🎥 🟦🟦 🌟🌟🌟🌟🌟🌟🌟

Bugun Abu Rayhon Beruniy nomidagi Urganch davlat universitetida “TalabaExpo–2025” kasb ko‘rgazmasi doirasida “O‘zmilliybank” AJ tomonidan bitiruvchi talabalarning bandligini ta‘minlashga qaratilgan uchta istiqbolli loyiha taqdimoti bo‘lib o‘tdi.

Mazkur taqdimotda “O‘zmilliybank” AJ “Kelajakka qadam” markazi bo‘lim boshlig‘i Shohzamon Erkinov loyihalar mazmuni, maqsadi va yosh mutaxassislar uchun yaratilayotgan imkoniyatlari haqida atroflicha ma’lumot berdi.

Talabalar o‘zlarini qiziqtirgan savollar bilan mutaxassisga murojaat qilishdi va loyihalarda ishtirok etish tartiblari bilan tanishish imkoniyatiga ega bo‘lishdi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

🎥 🟦🟦 🌟🌟🌟🌟🌟🌟🌟

“Talaba Expo – 2025” kasb ko‘rgazma yarmarkasi yoshlar diqqatini jalb etgan tadbirlardan biri bo‘ldi

Tadbirlar davomida ilgari surilgan bir qator startap g‘oyalar ko‘rib chiqilib, ularning bir nechtasi “Kelajakka qadam” dasturi doirasida moliyalashtirishga tavsiya etildi. Alohida tanlangan loyihalar uchun moliyaviy qo‘llovlarni nazarda tutuvchi vaucherlar tantanali ravishda topshirildi.

Bu — yoshlar tashabbusiga real turtki, amaliy natija.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

🎥 🟦🟦 🌟🌟🌟🌟🌟🌟🌟

“TalabaExpo–2025” kasb ko‘rgazmasi – yoshlarga keng imkoniyatlar eshigini ochmoqda!

Bugun Abu Rayhon Beruniy nomidagi Urganch davlat universitetida bitiruvchi talabalarning bandligini ta’minlashga qaratilgan “TalabaExpo–2025” kasb ko‘rgazmasi doirasida muhim uchrashuvlar va tashabbuslar amalga oshirildi.

Tadbir doirasida Xorazm viloyatidagi oliy ta’lim muassasalari rektorlari ishtirokida ochiq muloqot bo‘lib o‘tdi. Ular bitiruvchi yoshlar uchun yaratilayotgan imkoniyatlar, ularni mehnat bozoriga moslab tayyorlash, shuningdek, universitet va ish beruvchilar o‘rtasidagi hamkorlikni mustahkamlash masalalari yuzasidan o‘z fikr-mulohazalarini bildirdilar.

Ko‘rgazmada turli tashkilot va korxonalar, davlat va nodavlat ish beruvchilar, startap loyihalar vakillari ishtirok etib, talabalar bilan yuzma-yuz suhbatlashdilar, amaliy ish va stajirovka imkoniyatlari bilan tanishtirdilar.

Uchrashuv yakunida barcha faol ishtirok etgan talaba-yoshlar munosib taqdirlandi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube