‼️Қачонки илмий интеллектуал элита шаклланса жамият барча жабҳаларда ижобий натижаларга эришади.

✅Ҳақиқатдан ҳам олимлик урфда бўлиш керак, мода бўлиш керак.

"Ўқиб олим бўласанми?!" деган жумлалар ўрнига ота-оналар фарзандига "Кўпроқ ўқи олим бўл" дейиши зарур.

👉 @Talim_va_MEN

Инсонларнинг орасига кирганингда кўзи ожиз одам каби бўл. Уларнинг орасидан чиққанингда кар инсон каби бўл. Одамлардан кўрган ва эшитганларингни яширувчи бўл. Зеро, одамларнинг айбларини очиб, шарманда қилувчи жаннатга кира олмайди.

​©️ Мутавалли Шаъровий раҳимаҳуллоҳ

👉 @Talim_va_MEN

⚡️​​Директор жамғармаси ҳисобидан бериладиган устамалар ёзда ҳам яъни июнь-август ойлари учун ҳам тўланадими?

Юқоридаги савол бўйича Устозлардан кўплаб мурожаатлар келди! Вазирлар Маҳкамасининг 2019 йил 30 сентябрдаги 823-сон қарорига 1-илова “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”ги Низомнинг 21-бандига кўра, умумтаълим муассасалари психолог ходимларининг базавий тариф ставкаларига Жамғарма ҳисобидан ҳар ойлик устамалар янги ўқув йили учун ўтган ўқув йили якунлари бўйича белгиланади.

Вазирлар Маҳкамасининг 2017 йил 15 мартдаги 140-сон қарорига 1-илова “Умумий ўрта таълим тўғрисида”ги Низомнинг 24-бандига кўра, ўқув йили умумтаълим муассасаларида 2 сентябрдан келгуси йилнинг 25 майига қадар давом этади ва тўртта чоракка бўлинади.

Низомнинг 26-бандига кўра эса, ўқув йили давомидаги таътилларнинг муддатлари қуйидагича белгиланади:
👉 кузги таътил — 4 ноябрдан бошлаб 6 календарь кун;
👉 қишки таътил — 28 декабрдан бошлаб 14 календарь кун;
👉 баҳорги таътил — 21 мартдан бошлаб 7 календарь кун;
👉 ёзги таътил — охирги босқичли назорат синови ўтказилган кундан (босқичли назорат ўтказилмайдиган синфлар учун ўқув йили тугаган кундан кейинги кундан) бошлаб 1 сентябргача.

❗️Шунга кўра умумтаълим муассасаларида ўқув йили сентябрь ойидан бошланиши ва ёзги таътил 1 сентябргача давом этишини инобатга олиб, ўқитувчининг директор жамғармаси ҳисобидан ҳар ойлик устамалар янги ўқув йили бошлангунга қадар белгиланади.

Айнан шу масала юзасидан қуйида Ўзбекистон Республикаси мактабгача ва мактаб таълими вазири ўринбосарини жавоб хатини қуйида илова қилдик.

👉 @Talim_va_MEN

2025-yilda sun’iy intellekt maktab o‘quvchilariga dars berishni boshlaydi

Janubiy Koreyaning LG va Samsung kabi texnologiya gigantlari sun’iy intellektni maktab ta’lim dasturlariga faol integratsiya qilmoqda.

2023-yildan beri LG 18 ta maktabda “kelajak sinfxonalari”ni joriy qilishga ulgurdi.

Batafsil — https://xalqtaliminfo.uz/post/795

Telegram I Facebook I YouTube

Педагогларни 1 синфларни рўйхатга олишга жалб қилиш мумкинми?

@Yurist_Xizmati 4628-савол:

Ассалому алайкум. Микрохудуд буйича саволим бор эди. Мактабдаги укитувчилар микрохудудга уйларга бориб фарзандингиз 1 чи синфга бориши керак деб юришга микрохудудга боришга мажбурми? Шу масала буйича кандайдир хукукий жужжатми ёки конун борми. Бу масалага ёрдам берсангиз.

