‏"كان يحيى بن معاذ يتضرعُ لربّ العالمين فيقول:

«يا مَن يغضبُ على مَن لا يسأله، لا تمنع مَن قد سألك.»"

‏بابُ الاطمئنانِ والطَّريقُ إلى بلوغِ حلاوةِ الإيمانِ هو الدُّعاءُ، ادعُ اللهَ دائمًا، واسأَلْه ما جَلَّ ودَقَّ مِن حاجاتِكَ.

- علي طنطاوي.

سترى اللطف في الأزمات، واليسر مع العسر،
ومعادن الناس وسط المِحن، وستواجه في العزلة نفسك.
- د. هبة رؤوف عزت.

نحن لا نكتب ...
مجرد حروف وكلمات بل همسات
من القلب تسافر عبر الزمان وتعبر الأميال
تصيب أو تخطئ مقصدها
ولكنها تلمس القلوب
فسلام على قلوب لمسها همس الحروف
وسلاما على بعد المسافات التى بينى وبينكم
أينما كنتم ولكن حاضرين بين السطور
يسكنون الحروف ودقاتها ...
وسلام على حروف تاهت عن طريقها وسكنت
أرواح أبقها الشغف والحنين
وسلاما على من يقرأ حروفى. حتى وإن لم تمثل
له شئ ..
‌⁩ فسلام من القلب إلى القلب❤

《 لِيُنفِقْ ذُو سَعَةٍ مِّن سَعَتِهِۦ》

فإن كانت سَعتك فى مالك فأطعِم ، وإن كانَت فى عِلمك فلا تَحْبسه ، وإن كَانت فِى لِين قلبك فإنّ الكَلمة الطَيبة صَدَقَة ، وإن كانت فى بَدنك فإنّ قضاء حوَائج الخلق وإعَانة الضعفاءِ واماطة الأذى عنِ الطريقِ كل ذَلك صَدقة.

فأنظر أيْنَ وسَّع اللهُ عَليكَ وتَصَدق.

"من تمام المروءةِ ألَّا تَشُقَّ على أحدٍ بما لا يستطيعه بدافع المحبة، ولا تحرجَ أحدًا بما لا يقبله بدافع العشم، ولا تنالَ من أحدٍ شيئًا بالحياء، ولا ترى الناسَ عبيدَ ما تطلب!

ولا تقيسَ قدرةَ أحدٍ على قدرتك، ولا طاقة أحدٍ على طاقتك، ولا قبول أحدٍ على قبولك.

إنْ طلبتَ فبالعرفان، وإنْ ردَدْتَ فبالحسنى، وعافيتُكَ في تأدُّبِكَ؛ نائلًا ومِعطائًا."

-مي المرشدي

قد يتأخر عليك التخرج وقد لا تنال الوظيفه وقد يطول أمر الزواج او إنجاب الأبناء فلا تقلق فلكل منا مسلكه في الحياة فلا أنت المتأخر عن أحد ولا أنت بسابق أحد فلا تدري كم صرف الله عنك من الأذي وانت تبكي عليه الخيرة دائما فيما اختارة الله لك (وَاللَّهُ يَعْلَمُ وَأَنْتُمْ لَا تَعْلَمُونَ) ❤️.

البخاف ربنا ما تخافي منو ❤️.

مهلاً رمضان
الراجيني بعدك انا ما قدرو و الله..

شباب بجد انا من بعد الفطور طوالي بديت اكتب في البوست في حين انو عندي مركزه كتيرة والله بس ياريت الناس تقرأ وتعمل شير.

شوف.. ما عندك أي موضوع، بتتحاوم في التلي من لي قروب لي قروب وماف زول شغال بيك يا مسفوه،
فتعال اقرأ البوست دا بياخد دقيقتين من زمنك، ازبط كلام على الإطلاق🤍 بتمنى تركزوا في كل حرف فيه 👌لانوو اخد مني وقت كتير...بجد انا م مفتري، لكن والله بديك علم وم ح تلقاه عند زول خليك واعي ونخش🤍

(البوست يحتوي على كلمات حسّاسة🔞) معليش يعني......

ممكن نكون أصحاب؟!

