#Ochiq_eshiklar_kuni

🧠Mahalla yoshlari uchun "Ochiq eshiklar kuni" tashkil etildi

Bugun Abu Rayhon Beruniy nomidagi Urganch davlat universiteti Tabiiy va qishloq xo‘jaligi fanlari fakulteti tashabbusi bilan mahalla yoshlari uchun “Ochiq eshiklar kuni” tadbiri tashkil etildi.

Tadbir doirasida Urganch shahar 6-son umumiy o‘rta ta’lim maktabi 11-sinf o‘quvchilari sinf rahbari M.Niyazmetova boshchiligida universitetga tashrif buyurdilar. Shuningdek, 3-MFY “Nuroniy” mahallasi raisi X.Tojiyev ham tadbirda ishtirok etdi.

Mehmonlarga fakultet tyutori R.Matchonov tomonidan universitetda talaba-yoshlar uchun yaratilgan barcha sharoitlar bilan yaqindan tanishtirdi.

Tadbir yoshlar uchun universitet hayoti bilan yaqindan tanishish, o‘z kelajak kasbini tanlashda to‘g‘ri yo‘nalish olishda muhim ahamiyat kasb etdi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

#Ilmiy_amaliy_anjuman

✅ Bugun Abu Rayhon Beruniy nomidagi Urganch davlat universitetida “Zamonaviy va qiyosiy tilshunoslik, chog‘ishtirma adabiyotshunoslik, tarjimashunoslik masalalari” mavzusidagi xalqaro ilmiy-amaliy anjumanning ikkinchi kuni o‘z ishini davom ettirdi.

🟠 Anjumanda respublikaning turli oliy ta’lim muassasalari hamda xorijiy mamlakatlardan professor-o‘qituvchilar, ilmiy izlanuvchilar va yosh tadqiqotchilar ishtirok etdi. Shuningdek, joriy yilning 25-oktabr 4-noyabr kunlari universitetda tashkil etilayotgan “Xitoy tili ta’limi” yo‘nalishida maktabida ishtirok etish uchun Xitoydan tashrif buyurgan Gansu qishloq xo‘jaligi universiteti dotsenti Wang Xiaomei, ilmiy tadqiqotchi Liu Xinyu hamda bir guruh talabalari ham konferensiyada ishtirok etdi.

Anjumanning sho‘baviy yig‘ilishlarida quyidagi yo‘nalishlar bo‘yicha dolzarb masalalar muhokama qilindi:
🔶 “Qiyosiy adabiyotshunoslikning muammolari”;
🔶 “Badiiy-ilmiy adabiyot va madaniyatlararo muloqotda tarjimaning roli”;
🔶 “Til ta’limida lingvodidaktik yondashuvlar”.

Mazkur anjuman tilshunoslik, adabiyotshunoslik va tarjimashunoslik sohalarida ilmiy hamkorlikni kengaytirish, tajriba almashish va yangi ilmiy g‘oyalarni ilgari surish uchun muhim ilmiy-amaliy ahamiyatga ega bo‘ldi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube