: Барча учун
Қатнашиш: Бепул
Анжуманни шоир: Менгнор Олломурод олиб боради.
Саҳифа учун масъул: Зумрат Абраева, Донохол Жумаева. Музаффар Қурбонов
Ажойиб мушоира кечаси бўлиб ўтади.  Ижодий оқшомга барча адабиёт шайдоларини чорлаб қоламиз!
https://www.tg-me.com/Sheriyatadabiyklubi

“Жайхун” адабий клубида ижодий суҳбат...

Термиз қуёшиниинг ўткир тиғидан ҳам илҳом ола билган Сурхон воҳасининг оловқалб ижодкорлари бугун Вилоят болалар кутубхонасида жам бўлди.
Ўтказилган “Жайхун” адабий клубини Ўзбекистон Ёзувчилар уюшмаси Сурхондарё вилояти бўлими раҳбари, шоир Менгнор Олломуродов бошқариб борди.
Ижодий суҳбат куни кеча бўлиб ўтган “Сангардак мушоираси” ижодий семинарининг таассуротлари ҳамда йўл қўйилган хато-камчиликлар, келгусида ўтказилажак семинарлар учун таклиф, фикр-мулоҳазалар билан бошланган бўлса, жараён яқин кунларда ўтказилиши кутилаётган Ресрублика Зомин семинарида иштирок этадиган воҳамизнинг истеъдодли ижодкорлари ва уларни қизиқтирган турфа саволларга берилган теран жавобларга уланиб кетди.
Ижодий суҳбатда сўз олган ёш ижодкорлар Маъруфжон Саломов , Сарвиноз Амирхонова, Дилнавоз Шафоатова, Муборак Икромовалар ўз-фикр мулоҳазалари билан ўртоқлашдилар.
Ижодий суҳбатга янада кўрк бағишлаган гўзал мушоира йиғилганлар кўнглидан жой олди.
Айниқса, Фарангиз Қодирова, Жасмина Саидахматова, Гулсанам Хуррамова, Искандар Низомов, Умида Муҳаммадиева, Дилбар Азизова, Бибиойша Муҳаммадиева, Сардор Суюнларнинг ўқиган шеърлари мушоира хулханини ёлқинлантирди. Юракларга нур бўлиб кирди.
Ўзбекистон Ёзувчилар уюшмаси аъзолари Ҳайдар Тўраев ҳамда Қурбонгул Эгамбердиевалар ижодий суҳбатни янада жонлантирди.
Тадбир сўнгида фаол иштирокчиларга Ўзбекистон Ёзувчилар уюшмаси томонидан чоп этилган китоблар совға қилинди.
Тадбир таассуротларга бой бўлди.

Донохол Жумаева Обираҳмат қизи
Ўзбекистон Ёзувчилар уюшмаси
Сурхондарё вилояти бўлими бош мутахассиси
https://www.tg-me.com/Surxonadabiyoti