واحد من الدُّعاة المعروفين، كان بيتكلم عن موضوع الصداقة بين الجنسين،وذكر سؤالين مهمين جداً في بداية كلامو، وقال :
-فيها شنو لما الرجل والمرأة يبقوا أصحاب، ويتعاملوا مع بعض بإحترام من غير شهوة؟

-وليه الشيطان دائماً حاضر في تفكيرنا ونحن بنتكلم عن العلاقة بين الرجل والمرأة؟

في عام 1989 اتعرض فيلم أمريكي بعنوان When Harry meets Sally،أبرز حوار في الفيلم كان بين الممثل بيري كريستال، والمُمَثِّلة ميغ رايان!
الحوار كان كالآتي :
-بيري كريستال:انتي عارفة طبعاً إننا ما ممكن أبداً نكون أصحاب!.
=ميغ رايان: ليه ما ممكن؟.
-أنا ح أقول ليك،و دي ما محاولة مني عشان أستدرجك للجنس بأي شكل من الأشكال.الرجال والنسوان ما ينفع يكونوا أصدقاء لأنو الناحية الجنسية دائماً بتبقى عقبة في طريق الصداقة دي.
= كلامك دا ما صاح، أنا عندي أصدقاء أولاد، ومافي أي جنس في الموضوع!.
- لأ، ما عندك أصدقاء أولاد.
= بل عندي.
- ما عندك قلت ليك.
=عندي قلت ليك.
- انتي بس الفاكرة إنو عندك.
=يعني انت بتقول إني بمارس الجنس مع الأولاد ديل من غير ما أعرف؟
-لأ، أنا بقول إنهم كلهم عايزين يمارسوا معاكي.
=ما عايزين.
-لأ عايزين.
=ما عايزين.
-لأ عايزين.
=عرفت من وين انت؟
-لأنو مافي راجل ممكن يبقى صديق لي بت، هو شايفها جذَّابة، دائماً بيكون بيفكِّر في الجانب التاني.
=كدا انت بتقول، إنو الراجل ممكن يبقى صديق للبِت، لو هو ما شايفها جذَّابة!.
-لأ، لأنو في الغالب ح يبقى عايز يمارس معاها برضو (".
=طيب لو البت ما عايزة تعمل كدا؟
-ما فارقة، لأنو الموضوع بقى موجود،ولو تفكير!، وعشان كدا الصداقة محكوم عليها بالفشل في النهاية، و دي نهاية القصة.

الفيلم دا فتَح نقاش مُجتمعي كبير، وبقى السؤال البيشغل كتير من الأمريكان :
?! Can men and women be friends
يعني: هل ممكن الرجال والنسوان يكونوا أصدقاء؟!

اتعمَل على السؤال دا دراسات في الغرب، واتناقش الموضوع في برامج، وكُتُب على مدار 25 سنة!، وبقى محل إهتمام علم النَّفس التطوّري..

في كتاب لشيرلي جلاس،اللي بتُعتَبَر واحدة من أكبر المُتَخَصِّصِين في أبحاث الخيانة ،بحبها شديد وقريت ليها أكتر من عشره كتب 😂😭😂😭 الزوجية،والجنسية،والكتاب بعنوان "NOT JUST FRIENDS"..
بتقول في الكتابة دا، إنو تعرُّضَك للإنجذاب في علاقة، يعني إنك ما زلت بتتنفَّس!.، وبدوا ناس كتيرين جداً في الغرب، يظهروا رأيهم بإنو مافي صداقة بين راجل وبت!

في جامعة ولاية يوتا الأمريكية،عملوا مقابلات مع الناس في المكتبة، عشان يسألوهم إذا كان ممكن يكون في صداقة بين الرجال والنسوان!، وكانت كل الإجابات إنو مافي، دا غير اللي بيضحك من غريب السؤال، ويجاوب بكل ثقة:"ههه أكيد لا توجد!"
واحدة سألوها قالوا ليها، هل ممكن صديقك يُعجَب بيك؟، قالت أنا أصلاً عارفة إنو مُعجَب بَيّ !
و واحد بس قال ممكن أيوا، بس ح يكون واحد من الطرفين مُنجَذِب للتاني جسدياً!! ( دا بيدل على تناقُض إجابته، وطبعاً ماف يعني طالما الموضوع كدا 😂).

