#Бу_шеърни_ёдлаганмисиз?

ДЕМАККИ, СЕН ШОИРСАН
Нафақат…
Ўтсанг ёзиб,
Куз янглиғ сўлиб, озиб,
Бозиллаган чўғ босиб,
Қўрдаям ҳайқиролсанг,
Демакки, сен шоирсан.
Олтинми
Ё олмосда,
Тиғда юролсанг, рост-да,
Итқитса, оёқ остда,
Тўрдаям ҳайқиролсанг,
Демакки, сен шоирсан.
Нафақат
Кўтарса халқ,
Кўксингдан итарса халқ,
Пешонанг намакоб, талх,
Шўрдаям ҳайқиролсанг,
Демакки, сен шоирсан.
Нафақат
Зар, зўрларни,
Узсанг тўсин, тўрларни,
Чайқалтирсанг гўрларни,
Гўрдаям ҳайқиролсанг,
Демакки, сен шоирсан.

https://www.tg-me.com/Surxonadabiyoti

#Prezidentdan_iqtibos

***
Tarixdan ma’lum, Vatan va xalq taqdiriga nisbatan tahdidlar kuchaygan vaziyatda aynan millat fidoyilari – uyg‘oq qalbli ziyolilar, shoir va adiblar, san’at namoyandalari, ma’naviyat va ma’rifat sohasi xodimlari jasorat bilan maydonga chiqqanlar. XX asr boshlarida xalqimizni ozodlik va ilm-ma’rifat uchun kurashga chorlagan jadid bobolarimizning sharafli faoliyati buning yaqqol dalilidir.

Shavkat MIRZIYOYEV,
O‘zbekiston Respublikasi Prezidenti

#Ижоддан_гапиринг,_ижоддан...

Мен Қулбобоев Сирожиддин Юсупович 1985 йил 27 мартда Сурхондарё вилоятининг Музработ туманида туғилганман.
Болалигимдан шеъриятга қизиққанман. 10-11 ёшимдан шеърлар ёза бошладим. Дастлаб болалар адабиёти сўнгра А.Орипов, Ў.Раҳмат, У.Азим, М.Юсуф, И.Мирзо назмий оламига ошуфта бўлдим. Мактабдаги илк устозим – “Ижодкор ўқитувчи” кўкрак нишони соҳиби Илҳом Раҳмоновдир.
Тумандаги мактаб, касб-ҳунар коллежида таҳсил олдим ва ҳозирги кунда Ўзбекистон Журналистика ва оммавий коммуникациялар университетида сиртдан ўқиб, “Музработ” газетасининг мухбири ҳамда туман “Баркамол авлод” болалар мактабида фаолият юритиб келмоқдаман.
Менинг айни вақтгача 2 та шеърий китобим босмадан чиққан. Биринчиси – “Айрилиқ фасли” 2019 йил “Тафаккур” нашриётида 500 нусхада, иккинчиси – “Шаффоф туйғулар” 2025 йил “Ганжина” нашриётида 500 нусхада босилди. Шунингдек, “Сатрларда яралган ўзлик” ва “Зангори кенгликлар” каби жамоавий тўпламларда ҳам ижод намуналарим киритилган.
Менинг назаримда шеър бу – кўнгил тоғининг қайнар булоғи, қалб кечирмаларидир. Кўнгил осмонида учиб юрган илҳоммалаклар ана шу оби-зилолдан баҳраманд бўлиб, шаффоф туйғуларга дўнади, оқ қоғозга қуйилади.
Мен ўзимни ҳамон ижодий муҳитда тетапоя бўлаётган бахтли ижодкорман деб ҳисоблайман. Негаки, шу соҳада бевосита фаолият юритаман. Вилоятимиз бўйича Ўзбекистон Ёзувчилар уюшмаси аъзолари – Менгнор Олломурод,  Нарзулла Сўфизода, Йўлдош Мирзаев ва Чори Зарифларни устозларим деб ҳисоблайман. Шу билан бир қаторда, Ўзбекистон Ёзувчилар уюшмаси аъзолари Донохол Жумаева, Дилноз Мушфиқ ҳамда Отабек Бердиқулов, Суннатилло Абдукаримов, Холида Исмоил қизи, Ҳалим Малик каби кўплаб ижодкорлар билан ҳамфикр ва ҳамнафасмиз.
Келажакда ижодий йўналишдаги ишларни барқарорлаштириш, ўлмас асарлар яратиш мен учун муҳим дастур бўлиб қолаверади.

                                           
Сирожиддин ҚУЛБОБОЕВ,
                                шоир, “Музработ” газетаси мухбири.   

