"SHAKL"

Tillanisoning "Shakl"ini oʻqib tugatdim. Tugatdimu, nima oʻqidim hozir deb karaxtlandim. Bir dunyo hislar - hayrat, zavq, qoʻrquv, ogʻriq, dahshat - hamma-hammasi qorishib ketdi. Qaysidir on xuddi kimdir meni bir xonaga qamab qoʻyib, bir devordan boshqasiga urib otayotgandek his qildim. Qaysi bir lahzada yuragim shuvullab tovonimga tushib ketdi.
Xayolot qaysi nuqtada reallik bilan tutashib, qayerda ular oʻrin almashishlarini farqlayolmay, bu almashinuvlar qadamiga yetib ololmay jinni boʻlayozdim. Shakllar ichida yoʻqolib qoldim.
Roman tugay deb qolgunicha ham tuzilishida biroz kamchilik bor, baʼzi oʻrinlarda soʻzlovchilar hikoyasi qorishib ketibdi, baʼzi joylarda soʻzlovchilar almashib qolibdi, muallifga aytish kerak, deb oʻzim uchun qayd qilib qoʻydim. Yakunlab boʻlgandagina, adashganimni tushundim.

Bu bir kitobxon sifatida his qilganlarim. Boshqa odam sifatida---oʻzimni kim deb atashni bilmadim, rasmiy nomim - adabiy agent, lekin buni qoyillatib qoʻyolganim yoʻq, balki tarjimon, balki adabiy jarayonlar kuzatuvchisi--- xullas, oʻsha odam sifatida juda sevindim. Farqli bir shakl, farqli ifoda. Va allaqachon aytilishi, payqalishi kerak boʻlgan haqiqatlar. Anʼanaviy ifodalardan biroz zerikkan men uchun oʻzgacha bir asar boʻldi. Qoʻlyozmani oʻqish imkonini bergan Tillanisoga rahmat! Asar uchun rahmat!!

@authors_and_publish

Kecha Sukut Saqlama Ayollar kitob klubining muhokamasi bo'lib o'tdi. "Jinsiy qurbon emasman, lekin..." maqolasi muhokamaga tanlangandi. Bu masala bizda shunchalik dolzarbki, pul evaziga 13 yoshli qiz bilan yotishga uringan erkakka 5 sutka jazo berilgan. Hatto zo'ravonlikka urinish bizda jinoiy javobgarlikka ham tortilmaydi. https://www.tg-me.com/SukutSaqlama/4223

Bu haqda hali batafsil yozaman.

P.s: Adashibman, jinoiy javobgarlik bor, lekin ijrosi yo'q.

"Shakl"ni olganlar, o'qiyotganlar bormi? Agar bo'lsa, bugun 22:30 da asar haqida chat qilardik.

"Aks" haqidagi savollarga ham javob beraman.

+ qo'yinglarchi olganlar, o'qiganlar!

Daraxtni tepsa qiz yog‘ilmaydi. O‘zbekistonda qiz farzand tug‘ilishi kamayib boryapti
https://kun.uz/57279630?fbclid=IwY2xjawIOAphleHRuA2FlbQIxMQABHYJRGH3DmxdqyLu8yI03Po5CWCGMBTZVltojY_jspWljqYKNEarnPdBWeA_aem_tzOSKFvnqvYgCzVSY8PAcw

Bizda Xitoy va Hindistonda kuzatilgan "Yo'qotilayotgan ayollar" hodisasi boshlanibdi. 20 yil ichida erkaklar ayollardan 625 ming raqamga ortiqlik qiladi. Voy-dod ayollar o'zini jabrdiydaman devordi, voy-dod biz qizniyam, o'gilniyam teng ko'ramiz deganlarga jo'natib qo'yinglar. Maqolada keltirilishicha, qiz farzand kamayishiga asosiy sabab - abort! Qizni xohlashmaydi. Joyida tinchitishadi. O'g'il bo'lmaguncha. Deniz Kandiyoti buni "patriarxal narxlashuv yoki shartnoma" deydi. Ayol faqat o'g"il tug'sagina, kelinlik oilasida hokimiyatga ega bo"ladi (keyinchalik qariganida ham kelin olish vositasida hokimiyatni mustaklamlashga asos; xuddi shahzoda tuqqan cho'rilar birdan bo"lajak valiahdning onasi, barobarida malikaga, statusli ayolga aylanganidek). Ko"pchilik men hech qachon o'g'il va qizni ajratmayman, deydi. Lekin g'irt yolg"on aytadi. Aslida ajratadi. Faqat ongli ajratmaydi, ong ostida ajratadi. Farzandniyam ajratadi ota-onalar. Afsuski, o'zbekning ongosti qarashlari va dogmalari tahlilga tortilib, uni o'zgartirish uchun hech narsa qilinmayapti ( qullik ongidan chiqish uchun postkolonial ong islohoti o'tkazilmayotgani kabi). Yaqin 10 yillikda raqamlar 1 mln yetadi bu turishda. 1 mln odam bemalol qiz farzandini qurbon qilib yuborar ekan, shundayam biz oiladagi farzandni ajratmaydigan millat bo'lib qolaveramizmi? ( Xudoni o'zi qutqarib aql va insof bitmasa, hech yaxshilikka umid yo'qdek...)

