Жорий йилнинг 17 сентябрь куни жиноят ишлари бўйича Косон туман судида судланувчилар Ф.И. ва И.Ш.га нисбатан одам савдосига оид суд иши кўриб чиқилди.

Аниқланишича, Косон тумани тиббиёт бирлашмасига қарашли 22-сонли оилавий поликлиникада оила ҳамшираси ва бригада дояси вазифасида ишлаб келган 32 ёшли ҳамшира аёл 2020 йилда дунёга келтирилган вояга етмаган болани уни дунёга келтирган онаси билан тил бириктириб, 19 700 000 сўмга бошқа аёлга сотиб юборган.

Ҳамшира аёл қизалоқни сотиб олган аёлга туғилганлик ҳақидаги гувоҳномани олиб беришни айтиб, 2 миллион сўм пора олган ва 60 ёшли эркак билан тил бириктириб, қизалоқни яна бир бошқа фуқарога 15 минг АҚШ долларига сотаётган вақтда ҳуқуқни муҳофаза қилувчи орган ходимлари томонидан ушланган.

Суд ҳукмига кўра, юқоридаги жиноятларни содир этган ҳамшира ЖКнинг 135-моддаси 3-қисмининг "а" бандида назарда тутилган жиноятни содир этганликда айбли деб топилди ва шу модда билан билан ЖКнинг 57-моддасига асосан 2 йил 6 ой муддатга озодликдан маҳрум этилди.

Унинг шеригига эса ЖКнинг 135-моддаси 3-қисмининг "а" банди билан ЖКнинг 57-моддасига асосан иш вақтидан, шунингдек иш жойигача бориши ва уй-жойига қайтиб келиши учун зарур бўлган вақтдан ташқари қолган вақтларда Косон туманида жойлашган яшаш уйидан чиқишини чеклаган ҳолда 3 йил муддатга озодликни чеклаш жазоси тайинланди.

ШУнингдек, судланувчиларнинг ҳар бирига БҲМнинг 30 бараварида (11 250 000 сўм) жарима жазоси ҳам тайинланди.

"Давлат божи тўғрисида"ги қонунга кўра ҳар қандай давлат хизматини олиш,  жумладан лицензия, рухсатнома олиш, давлат рўйхатидан ўтиш ва бошқа хизматлар учун my.gov.uz орқали мурожаат этилганда давлат божи, йиғим ва бошқа ҳар қандай тўловлар Давлат хизматлари марказлари орқали ёки хизмат кўрсатувчи органларга бевосита мурожаат этилганда тўланадиган сумманинг 90 фоизи миқдорида ундирилади. 10 фоиз чегирма бор.

Катта суммали хизматлар масалан тонировкага рухсатнома олиш ёки шунга ўхшаш хизматларнинг 10 фоиз чегирмаси яхшигина сумманинг чўнтагингизда қолишига сабаб бўларкан