Talabalar bilan psixologik suhbat tashkil etildi

20-oktyabr kuni O‘zbekiston davlat jahon tillari universiteti psixologi Z.T. Xayrullayeva hamda Ingliz tili birinchi fakulteti tyutori hamkorligida 2-bosqich talabalari bilan psixologik suhbat tashkil etildi.

Suhbat davomida talabalar ruhiy holati, ularning o‘qish jarayonida duch kelayotgan psixologik qiyinchiliklari muhokama qilindi. Shuningdek, talabalarga stressni boshqarish, motivatsiyani oshirish va samarali o‘qish usullari bo‘yicha foydali tavsiyalar berildi.

Psixolog va tyutor talabalar bilan ochiq muloqot o‘rnatib, ularning savollariga javob berishdi hamda yordam zarur bo‘lgan masalalarda psixologik qo‘llab-quvvatlashni ta’minladilar.

Mazkur suhbat talabalarning psixologik salomatligini mustahkamlash, ularni ijobiy ruhda o‘qish jarayoniga jalb etish va sog‘lom muhitni shakllantirishga qaratilgan bo‘lib, bu kabi tadbirlarni muntazam o‘tkazib borish rejalashtirilgan.

🌐 Biz ijtimoiy tarmoqlarda:
Telegram | Instagram | Facebook | Sayt

“Xavfsiz ijara” shiori ostida ijara xonadonlarga tashrif

21-oktyabr kuni O‘zbekiston davlat jahon tillari universiteti psixologi Z.T. Xayrullayeva, profilaktika inspektori S. Sherboyev, shuningdek Ingliz tili birinchi fakulteti tyutorlari M. Kenjayeva va D. Xurramova tashabbusi bilan “Xavfsiz ijara” shiori ostida ijara xonadonlarga tashrif amalga oshirildi.

Tashrifning asosiy maqsadi — talabalarga ijara shartlari, huquqiy jihatlar hamda shaxsiy xavfsizlikka oid muhim ma’lumotlarni yetkazish, shuningdek, ijara xonadonlaridagi yashash sharoitlari, ehtiyot choralari va mavjud muammolarni o‘rganishdan iborat bo‘ldi.

Psixolog Z.T. Xayrullayeva talabalarga ruhiy salomatlikni saqlash, stress va tashvishlarni kamaytirish bo‘yicha foydali tavsiyalar berdi. Shuningdek, profilaktika inspektori S. Sherboyev ijtimoiy xavfsizlik va huquqiy masalalar yuzasidan tushuntirish ishlarini olib bordi.

🌐 Biz ijtimoiy tarmoqlarda:
Telegram | Instagram | Facebook | Sayt

🇺🇿 O'zDJTU 🇺🇿 Ingliz filologiyasi fakultetida “Milliy tarix va qadriyatlar” mavzusida davra suhbati

✅Ingliz filologiyasi fakultetida axborot-resurs markazi bo‘lim boshlig‘i M.Muhemmadjanova hamda tyutor B.Mirsagatov ishtirok “Milliy tarix va qadriyatlar” mavzusida davra suhbati o‘tkazildi.

⏰ Tadbirda yoshlar bilan milliy tariximiz, boy madaniy merosimiz va qadriyatlarimizning bugungi kundagi o‘rni haqida suhbatlashdilar.

🗓 Talabalar o‘z fikr va mulohazalarini bildirdilar, milliy o‘zlikni anglash va qadriyatlarni asrab-avaylash borasida foydali ma’lumotlarga ega bo‘ldilar.

✅Rasmiy sahifalarimiz:

📱 Telegram | 📱 Instagram
📱 Youtube | 📱 Facebook