عنترهه يمسي عليكم 😌❤️

#خميسكم_عنتره

مبخوت ضابح من حين ماجاء عنترهه 🤣💔

يوماما ستحبين شخصا وهذا الشخص سيكون انا

وانتي عتبسري بينن !💙

شا ادخل جهنم من تحت راس صاحب البقاله
اديله مياتين وخمسين واشتري بها ويرجع لي

سبع ميه وخمسين 😓

#ياساتر

لمن حد يجي يحاكيك وانت متضايق عسب يتطمن عليك او يسألك عن شي لا ترد عليه بطريقة شوعة هو مش ذنبه انك متضايق لو همومك وصلت للسماء قع آدمي ولاتوقعش كريه و تكلم مع الناس بذوق ولطف.. وزعلك خليه لنفسك لا انت او ولا اخر واحد تحصل معه مشكلة
ف اللهم اجعل وجهي مع الناس واحد ولو ظروفي لها عدة وجيه 🖤

- اللهم الصحةه والعافيةه والثراء الفاحش أفحش شي..!!🌚🧑‍🦯💔

9 : فبراير " سنه حلوه يجميل " 🥲💛

امس خورت بدزا
واليوم الحمدلله بيتنا صلحوا ذمول🖤

انتم عارفين انه 5% بس من البنات الي تسجل جامعة وتشتي تدرس بجد وعندها شغف قوي تدرس التخصص الي تحبه وهدفها دراسه وبس،
والباقي كلهن كلهن قسمن عظمن انه كذا بس مكابرة ليش فلانه تدرس واني لا اشتي ادرس!
ليش العيال يدرسوا ويخرجوا واحنا لا!
تروح تسجل جامعة وتحتار اش من قسم تدخل،
وتسجل عشان تتخارج من جلسة البيت وعشان تتكون تتصور والملازم قدامها اووه مقدرتوش اذاكر وتهرمك حالات، والا عشان تجلس بكفتيريا الجامعة تأكل شورما وشبس ووو…الخ وتتصور بيدها القلص العصير، او الشاهي وعاد القلص يكون فارغ، بس كذا عشان يشوفوا انها الطالب الي ماترحمش، وداخل القاعه هدره هدره وحشوش ذاك حلو!
وهذا مخسوه …
وتخسري نفسش واهلش مواصلات ومصاريف ورسوم ليش!
ونسيت الملازم الي ماتفتحيها الا وقت الاختبار؛
وعاد وقت الاختبارات وكذا والله ماقد في بنت ماقلت نهايتي بيت زوجي وتزجم بالملازم 😂،
نهايتي بيت زوجي وتسلم ورقة الامتحان فاضية وتمشي.
ليش المكابرة ها!
احنا العيال لما نروح ندرس،
ندرس بشغف وعشان يكون بالمستقبل دكتور او مهندس …الخ
لذلك البعض يخلص ثانويه ويسجل جامعة والبعض يخلص وماعنده شغف يدرس جامعة يروح يشتغل.
تشوف اكثر البنات يدرسين وخريجات محاسبة، مختبرات، صيدله، ادراة اعمال،
بورين بورين بالشباب انت كـ شاب تروح تقدم على شغل ويقولك راتبك خمسين الف او مائة الف ماترضي ما يخارجش ابداً،
والبنت تروح تقدم ويقبلها على طول وترضي براتب الحاصل وقدها فرحه فرح،
ويبورين بالعيال ويرجع يرجم بالشهادة ويشتغل اي حاجه او يرقد.
وحسبنا الله ونعم الوكيل
بعدنا بعدنا اين ماسرنا

ابن اخي معاه اختبار اليوم الصبح وجاء يقلنا انا
ما لقيت فعل مضارع ب الغرفه!

ولما شفناه كلنا باستغراب! قلنا السوال بالكتاب
بيقلي مكتوب استخرج من البيت فعل مضارع

والمشكله مش هانا المشكله ان اخي قام يدور معه
احنا لو بندفع للمدرسه شوية مرق بدل الرسوم مايطلعوا بالذكاء هذا 💔

#ادي_البردقان_ياولد

حب لـ نفسك ماتحب لـ غيرك ..

ع تقدر تحب لنفسك ، الحسد ، الفشل ، الغِل ، اللئُم ، الخسارات والإنهيارات ، وتكون الشخص المتعثر والواقع ..

أكيد لا وألف لا ، وليش تسمتع ويستلهمك شعور النصّر لما بـ تحب تشوف الناس عايشه هكذا بـ نظرك ؟!

الّي مركز بـ حياة غيرة عُمره مايقتنع بعيشته وحياته ،
و ع يضّل طول عُمره مش راضي وحاسس بعقدة النُقص الّي خلقها بروحه ..

دائماً اطرح نفسك مكان الناس ، والحياة مقاسّيم من السعادة ، والحزن ، والفشل ، والنجاح ، مش كل الأيام لك لابد مايكون يوم عليك ..