وفي مُمَثِّل كوميدي، ومؤلِّف، ومُقدِّم برامج في أمريكا إسمو استيف هارفي!، بيتكلم في حوار مع CNN، سنة 2010 عن الموضوع دا!
فقال إنو كل أصحابي رجال، ما عندي أصحاب بنات، ما بقدر أصلاً!
حتى ضرب مثال بمُقدِّمة البرنامج، وقال ليها انتُ بت وبلا شك للرجال جاذبة، وفي واحد في مكانٍ ما ح يقول ليك أنا صديقك!، لكن لأ، الكلام دا غلط..
هو صديقك بس عشان انتي وضَّحتي ليو إنو مافي حاجة بيناتنا غير الصداقة دي، و ح نفضل أصحاب كدا، على أمل يجي اليوم البيحصل فيه فتحة في الباب، أو شق في الدرع، واتأكَّدي إنو الراجل الفاكراهو صحبك دا، ح يدخُل من الفتحة، أو الشق دا نفسه، بِمُجرَّد ما تجيهو فرصة لأننا رجال!
فقالت ليو: انت شايف إنو أغلب الرجال بفكِّروا كدا؟
ردّ وقال: 99.9% مننا بيفكر كدا، قولي كلامك دا لواحدة عندها أصحاب رجال، ح تقول ليك لأ، أنا عندي أصحاب، وعشان هم عارفين إنو الصداقة دي ما ممكن تتحوَّل لشئ تاني في الوقت الحالي. لكن أقول ليك كل أصحابك الرجال، أسأليهم بس شكل وُدِّي كدا، "لو عايزة (تبقى علاقتنا غرامية) توافق؟"
واتفرّجي على الجميل اللي ح يحصل!.

عالِم الكيمياء الحيوية تيم هانت، الحاصِل على جائزة نوبل سنة 2001، قال بصراحة، إنو الرجال والنسوان في المعامِل، بيقعوا في حُب بَعَض!، وطبعاً الدنيا اتقلبت رأساً على عقبة، وخصوصاً العاملين بالمجال النسوي، لحد ما الراجل استقال، واعتذَر عن أيّ إهانة غير مقصودة للنِّساء!، لكن أصرَّ على تصريحاته بخصوص الحُب بين الرِّجال والنِّساء في المعامِل..

بس دا كلو في الأوَّل وفي الآخِر، آراء، يعني ما كلام عِلمِي!
وينو الكلام العلمي؟

"ما قالَهُ هاري لسالي كانَ صحيحاً"، دا كان عنوان لصحيفة ديلي ميل البريطانِيَّة، النقلت في 2012 نتائج أبحاث، اتوصّلت لإنو صداقة الرجال بالنسوان بيحرّكها الإنجذاب الجنسي، وإنو الإنجذاب دا شائع، وليهو آثار سلبية على الصداقات طويلة المدى!.. الدراسة عملتها جامعة ويسكونسكن في أمريكا، على 88 زوج من الأصدقاء الشباب، يعني 88 شاب وصديقته!، وفصلوا الرجال عن صديقاتهم، وسؤال كل واحد فيهم عن مشاعرو العاطفية اتجاه صديقه من الجنس التاني المُشارِك في نفس الدراسة!، والنتيجة كانت إنو الرجال كانوا ️أكتر إنجذاباً لصديقاتهم، وكانوا أكتر إستعداداً إنو يحوِّلو علاقة الصداقة، لعلاقة رومانسية، وطبعاً جنسية! .
مُش كدا وبس!، كانوا فاكرين إنهم صديقاتهم ببادلوهم نفس الشعور!، وطبعاً ثَبَت إنو دا وَهَم، وإنو البنات ما كانوا عارفين بإنجذاب أصدقائهم الرجال ليهم، و دا نفس الأكَّدَتُو دراسة تانية، عملتها الجامعة النرويجية للعلوم والتكنولوجيا سنة 2014،على 308 راجل وبت،بين سن 18 و 30 سنة!، وقبل دا كلو، في دراسة عملتها جامعة شمال انلوي سنة 2009،واتوصَّلَت لنفسِ النتائج!..
دا غير دراسة عملها باحث في هارفاد على 249 حالة، العاوز يقرأ الدراسات بالتفصيل، ح يلقى الدراسات تحت الكلام دا،و روابط الأخبار الإتكتبت عنها في الصحافة، والمواقِع الغربية..