ЮРИСТ ЖАВОБИ:

Бу мажбурий меҳнат эмас.

Педагогнинг мақоми тўғрисидаги қонун 5-моддасига мувофиқ педагогни касбий фаолияти билан боғлиқ бўлмаган ишларга жалб қилиш тақиқланади.

☝️Эътибор берган бўлсангиз, қоидада касбий фаолиятга боғлиқ бўлмаган ишларга дейилган. Бунда ҳудудларни ободонлаштиришга ва қишлоқ хўжалиги ишларига жалб қилиш, аҳолининг солиқлар, коммунал тўловлар, кредитлар ва бошқа қарздорлиги тўғрисидаги маълумотларни, битирувчиларнинг бандлиги таъминланганлиги ҳақидаги ҳисоботларни шакллантиришини ва тақдим этишини талаб қилиш ва бошқалар педагогни касбий фаолияти билан боғлиқ бўлмаган ишлар тоифасига киради.

❗️Энди қаранг! Вазирлар Маҳкамасининг 2017 йил 15 мартдаги 140-сон қарори билан тасдиқланган “Умумтаълим мактаби тўғрисида”ги низомнинг 39-бандига кўра мактаб ёшидаги болаларни умумий ўрта таълимга қамраб олиш туман (шаҳар) ҳокимликларининг қарори билан умумтаълим муассасаларига бириктирилган ҳудудлар (микроҳудуд) доирасида умумтаълим муассасаси томонидан рўйхатга олиш орқали амалга оширилади.

Бунда бириктирилган ҳудудлар (микроҳудуд) доирасида доимий яшаш ва вақтинча турган жойи бўйича рўйхатга олинган ва ҳақиқатда яшовчи оила фарзандлари инобатга олинади.

Эътибор берган бўлсангиз, болалар умумтаълим муассасаси томонидан рўйхатга олиниши белгиланган.

✅ Шунга кўра бу масалада мактаб директор бу вазифани бажариш учун мактаб ходимларни жалб қилишга ҳақли.

Бунда Умумий ўрта таълим муассасалари (айрим фанлар чуқур ўрганиладиган ихтисослаштирилган муассасалар) ходимларининг лавозим мажбуриятларини тасдиқлаш ҳақидаги Мактабгача ва мактаб таълими вазирининг 2023-йил 20 - декабрдаги 565-сонли буйруғига 37-илова асос бўлади.

📩 Юристга савол юбориш

👉 @Talim_va_MEN

#Биласизми

​​❗️Хорижий тил ўқитувчилари ишда қолиш ёки ишга кириш учун қуйидаги сертификатлардан бирини олиши керак!

2024/2025-ўқув йилига қадар барча хорижий тил устозлари Олий таълим, фан ва инновациялар ҳамда Мактабгача ва мактаб таълими вазирликларининг қарори (29.05.2024, №3515) 1-иловасидаги миллий ёки халқаро сертификатларнинг биридан камида Б2 даражасига эга бўлиши лозим.

❌ Аввалги, 2021 йилда тасдиқланган қарор билан солиштирганда қуйидаги сертификатлар рўйхатдан чиқариб юборилган:

🚫 APTIS for teachers
🚫 Linguaskill
🚫 Test of English for International Communication (TOEIC)

Агар ўқитувчилар қарор кучга киргунга қадар (2024 йил 29 майга қадар) рўйхатдан чиқариб юборилган сертификатларни олган бўлсалар уларнинг олинган кунидан бошлаб амал қилиш муддати тугагунга (муддати чекланмаган (белгиланмаган) сертификатлар учун сертификат олинган кундан бошлаб уч йилдан кўп бўлмаган вақт мобайнида) қадар имтиёз ва устамалар қўлланилади.

❗️Қуйидаги сертификатлар билан хорижий тилларни билиш даражаси эмас, балки хорижий тиллар бўйича малака ва кўникмалар аниқланади:

➖Teaching Knowledge Test (TKT)
➖ Teaching English for Speakers of Other Languages (TESOL)
➖ Teaching English as a Foreign Language (TEFL)
➖ Teaching English as a Second Language (TESL)
➖ Certificate in English Language Teaching to Adults (CELTA)
➖ Diploma in Teaching English to Speakers of Other Languages (DELTA)

Шу сабабли улар ушбу рўйхатга киритилмаган.

