قال لي انتي انسانه توكسك زعلت طبعا عشان قال علي انسانة وانا ملاك😍❤️

ما تزورو الناس فجأة .. ودا ما ليهو علاقة بالرزق أو الأكل والشراب والكرم .
الإستعداد النفسي والأسري للزيارة مهم شديد، ما ينفع تجي داخل فجأة والأم محننة في الصاله أو عندها ضيوف أو عندهم إمتحانات والشفع مضغوطين والبيت مبشتن أو عندهم زول مريض ومشغولين معاهو .
ما تستدعوا لي مسألة الرزق والكرم في أبجديات الذوق والتعامل الإنساني .. لو ماشي لزول استأذن و إتصل وخليهو يحدد ليك الوقت المناسب، البيوت مأوى ومسكن لساكنيها .. وعندها حرمة وظروف.
ما تحرجوا الناس وتتنشنوا بيهم بالزيارات المُفاجئة، و أدوهم فرصة يحسنوا إستقبالكم وضيافتكم ويلبسوا ليكم كويس ويرتبوا ليكم بيوتهم ويكرموكم بدل تحسسوهم بالحرج ويقعدوا يتجاروا ويتبهدلوا في كباية عصير واحدة .. المكالمة والاستئذان خطوة بسيطة وغير مُكلفة بالنسبة ليك مقارنة بالتنشن دا .. الناس تراعي لبعضها وتيسّر .

ودا من سماحة الدين الإسلامي .🌻♥️

-
" إنَّه علي رجعهِ لقادر " ♥️

الإنسان من غير شخصه المُفضل، عقله Automatic بيكون مُستوحَش
مهما العالم قدِّمله ما يريد، هيحس إن فيه جزء مفقود وناقصُه!

أبقى ناقصًا ومُستوحشًا من دونك ولو بات العالم من حولي يوزع عليَّ الأمان!
وعند قُربك
ألقاك تؤنس وَحشتي وترويني الاطمئنان!❤️

🚫 للناس البتستخدم CapCut:

الشركة عدّلت شروط الاستخدام،أي حاجة ترفعها في التطبيق – صورك، صوتك،، فيديوهاتك، وحتى المسودات – بقت مِلِك ليهم رسميًا

يعني بكل بساطة، CapCut عندو الحق الكامل يستخدم المحتوى بتاعك في الإعلانات أو أي مشروع تجاري، يعدلو، يعرضو، يبيعو، يعملو بيهو الدايرو، بدون إذنك وبدون ما يدفع ليك!

ولو حذفت المحتوى أو مسحت حسابك، الرخصة دي بتظل شغالة للأبد. يعني خلاص، المحتوى طلع من يدك.

"مَا فقدنا فيكَ الرجا حاشاك، هي أضغاثُ أحزان تأتي وتذهب."

‏أريد أن أجمع أسف العالم بأكلمه، وأضعه بقلب كُلّ من حارب لأجل شخص، ولم يحصد من حربه إلا الخيبات!

الفتاةُ إذا صَلحتْ،
ظهرَ صلاحُها في طيبِ نفسِها، وذكاءِ عقلِها، ورقَّةِ لفظِها..


فـ طيَّبةُ النفسِ،
لن تشقى في وجودِها ولن تتأرَّقَ لجوارِها.

ذكيَّةُ العقلِ،
م يخفى عليها حُزنَك، ولا تنشغلُ عن أمرِك.
ورقيقةُ اللفظِ،
لا تجرحُ بكلمةٍ، ولا تنتقصُ منك بجملةٍ☕️🌹

"والطف بعبدكَ في الدارينَِّ إن لهُ
صبرًا متى تدعهُ الأهوالُ ينهزمُ."

•

أربع تخرب بها المرأة بيتها
العناد والعصبية والشك ورفع الصوت
وأربع يخرب بها الرجل بيته ..
الاهمال والابتعاد والقسوة والبخل

عمري ما اتقبلت فكرة انو شخص عزيز علي يغيب عني بحجة الظروف ..
الحقيقة انو الظروف ممكن تمنعو من تفاصيل كتيرة كنا بنعملها سوا .. بس دي ياتو ظروف البتمنعك تسأل عني!
ياتو ظروف البتخليك تقتل اللهفه الجواي تجاهك ببعدك!
ياتو ظروف البتخليك تقابل مشاعري بالبرود!

مافي!
ولِلعلم!
ماف حاجة اسمها والله انا كنت فاكرك حاتعذرني
كنت فاكرك حاتفهمني
كنت وكنت ..

انا بعذرك
وعارفه مكانتي عندك
وعارفه انو غصبًا عنك
بس قلبي منو اللي يفهمو!
من البقدر يراضيه!
اللحظات البكون فيها موجوع من البعد والشوق .. من البقدر يواسيهو عليها!

انتظارك كان مؤذي ..
بُعدك كان قاتل و مُرهق عليّ وعلى قلبي ..

قتل اي حاجة ممكن انا اخت ليك عذر بيها ..
شوقي ليك وانتظاري ليك كل يوم
كل يوم انا بعيشو على أمل رسالة ..
رسالة واحدة بس تبرد علي ..
قتل حاجات كتيرة جواي بالبطيئ

دون ما احس
دون ما أسعى ..

دموعي الكثيرة النزلت من شوقي ليك .. بالمقابل نزلت مكانك من جواي .. دون ما أحس

ما تغيب عني وتجي تقول لي الظروف
ما تخليني احتاج ليك وتجي تقول لي الظروف
ما تخليني ما قادرة اكمل يومي عشان اتعودت عليك وتجي تقول لي الظروف!

عشان لمن ترجع حتلاقيني شخصية ما بتعرفها ..
حتلاقي كل الجواي تجاهك مات .. الشاهد الوحيد عليه غيابك!
وانتظاري ..

حتلاقي ..
انو اللمعة الفي عيوني وقت شوفتك .. اتبدلت ..
حتلقى احساسي طاغي عليه الجمود ..

وصدقني!
كلو
كان بِبُعدك ..
وانتظاري ..
__
كانت الحقول مليئه بالورود الزابلة، ماءك الذي سقيتها به أحياها من جديد .. ولكن كأنك كنت تخطط لموتها دفعة واحدة بسرعة، لِمَ حرقتها بابتعادك عنها ..!
_سجى

#lol