قصيده لمولانه ابا الفضل العباس عليه السلام (فزاعي جنوبي قفلت الهوسه)
~~~🚩
الخال ابنج يزينب لايكه الخوله
طب للحومه يرهب فدوه الطوله
🚩🚩🚩🚩🚩🚩🚩🚩
طب للحومه. اشسوه من الفنون
اخوه احسين هاذا اليكولون
لا كتله الكفاله ماي العيون

من طب للحومه// عيون حسين كباله

ام ✍🏻مرتضى الحواسي
««««««««««««««««««««🚩🚩
طب الحومته وماهاب عدوان
اسد عباس راهب كل الكوان
من اسمه تخاف الانس والجان

هوسه//

من غار اعليها //صارت نار الحومه

ام ✍🏻زين العابدين لمحمداويه
««««««««««««««««🚩🚩
صارت نار من طبها ابن حيدر
ترهب طبته وعدوانه اتحير
فرح احسين وعباس العده يئمر

صاح فنه اليكرب وانه// عضيد// احسين

ام ✍🏻رحمه الگاظميه

««««««««««««««««🚩🚩
شجاع ولو ينازل يكتل بساعه.
ولو شافه العدو تتخربط وضاعه.
عزيز اعله اخوته ويصعب وداعه.

هوسه/

الشط والعسكر/حارو بي
يوم اطب للحومه

ام✍🏻 فاطمة الزهراء
««««««««««««««««🚩🚩
طب ليها گلبها گلب عباس
من خزرت اعيونه اتخاف الارجاس
اخو زينب كفو ياتاج عالراس

ابيوم الطب للحومه //صارت طشاره

✍️ام احمد المنصوريه
««««««««««««««««🚩🚩
عباس الكمر وفاي بوعوده
يطب للعلكمي ويثبت احدوده
يترس جربته ولطفاله مردوده

امانه كال/ يازينب نرويهم
ام علي السماوي
««««««««««««««🚩🚩
يجيب الماي ومليها جربته
ويضحي العين الزينب اخيته
غرف الماي وماضاگته شفته

جاب الماي لخته //وما شرب منه

ام ✍🏻مرتضى الخزرجي
««««««««««««««🚩🚩
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه

وزن دارمي

لسان حال مولاتي سكينه عليها السلام

🏴🏴🏴🏴

راح اليجيب الماي مارجع ليه
عمي وينور العين كله حميه

****

راح اليجيب الماي يسگي العطاشه
چن خبر جاني ايگول هشمو راسه

عمج وگع مطروح ينفظ انفاسه

انهدم مني الحيل راح التچيه

ام ✍️حسين الحسني
.....................................





لوادري يم الماي توكع جفوفه

لاريدن اشرب ماي ولا اريد اشوفه

عمي ونظر العيون اشلون اعوفه

يم النهر الزنود يابعد ايديه

✍ام اسعد الشمري
..................................




ادعي نهار اوليل يرجعلي عمي

افراكه صعب مراد للعين يعمي

كافل اعيال حسين ويزيح همي

ويجلي ظلام الدار وترد زهيه

ام مرتضى الخزرجي
....................................





ما ريد انه الماي عمي اريده
وسفه الدهر خلاه عايف عضيده

وباك النهر لچفوف وجيته بعيده

رايح ابو الكلافات راعي الحميه

ام✍🏻 زين العابدين لمحمداويه

.................................





وسفه والف وسفات يابو الكرامه
كلبي عليك اليوم زايد هيامه
وموتتك بالدلال خلف علامه

انته ابو الكلافت وجفوفك سخيه

ام رحمه

................................




ياوسفه عمي الحيد مارجع النه
فگدنه العزيز الجان گله محنه
وبروحته ماظن بعد يلتم شملنه
ومكسور گلب حسين ابن الزجيه

ام جعفر الايرواني.
................................




راح وبعد ميعود ويرد علينه.

ياهو اليكل للزين اليروينه.

خل يجلب النه الماي ويعود الينه.

فركت اعيون الحيد هي المنيه.


ام فاطمة الزهراء
.
...................................





انهدم مني الحيل محنيه الضلوع
من دم علی السقاي اتهل الدموع
گلبي صبح مالوم والعمي مفجوع
ريت العمر يندار عمري هديه

✍️ام عدنان سياحي
...................................
تمت بعون الله بأقلام شااعرات الچفوف السخيه ✍🏻

فزاعيه لخروج الحسين ع من المدينه الى كربلاء لسان حال العليله
الوزن نص حدي
التفعيله مستفعلن مستفعلن
///////////////////////////
شالو اهلنه الكربله
وديارهم عافوهه

شايل ابونه الكربله
لأرض المنايا والبله
عافوني وانه مدلله
روحي بهظم خلوهه

✍️الشاعره ام احمد الاسدي
&&&&&&&&&&&&&&&&
خلوني روحي امعلعله
وفراگهم متحمله
دمعت اعيوني سايله
مارجعو اونشفوها

✍️ ام احمد المنصوريه
&&&&&&&&&&&&&&&&&&
ابعيني ضل بس الدمع
كلبي عليهم منفجع
خلوني اهلي ابياوضع
اضعونهم حملوها

ام زين العابدين لمحمداويه
&&&&&&&&&&&&&&&&&
حملو اعزاز الكلب
والمدمع عليهم يصب
وفراكهم كلش صعب
روحي بهظم عافوهه

ام رحمه
&&&&&&&&&&&&&&&&
رايح حسين الغربته
ماخذ بناته الذبحته
ويلا يزينب نادته
ام الهضم سموهه

ام علي السماوي
&&&&&&&&&&&&&&&&
عافوني دمعاتي تهل
اخلافهم ضاع الامل.
لا طارش المنهم وصل.
أخبارهم كطعوها.

الخادمة زينة الگريشاوية
&&&&&&&&&&&&&&&&
خلوني وحدي بالنزل
والمدمع بعيني يهل
فراك الاهل ما ينحمل
ورويحتي هظموهه

ام حيدر العباديه عماره
&&&&&&&&&&&&&&&&
هظمتني ياشيلت هلي.
ماظل بعد والي الي.
والحال موش الاولي.
روحي بجمر وجوهه.

ام فاطمة الزهراء
&&&&&&&&&&&&&&&&
الوحدي تجري دمعتي
وبعيده امي اوعمتي
وابجي الفركه عيلتي
شالو بعد ماجوها

ام مرتضى الخزرجي
&&&&&&&&&&&&&&&&&
تمت بأفلام الشاعرات
نسأل الله الرضا والقبول

قصيده لمولانه الحسين عليه السلام في ضهيرت يوم العاشر من محرم لسان حال الشاعر
~~~💔
حزنان العرش ليه ومتكدره العتره
احسين انچتل مضلوم
وگطعو ضلم نحره
««««««««««««««««
هلي عليه ياعين دمه لبن الزچيه
احسين الماشرب ماي وذبحو اله اميه
وعاري ثلث تيام نايم علوطيه
زينب والنساوين تجذب ليه العبره

