Sud hokimyati vakillari bilan huquqiy targ'ibot yig'ilishi o'tqazildi.

“Tadbirkorlik sub’eklariga oid nizolarni sudlar tomonidan ko‘rib chiqilishi hamda tadbirkorlar bilan keng qamrovli targ‘ibot tadbirlarini o‘tkazish”.
Qumqo‘rg‘on tumanlararo iqtisodiy sudi sudyasi T.Usmonov bugungi kunda tadbirkorlik subektlari o‘rtasidagi iqtisodiy va huquqiy munosabatlar rivojlanib borgan sari ushbu munosabatlardan kelib chiqayotgan nizolarning ham yangicha ko‘rinishlari vujudga kelmoqda. Shunday nizolarning bir ko‘rinishi – iqtisodiy nizolardir. Mazkur toifadagi nizolarga ko‘plab ta’rif beriladi va ularning turlari ham alohida tavsiflanadi, chunki bunday toifadagi nizolarning obekti, qo‘llanilish doirasi birbiridan farq qiladi.
Bu borada “Iqtisodiy nizolar – tadbirkorlik va boshqa iqtisodiy sohalarda yuzaga keladigan nizolar bo‘lib, huquq subektlari, shu jumladan yuridik shaxslar ishtirokida yuzaga keladigan va ma’muriy, fuqarolik huquqlari munosabatlaridan kelib chiqadigan nizolar bo‘lib, arbitraj va iqtisodiy sudlarida ko‘rib chiqiladi. Iqtisodiy nizolar bu – iqtisodiy nizolarni amalga oshirish bilan bog‘liq fuqarolik yoki boshqa huquqiy munosabatlardan kelib chiqadigan nizolar yakka tartibdagi tadbirkorlar yoki yuridik shaxslar faoliyatidir. Ma’lumki, iqtisodiy nizolar tadbirkorlik faoliyati natijasida kelib chiqadigan nizolar bo‘lib, bunday turdagi nizolar majburiyat va shartnoma huquqi predmeti doirasida hal etiladi. Ya’ni taraflarning iqtisodiy munosabatlar subektlari o‘rtasidagi ushbu munosabatlar sohasidagi huquqlari va majburiyatlari bo‘yicha hal qilinmagan kelishmovchiliklardir. Xususan, iqtisodiy nizolarni quyidagi turlarga ajratish maqsadga muvofiq: 1) shartnomaviy nizolar, shartnoma predmeti doirasidan kelib chiqqan huquq va majburiyatlar bo‘yicha nizolar shartnomalar.
Iqtisodiy nizolarning eng katta guruhi ham ushbu nizolardan iboratdir; 2) shartnomadan tashqari, bitim mazmunidan tashqari qo‘shimcha majburiyatdan kelib chiqqan va shartnoma mazmuniga daxl qilmaydigan huquq va majburiyatlar doirasidagi nizolar. O‘zbekiston Respublikasida faoliyat yuritadigan tadbirkorlik subektlari o‘rtasida iqtisodiy munosabatlardan kelib chiqadigan nizolarni hal etishda har doim ham iqtisodiy sudga murojaat qilib bo‘lmaydi. Chunki shunday fuqarolik huquqiy munosabatlardan kelib chiqadigan iqtisodiy va korporativ nizolar borki, fuqarolik sudida ko‘rib chiqiladi.

Surxondaryo viloyati avtomobil yo`llari Bosh boshqarmasi Matbuot xizmati

Коррупцияга қарши курашиш мамлакатимизнинг ижтимоий-иқтисодий тараққиётида муҳим аҳамият касб этади. Барча соҳалар қатори йўл хўжалигида ҳам ҳалоллик ва шаффофликни таъминлаш, соҳанинг барқарор ривожи учун устувор вазифа сифатида белгиланган.
Автомобиль йўллари қўмитаси коррупцияга қарши ички назорат бўлими бош мутахассиси Э. Эшабаев ҳамда бош юрисконсульт М. З. Машрабов ҳамда Термиз Транспорт прокуратураси терговчиси 3-даражали юрист Д.О.Исроиловлар иштирокида Сурхондарё вилояти Автомобиль йўллари бош бошқармаси ходимлари ва туман ташкилотлар раҳбарлари билан учрашув ташкил этилди.
Тадбир давомида:
тизим корхоналарида коррупсиянинг олдини олиш, давлат харидлари доирасида манфаатлар тўқнашуви ҳолатларининг олдини олиш, қонунбузилиш ҳолатларига йўл қўймаслик масалалари муҳокама қилинди.
Шунингдек, иштирокчиларга Ўзбекистон Республикасининг “Манфаатлар тўқнашуви тўғрисида” ҳамда “Коррупсияга қарши курашиш тўғрисида”ги Қонунлари юзасидан батафсил тушунчалар берилди.
Бундай тадбирлар тизимда ҳалоллик, масъулият ва шаффофлик тамойилларини кучайтиришга хизмат қилади.

Сурхондарё вилояти автомобиль йўллари Бош бошқармаси матбуот хизмат