المهم تكون راضي بالمكتوب ، لانها مش مُستاهلة انك تجحد بـ روحك بحياة أحد.🖤
-

اشتي ادي رأيي ف موضوع فقدان الشغف واللي يجلسوا يقولوا انو خلاص ماات شغفي تجاه أي حاجه ف الحياة ودراما ومااتت قلوب الناس مااتت بها النخوه ..ليش بتحلقها هكذا ي عزيزي؟ به اوادم صح لقيوا شغفهم ف الحياة والحاجة اللي يحبوها وحصل شي معين وظروف معينه خلتهم يفقدوا الشغف تجاهها ..هؤلاء الله يعينهم وأنا مابين اقصدهمش ف كلامي هذا .. أنا قصدي الثانيين اللي ماقد لقيش شغفه ف الحياة ..اللي بس بيحوش من جيز المحوشين ..خدر وحلقت عليه وقلبين القات عليه وتذكر همومه والديون اللي عليه وقام كتب أنا فقدت شغفي ف الحياة وتبكبك وشغلنا...ولا البنت إذا تراكم عليها الصبان ..والبيت ممهود وزد جو ضيوف فجأة ولازم تفعل غداء ف نص ساعه ويوقع عليها ضغط وترجع تحتبس ف غرفتها تمووت جوع وتقول خلاص شغفي ف الحياة انتهى ماعاد اشتيش أعيش وحالات حزن وجنان وبكاء .. انتوا داريين ي محوشين أن الواحد م يلقاش شغفه إلا إذا جرب كل شي ..يعني تجرب حاجات وانت ف ضمن التجربة تحس أن هذا الشي اللي اشتيه.. هذا اللي كنت ادوره ..هذا شغفي ..ويبداء شغفك يزيد فيه وتنطلق ف الحياة وتبدع ..مش أنت مخدر ف زوتك ..ولا وانت ف الحمام وجاء ف راسك حاجه وقلت ف نفسك هذا شغفي وتنطلق فيه اسبوع وماتقدرش له وترجع تقول خلاص مااات الشغف..اللي اشتي اوصله..لاتربطش ضغوطات الحياة ف شغفك .. و جرب كل شي ف الحياة ..جرب اللي تقدر عليه ..أكيد عتلقى شغفك وعتفتهن ..لاتيأس ولاتخلي اللي حولك واللي ماقد فعل شي يُحبط والكل لما يسمع كلامك ..كلنا محلقه عندنا ومامعنا إلا نقاوم ونكافح ..وشكراً.

#جمعه_حسينه

هوسّ انك الشخص المُبّرر والمُتنازل مُستنير عُتمة الظلام الداخلي الدامّس مخلوق مُتساهل تؤذيك ..

غَريزة الكائِن البشري يطّمع أكثر من العَطاء ، بـ تولع روحك وتحرقها وفي الأخير أنت الخسران مش أكثر ولا أقل !

مهما قدّمت مره ومرتين وأكثر ، تغلط المرة الأخيرة بقصد ولا بغير قصد ، ساعتها ينتهي كُل ماقدمته وينطبّع آخر ماقدمت وبتكون السيييئ دائماً ..

لكن تأكد مهما خسرت ، جبّر الله بيعوضك خسارتك.🖤
-

ذلحين عاد به بنات يحبين الورد ?!
أو قدهن كلهن يشتين قات 😥💔

#كيف

ع فكرة ..
الفقر مش عيب ؛ والشغل مشو حرام ..
والدفاع عن النفس مشها وقاحة ..
والطيبة مش غباء ؛ والجدية مش غرور ..
انك تمشي وواثق من نفسك مشو تكبّر ..
وانك تسمع وتطنش مشو خوف ..
والحب مشو ذنب ؛ البسمة صدقة ؛ والدمعة وجع مابيحس فيه إلا صاحبه ..
الخير هو من الله والشر من أنفسنا ..
الحياة تجارب ؛ والدنيا مشها دايمة لحد ..

عشان كذا خليك بحالك احسن

#متفق_عليه

كلمه للخنافس هل من منافسس 😍

إحدى المهام المعلقة اللي بنأجلها من عام ٢٠٠٩م إلى يومنا هذا ....!
-
اني ابكر الساعة سبع...!

#ايحين_انجزها_يارب

ايش افضل .. تخفف الحٍمل اللي في يدك علشان تقدر توصل نهاية مشوارك وانت مرتاح
ولا تكابر وتقاوم وتشل اكثر من طاقتك وتطيح مليون مرة في طريق الوصول وفي الاخير ماتوصلش ؟

مش عيب انك تخفف حِملك وترمي منه اللي مالش لزمة
ارمي اللي يتعبك ويضايقك ويُحسب عليك وزن ع الفاضي في حياتك
تجاهل من لا يستحق العتاب ، واشتري نفسك وراحة بالك
ولو وصل الامر انك تكون لوحدك 💔

لأن هذا افضل بكثير من زحمة متعبة مابش منها فايده
اوصل بخير نفسيا افضل ماتموت في نص المشوار بسبب تعب نفسي وتفكير مابينتهيش من احداث بتشوفها على مدار اليوم من اقرب ناس لك🖤

#خمسيات

رسائل اعتذار رمضان مانشتيها انتو ليشش ماتكونوا عيال ناسس من البدايههه 😐

#كلمنوه