Свет нархи ошгандан кейин ҳаммада нега ошди деган савол. Бунга мутасаддилар жавоб беришлари керак эди албатта. Қўштирноқнинг янги сонида шу мавзуда суҳбат чиқибди.

Кўриш учун: https://youtu.be/B7bGZ5MvpLM

Sudya va hamkasblarim aytdi, bolalarni urish kerak ekan

Men boshlang‘ich sinf o‘qituvchisiman.

Ta’lim jarayonida va maktab hovlisida o‘quvchilarning doimiy kaltaklanishiga qarshi kurashayotganim hamkasblarim va rahbariyatga yoqmayapti.

G‘araz maqsadlarda men haqimda turli uydirma va bo‘htonlar tarqatilib, provokatsiya uyushtirishmoqda. Bir-birlariga tarqatib, shanimga tuhmatlar qilmoqda. Bularning isbotlari ham bor edi menda.

Mishmishlarga koʻra men maktabga oid ma’lumotlarni, masalan majlis audio yozuvini YouTube platformasiga joylagan emishman.

Bu tuhmatdan keyin ichki ishlar bo‘limiga murojaat qildim, aniq dalillarni taqdim etdim. Sudga qadar esa mahalla profilaktika inspektori meni emas, menga tuhmat qilganlarni eshitdi.

2025-yil 6-may kuni esa sudda: “Jinoyat alomatlari yoʻq, asoslovchi dalillar topilmadi”, deb xulosa qilindi. 139-moddaga koʻra hamkasblarimning bir-biriga men haqimda tarqatgan boʻxton, haqoratli gaplari hisobga olinmadi.

Oʻsha vaqti sudyadan da’vogar sifatida dalillarni taqdim etishga ruxsat so‘raganimda: “Men sizni eshitmayman. Haqqingiz yo‘q o‘quvchini urmasin deyishga” degan javobni berdi va ish yopildi.

Sudya tomonidan menga boshqa gaplar ham gapirildi, ammo ularni men isbotlay olmaganim uchun bu yerga yoza olmayman.

Ta’lim tizimini yaxshi bilsam-da, sud tizimi undan ham dahshatli ahvolda ekanligi men uchun yangilik bo‘ldi.

Jinoyatlar nega ko‘payadi va samosudlar nima sababdan ro‘y berishi endi tushunarli. Odamlar sudga ishonmaydi

Chunki sudyalar qonun mezonlariga emas, shaxsiy pozitsiyasiga tayanib ish ko‘radi.

Holat Surxondaryo viloyati, Sherobod tumani sudida sodir boʻldi.

@arofat_sheraliyeva

1187-yil Novgorod uchun o‘zgarishlarga boy davr edi. Shahar aholisi knyazni tanlashda avvalgidan mustaqilroq harakat qildi, bu esa ichki siyosatda muhim burilish yasadi. Savdogarlar va yer egalari endi faqat boylik emas, balki siyosiy kuchga ham ega bo‘la boshladilar. Shu davrda Vyatka aholisi bilan aloqalar faollashib, Novgorodning ta’sir doirasi uzoq shimoliy hududlargacha yetib bordi.

To‘liq videoga havola:

https://youtu.be/hch0_QloyiU?si=SERpFR4MrplWX7db

Hammaasini vaqt izniga topshirishga qaror qildim.

Atrofimizda sodir bo'layotgan voqealarga umumiy planda, sovuqqonlik bilan qarasak - bir ajoyib narsaga guvoh bo'lamiz. Xalqimiz hozir o'tish davrini o'z boshidan kechiryapti. Avvalgi normalarning ko'pi eskirdi, yangilariga esa hali to'liq moslashmadik.

"Manchester City" izohlaridagi giper faollik, internetdagi aqlga sig'mas turli kontent oqimi, kutilmaganda avj ola boshlagan millatchilik ruhi, turli nozik mavzulardagi qutblashuv, qaysidur holatlar bo'yicha insonlarning nigohidagi keskinlashuv va ho kazo. Hullas ijtimoiy faol jamiyatga aylanayabmiz.