❕2024 йил 29 майдан кейин фақат янги қарорда кўрсатиб ўтилган сертификатлар амал қилади.

Таълим соҳасида хизмат кўрсатувчи ваколатли халқаро ташкилотларнинг расмий рўйхатидан ўтган тест марказларига (authorized test centers) ташриф буюрмасдан, ташкилот вакилларининг бевосита назорати остида топширмасдан, масофадан (Remote, Home Edition ва бошқа турлари) олинган сертификатларга имтиёз ва устамалар қўлланилмайди.

Эслатиб ўтамиз, педагогларга устама белгилашда қўлланиладиган чет тили сертификатлар рўйхати ушбу янги қарорнинг 3-бобида алоҳида тасдиқланган бўлиб, ишга киришда сўраладиган ва устама тўланадиган сертификатлар рўйхати қисман фарқ қилади.

👉 @Talim_va_MEN

Бухородаги Ашуро маросимлари учун пишириладиган кулча нонлари ҳақида биласизми?

👉 @Talim_va_MEN

Assalomu aleykum.
Ko'plab talab va istaklarga muvofiq
har hafta soat 09:00da shanba kuni
Buxoro shahar 11-maktabida
"Ustozlar akademiyasi"ning
BOSHLANG'ICH TA'LIM fanlaridan  kursi bo'ladi. Kursni respublikada ishlari ommalashtirilgan, turli respublika va viloyat tanlovi g'olibi, milliy sertifikatga ega oliy toifali trener-o'qituvchi
JUMAYEVA XONZODA RAHMATOVNA
olib boradilar.
Kurslarimizga marhamat.

+998914430089

Sahifamizga obuna bo’ling!
Telegram | Instagram

#Биласизми

Оғир сумкалар мактаб ўқувчиларининг бўйи ўсиши секинлашишига ва умуртқа поғонаси қийшайишига олиб келиши мумкин.

👉 @Talim_va_MEN

🌤 Ассаламу Алайкум! Якшанба тонгги муборак бўлсин 🌱

☘Аллоҳим тонгингизни нурафшон,
🍀Кўнглингизни хотиржам,
☘Чеҳрангизни нурли қилсин.
🍀Танангизни саломатлик,
☘Юзингизни эсa табассум безаб турсин!!
🍀Бахт,омад, муваффақият, меҳр-муҳаббат ҳамиша ҳамрохингиз бўлсин!!

☝️ Янги кунни ҳадя қилган Аллоҳга ҳамдлар бўлсин!

👉 @Talim_va_MEN

✅️#Рост_ҳикматлар

Ёлғон тарқалиб аллақачон дунёнинг ярмини айланиб бўлганида, ҳақиқат энди оёқ кийимини кияётган бўлади.

✍️Марк Твен

🌟Кунингиз хайрли ўтсин!

👉 @Talim_va_MEN

#Кулинария

Шоколадли булочка

Масаллиқлар
Хамир учун
400 гр илиқ сут
2 қошиқ шакар
Чимдим туз
1қошиқ дрожа
2 та тухум
Ун
120 гр маргарин

👉 @Talim_va_MEN

Нонушта учун қовурилган тухум тўғри танловми?

Тонгда тухум истеъмол қилиш орқали юқори калорияга эга бўласиз. Унутманг, нонушта кунлик энергиянинг 25-30 фоизини ташкил этиши лозим.

Кўп миқдорда оқсил мушак массасининг ўсиши учун муҳим. Тухумдаги А, E витаминлари тери, тирноқ ва сочни соғлом сақлаш учун муҳим компонент бўлган антиоксидантлардир.

Албатта, тухумни сувда пишириб ейиш уни қовуриб истеъмол қилишдан фойдалироқ.

👉 @Talim_va_MEN

Хитой мақоллари

Энг баланд минора ҳам ердан бошланади.

