Surxondaryo viloyati Favqulodda vaziyatlar boshqarmasi Termiz shahar bo‘limi xodimlari tomonidan Termiz shahrida joylashgan 16- umumta’lim maktabida mahalla yettiligi vakillari hamda o‘quvchilar ishtirokida zilzila haftaligi doirasida keng qamrovli profilaktik tadbirlar o‘tkazilmoqda.

Mazkur tadbirlar davomida o‘quvchilarga zilzila vaqtida to‘g‘ri harakat qilish, o‘zini va boshqalarni himoya qilish usullari bo‘yicha amaliy ko‘nikmalar berilmoqda.

Shuningdek, favqulodda vaziyatlarda harakat qilish qoidalari, xavfsizlik choralariga rioya etish va tezkor evakuatsiya tartiblari tushuntirilmoqda.

Tadbirlarning asosiy maqsadi – yosh avlodda tabiiy ofatlarga tayyor turish, ularning oqibatlarini kamaytirish borasida zarur bilim va ko‘nikmalarni shakllantirishdir.

Termiz shahar favqulodda vaziyatlar bo‘limi xodimlari tomonidan Termiz shahrida joylashgan Statistika boshqarmasida ishchi xodimlar ishtirokida Zilzila haftaligi doirasida keng qamrovli profilaktik tadbirlar tashkil etilmoqda.

Tadbirlar davomida xodimlarga zilzila vaqtida to‘g‘ri harakatlanish, favqulodda vaziyatlarda o‘zini va boshqalarni himoya qilish bo‘yicha muhim tavsiyalar berildi. Evakuatsiya tartibi, xavfsiz joylarni tanlash hamda tezkor choralar ko‘rish yuzasidan amaliy mashg‘ulotlar ham o‘tkazildi.

Shuningdek, mazkur tadbirlar doirasida is gazidan zaharlanish, gaz va havo aralashmasining chaqnashi, yong‘in xavfsizligi kabi dolzarb mavzularda ham tushuntirish ishlari olib borildi. Ishchi xodimlarga yong‘inlar oldini olish choralari, gazdan to‘g‘ri foydalanish qoidalari va havfsizlik talablariga qat’iy amal qilish zarurligi yana bir bor eslatib o‘tildi.