"يادموعي همّلي لا صارت الفرصه ثمينه
إهبطي على السعه قبل الهبوط الإضطراري

كم سترتك من لسان الشامت ونظرات عينه
إستريني وإحفظي رد إعتبارك وإعتباري

فيني من الضيق مايضفي على أرجاء المدينه
وحشةٍ تملى النهار، وحشةٍ تملى الغداري

وفيني من الحزن مايضفي على صدري غبينه
ولا يبرّد حرها خالص دموعي وإعتذاري

ياحبيبٍ فرقّت الأقدار مابيني وبينه
كل ليلٍ يمر به طاري ولاّ يقفي بـ طاري

راح مني مالحقت أشوف تلويحة يدينه
مابقى لي منّه الا جرح ولا له مداري

عاشقك في كل يوم تصارع عزومه حنينه
يدري بـ ضعفه على الفرقا وكن ماهوب داري

عايشٍ في مجتمع ماينصف الحب ويدِينه
جاهلية فكر، مفروضه على العصر الحضاري

كرّس جهوده، وحَفيت رجله، وندّا جبينه
لـ إنتصار الحب لو يموت تاليه إنتحاري".

خلاني اللي ماتخليت عنه
‏وانا احسب ان الحب يعطي حصانه

‏على العموم الحب مافيه منه
‏يالله عساه بحفظ ربي وامانه

‏انا اعتذر عني وعنه .. لانه
‏يمكن يشوف ان إعتذاره إهانه

‏وطلع حبيبي عكس ماكنت اظنه
‏ظني .. هو اللي ما طلع في مكانه.

“ ‏ما نسيتك من دعاي وحرّ مالي
‏في صيام وفي فطور وفي تهجّد “

‏دخيل العيد وأفراح القلوب وشوفه الغالين
‏ على كثر إزدحام البال خليني على بالك ..

‏صدر فيك القرار الي ما نرضا به ولا نبغيه
‏وحذفت عقالي بحضن الكرامه لجلك وعيّت

‏ودفنتك في مكانٍ ما اذكر انيّ قد ذكرتك فيه
‏وبكيتك وانت حي ، وكنّي ابكي لي على ميّت

‏ماقمت ادوّر على اسباب الجفا لاني
‏ماعرف اسوي ، السواه اللي تسويها
‏َ
‏اصد عن بعض الاشياء شيمة منيّ
‏واخليّ الحاجه اللي خاطري ..فيها

لو يسبقوني بالمعايد والسلام
ما يسبقوني بالضمير وبالحضور

يعايدونك بالرسايل والكلام
وأعايدك من قلب وإحساس وشعور

أنت البدايه والنهايه والختام
خذني من أول نظره ليوم النشور

عيدك مبارك كل عيد وكل عام
وعيدي بدونك من دبورٍ في دبور

‏أحنك وانا مابين ربعي وربعك عرق
‏أنا واحدٍ قالوا له اختار واختارك❤️. .

‏صباح الخير اما بعد :
‏خذانا هوى اللي يوخذ المسك من دمه
‏ " بعد ما نوينا نعتق الصيد بأنواعه "

ذكرتك يا حبيبٍ كل ما حلّت علّي ذكراك
نزل دمعي على خدٍ تعاصف به لواهيبه

سريت بليلةٍ حالت غيومه عن ضيا قمراك
على دربٍ ليا من ضقت رجلي دوم تسري به

أشوفك واقف بعيني ولا لي قدرة بلقياك
مثل طيفٍ ليا من مرني بالحلم أهلي به

طواري الليل ماعدت على قلبٍ فقد لاماك
ترفق بالذي حبك ولا تسمح بتعذيبه

“العيد كلمة ———رؤية المحبوب هي المعنى"

يقول :
" ضميتها يوم اللقى ضم ملهوف
لين انطبع في خدها زرار ثوبي "

هالشعور اللي جهلني ما جهلته
‏مر مثل العيد من دون العيادي

‏ما تبعت الا سرابك يوم خلته
‏كنت اشوفه غيث وهبوبه برادي

‏يا طموحً لو عطاني الله و طلته
‏ما استفز الحلم في ليله مرادي

‏يا عسى فيك الرضى عاللي زعلته
‏يا عسى ما تكون لي كبوة جوادي

‏لو رقمك كل ما اشتاق اتصلته
‏احفظت رقمك يديني لا إرادي

‏ و لو مكانك كل ما اولهْ وصلته
‏ ماغديت بوادي و زولك بوادي

‏منزلك بالصدر من ساعه نزلته
‏أستقرت ذكرياتك في فؤادي

‏يوم وجهك في ذرا الدعوة شملته
‏اقتنعت أنك بقلبي ما انت عادي

‏و حتى أسمي كان عادي لين قلته
‏صار مثل العود في نغمه عبادي .