0️⃣0️⃣0️⃣

O‘zDJTU vakillari Germaniyada o‘tkazilgan xalqaro ilmiy konferensiyada ishtirok etdilar

23–25 oktabr kunlari Germaniyaning Heidelberg shahridagi Pedagogika universitetida (Pädagogische Hochschule Heidelberg) “Mehrsprachigkeit von Anfang an” (“Ko‘p tillilikni erta yoshdan boshlab rivojlantirish”) mavzusida xalqaro ilmiy konferensiya bo‘lib o‘tdi.

Mazkur anjuman Germanistik institutlari hamkorligi (Germanistische Institutspartnerschaft – GIP) loyihasining olti yillik muvaffaqiyatli faoliyatini yakunlovchi muhim ilmiy tadbir bo‘ldi.

O‘zbekiston davlat jahon tillari universiteti dotsenti, Dr. (PhD) Gulrux Raximova ushbu nufuzli konferensiyada “O‘zbekistonda maktabgacha ta’lim muassasalarida erta yoshdan xorijiy tillarni o‘rgatish tajribasi” mavzusida ma’ruza bilan ishtirok etdi.

Tadbir davomida Germaniya, Turkiya va O‘zbekiston olimlari bolalarda erta yoshdan ko‘p tillilikni shakllantirish, nemis tili o‘rganish psixologiyasi hamda metodik yondashuvlar borasida o‘zaro fikr almashdilar.
Dr. Raximova o‘z taqdimotida O‘zbekistonda olib borilayotgan ta’lim islohotlari, “Ilk qadam” dasturi va maktabgacha ta’lim tizimida xorijiy tillarni o‘qitish bo‘yicha ilg‘or tajribalarni yoritdi.
Shuningdek, O‘zDJTUning 3-bosqich talabasi Farangiz Usmonova konferensiyada o‘zining poster taqdimoti bilan qatnashib, yosh tadqiqotchi sifatida o‘zbek talabalari ilmiy salohiyatini namoyon etdi.
Anjuman doirasida Dr. Gulrux Raximova Heidelberg Pedagogika universiteti rektori Prof. Dr. Karin Fach bilan uchrashdi. Tomonlar ikki oliygoh o‘rtasida hamkorlik istiqbollari, ilmiy almashinuv va qo‘shma dasturlar masalalarini muhokama qildilar.

🌐 Biz ijtimoiy tarmoqlarda:
Telegram | Instagram | Facebook | Sayt