‏بيني وبينه صارت أمورٍ كبار
‏وقفيت واللي صار .. بيني وبينه

‏اخاف لا أشكي للقريبين وأنهار
‏ماهم على كبر الخطا عاذرينه

‏وإليا انشدوني عن دموعي هَل الدار
‏أضحك واقول الدمع ويني ووينه

‏ماهو بكا لكن دخل عيني غبار
‏وأنتم تحسبون ان عيوني حزينه

‏كتمت ضيقٍ كل يوم وله أعذار
‏وما كل يومٍ عذري مصدقينه

‏اللي تمسكت فـ وصاله وهو ضار
‏جعله يروح ولا تضره سنينه

‏ولو كان لي قدره من جروحي أختار
‏لاختار ليّ جرحٍ ماهو من يدينه ..

"الا يالزمان المقبل إقبل علي بزين
أنا سايلك بالله لا تلحق على الباقي

أنا من قبل يومين وأكثر إلين الحين
لا عينّت لي مخرج ولا زانت أخلاقي !

غدا كل شيء فـ العين ماعاد يملا عين
ولا عاد والله عندي في لحية أرزاقي

أدوّر شتات أوراق ضاعت قبل عامين
وأنا يالله ألقاني قبل أدور أوراقي

خريطة حياتي وقفتني على سيدين
تحيّرت كن القيد فـ يدي وفي ساقي !

أنا عارف أن الصمت إبن سته وستين
ما أعده من أعدائي ولا ضمن عشاقي

لكن حالفٍ بالله ثلاث وقطعت يْمين
ما أعوّد على دربٍ نثر صافي أحداقي

أنا مامعي وجهين ولا ألعب على الحبلين
واذا جيت أعاتب شخص أعاتبه بفراقي

أغيب بهداوّه .. لين حتى الامور تزين
مع كامل الحب ومع خالص أشواقي

اذا الله كتب نرجع سوا زينٍ على زين
واذا عادك بتبقى كذا كمّل الباقي".

‏اني لاموت بعزتي ما عشت لك عبدٍ ذليل
‏و السيف لو يطعن يدي يدي هي اللي تجرحه

ما ياقع في مواكيـر الحرار إلا سلايْـلها

‏علّمته إنّي لا تضايقت ما أنام
‏وللحين وأنا الي على حد علمه

‏رحنا .. وعلّمني مع مر الأيّام
‏الي مقاسمتهْ من سنين حلمه

‏أحيان " كلمه " تبني آمال وأحلام
‏وأحيان تهدم ما بنيناه " كلمه " ..

السلام عليكم :
ماتخطيت هالقصيدة .

يصد الأمان و يقبل الخوف .. والمجروح
‏ماهو خايف من الجرح خايف من الجارح

‏يقول الموادع بعض الاحيان طلعة روح
‏و أقول الحياة بكبرها .. ماتت البارح

عن كل سُهدٍ في جنح الليل ماجورة
حتى يبين الشفق وانتي على وجدك

يا عين مع كل صبحٍ ما حجب نوره
أستغفري ذنبك وعودي الى رشدك

حرفياً ما احتاج شي هالفترة الا اني احضر محاورة لـ تركي الميزاني او حفلة لأصالة.

‏"منصاي يا قضّاي عوز الملبين
‏لك الثنا و المقدره والإراده

‏تخفض موازينٍ وترفع موازين
‏منان حنّانٍ رؤوف بعباده

‏بياض وجهي في صفوف المصلين
‏لولا رجاي برحمتك يا سواده ."

" بين السكوت اللي حفظنا به الود
‏وبين العتاب اللي استحينا نتمّه

‏حشمت حبّه عن جراحي وعن الصدّ
‏ولا عثت فيه الا الظروف الملمّة "

‏عن البال ما راحت طواريك لأجل تعود
‏مثل ، كل ليلة طيش مرت على ... تايب

‏طبيعي بأن الناس .. تستشعر الموجود !
‏وأنا استشعرك موجود وأستشعرك غايب .

بإمكاني فـ بيت أوصّف مملكة كسرى
‏ولا أقدر أوصّفك كلك ياهوى بالي

‏قضيت عمري وأنا أوصف عينك اليسرى
‏والعين الأخرى على الشاعر من عيالي .

وفر كلامك وانا بايحك ومسامح
وتستاهل اللي خذيته دقه وجله

قفايه الصامل ودبارة السامح
لا عاد ترجي وراها الا فمان الله .

‏"تعال اليوم والاعذار كلها مقبوله
‏خطاك مسموح .. كنّه زلة أخواني"

‏هنيِّك يا الصحاري وإن ضميتي ما يموت تراب/
هنيِّك لو يموت الطين ما هد الظما حيلك!