ام ✍🏻زين العابدين لمحمداويه
🩸🩸🩸🩸🩸🩸🩸🩸

من شافن هالمصاب زينب والنساوين

وحده اتصيح عباس وحده اتصيح يحسين

ويندبن يزهراء اوتجري دمعت العين

فوگ الأرض مطروح الخيل اسحگت صدره

✍️ام احمد المنصوريه
🩸🩸🩸🩸🩸🩸🩸🩸🩸
الخيل تجول وتصول على صدرك حسيني
نايم على التربان ونينك وي ونيني
كون القدر يقبل فديتك ضي عيني
خواتك تبجي وتنوح بصدرها الف حسره

ام ✍🏻حيدر العباديه عماره
🩸🩸🩸🩸🩸🩸🩸🩸🩸
بصدره داست الخيل وشالوه بحصيره
وزينب عالتل تصيح يا شيخ العشيره
خويه يا ضوه العين بخلافك اسيره

تشم بعطره اليفوح يناس بفيض
نحره

✍️الشاعره ام احمد الاسدي
🩸🩸🩸🩸🩸🩸🩸🩸🩸
عليه السبع الشداد تبجي دموم طوفان.

تصيح بعالي للصوت يالمذبوح عطشان.
يل مشيول راسه ويرتل القران .
على بلواه ياناس كلب اخته شيصبره.

