Besh Qozon logotipini yangiladi

Chapda — eskisi, o‘ngda — yangisi. O‘zgarishlar juda katta.

Kompaniya aytishicha, yangi logotip beshta qozon, besh xil osh va turli insonlarni birlashtiruvchi Besh Qozon’ni ramziy ifodalaydi.

Bilmadim, juda bahsli qadam bo‘pti…

Bir tomondan, eski logotip juda batafsil bo‘lib, kichik o‘lchamda tushunarsiz ko‘rinardi.

Boshqa tomondan, teleminora, shahar va qozon siluetlari Besh Qozon’ning o‘ziga xosligini yaxshi aks ettirgan edi.

Nima bo‘lganda ham, kompaniya murakkab tasvirlardan universal va zamonaviy uslubga o‘tdi. Bu hozir O‘zbekistonda umumiy tendensiyadir.

Besh Qozon’ning ishlari qanday ketyapti

Yaxshi. Kompaniya 1999-yildan beri faoliyat yuritib kelmoqda va hozirda to‘rtta filialga ega.

Eng mashhuri, albatta, teleminora yonidagisi — haqiqiy osh markazi, sayyohlar tashrif buyuradigan Toshkentning diqqatga sazovor joylaridan biri.

Bundan tashqari, Besh Qozon Glinka, Ko‘kcha va Sergelida ham bor.

Kompaniya umumiy ovqatlanish sohasidagi yirik korxonalardan biri hisoblanadi: 2024-yilda uning daromadi 17 foizga o‘sib, 83 milliard so‘mni tashkil etdi.

So‘nggi yillarda Besh Qozon o‘z ustida ko‘proq ishlamoqda — saytini yangiladi, yetkazib berish xizmatlari bilan hamkorlik o‘rnatdi, marketingga sarmoyalarni ko‘paytirdi.

Yangi logotip, ehtimol, ana shu o‘zgarishlarning davomidir.

@beshtorr

#kompaniyalar #brending

MO’JIZA: XITOYLAR SURATNI FAQAT BIR ISHORA BILAN UZATISH TEXNOLOGIYASINI IXTIRO QILISHDI!

Huawei’ning yangi funksiyasi yordamida bitta qurilmadagi tasvirni “ushlab olib”, boshqa qurilmaga ko‘chirish mumkin.

Sizningcha, bunday texnologiya hayotimizni osonlashtiradimi? Nima deb o‘ylaysiz?

🚀 @UchadiUxladi😴