بس انت عليك تصب العيون
وما صبّت عگب عينك على احد.

يا گلبي خل يمشون من قرروا
همه الاختاروا ننتهي ونفترگ
انخسر ما اخسر، هوا ومن أهب
يحتاجني المرتاح والمختنگ.

اغنيلك يگلبي شما يطول الليل
شما نجمة بحزنها تفيض
يگلبي الناس كلهم سود
بس انت وحبيبك بيض.

بأنتظارك خلصت عمري انتظار
و عاشرت ليل المحطة و ارتجي يجيبك قطار

لا هداني الله ونسيت،
ولا هداك الله واجيت
چا عبالك الينعاف حوبة كلبه
ماتكتل ؟

ردتك دوا لجرحي القديم التعبان
فوگ الجرح تتخلى ، مو تتخلى.

هذا مو انصاف منك
غيبتك هلگد تطُول !

الناس لو تسألني عنك
شرد اجاوبهم شكول؟

الهوى يلتم علية منين ما ذكروك
وادگ رجلي واظل بعازة الخنكة

واغص بريحتك ما گمت اغص بالزاد
المفارگ النسمه العابره تغرگه .

انه يمكن رقم واحد بالحزن
بس جاي اكابر.

طحت و حاسب من ارجع مكاني الگاه
بس ثاري بمكان الريش يطلع ريش.

تالي نزعوا شوگنا من گلوبهم
و گالوا عوض عنكم لگينه

واذا حسبوچ مو منهم و ما حبوچ
حيل وياچ..
عفتني أنسان چان يقدسچ بكلشي.

گلتلك
و الله گلتلك
مو تعودني عليك و تمشي مني.

رجعتلها ولو
بس اليحب هيچ
مسئلة الضعف ما يلگه حلها.