ام ✍🏻فاطمة الزهراء

🩸🩸🩸🩸🩸🩸🩸🩸🩸
اعليه بجت من دم محزونه السموات
شعاره بارض لطفوف لا للذله هيهات

يستاهل عزه اعليه
نعين امه والسادات

ولطه النبي انواسي ولفاطمه الزهره

ام ✍🏻مرتضى الخزرجي
🩸🩸🩸🩸🩸🩸🩸🩸🩸


تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه

قصيدة لليلة الوداع. تخاطب العباس وزن العكيلي

~~~~~
حيلي تهدم وشضل بيه

ياخويه اليله اوداعيه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛،؛؛؛؛؛؛؛؛؛؛؛؛؛؛؛؛؛؛؛

لوداعك متهدم حيلي.

اكعد يابو الغيره احجيلي

بهالغربه جاره سويلي

تدري محد ناضر ليه.

ياخويه اليله اوداعيه

الخادمة ✍🏻زينة الگريشاوية
٪٪٪٪٪٪٪٪٪٪٪٪٪٪٪٪٪٪٪٪٪
مو تدري اعداكم توليني ياكافل خدري وضي عيني
باجر اعداكم تسبيني

وناتي ابصدري مخفيه

ياخويه الليله اوداعيه

ام✍🏻 حيدر العباديه عماره
٪٪٪٪٪٪٪٪٪٪٪٪٪٪٪٪٪٪٪٪
امتحيره اليوم اورايدتك

حاجيني ياكفال اختك

غصبن عليه عايفتك
بعدك كادوني مسبيه

ياخويه الليله اوداعيه

✍ام مرتضى الخزرجي
٪٪٪٪٪٪٪٪٪٪٪٪٪٪٪٪٪٪٪٪
مهمومه اختك ياواليهه
اوداعك حيل امأذيهه
عگبك عدوانك تسبيهه
زينبكم ضلت محنيه
ياخويه الليله اوداعيه
ام ✍🏻مهدي الفرطوسيه
٪٪٪٪٪٪٪٪٪٪٪٪٪٪٪٪٪٪٪
اخر ليله واخر كعده.
يماي وباجر يتبده.
مابعد الكم كل رده.
وظلون ابروحي امنيه.

ياخويه الليله وداعيه.

ام✍🏻 فاطمة الزهراء
٪٪٪٪٪٪٪٪٪٪٪٪٪٪٪٪٪٪٪
ياخويه آشحالي بفركاكم
صعبة ألتفت وما ألكاكم
وبحرك أخيامي وأنخاكم

وين أخواني أهل الحنيه

ياخويه الليلة وداعيه..

✍🏻آلــــّعــلّويِـــه آلّمٌوسويِــــۿ
٪٪٪٪٪٪٪٪٪٪٪٪٪٪٪٪٪٪٪٪
شوفتكم امنيه ابروحي
وعليكم مايبطل نوحي
مايشفن للموت اجروحي
من اول عمري التاليه

✍️ ام احمد المنصوريه
٪٪٪٪٪٪٪٪٪٪٪٪٪٪٪٪٪٪٪
ادري الودع لامايرجع
اول عمري شفته يوجع
ياخويه وياطيب المنبع
اوداعك أيثر بيه

ياخويه الليله وداعيه

✍️ ام محمد الساري
٪٪٪٪٪٪٪٪٪٪٪٪٪٪٪٪٪٪
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه

https://www.tg-me.com/z_zaynabb

🍃 علّمني الإمام الصادق عليه السلام

الإمام الصادق (عليه السلام) - لبعض تلامذته:

أي شئ تعلمت مني؟

قال له: يا مولاي ثمان مسائل.

قال له (عليه السلام): قصها علي لأعرفها

الأولى:
رأيت كل محبوب يفارق عند الموت حبيبه، فصرفت همتي إلى ما لا يفارقني بل يؤنسني في وحدتي وهو فعل الخير.
فقال: أحسنت والله.

الثانية :
  رأيت قوما يفخرون بالحسب وآخرين بالمال والولد وإذا ذلك لا فخر، ورأيت الفخر العظيم في قوله تعالى: (إن أكرمكم عند الله أتقاكم) فاجتهدت أن أكون عنده كريما.
قال: أحسنت والله.

الثالثة:
رأيت لهو الناس وطربهم، وسمعت قوله تعالى: (وأما من خاف مقام ربه ونهى النفس عن الهوى فإن الجنة هي المأوى) فاجتهدت في صرف الهوى عن نفسي حتى استقرت على طاعة الله تعالى.
قال: أحسنت والله.

الرابعة :
رأيت كل من وجد شيئا يكرم عنده اجتهد في حفظه، وسمعت قوله سبحانه يقول: (من ذا الذي يقرض الله قرضا حسنا فيضاعفه له وله أجر كريم) فأحببت المضاعفة ولم أر أحفظ مما يكون عنده، فكلما وجدت شيئا يكرم عندي وجهت به إليه ليكون لي ذخرا إلى وقت حاجتي إليه.
قال: أحسنت والله.

الخامسة:
رأيت حسد الناس بعضهم للبعض في الرزق، وسمعت قوله تعالى: (نحن قسمنا بينهم معيشتهم في الحياة الدنيا ورفعنا بعضهم فوق بعض درجات ليتخذ بعضهم بعضا سخريا ورحمة ربك خير مما يجمعون) فما حسدت أحدا ولا أسفت على ما فاتني.
قال:أحسنت والله.

السادسة :
رأيت عداوة بعضهم لبعض في دار الدنيا والحزازات التي في صدورهم، وسمعت قول الله تعالى: (إن الشيطان لكم عدو فاتخذوه عدوا) فاشتغلت بعداوة الشيطان عن عداوة غيره.
قال: أحسنت والله

السابعة :
رأيت كدح الناس واجتهادهم في طلب الرزق، وسمعت قوله تعالى: (وما خلقت الجن والإنس إلا ليعبدون ما أريد منهم من رزق وما أريد أن يطعمون إنّ الله هو الرزاق ذو القوة المتين) فعلمت أن وعده وقوله صدق، فسكنت إلى وعده، ورضيت بقوله، واشتغلت بما له علي عما لي عنده.
قال: أحسنت والله.

الثامنة :
رأيت قوما يتكلون على صحة أبدانهم، وقوما على كثرة أموالهم، وقوما على خلق مثلهم، وسمعت قوله تعالى: (ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه) فاتكلت على الله وزال اتكالي على غيره.

فقال له الإمام :
والله إن التوراة والإنجيل والزبور والفرقان وسائر الكتب ترجع إلى هذه الثمان المسائل.

📚 ميزان الحكمة ج

خواتي حبيباتي خادمات الامام الحسين عليه السلام. مولاتنا زينب سلام الله عليها لم تكن تقتني الملابس الفاخره وتلبس الحلي في عزاء اخيها ابي عبد الله عليهما السلام
هناك الكثير ممن اتخذ القضيه الحسينيه قضية تجاره ومضمار ايهم الافضل
شكلاً ومضهراً وصوتاً
ونسيوا ماحل بمولانا يوم عاشوراء. انها تاتي الئ مجلس العزاء كانها العروس 👰‍♂️في ليلة زفاها مع كل الاسف
وهذا مايؤلم قلب مولاتنا الزهراء سلام الله عليها ويتنافئ تماما مع رسالتنا الحسينيه المقدسه 🙏 خواتي
انما نحن خدم وعلئ الخادم طاعة اسياده فهل نحن مطيعون لمولانا الحسين ولامه الزهراء واخته العقيله صلوات الله عليهم اجمعين
نرجو الالتفات الئ هذه القضيه قبل ان ياتي يوم يعاتبوننا به أإمتنا عليهم السلام ويوم تقول نفس ياحسرتي. علئ مافرطت في جنب الله
تمنياتي للجميع بالتوفيق 🥰

قصيده فزاعيه لأربعين مولانه
أمير المؤمنين عليه السلام..
═════════════
الك شهر وعشر تيام..
ما شفناك يالوالي..
═════════════
مو ايام چن اسنين..
ماشفناك يالوالي
بچيت الگلب والعين
.. ما شفناك يالوالي
رد النه يبو الحسنين
.. ما شفناك يالوالي
((الموت وياك يحلالي))

ام✍🏻 زين العابدين لمحمداويه
═════════════
من يوم الشلت لليوم
.. ما شفناك يالوالي
عيوني مفارگات النوم
.. ما شفناك يالوالي
.. گلبي يا علي مهموم
.. ما شفناك يالوالي
((بس الحزن يبرالي))

ام✍🏻 زين العابدين لمحمداويه
═════════════
انوح وابجي ابعبره
.. ماشفناك ياالوالي
ونار بگلبي متوجره
.. ماشفناك ياالوالي
بگلبي تلهب الجمره
.. ماشفناك ياالوالي
((وعشت بالضيم يالغالي))

✍ام مرتضى الخزرجي
═════════════
دارك تبجي حزنانه
.. ماشفناك يالوالي
دمع الحزن غطانه
.. ماشفناك يالوالي
عشت الهضم بألوانه
.. ماشفناك يالوالي
((بيك أنفطر دلالي))

✍🏻 آلــــّعــلّويِـــه آلّمٌوسويِــــۿ
═════════════
گلبنه الفرگتك بيه نار
ماشفناك يالوالي
هليوم اربعينك صار
ماشفناك يالوالي
ولغيابك حزينه الدار
ماشفناك يالوالي
((وحالتها مثل حالي))

✍🏻ام زهراء الزيداويه البصراويه
═════════════
ماترجع يداحي الباب
ماشفناك يالوالي
گلبي الفرگتك منصاب
ماشفناك يالوالي
دمعي عالوجن سچاب
ماشفناك يالوالي
((اونن والدمع هالي))

✍🏻ام مصطفئ ناصريه

═════════════


فراكاك اشعمل بينه.
ماشفناك يالولي.

ياكمرة ليالينه.
ماشفناك يالوالي.

هم تعاود اعلينه.
ماشفناك يالوالي.

(وعايش دومك ابالي )







تمت بعون الله.. بأقلام شاعرات رابطة سيد الشهداء عليه السلام غير مبري الذمه اليحذف الأسماء أو يتلاعب بيهه
https://www.tg-me.com/z_zaynabb

قصيده للحسين واخيه ع (( عكيلي))
فعلن فعلن فعلن فعلن
~~~~
نلطم علعين وعلراس
ماننسه حسين وعباس
🏴🏴🏴🏴🏴🏴
اعليهم دمعتنه سجابه
ماننسه حسين ولصحابه
وعباس ويايوم امصابه