بعد كل العرفناه دا، كدي نحاول نركِّز إنو الكلام الجاي دا، ما مُوجَّه للسلفيين ولا للمشايخ، ولا كل المسلمين!
والموضوع دا اتعرض من نظرة غربية بحتة، ما عشان نقول إنو الغرب أفضل من الإسلام، لكن عشان الناس تصحصح شوية من الإنهزامية، وتعرف إنو في ناس متقدّمة، ما بتخجل تقول حاجات زي دي، وبتناقشها مجتمعياً، وبتثبتها علمياً، زي ما عرفنا فوق..

ونحن بنتحرِج نقولها، وهي من ديننا لمُجرَّد إنو ديل (الغرب)، بيختونا في محل الدفاع، ويحسِّسُونا إننا مُتَخَلِّفِين، ومُتطرِّفين!
يلا هاه قولوا على أمريكا مُتَخلِّفِة!!

حبيبنا صلى الله عليه وسلم قال :"ما خَلَا رَجُلٌ بامرأة، إلَّا وكان الشَّيطان ثالثهما"!

{زُيِّن للنَّاسِ حُبُّ الشَهَوَاتِ مِنَ النِّساءِ والبَنِينَ والقَناطِيرِ المُقَنطَرَةِ مِن الذَّهَبِ والفِضَّة والخَيلِ المُسَوَّمَةِ والأَنعامِ والحَرْث. ذلِكَ مَتَاعُ الحَياةِ الدُّنيا واللهُ عِندَهُ حُسنُ المئآب}

فمافي حاجة إسمها أنا ما عندي صحبات، وما بثق في البنات لأنهم خذلوني كتير، والأولاد بهتموا بي، والكلام دا كلو مجرد وهم،، وهم،وهم.. انتي لو شايفة إنو ما عندك صحبة كويسة، يبقى تجتهدي تكوني انتي الصحبة الكويسة، وكما قيل يعني:
"كُن التغيير الذي تحب أن تراهُ في العالَم"
فموضوع الصحبة دا غلط فادح جداً، و لو معتبراه بي حجة أنا ماف زول يفهمني ولا حتى ناس البيت، علاقتهم معاي سيئة، وما أدري إيش و... إلخ،دا برضو أحب أقول ليك وهم..
أقفلي تلفونك حبة، وأقعدي معاهم، ودا كلو ما ح يبقى ليك مُبرِّر بعدين لما ربنا يسألك، ليه انتهكتي حرماتي؟؟
ح تبقي تقولي ليو شنو؟

كونك بتعمل غلط، لازم تعترف، وتجتهد تبطلو، بس ما تتمادى وتصنع لي نفسك أعذار من مافي، دا كلو ح يكون ضدك في النهاية.. وإني قد بلغت، اللهمّ فاشهَد..🤍

بعد الكلام دا كلو وجهة نظرك الشخصية في الكلام دا شنو ؟
شاركنا في التعليقات...

ودا حسابي الشخصي @Musta23n

الْأَخ الصّالح خيرٌ لك مَنْ نفسك، لأن النفس أمّارة بالسوء، والْأَخ الصّالح لا يأمُر إلا بخير.
صديقك ورفيقك من كان قلبه على قلبك لازم يكون زيك بالظبط.نفسك منهجك ونفس ميولك ونفس محبتك.

_الشيخ سمير مصطفى

‏"ثَمّة دعاء من قوَّته وكثرةِ إلحاح صاحبه ‏وشدَّة توسُّله يغلب أقدارًا قد تنزَّلت ‏وشارفتْ على الوقوعِ..

‏وثمّة مَن يُتقنون الدُّعاءَ بكثافةٍ؛ حتى تتنادى لدموعِهم ملائكةُ السَّماءِ".
‏
إنَّ الَّذِين يتَدثَّرون بالدُّعاء،

لا يُخذَلون.. لا يخذلون

د.كفاح أبو هنّود
يارب لا تردنا
يارب لا تردنا

سقى الله قلوبنا جميعاََ بما نتمناه💙🌸✨