Саҳифа учун масъул: Донохол Жумаева Обираҳмат қизи
https://www.tg-me.com/Surxonadabiyoti

#Adiblar_ijod_haqida

* * *

Fransuz faylasufi Gelvetsiy: «She’r yo yuksak cho‘qqilarda, yoki g‘orlarda yaratiladi», deydi. Darhaqiqat, she’r inson ruhining birmuncha g‘ayritabiiy, ayricha holatidan tug‘iladiki, zukko faylasuf buni obrazli qilib ifoda etgan. O‘sha cheksiz ufqlar, sirli miltiragan sonsiz yulduzlar kimda ham his-tuyg‘ular uyg‘otmaydi, deysiz! Albatta, hammada ham. Faqat ijod dardiga chalingan odamda bu tuyg‘u cheksiz armonga, go‘zal iztirobga, qondirilishi nihoyatda zarur bo‘lgan ehtiyojga aylanadi.

Abdulla ORIPOV

Тадбиркор кутубхонаси

      Денов туманидаги 17- сонли умумтаълим мактабида улкан тадбиркор, фаол депутат, адабиёт фидоийси Ислом Худойбердиев ўз ташаббуси билан янги кутубхона ташкил этди. 24 май куни кутубхона тантанали очилди. Унда Денов тумани ҳокими, фахрий ўқитувчилар, Ўзбекистон Ёзувчилар уюшмаси аъзолари, ота оналар, мактаб ўқувчилари иштирок этди.
Янги кутубхонага Ўзбекистон халқ шоири, Ўзбекистон Ёзувчилар уюшмаси раиси, Сенатор Сирожиддин Саййид 1600 дона китоб совға қилди. Кутубхона билан танишган Ўзбекистон Ёзувчилар уюшмаси Сурхондарё вилоят бўлими раҳбари Менгнор Олломурод ўзининг самиймий фикрларини билдирди.
     Ҳозирда янги кутубхонада 10 000 дан зиёд китоблар ёшлар учун шайланди. Ундан бутун қишлоқ китобхонлари бемалол фойдаланадилар. Янги кутубхонанинг барпо этилиши Президентимиз олиб бораётган ислоҳотларнинг амалдаги натижаси бўлди.

Музаффар Қурбонов,
Ўзбекистон Ёзувчилар уюшмаси
Сурхондарё вилоят бўлими адабий ходими

https://www.tg-me.com/Surxonadabiyoti

#Эълон

Диққат, Диққат!

    Ассалому алайкум қалби қайноқ ижодкорлар, қадрдон китобхонлар!!! Қадрли адабиёт мухлислари!
       Барчангизни нафис мушоираларга бой бўлган “Сурхон оқшомлари" кўнгиллар суҳбатинига таклиф этамиз. Шеърлардан баҳраманд бўлинг. Юраги оташ истеъдодлар, даврамизга марҳабо.
      Анжуманда:
1.  “Фаровон оила сари” фикрлар, мулоҳазалар.
2.  “Кўнглим шеърларини ўқиётирман”.
3.  Бўлим саволларнгизга жавоб беради.
4.  Ғолибларга совғалар.

Тадбирни шоир Менгнор Олломурод олиб боради.
      "Сурхон оқшомлари" мушоираси 28—майь эртага соат 10:30 да Термиз шаҳридаги Матбуот уйида бўлиб ўтади.
Мурожаат учун телефонлар:
+99893 264 64 03
+99890 747 81 93.
Эълон учун масъул Музаффар Қурбонов
https://www.tg-me.com/Surxonadabiyoti

TAʼZIYA

   O‘zbekiston Yozuvchilar uyushmasi jamoasi va ko‘p sonli aʼzolari  Bobur xalqaro jamoat fondi raisi, Oʻzbekiston Yozuvchilar uyushmasi aʼzosi, professor Zokirjon Mashrabovga turmush oʻrtogʻi Moʻtabarxon ayaning vafoti munosabati bilan chuqur hamdardlik bildiradi.

O‘zbekiston Yozuvchilar uyushmasi Axborot xizmati

17-UMUMIY O‘RTA TA'LIM MAKTABIDA YANGI KUTUBXONA TASHKIL ETILDI

Ijtimoiy tarmoqlar orqali bizni kuzating:
✅ TELEGRAM    ✅  Facebook
✅ Instagram     ✅  YouTube
✅ Web-site       ✅  Efirni ko'rish

#Олтиндан_аъло_тўртлик

Кўз била қошинг яхши, қабоғинг яхши,
Юз била сўзинг яхши, дудоғинг яхши,
Энг била менгинг яхши, сақоғинг яхши,
Бир-бир не дейин, бошдин аёғинг яхши.

  ✍️ Алишер Навоий
                  https://www.tg-me.com/Surxonadabiyoti