ثبت ويه احسين الساس
✍ام مرتضى الخزرجي
🏴🏴🏴🏴🏴🏴
ثبت ويه احسين الدين
وضحه ابچفينه وبالعين
طاهر من نسل الطيبن

بي كل غيره وكل احساس

ام ✍🏻زين العابدين لمحمداويه
🏴🏴🏴🏴🏴🏴🏴🏴
ماننسه الطف ذاك ويومه
وحسين التتجاره ادمومه
وزينب عالهزل. مهمومه

وتتفرج ياوسفه الناس

✍🏻ام زهراء الزيداويه البصراويه
🏴🏴🏴🏴🏴🏴🏴🏴🏴
مصاب حسين يبجينه.
وعباس الي ضحه بعينه.
ونطه الهامه وي جفينه.
يبقه النه شعار ونبراس.

ام ✍🏻فاطمة الزهراء
🏴🏴🏴🏴🏴🏴🏴🏴🏴
نبراس حسين ايضل اسمه
لجل الدين ضحه بدمه
من عنده اتعلمه الهمه
حبنه لي اكبر مقياس

✍️ام احمد المنصوريه
🏴🏴🏴🏴🏴🏴🏴🏴
ماننسه مصابك للمحشر
ولا جسمك عالغبره مطشر
ماناسينك ياابو الا كبر
وياك الگطع الانفاس
ام ✍️ ام مهدي الفرطوسيه
🏴🏴🏴🏴🏴🏴🏴🏴
ياهيبه وتعجب صولاتك
كفال احسين وخياتك
أرعبت ايزيد ابهداتك

وبالحومه دكت لجراس

ام ✍🏻رحمه الگاظميه
🏴🏴🏴🏴🏴🏴🏴🏴🏴
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه


https://www.tg-me.com/z_zaynabb

قصيده لسان حال السيده زينب عليها السلام يوم العاشر ومصاب اخوتها ع السلام
~~~~~💔
وين الكابلت زينب بالونين

ابعاشر راح منها قرت العين

سده الماجان علبال
حسين امكطع اوصال

وعباس الكفل ما عده چفين
♕♕♕♕♕♕♕♕♕♕♕♕♕

ضلت حايره ودك على الراس
وگوه بت علي اجر بالنفاس
اصيح الله واكبر كوم عباس
احسين ابخيل داسو
ومن القفه ذبحو

وانه علنوك امشي امربطه ايدين


ام ✍🏻زين العابدين لمحمداويه
♕♕♕♕♕♕♕♕♕♕♕♕♕

مايمها علي وبعيده الدروب.

ظلت بس حريم وياها وتلوب.

محتاره وتنطي الوجه ياصوب.

ساعه اصيح يابوي.
وساعه تنادي ياخوي .

عنها فركاهم وسفه البين.


ام✍🏻 فاطمة الزهراء
♕♕♕♕♕♕♕♕♕♕♕♕♕♕
ضلت تنتحب ضايع دربها

چانون الحزن صوب گلبها
موچب بالجمر تلزم صبرها

بعدوين الأخو راح
روس الاهل برماح

صرنه بس حرم كلنه نساوين

✍️هدى المطر ام محمد
♕♕♕♕♕♕♕♕♕♕♕♕♕♕
ياصوب الوجه تنطي العقيله
تبجي ابكربله وماكو وسيله
صعب امصابهه مكفله ابعيله

ضامي حسين مذبوح
ودمه بترب مسفوح

حسافه ويه العده بت تمشين

✍ام مرتضى الخزرجي
♕♕♕♕♕♕♕♕♕♕♕♕♕
ظلت حايره وماعدها والي
گظو اهل الكرامه هيج تالي
واملاك السمه تحن عله حالي
بچت حته السماوات
بيوم حسين من مات

ماعدنه محامي ولاكو امعين

ام ✍️حسين الحسني
♕♕♕♕♕♕♕♕♕♕♕♕♕♕
نومه اعله الترب ضلو أخوتي
صحت مليت ماسمعو الصوتي
وياهم اتمنه ايصير موتى

عگبهم ابقى وحدي
اودمعاتي اعله خدي

نار افراگهم بيه چوانين

✍️ ام احمد المنصوريه
♕♕♕♕♕♕♕♕♕♕♕♕♕♕♕
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه


https://www.tg-me.com/z_zaynabb

نعي للشباب القاسم ع
🏴🏴🏴🏴🏴

محلى الولد لو طل علية
يمشي ويحب بأدية
مات الولد وشلون بية

✍🏻 هدى المرزوق

💔💔💔💔💔💔💔💔💔

مات الولد ياريت وياه
عزيز گلبي شلون انساه
حلو المعاني وين الكاه

✍🏻الشاعره كريمه البو حلوه

💔💔💔💔💔💔💔💔💔

تمنيت موتي وي الولد
ويحطونه بنفس اللحد
وسفه اوليدي شال وابعد

ام ✍🏻 مهدي الفرطوسيه


💔💔💔💔💔💔💔💔💔

وين الكه حلو المعاني
وفراكه والله عماني
الموت ماله ماخذاني

✍🏻 ام مرتضى الحواسي

💔💔💔💔💔💔💔💔💔
تمنيت موتتنه سويه
وضاع التعب واشلون بيه
كون الولد لامه تجيه
تعال يفدنك اعيوني

✍🏻 ام حيدر العباديه عماره

💔💔💔💔💔💔💔💔💔


محله الولد محله كعدته.
وسفه على التربان عفته.
دكيت صدري بيوم شفته

✍🏻 ام فاطمة الزهراء

💔💔💔💔💔💔💔💔💔

دكيت صدري وصحت يمه.
عيوني على المدلول تعمه.
وكلبي عليه صار يتغمه.

✍🏻ام فاطمة الزهراء

💔💔💔💔💔💔💔💔💔

ابو طول لحلو ضيعيته
حنين لولد ما حويته
ضلت حنته ولكبر زفيته

✍🏻 العلويه ام رقيه لبطاط

💔💔💔💔💔💔💔💔💔💔

ضلت حنتك يالولد يبني
ماحسبت تمشي وتهدني
ردتك للكبر يمه تزتني

✍🏻 هدى المرزوق

💔💔💔💔💔💔💔💔💔


تمت بعون الله بأقلام شاعرات سيد الشهداء عليه السلام غير مبري الذمه اليحذف الاسماء أو يتلاعب بيها

فزاعي المولانه ابا الفضل العباس عليه السلام لسان حال السيده زينب عليها السلام
~~~~~
كوم ابداعت الخوه //يعباس
كلبي عليك يتلوه// يعباس
🔥🔥🔥🔥🔥🔥🔥🔥
حاجيني يبو الغيره يعباس
اختك ضلت ابحيره يعباس
ترضه شلون انه يسيره يعباس

اريد الطم ودك خويه عليه الراس

ام✍🏻 زين العابدين لمحمداويه
🔥🔥🔥🔥🔥🔥🔥🔥🔥
ادك والطم على اخواني...يعباس
حيل الدهر اذاني....يعباس

اون وطايره اذهاني....يعباس

اشلون اتعوفني يلكلك احساس

ام✍🏻 حيدر العباديه عماره
🔥🔥🔥🔥🔥🔥🔥🔥🔥

حنين وخوتك حلوه يعباس

گلبي عليك يجوه يعباس

ازامط بيك يالتسوه يعباس



يبو روح الحنينه وكلك حساس

✍️الشاعره كريمه البو حلوه
🔥🔥🔥🔥🔥🔥🔥🔥🔥

ظعنه من عكب عينك . يعباس

يلي ما اسد دينك . يعباس

انشاد بجثث وينك. يعباس

يبعد الروح يمشيم يترباس


ام ✍🏻فاطمة الزهراء

🔥🔥🔥🔥🔥🔥🔥🔥


ادك والطم على اصوابك...يعباس
طفه العين امصابك.....يعباس
تون اليوم احبابك... .. يعباس
يلكلك شهامه وغيره ونوماس

ام ✍🏻حيدر العباديه عماره
🔥🔥🔥🔥🔥🔥🔥🔥🔥


ياكافل ظعن زينب يعباس

ظلت حايره وتنحب يعباس
وخدرها بعدك مسلب يعباس

ندهته مايرد امهشم
الراس

ام ✍️حسين الحسني
🔥🔥🔥🔥🔥🔥🔥🔥🔥

تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه

نعي للقاسم عليه السلام
لسان حال رمله سلام الله عليها
🏴🏴🏴🏴🏴
ياخيمتي وطاحت الخيمه
يمه الولد يلكله شيمه
من فزعتي طريت هيمه
~~~~
طريت هيمه ودوريته
وسط المعاره ابني لگيته
ذاك العزيز الدلليته
وياه كون اتروح روحي

ام✍️ حسين الحسني
🏴🏴🏴🏴
يكون روحي راحت وياه
غالي الولد وشلون انساه
يالقاسم يالتعجب حجاياه
~
يمه الولد يا حلو العيون
رتك تجيه وتبقه لي عون
وسفه الدهر خيبلي الضنون

عليكم يوالي انعاب كلبي
ام زين✍🏻 العابدين لمحمداويه
🏴🏴🏴🏴🏴
عاب الگلب من بعد الأوليد
للموت ما اسكت ولاهيد
ما ادري وكتي مني شيريد
-------
شيريد من عندي زماني
خذاك يمه اودلباني
طگني على اعيوني وعماني

✍️ ام احمد المنصوريه
🏴🏴🏴🏴🏴
وسفه الكبر مني خذاك
يوليدي يالحلوه حجاياك
اريد اندفن يايمة وياك

✍🏻 هدى المرزوق
🏴🏴🏴🏴🏴 طكني وعمه مني العيون
ياولد يالخيبت الضنون
الفركه يمه موش بلهون

ام✍🏻 رافد السامر
🏴🏴🏴🏴🏴
طكني الدهر ودر اعيوني
ومن الولد ليش احرموني
جيبو الولد وتلاحكوني

اتلاحكو الظلت سبيه
بيد الغرب ورحت من اديه
اريد ابجي انه حد المنيه

ام ✍🏻حيدر العباديه عماره
🏴🏴🏴🏴🏴
يبني يالمشيم يغالي.
ياسور بيتي الجان عالي.
وسفه اندفن عزي ودلالي.
~~~~
ماي وتبده بالبراري.
ون الكلب جندوب اداري.
انعه اظل حلو الطواري.

