⛔️⛔️⛔️

🇺🇿🇨🇳Madaniyatlararo muloqot — o‘zaro tajriba almashinuv maydoni

Abu Rayhon Beruniy nomidagi Urganch davlat universiteti Xorijiy filologiya fakultetida Xitoyning Gansu qishloq xo‘jaligi universiteti talabalari bilan birgalikda madaniyatlararo almashinuv mashg‘ulotlari bo‘lib o‘tmoqda.

Mazkur mashg‘ulotlarda fakultetning Tarjima nazariyasi va amaliyoti, shuningdek, Gid hamrohligi va tarjimonlik faoliyati yo‘nalishi talabalari faol ishtirok etmoqda.

Dars jarayonlari ikki xalq madaniyati, anʼanalari va turmush tarzini o‘zaro o‘rganish, tarjima mahoratini oshirish hamda kommunikativ ko‘nikmalarni mustahkamlashga xizmat qilmoqda.

Uchrashuvlar do‘stona va samimiy muhitda, har ikki tomon uchun qiziqarli hamda foydali tarzda davom etmoqda.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

🟥🟥🟥🟩🟩🟩

🗣“Ma’rifat maydoni” ko‘rik-tanlovining yangi mavsumi boshlanmoqda

🏛 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi tomonidan talabalar o‘rtasida eʼlon qilingan “Ma’rifat maydoni” ko‘rik-tanlovining 2026-yilgi mavsumiga start berildi.

☑️Tanlovda barcha oliy ta’lim muassasalarining talaba-yoshlaridan tashkil topgan jamoalar ishtirok etishlari mumkin. Jamoalar 12 nafargacha tarkibda shakllantiriladi.

✔️Tanlov 4 bosqichda tashkil etiladi:

➡️1-bosqich: fakultetlar o‘rtasida;
➡️2-bosqich: oliy ta’lim muassasalari o‘rtasida;
➡️3-bosqich: mintaqaviy;
➡️4-bosqich: respublika bosqichi.

☑️Tanlov 3 ta shart asosida: “Adiblar hayoti”, “Tezkor savol-javob” hamda “Adiblar hayoti va ijodidan sahnalashtirilgan kompozitsiya” shartlari asosida o‘tkaziladi.
☑️Tanlov g‘olibi bo‘lgan jamoalar Oliy ta’lim, fan va innovatsiyalar vazirligi tomonidan quyidagi tartibda pul mukofotlari bilan taqdirlanadi:

🔵1-o‘rin – 40 million so‘m;
🔵2-o‘rin – 25 million so‘m;
🔵3-o‘rin – 20 million so‘m;
🔵4-o‘rin – 10 million so‘m;
🔵5-o‘rin – 5 million so‘m.

➡️Tanlov nizomi bilan tanishish

⏺Tanlovda ishtirok etmoqchi bo‘lgan talabalar taʼlim muassasasining Yoshlar masalalari va maʼnaviy-maʼrifiy ishlar bo‘yicha masʼullariga murojaat qilishlari mumkin.

Bizni kuzating:

📱Instagram | 📺YouTube | 🕊Telegram

#qonunchilik_yangiliklari

Sun’iy intellekt bo‘yicha yoshlar o‘rtasida “Eng yaxshi startap”, vazirlik va idoralar o‘rtasida “Eng yaxshi loyiha” tanlovlari o‘tkaziladi

“Sun’iy intellekt texnologiyalarini yanada rivojlantirishga oid qo‘shimcha chora-tadbirlar to‘g‘risida”gi Prezident Farmoni (PF–189-son, 22.10.2025 y.) qabul qilindi.

📌 Farmonning asosiy maqsadlari etib quyidagilar belgilandi, jumladan:

▶️2026-yil yakuniga qadar davlat boshqaruvi organlari, ijtimoiy soha va iqtisodiyot tarmoqlarida sun’iy intellekt texnologiyalarini keng joriy qilish bo‘yicha kamida 100 ta loyihani amalga oshirish;

▶️2030-yil yakuniga qadar zamonaviy sun’iy intellekt infratuzilmasini rivojlantirishga 1 milliard AQSH dollaridan ortiq miqdorda xorijiy investitsiyalarni jalb qilish;

▶️2026-yil yakuniga qadar mamlakatda faoliyat yuritayotgan oliy ta’lim tashkilotlarida 15 ta sun’iy intellekt laboratoriyalarini ishga tushirish.

🗓 2025-yil yakuniga qadar sun’iy intellekt yo‘nalishida amalga oshirilayotgan loyihalar, dasturlar, startaplar va bepul onlayn kurslar haqidagi ma’lumotlarni aks ettiruvchi “ai.gov.uz” milliy portali ishga tushiriladi.

📝 2026-yil 1-yanvardan boshlab:

➡️yoshlarning sun’iy intellekt texnologiyalariga qiziqishini yanada oshirish va rag‘batlantirish maqsadida O‘zbekiston Respublikasi Prezidentining sovrini uchun “Sun’iy intellekt yo‘nalishida eng yaxshi startap” (President AI Award) tanlovi o‘tkaziladi;

➡️davlat organlari, ustav fondi (ustav kapitali)da davlat ulushi 50 foiz va undan ortiq bo‘lgan xo‘jalik jamiyatlari hamda mahalliy ijro etuvchi hokimiyat organlarining raqamli transformatsiya holatini baholashda sun’iy intellekt texnologiyalarini joriy qilish ko‘rsatkichlari inobatga olinadi.

🔗 Reyting natijasiga asosan 2026-yil 1-martdan boshlab yiliga ikki marotaba eng yaxshi sun’iy intellekt loyihalarini joriy etgan vazirlik va idoralar o‘rtasida “Sun’iy intellekt bo‘yicha eng yaxshi loyiha” tanlovi o‘tkaziladi.

Bizni kuzating

Facebook | Instagram | YouTube | Telegram