#Davlat_tili
#36yil

🇺🇿Til – millat maʼnaviyatining koʻzgusi

Bugun, 20-oktabr kuni Abu Rayhon Beruniy nomidagi Urganch davlat universiteti Filologiya va sanʼat fakultetida “21-oktabr – Oʻzbek tili bayrami” munosabati bilan “Til – millat maʼnaviyatining koʻzgusi” mavzusida bir qator maʼnaviy-maʼrifiy tadbirlar o‘tkazildi.

🤩Dastlab fakultetning 2-bosqich O‘zbek tili taʼlim yo‘nalishi talabalari ishtirokida davra suhbati tashkil etildi. Tadbirda Oʻzbek tilshunosligi kafedrasi mudiri, f.f.d., professor A. Primov mehmon sifatida ishtirok etib, o‘zbek tilining tarixi, shakllanishi va rivojlanish bosqichlari haqida atroflicha maʼlumot berdi. Shuningdek, til meʼyorlariga rioya etish, nutq madaniyatiga e’tibor qaratish, jamiyatda tilni to‘g‘ri qo‘llashning ahamiyati haqida fikrlar bildirildi.

✍️Shundan so‘ng, fakultet talabalari o‘rtasida “Til – millat maʼnaviyatining koʻzgusi” mavzusida ommaviy diktant tanlovi o‘tkazildi. Talabalar mavzu asosida diktant yozishdi, yozma ishlar esa Oʻzbek tilshunosligi kafedrasi o‘qituvchilari tomonidan tekshirilib, baholanadi.

Mazkur tadbirlar orqali yoshlarimizda ona tiliga hurmat, savodxonlik madaniyati va til meʼyorlariga eʼtiborli bo‘lish tuyg‘usi yanada mustahkamlandi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

#Oʼzbek_tili
#36yil

🇺🇿Davlat tili – milliy maʼnaviyatimiz timsoli

“21-oktabr – Oʻzbek tili bayrami” munosabati bilan Abu Rayhon Beruniy nomidagi Urganch davlat universiteti Fizika-matematika fakultetida “Davlat tili – milliy maʼnaviyatimiz timsoli” mavzusida maʼnaviy-maʼrifiy tadbir tashkil etildi.

Tadbir davomida talabalar ona tilimizning tarixiy ahamiyati, boy ifoda imkoniyatlari hamda milliy o‘zligimizni belgilovchi asosiy omil sifatidagi o‘rni o‘z badiiy chiqishlari orqali namoyish etdilar.

Ishtirokchilar o‘zbek tilining jamiyatdagi nufuzi, uni asrab-avaylash va yoshlar orasida ona tiliga muhabbatni kuchaytirish zarurligi borasida o‘z mulohazalarini bildirdilar.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube

🟦🟦🟦

🌍Yosh notiqlar – so‘z sehrini his etgan talabalar!

Bugun, 20-oktabr kuni Abu Rayhon Beruniy nomidagi Urganch davlat universiteti Filologiya va san’at fakultetida an’anaviy tarzda o‘tkazilib kelinayotgan “Yosh notiqlar” ko‘rik-tanlovining navbatdagi bayram soni bo‘lib o‘tdi. Tanlovning mazkur soni “21-oktabr – Oʻzbek tili bayrami”ga bagʻishlandi.

Tanlovda universitetning 6 nafar iqtidorli talabasi 2 shart asosida o‘z notiqlik mahoratini sinovdan o‘tkazib, so‘zning kuchi va go‘zalligini namoyon etdilar. Har bir chiqish hakamlar hay’ati tomonidan adolatli baholandi va natijalar quyidagicha bo‘ldi:

🥇1-o‘rin: Jovbo‘riyeva Umida (Filologiya va san’at fakulteti);
🥈2-o‘rin: Rahimberganova Zulfiya (Kompyuter injiniring fakulteti);
🥉3-o‘rin: Rustamova Shoxruza (Filologiya va san’at fakulteti).

G‘oliblar Filologiya va san’at fakulteti dekani, f.f.d., professor D.Gʻayipov hamda fakultet professor-oqituvchilari tomonidan faxriy yorliq va esdalik sovgʻalari bilan taqdirlandi.

©️UrDU Matbuot xizmati
🌐 Sayt | Telegram | Facebook | Instagram | Ln | YouTube