ام ✍🏻فاطمة الزهراء ،
🏴🏴🏴🏴🏴
طگني زماني وتعب الحيل
بس الدمع ومساهره اليل
تميل الرزايه منين ماميل
~~~~
مالت الدنيا والأمل خاب
من شفت جاسم فوگ الاترتب
وخليت بأمك ماضي الاصواب

ام ✍🏻ستار الكعبي
🏴🏴🏴🏴🏴
ياضخيرتي واليوم عازه
وياعكازتي بصحره نزازه
وعلى المتونك اتشيل الجنازه
،،،،،،،
ياريع گلبي ولبت احشاي
ردتك يالولد اتكون وياي
لاطال عمري وكثر بلواي

ام ✍🏻محمد الساري
🏴🏴🏴🏴🏴
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه

هاذا العمل مهدات الئ مولاتي السيدة رمله عليها السلام


https://www.tg-me.com/z_zaynabb

‏مقطع صوتي من كل الامنيات تتحقق بأذن ال

قصيده للامام المهدي سلام الله عليه
____
ضاع العمر مولاي اضهر يغايب.
ماشفنه من فركاك بس المصايب.
•───✧◐◐✧──•───✧◐◐✧──
عيشتنه عيشت ظيم ماتدري بينه.
وطحنه  ابحر هالكون وانته السفينه.
تدري اليطيح بضيج  محد يعينيه.
شكد شفنه من عداك ظيم وعجايب .

*ام فاطمة الزهراء
♾️♾️♾️♾️♾️♾️♾️♾️
شگد شفنه من اعداك يالغايب احنه
من محنه صرنه انگوم نوگع ابمحنه
ابلا رحمه الظلام تسحگ جرحنه
من كثر ضيم اعداك هلگلب شايب

✍🏻ام زهراء الزيداويه البصراويه
__

شفنه الظلم والجور وبكل الايام
وعشنه بصبر وبضيج ندعي بالاحلام
لو كلنه جلمة حك حاربو الاسلام

دارت علينه هواي والله صعايب

✍🏻ام سجاد الشهيد
•───✧◐◐✧──•───✧◐◐✧──
شكد شفنه من اعداك ضيم واذيه
وندعي الينه تعود صبح ومسيه
كل يوم اكول اليوم يضهر يضيه
ما نعرف المخلوك صرنه غرايب

✍🏻   ام حيدر العباديه عماره
•───✧◐◐✧──•───✧◐◐✧──
اضهر يمهدي ابساع خلص عمرنه
ننتضر صار اسنين  يضهر املنه
ادعي وجر حسرات وبكلبي ونه
يضهر النه اليوم اغله الحبايب

ام✍🏻 زين العابدين لمحمداويه
•───✧◐◐✧──•───✧◐◐✧──
اغلا الحبايب ليش، غايب يغالي
خلص عمرنه اجروح سود الليالي
بس انت يالموعود جيت اعله بالي
خفف علي مولاي هول. الصعايب

خادمة اهل البيت ام ابراهيم الحلفي
•───✧◐◐✧──•───✧◐◐✧──
ضليت احاجي الروح شو طال الفركاك
يحن الكلب ويريد يالمهدي ملكاك

كل الجروح اطيب لو يمر طرواك

اضهر وخذ ثارات الضل البترايب

✍️الشاعره كريمه البو حلوه
•───✧◐◐✧──•───✧◐◐✧──
يالمهدي يمته تعود وتزيل الهموم 
تكالب علينه الظيم والگلب ملچوم 
تنور الدنيه بيك وتنطي  المحروم 

وتخلصنه الدين منهل المصايب   

ام ✍️حسين الحسني
•───✧◐◐✧──•───✧◐◐✧──
عجل ياراعي الثار عجل علينه
ملينه من ظيم بلوى بتلينه
اشهر السيف وكوم ايه ولينه
وينه اليثور وياه راعي الكتايب
ام✍🏻 رافد السامر
•───✧◐◐✧──•───✧◐◐✧──
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه


https://www.tg-me.com/z_zaynabb

لطلب الحاجه
ندبه لام البنين

امشنه لام عباس...وندك بابها

امشنه لام الجود
مشهوده الج وشهود
اليوم الطلب مريود
لا ما ترد طلابها

ام حيدر العباديه عماره
•───✧◐◐✧──
امشنه خل اروح
وننعه ابكلب مجروح
انحلفها بالمذبوح

ام الكرم تكضيها
ام ✍🏻زين العابدين لمحمداويه
•───✧◐◐✧──

ام النشامه هاي.
التوفي للوفاي.
الجاب ابنها الماي .

ستر الحرم وحجابها.

ام فاطمة الزهراء
•───✧◐◐✧──

بالكرم ماتنقاس
ام البطل عباس
تعرفها كل لناس
معروفه والكل هابها

ام احمد الحسناوي
•───✧◐◐✧──
الليل ندبيها
بلبطل حلفيها
والحاجه تگظيها

لاماترد احبابها

ام ✍️حسين الحسني


•───✧◐◐✧──
ابجي وتجر العين
سمعيني ام لبنين
انخاج بسم حسين
والحاجه انتي اسبابها

✍🏻 ام زينب الأسدي


•───✧◐◐✧──
جيتج وريد امراد

بجاه اهلج الامجاد

كلهم كرم وسياد

فدوه رحت لترابها

✍️الشاعره كريمه البو حلوه
•───✧◐◐✧──
وللدوم ممنونين
منها الف نعمين
وبحرفتي تحظرين
يالمااجوها احبابها

✍🏻الملة نور الساعدي

تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه

للعليله بنت الحسين ع
~~~لطميه
يالماشي بعجل بويه بخواتي
منهو وياي لو تكرب مماتي

عليله وتدري ظليت
وخالي منكم البيت

ريت اوياك اكضيها حياتي
▪️▪️▪️▪️
يالماشي وعفتني حيلي مهدود
هداني المرض وافراكم زود
بعد بيه الوكت ماضنه ايعود

بس ظلت صوركم
وريحة من عطركم

شوفتكم ردت كل امنياتي

✍️ام حسين الفريداويه
♾️♾️♾️♾️♾️♾️♾️♾️
ظلت بس صوركم تلجم الروح
ليل انهار اون مابطل. النوح
كون وي النحبهم روحنه اتروح

ولا نبقى. وحدنه
ودمعتنه اعله خدنه

ردت وياكم اختم ذكرياتي

✍🏻ام زهراء الزيداويه البصراويه
➿➿➿➿➿➿➿➿
امنيتي جنت تاخذني وياك
ونسه علتي وفرش امصلاك
يبعد روح بويه روحي تنعاك
وسفه رحت مني
وغيابك كتلني

دمعي عليك انه بالل عباتي

ام✍🏻 زين العابدين لمحمداويه
➿➿➿➿➿➿➿➿

ماكلتو اضل اشلون بيه
ودهري والوكت جاير عليه
خيعونه الرفك لبن الزجيه
عيوني خلافه يجرن
عليله وحدي اضلن


ام ✍🏻علي السماوي
➿➿➿➿➿➿➿➿
عفتوني مريضه وتهمل العين
كون وياك اروحن بويه يحسين
لفراكك يبويه الگلب نصين
عفتني وحدي بالدار
ماكو منكم اخبار

اريد اليحضر بساعة وفاتي

ام ✍🏻مصطفئ ناصريه
➿➿➿➿➿➿➿➿

غيابك مرمراني وعذب الحال
ليله انتحب والدمع همال
دمعي جلمطر عليك لو سال

ودربك صاير ابعيد
ردتك ليلة العيد

يبويه بيك انه نجاتي

ام ✍🏻حيدر العباديه عماره
➿➿➿➿➿➿➿➿➿
بطياف الي راحو صارت الروح.

