-
- أنا لو ينفع أوزّع حب وجبر خاطر على كل الناس، والله ما هتأخر. ربنا يجبر بخاطري وخاطركم... ♡

"كيفَ صَبرُ المُحِبِّ يَلذَعُهُ الشَّوقُ
وقلبُ المُحِبِّ صَبٌّ سَقيمُ؟".

-العبّاس بن الأحنف.

(قصَّتي مع سورة البقرة)

اترددت كتير قبل أكتب البوست ده لكن لعل يقراه شخص واحد بَس ويعمل بما فيهِ وربنا يكتب لينا اجرو بإذنه تعالى

بداية السنة كده عييت عيا شديد خلاص وماف أي علاج نفع معاي، وكنتَ طريحة الفراش لي أكتر من شهر، بس بي التهاب!
كانت الحمى ما بتفارقني، وضيق في النَّفسِ وألم حاد في الصدر
اتشخصت بي أزمة وما كلمت زول من ناس البيت، لفّيت حكاية 3 أو 4 دكاترة كده وكلهم قالو نفس الشي
اتصلت عليّ صحبتي تشوفني بقيت كيف وأدَّتني أمها تكفّر لَي
قالت لي يا صفية خلّيهو كلام الدكاترة، وواظبي على سورة البقرة بَس وحتبقي كويسة بإذن الله!

قلتَ خلاص يا صفية انتي ما خلّيتي باب ما طرقتِيهو، أرح جرّبي اطرقي باب ربنا وإن شاء الله ما ح تخيبي

البِعرفني بعرف إني أكتر مخلوق بتجرّس من سورة البقرة، ومستعدة اقرأ القرآن في جلسة واحدة وما اقرأ البقرة شدة ما بخاف منها🤣

أها قلتا بس يا أنا يا انتَ يا إبليس
مش عامل لي فيها خايف من سورة البقرة؟!
أرح بَس قدّام ورا إعدام🤣

وقلتَ بسم الله كده جبتا لي جردل موية ختّيتو قدامي، اتوضيت واتربّعتَ في نص السرير وبديت
يوم
يومين
تلاتة يوم

عينكم ما تشوف إلا الضُلمَّة🤣
بقيت كويسة؟؟
أبدًا واللهِ عييت زيادة🤣💔
قلتا بس خلاص
عييت زيادة معناها أي مرض جواي قاعد يطفو للسطح، وإبليس يشيل ويقول لي ياخ شوفي انتي تعبانة كيف وقّفيها بتبقي كويسة
اصدّقو ؟
قلتا ليو كضَّاب
تعبان انتا ده، والليلة بَل بَس🤣

أربعة يوم
خمسة
ستة
جاتني أفكار انتحارية عديل وقلتا الدنيا دي أنا يوم واحد زيادة ما دايرة اقعد فيها، وكان ما الواطة كانت ليل، كان وقعت البحر

سبعة يوم
تمنية
عشرين، تلتين يوم

بديت أحس بالعافية، البركة، والخير اترادم عليّ حرفيًا
قدر ما تتقفل من باب، تتفتح من باب أكبر منو
ما ضاقت عليّ إلا وربَّنا فرّجها
ما بكيت إلا وضحكت بعدها
ما عييت إلا وكان شفائي في سورة البقرة

شهرين، تلاتة شهور، أربعة
الحياة ماشة معاي فُلّة شمعة منوّرة♥️!

أنا الكنتَ قاعدة 3 سنوات فيها ما قادرة احفظها
حفظت سورة البقرة من التكرار سبحان الله، وبقيت بسردها غيبًا بدون ارجع للمُصحف بحمد الله

يوم من أيام النزوح دي
نايمين كلنا في الحوش، أنا وأمي وخالتي سرايِرنا قُصاد بعض
كنت بقرا شوية وأحس بي تعب، اسكت وتاني أواصل
غفيت وسامعة صوت الناس بعيييييد كده،
خالتي قالت لي أمي اليومين ديل صفية رجعت تاني لمن تقرأ البقرة تتعب!
قالت ليها أمس بالليل زي الساعة 3 كده جاتني صَحية وشايفة سرير صفية ده فيو نور، بقيت أقول ليها يا صفية مش قلنا ليك ما تساهري في التلفون
وهي ما ردت لي، قلتا إلا لابسة سمّاعة
قمتا من سريري رفعت من وشها البطانية لقيتا نايمة!
قلتا سبحان الله!!

ما تأويل النور ده إلا سورة البقرة وبركتها علينا واللهِ!
من سمعت الكلام ده
أقسمت على نفسي إني لو بيني وبين الموت سورة البقرة، أجيبا حتى أموت!
واسأل الله إنو اليوم اللي ح تُقبض فيهو روحي، أكون قريت سورة البقرة حتى مُتَّا!

فيا اخوانا
سورة البقرة في بدايتها حارة ليه؟!
لأننا ببساطة شديدة مفرّطين في الأذكار والتحصين، والعين حق!
فما ممكن تكون ماشي وجايي بدون تحصين، وما عايز تُصَاب بالعين أو الحسد أو غيرو

كل التعب ده هو في الحقيقة دَرِب عافية وخير
ووالله مع الالتزام والتعويد ح تلقو روحكم ونَفَسكم سورة البقرة

ياخ أقول ليكم شي؟
شُفتو صداع الجَّبنة داك لمن تفوت مواعيدها وما تشربا؟!
أها أنا بقيت كان ما قريت سورة البقرة دي قبل يجي الليل، بصدّع عديل، اللَهمَّ أدِمها نِعمَة🤣♥️

الظريف في الموضوع
بقيت محل ما أمشي أقابِض الناس من طرف، أرح اقرو معاي سورة البقرة

اقرّب امسك الناس في الشارع أقول ليهم ياخوانَّا اقرو سورة البقرة ياخ🤣!

ما لقيت من سورة البقرة إلا البركة والخير في نفسي وأهل بيتنا، وكل زول نزلتَ معاهو فترة نزوحنا دي وبدأ يقراها معاي
سِعَة في النفس والرزق والأهل وكل شي في الحياة واللهِ فالحمدلله الحمدلله الحمدلله

ومافي ختام أفضل من قولهِ عليهِ الصلاةِ والسَّلام:
"تَعلَّموا سُورةَ البقرةِ؛ فإنَّ أَخْذَها بَرَكةٌ، وتَرْكَها حَسْرةٌ، ولا يستطِيعُها البَطَلَة" البَطَلَة=السَّحَرة

عايزين تعيشو حياة جميلة وطيبة؟! اقرو سورة البقرة ياخوانَّا♥️

#صفية_مصطفى

فصحاءُ في بسط الشكوىٰ،
أعاجمُ في ذكر النعم!

-وجدان العلي.

صباحُ الخير..

من أصلح سريرته؛
فاح عبير فضله وعبقت القلوب بنشر طيبه،
فاللهَ اللهَ في السرائر .. فإنه لا ينفع مع فسادها صلاح ظاهر.

لا أُخفيكم سِرًّا؛ كنت ألحُّ على الله عز وجل بدعاء سيدنا موسى، وأتضرع إلى الله بتوسُّل وافتقار:

"رَبِّ إني لما أنزلتَ إليّ من خيرٍ فقير".

أي: يا رب أي خير تُقدِّره لي، وتُعطيه لي؛ فأنا فقير إليه، وفي أمَس الحاجة إليه؛ فوالله لما افتقرت إلى الله بهذا الدعاء؛ انهالت عليّ العطاءات، ورزقني كُل ما تمنيته من زواج وعمل وغيره.

‏ _م. محمود الرفاعي

‏تَفرِضُ المَرأة أخلاقَها على عالمِ الرِّجال؛
وتَرمي أنوثَتها على رجُلٍ وَاحد فَقط!

مَن غَلَب عَلِيهِ حُبُّ شَيْءٍ جَرَىٰ فِي كلامه ..

بَل فِي دُعائه.

_ التَلميح لا يَكفي
" جازِف " .♡.

‏اللّٰه يزوِّج كُل حَبيبٍ بحَبيبه

اللّٰه يزوجكم مَن تدعون بهِم، زوجكم اللَّه برجالٍ تشعُ طمأنينية في الدين والدنيا، ولا غيّبَ اللّٰه وجهَ حبيبٍ عن حبيبه ولا أذاقَ أحدًا مرارة البُعد بعد حلاوة القُرب ولا صقيع الوحدة بعد دِفء الونس..

اللّٰه يِزوجكُم بأحبُ الرِجالِ إليه

قال حسان بن ثابت:
وَمَا فَقَدَ المَاضُونَ مِثل مُحَمَّدٍ
وَلَا مِثلُهُ حَتَّى القِيَامَةِ يُفقَدُ

- الرُّوحُ تَسكُن فِي الجِنَانِ وَتُزهرُ.🤍 -

-

م تزعلي..
لما صحباتك بتخلو عنك بعد صُحبه سنين صحباتك اللي قلتي عنهم صحبات عُمر ربنا ح يعوضك بالاحسن منهم💛🌸.

-

-

م تزعلي..
لما يكونو بنات جيلك عايشين ف وهم المسلسلات التركيه وبحلمو ببطل المسلسل وانتي عايشه ع هدف انك توفري من مصروفك عشان تشتري كتاب💛🌸.

-

-

م تزعلي..
لمن البنات كلها داخله ف علاقات محرمه وارتباطات ويومي طلعات ومشاوير ومسكات يدين ومكالمات ليليه وانتي لااا ،امتثالا لامر الله اتأكدي انك هتعيشي كل ده بالحلال وربنا ح يرضيك وح يراضي قلبك لو بعد حين💛🌸.

-

-

م تزعلي..
لمن زول يقول ليك لبسك واسع عامله زيي اللي عندك 100سنه وانتي ف زمن بتنافسو مين بتعرض مفاتن جسمها اكتر💛🌸.

-

-

م تزعلي..
لمن تكوني بنت وبتضحكي زي الاطفال ولسه تفكيرك طفولي مهما كبرتي ولسه م اتلوثتي بتفكير اللي حواليك وتكوني م فاهمه نص كلام اصحابك 💛🌸.

"إنِّي أُعيذُ قلوبكم مما يؤرِّقها
‏وأن يطولَ بها حزنٌ فيُضنيها!".

اللهمَّ صَباحًا تُزهِرُ مَعهُ الحَياة🤍🌸❤️🌺

من ألان لسانه بذكر الله في حياته ؛ أسعفه لسانه بالذكر عند موته .

سئل النبي ﷺ : أي الأعمال أحب إلى الله؟ قال :

" أن تموت ولسانك رطب من ذكر الله "
‏‌