Hammasidan qizig"i nima aytaymi, kun.uzdagi izohlar odamni shokka soladi. Deyarli barcha erkaklar nima bo'pti chetdan uylanaveramiz debdi. Muammoga umuman jiddiy qaralmagan. Shularda endi ertaga qiz farzandga himoyachi, suyanchiq bo'ladigan otalar?! Bir qiz, bir kelin o"ldirilsa, aytasizlarki, qani ularni otalari, nimaga qaramadi? Mana ularning darajasi, saviyasi - tobora shubham bor tabiatda aql barcha insonga teng tarqatilishiga, bo"libam bizning onasining erkatoy o'g'ilchasi, tarallabedod erkaklarimizga. Qizig'i, bir qiz koreys yo turkka erga tegsin, ko'rasiz og"izpolvonlik tomoshasini!

P.s: avvallari bunaqa izohlarga jiddiy qaramasdim. Ha, bo'ladida, har millatda shunaqasi, derdim. Ammo borgan sari ziyoli qatlamimizda ham fikr shundayligidan shokka tushib boryapman. Ziyoli so"zidan ko'nglim ag"darilyapti. Shu so'zni tag-tugi bilan lug'atdan chiqaraylik , baribiram tushinchani izohlaydigan ma'no - unga mos odam topilmayapti!

"AKS" ni nega o'qish kerak?

"Aks" jamiyatga juda katta va keskin g'oyalar tashlab maydonga chiqadi. Hali buni anglagan angladi, anglamagan undan ko'p. Ammo kun kelib tarix anglaydi. "Aks" jamuyatning eng so'nggi ruhiy zo'riqishi, portlash oldi qo'ng'irog'i. Bu jamiyat aniq portlaydi! Bu ruhiy zo'riqish uzoq payt muallaq turolmaydi endi. Hozir har joydan o'z dardini keskin aytib dodlab, otilib chiqayotgan ayollar va ayollar muammosi mana shu ruhiy zo'riqish "bumi"ning eng boshlang'ich otilishlari, portlovlaridir. Ehhe oldidanda bizni qanaqa balki ildizlarimiz bikan qo'porib tashlaydigan portlovlar kutayotgan bo'lsa...
Anif boshini dorga bergan odam kabi "borr ossang men os shu doringga" deb ichidagi bor dardini - hech qachon aytolmagan kechinmasini aytib portlab chiqadi! Bu qadar teran sokinlikdan o'ta alamli dod chiqadi. O'qisangiz bilasiz!
U boshini tikkan dor Alisher Fayzullayevning "Azizlar haqida jumboq" hikoyasidagi aks tig'ida akslanadi. Jamiyat ota-onalari shu qadar zo'riqishdagi bolasini moli evaziga emas, qoni evaziga boqyapti. O'zining qoni yetmay qolsa, avlodida kimdir omon qolishi uchun eng yaroqlisi va eng quloqsizini devor ortiga omonlikka jo'natib, ayovchan va bo'yinsungan bolalarini qurbonlikka tortivoryapti. Buyam jamiyatni shokka solayotgan qattiq paradoksal zo'riqish Fayzullayev qahramonli vijdonli bo'lgan har kasni zamon mashinasi burdalab tashlashiga, toptab ketishi, og'ir-oqibat bu odamlar quyosh ko'rmay o'z zindonida qolishiga negadir qattiq ishonadi. Ishoningki, bu o'sha eng so'nggi vijdonli odamlarning yo'q bo'lib ketish yo portlash oldidagi eng oxirgi larzasi, zo'riqishi. Buyog'i nima bo'ladi, tangriga ayon.
Gulnoz Mo'minova ko'z oldingizda "eh bor ekanku yorug' kunlardan qolgan hislaq" qabilada avvalida tabiatning go'zal shoiri bo'lib gavdalanadi-yu, oxir-oqibat qulog'ini batang qilgan zulmkor shovqindan to'yib ketib - voqelik oldida ko'zini chirt yumadi. Ayol bo'lib tug'ilma, Sharqda deb dod soladi. Bu gap nozik ko'nglingizga tegsa, inson bo"lib tug'ilmas, sharq-u g'arbu, yer yuzida deb o"qing. Chunki mohiyat umuman o"zgarmaydi. Bu ayol jinsidahi insonning jamiyatning eng so'nggi ruhiy larzasi asnosidagi qichqiriq va hayqirig"i xolos. Ayoldir, erkakdir - barcha uchun teng qichqiriq bu.

