🌹أشراقة الصباح 🌹
الأحد 2025/6/22/ميلادي
25/ذو الحجة /1446/هجري

🦋🦋🦋🦋🦋
حكمة جميلة ينبغـي الـتأمل فيــــها.
أقوى عامـل لبناء الـذات هــــو :مراقبـةﷲ ..
وأقـوىٰ عامل لـهدم الـذات هــــو :مراقبـــة الـنااس ..
مـن وهب نفسـه للـدنيا لـن تعطـيه الدنـيا إلاقطعـة مـن الأرض ليــدفن فيـــها ..
ومــن وهـب نفســه للـه
سيعطـية ﷲ جنـة عرضـها السـماوات والأرض أعــدت للمتقيــن..👌🌹
🌹صباح الخير 🌹

╔═.🦋🕊.════════╗
حقوق النشر محفوظة لـقناة تدبر في آية او قصة او رواية ╔═.🦋🕊.════════╗
عنوان القناة: https://www.tg-me.com/Tdper
╚═══════🦋🕊.═

عمل سهل جدا، انت وجالس تستطيع القيام به... فلا تبخل بثواني من وقتك من اجل نصرة الاسلام والمسلمين بما تستطيع فعله بسهولة

استمعوا لهذه القصة الحقيقية الواقعية


╔═.🦋🕊.════════╗
حقوق النشر محفوظة لـقناة تدبر في آية او قصة او رواية ╔═.🦋🕊.════════╗
عنوان القناة: https://www.tg-me.com/Tdper
╚═══════🦋🕊.═

مبادئ سورة البقرة //
الدرس الثاني / ليش سميت اطول سورة بالقران بسورة البقرة ؟ شنو قصتها ؟ وليش لازم مانصير مثل بني اسرائيل ونجادل ع الحق ونتفلسف ونتاخر بالطاعة !

الدرس الثالث / ( ذلك الكتاب لا ريب فيه ) اهميه اليقين شلون نوصل لليقين بالله سبحانه بشكل كامل وعملي ؟
حبيت هالجملة من اخد العلماء المؤمنين يكول:

(من آمن بالقرآن أولًا، فُتح له باب الفهم، ومن أراد أن يفهم أولًا ثم يؤمن، أغلق عليه الباب)

فليش سميت بسورة البقرة ؟؟

الله سبحانه سمّى أطول سورة بالقرآن على اسم ( سورة البقرة )، مو لأن البقرة شي مهم بحد ذاتها، لا…
بس لأن هاي القصة تشرح جوهر مشكلة بني إسرائيل
الي هو
الاستكبار ، الجدال، التسويف، قسوة القلب، والعناد حتى ويه أوضح الأوامر والي هواي من عدنا عدهم نفس هالمشاكل .…

القصة تبدأ بجريمة قتل… شخص نقتل، وما نعرف منو القاتل
فإجوا للنبي موسى( عليه السلام ) يطلبون حل لانهم بذاك الوقت تره مقتنعين انه النبي عيسى رسوا من عند الله وشافو المعجزات بعينهم ( انشقاق البحر العصا اللي تتحول حيّة، اليد البيضاء، نجاتهم من فرعون،
نزول المنّ والسلوى )
يعني چان عندهم اقتناع إن موسى نبي مو شخص عادي

بس المشكلة جانت اخوان مو بالاقتناع العقلي المشكله باليقين …… فالله أمرهم يذبحون بقرة، بس ما رضوا من أول مرة …
كالو انت شنو تستهزأ بينا ؟؟
جايك نعرف القاتل تكللنه ذبحو بقرة ؟

﴿وَإِذْ قَالَ مُوسَىٰ لِقَوْمِهِۦٓ إِنَّ ٱللَّهَ يَأْمُرُكُمْ أَن تَذْبَحُواْ بَقَرَةًۭ ۖ قَالُوٓاْ أَتَتَّخِذُنَا هُزُوًۭا ۖ قَالَ أَعُوذُ بِٱللَّهِ أَنْ أَكُونَ مِنَ ٱلْجَـٰهِلِينَ﴾

فصاروا يسألون أسئلة ورا أسئلة ويحاولون يتهرّبون بهاي الاسئلة يعني مو هدفهم الفهم منها
وكل ما كثروا والاسئلة صعّبوا الأمر على نفسهم اكثر لحد ما لكو بقرة بصعوبة وفعلا ذبحوها
وبعدها
﴿فَقُلْنَا اضْرِبُوهُ بِبَعْضِهَا﴾
يعني وره ماذبحوها : خذوا جزء من البقرة (قال بعض المفسرين: عظم من عظامها، أو لسانها، أو ذنبها)، واضربوا بيه القتيل ..

