Surxondaryo viloyati Favqulodda vaziyatlar boshqarmasi boshligʻi oʻrinbosari rahbarligida Denov tumanida “Mahallabay va xonadonbay” tamoyili asosida ko‘rgazmali profilaktik tadbirlar o‘tkazilmoqda.

Tadbirlar davomida mutaxassislar aholining yong‘in xavfsizligi madaniyatini oshirish, ayniqsa kuz-qish mavsumida isitish asboblaridan to‘g‘ri foydalanish bo‘yicha amaliy tushuntirishlar va tavsiyalar berdilar.

Mahalla ko‘chalari bo‘ylab o‘tkazilgan tadbirlarda xonadonlarda yong‘in xavfi yuqori bo‘lgan joylar ko‘zdan kechirilib, mavjud kamchiliklarni bartaraf etish yuzasidan profilaktik ko‘rsatmalar berildi.

Aholiga is gazidan zaharlanish, elektr jihozlaridan noto‘g‘ri foydalanish, gaz-havo aralashmasining chaqnashi kabi holatlarning oldini olish bo‘yicha ko‘rgazmali materiallar orqali ma’lumotlar yetkazildi.