Shahzod Shomansur qahramonlari nima qiladi - mana shu ruhiy zo'riqish portlamagan taqdirdagi qismatlarni ko'z oldingizga bashang qilib olib keladi. Uning hamma qahramonlari shu qadar sevib tasvirlangan manyaklardir - bu manyaklarga maftun bo'lasiz. Hikoyalarining har biridan chiqib kelaveradi. Bunaqa seriyali manyaklarni avval kinoda ko'rib ko'z qotgandiyu, adabiyotda ruh sezib, ilg'ab, taftish qilishga o'tmagandi. Mana shu eng so'nggi zo'riqishning eng so'nggi qahramonlari manyaklar bo'ladi. Dahshatli, ammo muqarrar bashorat!
Rahshona Ahmedova qahramoni nima qiladi - u haliyam umid, bir yorug'lik kutadi bu shovqinzorda. Manimcha, u biz ko'nikkan ma'noda yorug'lik kutmaydi. Chunki qahramon bir yapon yozuvchisining essesida chiroqlar va yorug'lik ichimizdagu ezgulikni quvib chiqardi degani kabi, butun olam qorong'ulikka cho'ksayu, ichda yorug'lik boshlansa, deb kutadi. Lekin asr chiroqlar asri, chinakam qorong'ulikka qayta olarmikanmiz, xudo biladi? Uning qahramon faqat duo qiladi. Va shu pichirlangan duolar ilinj bilan to'plam kitoblariga mantiqiy xulosa yasaydi. Zero, ishonganimizdek, har narsaning yakunida duo bor. Ojiz taskin va katta umid! Oqlansin iloyo!

Xo'p, "Shakl" , u nima qiladi - u yosh yurak bo'lib zo"riqadi zamon zaylida, ehtimol yosh yurak eng ko"p otilmoqchi bo'lib, otilishga shay bo'lib zo'riqadi demoqchi bo'lar, ehtimol, hazir turing yoshlar, demoqchidir u. Xullas, olib o'qing!

🔥Aks” toʻplamida nashr etilgan Tillanisoning “Shakl” romani haqida muallifdan tinglaymiz!

https://youtu.be/rLAh5-hlbYE

Hozir orzumdagi hayotda yashayapman: tetik va sog'lom tana, har burchagi o'zimniki bo'lgan shaxsiy xona, yoqimli va ham ijodiy, ham kasbiy va ruhiy o'stiradigan ish, samarali va sifatli to'layotgan vaqt, atrofimdagi mehrli va xayrixoh eng yaqin odamlar... bu yoqda kitoblar ham chiqib turibdi. Dunyoga aytadigan gapimni shunchaki sokin tarzda aytyapman. Muhimi, qalb to'q, yurak xotirjam. Ichki uyg'unlik bor.

Ulg'aydim shekilli, o'z xonamga va qalbimga tartib berishdan lazzatlanadigan bo'lib qoldim. O'zim o'zimga yetarli. Ko'z tegmasin.

📣Diqqat, tanlov!

“AKS” - JAMIYATGA KO‘ZGU

🎉«Yangi asr avlodi» nashriyoti “AKS” turkumida chop etilgan kitoblar bo‘yicha tanlov eʼlon qiladi. 

Tanlov uch yo‘nalishda bo‘lib o‘tadi:

📝- Eng mazmunli taqriz;

🌌- Eng kreativ foto;

🎬- Eng qiziqarli videorolik.

Demak, “AKS” turkumidagi oltita kitob (yoki bittasi) bo‘yicha taqriz yozishingiz yoki kitoblarni original tarzda suratga tushirishingiz yo bo‘lmasa ushbu kitoblar ishtirokida qisqa va maʼnoli rolik ishlashingiz kerak. So‘ng taqriz, foto yoki videoni ijtimoiy tarmoqlarda (Telegram kanal yoki Facebook, Instagram sahifasi) ulashasiz. Uning havolasini va telefon raqamingizni @bookuz_marketing manziliga jo‘natasiz. G‘oliblarni hakamlar hayʼati aniqlaydi. 

🎁 Uch yo‘nalish bo‘yicha 1, 2, 3 o‘rin g‘oliblari diplom, qimmatbaho sovg‘alar, kitoblar to‘plami bilan taqdirlanadi.
🥇 Jumladan, 1 o‘rin egalari bookreader, 2,3 o‘rin egalari kitob vaucherlari, mualliflardan maxsus sovg‘alar taqdim etiladi.

Tanlov materiallari 5 fevraldan 20 fevralgacha  qabul qilinadi. G‘oliblar taqdimot kuni taqdirlanadi. Barchaga omad!

📚@bookuzbekistan

Bugun Bukuz kitob do'koniga kirib-chiqish asnosida 7-8 ta "Shakl" xaridorlariga dasxat berdim. Kitob dastxat bilan kerak bo'lsa, kelaveringlar, shu yerda bo'laman. Erta-indin ham.

Tahrirga yangi kitob oldim. Remarkning yangi asari. Boburning seriyasi yana boyiydigan bo'ldi.