ففعلاً، أخذوا جزء من البقرة، وضربوا القتيل…
فأحياه الله ، وقام الميت وتكلّم
وكللهم منو القاتل، ثم مات من جديد ..
ليش الله اختار يعرفهم منو القاتل بهاي المعجزة العظيمة ؟؟

اولا اثبات لقدرة رب العالمين
وإنه يحيي الموتى بكلمة، وبدون أي سبب مادي منطقي واله يفسره العقل والعلم يلا نصدك
وثانيا
الله أراد يشوف: هل يتّبعون أمره حتى لو ما فهموا الحكمة؟
لو راح يعاندون ويجادلون ويتفلسفون؟

وايضا تحذير من قسوة القلب
رغم إنهم شافوا ميت يقوم ويتكلم، قلوبهم ما خشعت، بل قست …
وهذا يدل إن المشكلة مو بالمعجزات، المشكلة بالقلب نفسه واذا مرض القلب بعد لو مت معجزه ما تقتنع وتهتدي

“ثُمَّ قَسَتْ قُلُوبُكُم مِّن بَعْدِ ذَٰلِكَ فَهِيَ كَالْحِجَارَةِ أَوْ أَشَدُّ قَسْوَةً”
[سورة البقرة: 74]

ف التكبر، التمرد، وحب الجدل خرب عليهم
وهاي هي الكارثة اخوان : مو إنهم ما شافوا الدليل بس لأن قلوبهم أصلاً ميتة، ما تفيد وياها لا حجة ولا آية
وهواي ناس بزمنا هذا صدكو لو صارت معجزة كدام عيونهم مراح يصدكون ابد ويبقون يتفلسفون

ولهذا… السورة تحمل هذا هذا الاسم تنبيه النا اخوان ‼️

لا تصيرون مثلهم، لا تجادلون على كل أمر، لا تتأخرون عن الطاعة، ولا تقسون قلوبكم بعد ما الله يراويكم الحق خليك واعي بنفسك وحاسبها وابد لا تصر ع الخطأ وتستكبر …

هسه نرجع للسؤال الأهم:

شلون نوصل هذا اليقين الحقيقي بشكل عملي نتدرب عليه من اليون
؟؟
لان اكيد مو كافي نؤمن بعقلنا إن القرآن من الله…
نريد نحس، نعيش، نطبّق،
نخلي القرآن فعليًا يغيّرنا بالكامل …

ف أنا عن تجربتي، چربت أوصل لهالشي بهالطريقة:

أول شي:
كل آية أقراها، أسأل نفسي سؤال مباشر:
هاي الآية شتريد مني؟
شلون أطبّقها اليوم، بحياتي، بمشكلتي الحالية؟ وهكذا …

ثاني شي:
التدبر أهم بهواي هواي من الحفظ!
آية وحدة ممكن تغيّر حياتك إذا عشت وياها وفهمتها

واخير واهم شغلة //

ارجع واكول القرآن مو كتاب نقاش، مو مقال تطوير ذات حتى تحاول تنتقده أو تتفلسف عليه…
القرآن كلام الله!
﴿ذَٰلِكَ ٱلۡكِتَٰبُ لَا رَيۡبَ فِيهِ﴾
يعني: ماكو بيه ولا ذرة شك، ولا احتمال خطأ

وإنت إذا بنيت حياتك على شي ما بيه شك،
راح ترتاح…
راح تلقى ثبات، تلقى طمأنينة، ويبدأ اليقين يكبر جوّاك شويه شويه .