Shu orada har-xil yangicha tushunchalar ham kundalik hayotimizdan o'rin ola boshladi. Romantizm, maksimalizm, absolyutizm, liberalizm, konservatizm, tolerantlik...

Bu so'zlar aslida nimani anglatishi, qachon va kimga nisbatan ishlatilishi unchalik muhim emas. Eng asosiysi - biz bir-birimizga turli ta'riflar berib, har xil qarashlar orqali kamsitish yoki maqtash yo'llarini ko'paytirdik. Oddiy tilda aytganda - biz yanada jo'shqinroq bo'lidk. Yoki jo'shqin odamlar soni ko'paydi desak ham bo'ladi.

Bu yaxshi ham, yomon ham emas. Bu shunchaki o'tish davrida kuzatiladigan tabiiy hol. Shaxsan men (va ko'pchilik) o'zbek xalqini - qoni qaynoq o'smirga o'xshataman. U juda faol, ko'p narsalar haqida o'ylaydi, qalbida turli hissiyotlar jo'sh uradi. Bir necha yil o'tib ancha bosiladi. Balki vaziyatga boshqacharoq ko'z bilan qarashni o'rganar. Buning uchun shunchaki vaqt o'tishi kerak.

@kunduziy

Шом араб фамилиялари бўйича яна бир қизиқ маълумот эшитиб қолдим арабист танишлардан.

Одатда маълум бир араб қабиласига мансуб аҳоли шу қабила номини ишлатган — Адноний, Тамимий ва ҳ.к. Бундай арабларнинг аксарияти мусулмон бўлган ва келиб чиқиши нуқтаи назаридан ўзини "тоза", аслзода ҳисоблаган.

Қабилавийлигини сақлаган христиан араблар ҳам бўлган — улар исломдан олдин бу ҳудудда яшаб, христианликка эътиқод қилган араблар эди (Лаҳмийлар ва Ғассонийлар).

Араблашганлар (мустаъроб) ёки шаҳарлашиб, қабиласини унутган араблар эса касб-корига қараб фамилия/куня олган: Ҳаддод, Нажжор ва ҳ.к. Уларнинг бир қисми христиан, бир қисми мусулмон бўлган.

Усмонли ҳокимияти даврида аҳолининг бу гуруҳи туркча фамилиялар ола бошлаган: Қошиқчи (Хашуқжи), Ëзижи (яъни ёзувчи). Масалан, Антиохия патриархатининг ҳозирги патриархи Юҳанно XX нинг асл исми — Ҳони Ëзижи.

Энди юқоридаги бекграунддан келиб чиқиб, пастдаги қизиқарли воқеани тушунишга ва завқ олишга ҳаракат қилинг.

Касб номига қўйилган фамилиялар ичида Фарис дегани ҳам бор — отлиқ/рицарь дегани. Салиб юришлари давридан қолган фамилия дейишади — ё салибчи рицарлар авлоди, ё уларга бириккан маҳаллий христианлар авлоди. Фарислар ўзини аслзода ҳисоблайди.

Фарислар билан аслзодаликда рақобатлашиб, ўзини салибчиларга боғлайдиган яна бир хонадон бор — Фаранжи. Салибчилардан ("франк"лардан) қолиб кетган фамилия деб ҳисоблашади ўзини.

Бу номнинг тарихини ўрганиб кўришса, аслида у туркча fırıncı — печкачи сўзидан олинган экан. Яъни оддий новвой оилага Усмонли даврида берилган касб-ҳунар билан боғлиқ фамилия. Британия мустамлакаси даврида фамилияни бироз тўғрилаб, аслзодалар қаторига қўшилиб олишган экан.

Бунақа айёрона приём иш бериб, Фаранжилар Ливаннинг энг нуфузли оилаларидан бирига айланиб кетган. Улардан ҳатто битта президент ҳам чиққан. Аслзодалик ҳақидаги пиар шу қадар кучли бўлганки, ҳатто инглиз Wikipedia'си уларни ҳалигача франклар авлоди деб ўйлайди.

@AsanovEldar