Zilzila haftaligi doirasida Termiz shahar Favqulodda vaziyatlar bo‘limi xodimlari tomonidan Surxondaryo viloyati Bojxona boshqarmasida keng qamrovli profilaktik tadbirlar o‘tkazilmoqda.

Tadbirlar davomida xodimlarga zilzilaga tayyorgarlik ko‘rish, favqulodda vaziyatlarda to‘g‘ri harakatlanish, evakuatsiya tartibi va birinchi tibbiy yordam ko‘rsatish qoidalari yuzasidan batafsil tushuntirishlar berilmoqda.

Shuningdek, amaliy mashg‘ulotlar o‘tkazilib, bino va inshootlarning seysmik xavfsizligi bo‘yicha tavsiyalar ham berildi. Ushbu tadbirlarning asosiy maqsadi — aholi va tashkilot xodimlarining zilzila kabi tabiiy ofatlarga tayyorgarlik darajasini oshirish, xavfsizlik madaniyatini yanada mustahkamlashdan iboratdir.

Surxondaryo viloyati Favqulodda vaziyatlar boshqarmasi Hayot faoliyati xavfsizligi o‘quv markazi hamda Termiz shahar FVB hamkorligida Toshkent tibbiyot akademiyasi Termiz filialida “Aholini zilzilaga tayyorlash haftaligi” munosabati bilan davra suhbati tashkil etildi.

Tadbir davomida talabalarga zilzilaning kelib chiqish sabablari, uning oqibatlari hamda zilzila sodir bo‘lgan paytda to‘g‘ri harakat qilish qoidalari bo‘yicha batafsil ma’lumotlar berildi.

Shuningdek, davra suhbati jarayonida talabalar mavzu doirasida o‘zlarini qiziqtirgan savollarni berib, mutaxassislar tomonidan atroflicha javoblar olishdi.