وصدكوني ، قريت قصص ناس آية وحدة غيّرت مجرى حياتهم بالكامل…

وكلّما قريت القرآن بوعي، كلما زاد يقينك…
وكلّما زاد يقينك، الله ينطيك “حكمة”،
تبدي تشوف الأمور بوضوح، وتفهم كلشي بنور من رب العالمين …

وهنا حبيت أشارككم مقولة عظيمة جدًا لاحد العلماء المؤمنين

“اليقين هو من أعظم المنازل، وهو رأس مال الإسلام، ومتى وصل العبد إلى اليقين، صار كأنّه يرى الغيب رأي العين”

شوفوا التعبير اخوان
يصير كأنه يشوف الغيب بعينه،
يعني ما يبقى عنده تردد، لا بخطوة، لا لا بطاعة….
يعيش حياته بثقة كاملة بالله، واطمئنان حقيقي

واضيف بعد مقولة للدكتور فيكتور فرانكل – Viktor Frankl:

“من يمتلك سببًا قويًا للعيش، يستطيع أن يتحمّل أيّ شيء تقريبًا.”

هذه المقولة تُعبّر عن حقيقة نفسية عظيمة أن اليقين والمعنى يمنحان الإنسان قوة داخلية عظيمة، تخفّف من آلامه وتُثبّته في وجه التحديات .

وهذا ينسجم تمامًا مع قول الله تعالى في بداية سورة البقرة

﴿ذَٰلِكَ ٱلۡكِتَٰبُ لَا رَيۡبَ فِيهِ﴾
أي: لا شك فيه، لا في مصدره، ولا في مضمونه، ولا في أثره على النفس والواقع …

وكلما زاد يقينك بالكتاب اكثر ، زاد المعنى بالحياة اكثر
وهذا الشي اكيد … ما يجي بيوم وليلة … يجي بالاستمرار والثبات ف ادعو رب العالمين انه يثبتنا جميعا ان شاء الله 🤍

.https://www.tg-me.com/thcxkdk

المبدأ الثالث // الايمان بالغيب

﴿الَّذِينَ يُؤْمِنُونَ بِالْغَيْبِ﴾

يعني تؤمن باللي ما تشوفه: الجنة، النار، الملائكة، التوفيق، النصر، رحمة الله هاي كلها غيب ما شايفي احنه
كل انسان ممكن يقتنع بالشي المادي الي يشوفه ويفكر بي بعقله بس مو كل واحد يكدر يوصل لمرحله الايمان بالغيب بس المسلم الحقيقي !

النبي ﷺ قال:
«لو أنكم توكلون على الله حق توكله، لرزقكم كما يرزق الطير، تغدو خماصاً وتروح بطاناً»

عالم النفس Carl Jung يقول:

“ما لا يُرى هو الأقوى تأثيراً… الإيمان بأن هناك قوة تراك وتدبرك يعطيك استقرار داخلي ما توفّره أي نظرية بشرية.”

تطبيق عملي لهالشي //

كل ما تحس خوف أو قلق، كول بهدوء: رب العالمين شايفني… ورب العالمين مراح يعوفني ابد ابد !!

خل يقينك هو مصدر الراحة مهما كانت الضروف

المبدأ الرابع ( يقيمون الصلاة ) //
هنا الموضوع اهم شي فراح اذكر كلشي يخص الصلاة …
شلون نجعل الصلاة اهم شي بحياتنا ؟ فوائد الصلاة النفسية العظيمة؟ الخشوع بالصلاة …
نزل تطبيق يأذن باوقات الاذان ..
احكام الوضوء والصلاة ومنو الصلوات الي لازم تصليها بصوت مسموع والصلوات الي لازم بصوت خافت ..؟

علماء النفس مثل د. Kelly McGonigal يگولون:
“العادات الروحية المنتظمة تقلّل التوتر، وتزيد المرونة النفسية..

المبدأ الخامس//
الصدقة والانفاق سر عظيم من اسرار السعادة والتوفيق بحياتك !

شنو الفرق بين المتعة والسعادة ؟؟

شنو الاشياء الممكن تعطيها هل الصدقة بس مال ؟