تهدي كل الم وسكن الجروح.

دمعي عالمشو صاير مثل موح.
عميت انا بعدكم.
يحباب شيردكم.
هدحيلي المرض غير صفاتي.

ام✍🏻 فاطمة الزهراء
➿➿➿➿➿➿➿➿

تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه

موشح)) في حب مولانه الحسين عليه السلام لسان حال الخادم
______

احنا غير حسين ماحبينه.
هناك يوم الموزمه يوافينه..
♡♡♡♡♡♡♡♡♡♡♡♡♡♡♡♡
ما يخلي حمولنه مطروحه
يفدي للشيعه دماه وروحه.
والدليل الركبه المذبوحه .

لجل يوصل لينه نهجه ودينه.//

ام✍🏻 فاطمة الزهراء
♡♡♡♡♡♡♡♡♡♡♡♡♡♡♡
احنه من غيره ما نسوه ابد
هو لينه الحامي وهو السند

نبقه خدامه او هاذا لي وعد

احنه غير احسين ما والينه

ام ✍🏻زين العابدين لمحمداويه
♡♡♡♡♡♡♡♡♡♡♡♡♡♡♡
احنه غير حسين ماعدنه شفيع
المسك حبله ابدا ما يضيع

والله لجله النفس والغالي نبيع

عهد نكتب بالدمه اموقعينه

✍ام اسعد الشمري
♡♡♡♡♡♡♡♡♡♡♡♡♡♡♡
مااوالي غير ابن الطاهره

اضل اكتبله وعيني مساهره

بكل حرف وبيت دمعي لي جره

ابهل خدامي سيدي علينه

ام ✍🏻رحمه الگاظميه
♡♡♡♡♡♡♡♡♡♡♡♡♡♡♡
احنه بسم حسين شان النه وقدر
حبه مسك وطيب وعلينه يدر
ايضوي ظلمتنه ابوجهه چالبدر

وبدمع لحسينه كلنه كتبينه

✍🏻 ام زينب الأسدي
♡♡♡♡♡♡♡♡♡♡♡♡♡♡♡
يضل اسم احسين منبع للحيات

وبقه اكتبله انه الحد الممات
حسين مولانه سفينة النجات
الئ كل اعمارنه نذرينه

ام✍🏻 زين العابدين لمحمداويه
♡♡♡♡♡♡♡♡♡♡♡♡♡♡♡
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه


https://www.tg-me.com/z_zaynabb

فزاعية قفلتها هوسة للعباس ع
~~💔
اشلون الراي ياعباس هاليوم
عفت حسين گلبة اعليك مهموم
•───✧◐◐✧──•───✧◐◐✧──
شلون الراي يالكافل ضعنة
خلي انوادعك وانتة من اهلنة
ليش اعلى الغرب شامر حملنة
((طاح اعضيدة // حسين ايون))

✍🏻الملة نور الساعدي
•───✧◐◐✧──•───✧◐◐✧──
خل انوادعك يابعد العيون
مشينه ويالغرب اوبينه يحدون

فليت الكفاله خويه اشلون

هوسه)
مامقبوله/// منك ياخوي

ام✍🏻 زين العابدين لمحمداويه
•───✧◐◐✧──•───✧◐◐✧──
كلي شلون عفت احسن مالوم
خبرني يبعد اختك يحيدوم

كلبي يالولي امحمل اهموم

اكثر عتابي// ياخويه عليك

ام ✍🏻رحمه الگاظميه
•───✧◐◐✧──•───✧◐◐✧──
كلي اشلون فاركته عضيدك
يالحبه دمه ويمشي بوريدك
محتامه اجيت اليوم اريدك

لتخليني /يابعد اختك

✍️ام حسين الفريداوي
•───✧◐◐✧──•───✧◐◐✧──
عفت حسين مهضوم اعله فركاك
انكسر ضهره ترهو خلاف عيناك
ماترهم تره
العشره بلاياك

طفه عيوني / يايوم الطف
ام احمد الحسناوي
•───✧◐◐✧──•───✧◐◐✧──
طفيت العيون البيها الشوف
اندبك يالاخو وبالطيب معروف
يا نعم الوفي وبالفخر موصوف

معروف بزوده// وكفاته

✍🏻ام حيدر العباديه عماره
•───✧◐◐✧──•───✧◐◐✧──

شيخ اخيامنه مكسور هاليوم.

راح الحيل من بعدك يجيدوم.

ندري الموت يعباس محتوم .

بس موتك ///هدملي اركاني

ام✍🏻 فاطمة الزهراء
•───✧◐◐✧──•───✧◐◐✧──
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه

https://www.tg-me.com/z_zaynabb