✅ Sariosiyoda kitobxonlik tadbiri

📌 Prezidentimizning qarorlari va topshiriqlari asosida mahallalarda, maktablarda kitobxonlik tadbirlari keng miqyosda o‘tkazilmoqda.

📌 O‘zbekiston Yozuvchilar uyushmasi tomonidan mamlakatimiznin gurli hududlarida kitobxonlik madaniyati hamda kitob mutolaasiga bag‘ishlangan tadbirlar tashkil etilmoqda.

📌 Surxondaryo viloyati Sariosiyo tumanidagi 45-sonli umumta’lim maktabida O‘zbekiston xalq shoiri, O‘zbekiston Yozuvchilar uyushmasi raisi, Senator Sirojiddin Sayyid rahbarligida tashkil etilgan kutubxonaga O‘zbekiston Yozuvchilar uyushmasi tomonidan chop etilgan durdona kitoblar taqdim qilindi.

📌 Kitobxonlik tadbirida O‘zbekiston xalq shoiri Sirojiddin Sayyid, O‘zbekiston Yozuvchilar uyushmasi a’zosi Yahyoxon Fayoz, respublika “Jadid” gazetasi mas’ul kotibi Shuhrat Aziz, O‘zbekiston Yozuvchilar uyushmasi a’zosi Najmiddin Mirzo hamda O‘zbekiston Yozuvchilar uyushmasi Surxondaryo viloyati bo‘limi rahbari Mengnor Ollomurodlar ishtirok etishdi.

📌 Tadbirda shoir Sirojiddin Sayyid inson hayotida kitob mutolaasining ahamiyati, yosh avlodning ulkan cho‘qqilarni zabt etishida kitobning muhim o‘rni haqida qimmatli fikrlar bildirdi.

📌 Tadbir davomida o‘quvchi-yoshlar o‘zining qiziqtirgan savollariga javoblar olishdi. Maktabning iste’dodlari tomonidan taniqli shoirlarning durdona she’rlari yangradi.

📌 Shuningdek, shoir tadbir so‘nggida maktabda a’lo baholarga o‘qiyotgan namunali o‘quvchilarga kitoblar hamda o‘zining esdalik sovg‘alarini topshirdi. Maktab kutubxonasiga ham yuzdan ortiq nomdagi yangi nashr etilgan kitoblar topshirildi.

O‘zbekiston Yozuvchilar uyushmasi
Surxondaryo viloyat bo‘limi