Тўғри сўз қулоққа ёқмайди, аммо тўғри иш қилишга ёрдам беради.

Йўлдан адашсанг, орқага қайтиш мумкин, тилдан адашсанг — йўл йўқ.

Инсон ҳаётининг охири бор, илмники — йўқ.

Ҳар куни бир тангадан жамғарсанг, уч йилда минг тангали бўласан.

Болангга бир сандиқ олтин қолдиргандан унга таълим берган афзал.

Китоб ўқишдан ортиқ ҳузур йўқ, болаларга таълим беришдан афзал юмуш йўқ.

Ўрганиш — оқимга қарши сузиш, бир дақиқа тўхтасанг орқага оқизиб кетади.

👉 @Talim_va_MEN

Оталар икки хил бўлади:

1. Тарбия экувчи оталар.

Улар ҳар куни тарбия ёки ахлоқ асосларини фарзандларига уқтириб борадилар. Улар фарзандларининг хато қилишини кутиб ўтирмасдан тўғри йўлга соладилар. Бундай оталар кам, аммо уларнинг таъсири кўпдир.

2. Ахлоқ тузатувчи оталар.

Улар хато содир бўлгунча юраверадилар, фарзандлари хато қилгандан кейингина аҳволни тўғрилайдилар. Улар жуда кўп, лекин таъсирлари оз.

Сен тарбия экувчи оталардан бўл, хатодан кейин уни тўғриловчи оталардан бўлма!

👉 @Talim_va_MEN

​#кичик_ҳикоя

ТАРБИЯ

Бир эркак фарзандларини истироҳат боғига олиб борди. Чипта олиш учун касса олдига келиб, нархни суриштирди.
-Олти ёшдан катталар учун беш минг сўм, олти ёшдан кичикларга бепул. Сизга нечта чипта берай?
-Кичик фарзандим уч ёш, каттаси етти ёшда. Демак, иккита чипта оламиз, - дея эркак кассирга ўн минг сўм узатди.
Чиптачи ҳазиломуз деди:
-Ака, агар тўнғич фарзандингизни олти ёшда десангиз мен бунга ишонган ва пулни тежаб қолган бўлардингиз-ку? Бунақа ҳолат бўлиб туради, олти ёшми ё етти ёшми, фарқлаш қийин…

-Тўғри, сиз пайқамасдингиз. Лекин Аллоҳ кўриб-билиб турибди. Бизни кузатиб, гапларимизни эшитиб турган фарзандларим-чи? Арзимас пулни деб фарзандларимни ёлғонга ўргатишни истамайман.
Фарзандларимизга фақат сўзда эмас, амалда ҳам тарбия берсак, мукаммал натижага эришамиз.

👉 @Talim_va_MEN

⚡️Олий таълим битирувчиларининг 59 фоизи ҳали иш тополмагани аниқланди

⁉️Қайси соҳа вакиллари кўпроқ ишсиз юрибди?

Батафсил видеода

👉 @Talim_va_MEN

Тарбия, Табиий фан ва Информатика ўқитувчиларининг тоифалари ҳақида

Ўзбекистон Республикаси Мактабгача ва мактаб таълими вазирининг 2024 йил 27 майдаги 168-сон буйруғи

“Табиий фан”, “Тарбия”, “Информатика ва ахборот технологиялари” фанларидан дарс берадиган педагог кадрларнинг малака тоифаларини белгилаш тўғрисида Ўзбекистон Республикаси Бош вазирининг 2024 йил 16 апрелдаги 30/1-1782-сонли топшириғи ижросини таъминлаш мақсадида буюраман:

1. Ўзбекистон Республикаси Бош вазирининг 2024 йил 16 апрелдаги 30/1-1782-сон топшириғи асосида:

а) “Бошланғич таълим” ўқитувчилари бошланғич синфларда “Табиий фан (Счиенче)”, “Тарбия” ва “Информатика ва ахборот технологиялари” фанлари бўйича;

“География”, “Биология” ва “Физика” фанлари ўқитувчилари 5-6-синфларда “Табиий фан (Счиенче)” фани бўйича;

