Transkript berish uchun qancha vaqt ketadi?

Oliygoh tomonidan talabaga transkript berish bir necha kunlab davom etadigan jarayon emas.

Agarda siz tahsil olayotgan oliygoh HEMIS dasturi asosida o'qitsa, siz login parolingiz orqali hemis dasturidan transkript yuklab olishingiz mumkin. Buning uchun kimgadir "sarg'ayishingiz" shart emas.

Agarda oliygohingiz Hemis dasturiga kiritilmagan bo'lsa, unda dekanat yoki o'quv bo'limidan transkript (yoxud zachotka) olishingiz mumkin. Transkript tayyorlash jarayoni uzog'i bir talaba uchun bir-ikki soat vaqt ketadigan jarayon xolos.

Bu yerda transkript beruvchi mas'ul shaxsda sizning fanlardagi baholaringiz haqida ma'lumot bo'lmasa yoki imzo qo'yuvchi mas'ul shaxslar bo'lmasa jarayon haqiqatdan cho'zilishi mumkin. Biroq bu 10 kun transkript berilishini kutishni anglatmaydi.

O‘qishni ko‘chirishga oid yangiliklar:
✅ @Talimgaoid_perevod

​​Xorijdan o‘qishni ko‘chirish bu yil qanday tartibda bo‘ladi?

Prezidentning 279-son qaroriga muvofiq talabalar o‘qishini davlat oliy ta’lim muassasalariga ko‘chirish bo‘yicha quyidagi tartib joriy etilgan:

👉 xorijdagi (jumladan, TOP-1000 talikdan o‘rin olgan) OTMdan davlat oliy ta’lim muassasalarining faqat mos va turdosh ta’lim yo‘nalishlariga ko‘chirish mumkin;

👉 ko‘chirish imtihon asosida talabadan alohida iqtidor talab etiladigan ta’lim yo‘nalishlari bo‘yicha kasbiy (ijodiy) imtihonlar va majburiy 3 ta fandan test, boshqa ta’lim yo‘nalishlari bo‘yicha test sinovlari o‘tkaziladi (xuddi bakalavr qabulida bo‘lgani kabi);

👉 test sinovlari va kasbiy (ijodiy) imtihonlar bo‘yicha o‘tish ballari har yili 15-iyulga qadar tasarrufida OTMlari bo‘lgan vazirlik va idoralar tomonidan belgilanadi hamda Bilim va malakalarni baholash agentligining _(old.DTM)_ rasmiy veb-saytida e’lon qilinadi;

👉 o‘tish balidan past ball to‘plagan talabalar bakalavriatga qabul qilishdagi tartibga muvofiq tabaqalashtirilgan to‘lov-kontrakt asosida o‘qishga qabul qilinishi mumkin.

⚠️ Ma’lumot o‘rnida, xorijdan o‘qishni ko‘chirishda uzrli sabablar inobatga olinmaydi, faqat imtihon asosida amalga oshiriladi.

Manba: eduuz

O'qishni ko'chirishga oid yangiliklar:
✅ @Talimgaoid_perevod