“Тарих”, “Миллий истиқлол ғояси ва ҳуқуқ” мутахассислигига эга ўқитувчилар 5-11-синфларда “Тарбия” фани бўйича дарс ўтишларига рухсат берилганлиги;

б) “Табиий фан (Science)”дан дарс берадиган “Бошланғич таълим”, “География”, “Биология” ва “Физика” фанлари ўқитувчиларига амалдаги малака тоифасига мос равишда;

5-11-синфларда “Тарбия” фанидан дарс берадиган “Тарих”, “Миллий истиқлол ғояси ва ҳуқуқ” мутахассислигига эга ўқитувчиларга “Тарбия” фанидан малака тоифаси бўлмаган ҳолларда амалдаги малака тоифасига мос равишда ҳақ тўланиши маълумот учун қабул қилинсин;

❗️Бунда, “Тарбия” фанидан дарс ўтиш ҳуқуқига эга бўлган ўқитувчиларда бир вақтнинг ўзида “Тарбия” ҳамда тегишли фанлардан малака тоифалари бўлса, бунда “Тарбия” фанидан дарс берганда фақатгина ушбу фан бўйича малака тоифаси татбиқ этилади ва мос равишда ҳақ тўланиши маълумот учун қабул қилинсин.

2. Қуйидагилар:

➖Вазирлар Маҳкамасининг 2022 йил 2 августдаги 425-сон қарори билан белгиланган, олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар навбатдаги мажбурий аттестацияга жалб этилмаслик тартиби 2022 йил 2 августга қадар 15 йиллик узлуксиз иш стажига ҳамда олий малака тоифага эга (бунда олий тоифага эга бўлганлик даври муҳим эмас) бўлган педагогларга нисбатан татбиқ этилмаслиги;

➖Ўзбекистон Республикаси Вазирлар Маҳкамасининг “Хорижий тилларни ўрганишни оммалаштиришни самарали ташкил этиш чора-тадбирлари тўғрисида” 2021 йил 19 майдаги 312-сон қарорининг 9-бандида келтирилган талабларни иккинчи хорижий тил педагогларига нисбатан татбиқ этилмаслиги инобатга олинсин.

3. Таълим сифатини баҳолаш, лицензиялаш ва аккредитациялаш департаменти (С.Рахимбоев) 2024 йил 1 декабрга қадар амлалдаги норматив-ҳуқуқий ҳужжатларга топшириқдан келиб чиқувчи ўзгартириш ва қўшимчалар киритилишини таъминласин.

4. Қорақалпоғистон Республикаси Мактабгача ва мактаб таълими вазирлиги, Тошкент шаҳар ва вилоятлар мактабгача ва мактаб таълими бошқармалари Ўзбекистон Республикаси Бош вазирининг 2024 йил 16 апрелдаги 30/1/1782-сон топшириғида келтирилган бандлар ижросини тегишли ходимларга етказиш ва ўз вақтида тўловларни амалга ошириш чораларини таъминласин.

5. Молия-иқтисод департаменти (И.Сираджев) зарур ҳолларда Қорақалпоғистон Республикаси Мактабгача ва мактаб таълими вазирлиги, Тошкент шаҳар ва вилоятлар мактабгача ва мактаб таълими бошқармалари томонидан тақдим этилган талабномаларига мувофиқ тегишли маблағларни молиялаштириш чораларини кўрсин.

6. Девонхона (Д.Исхакова) ўрнатилган тартибда ушбу буйруқни тегишли таркибий бўлинмалар, Қорақалпоғистон Республикаси Мактабгача ва мактаб таълими вазирлиги, Тошкент шаҳар ва вилоятлар мактабгача ва мактаб таълими бошқармаларига етказсин.

7. Мазкур буйруқнинг ижросини назорат қилиш вазир ўринбосари С.Раджабов зиммасига юклансин.

👉 @Talim_va_MEN

🇺🇿Амир Темур шунақа деган экан, биз билмай юрган эканмиз! Абу Али ибн Сино буни кўриб, гўрида тик туради!

👉 @Talim_va_MEN