*#أَسّمَيتُهُنَ~رِفّقهَ《12》*
*#(إلـﮯ~الجنة~معاً)*💛
*#♡الاخــــــــــــــــــــــــــــــــــــــــيرة♡*
*#بقلم~بنان~عماد*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
*صل علي النبي ♡*

*بعد سنتين:-*
هدى : انا في الحرم المكي وبختم اخر ايه ف القران حفظاً م قدرت اتمها وبقيت ببكي بقوه... م كنت قادره استوعب انا خلاص حفظت القرآن بعد سنتين كأني كنت بجري سنتين وياداب استرحت و وصلت لي هدفي.. انا هدي الحددت اهدافي اني اتنقب واواصل طريقي للوصول إلى الجنه واحفظ القرآن واحفظ التفسير والتزم وم ارجع....
عانيت كتيييير ف حفظ القرآن ايام كنت ببكي فيها عشان م قادره احفظ.. الشيطان كان بدخل لي بكل الابواب بس لا انا كنت اقوى ومصره على هدفي... انا هدى وصلت لأهدافي كلها بدون اكِل او امِل.. انا الان فخوره جدا بنفسي وفخوره بالعملتو انا بقدر الليله اقول انا بحب نفسي شديد بحبها عشان م استسلمت للشيطان وقدرت تغلبو بحبها عشان خليت كل حاجة حرام عشان ربنا.. بحبها عشان ختيت رضا ربنا من اولوياتي.. انا بحب نفسي عشان امتنعت الحرام وبطلت غيبة ونميمه.. اخيرا بقيت البس خمارات وعيوني م بظهرها الا مرات.. انا مبسوطه اني وصلت للمرحله دي ♡..
بتذكر كويس لمن كاظم عرسني كان اول طلب لي هو "كاظم ممكن نغترب ونمشي جده؟ عندي اهداف عاوزة اعملها".. لقيتو برد لي بكل احترام و حب "انتي تأمري ي بابا بس ممكن اعرف أهدافك؟ وليه جدة بذات؟ " قلت ليه "انا عاوزه احفظ القرآن الكريم واخترت احفظو ف مكه المكرمه وعشان اكون قريبه ليها نسكن ف جده".. وافق وفعلا د الحصل ♡..

كاظم جا وقعد جمبي وقال لي السلام عليكم.. رديت بعد صعوبه من البكاء "وعليكم السلام".. قال لي مالك ي ورده قلت ليه د آخر ايه وم قادره اتمها انا حاسه بتشويق وحماس وحاسه قلبي هيطير انا م قادره اشيل كل الفرح د جواي.. مسك يدي وقال لي يلا بسم الله الرحمن الرحيم..وبقيت اقرا فيها وانا ببكي لمن حفظتها ختيت المصحف ف يدو بسرعه وسجدت..

{والذين يمسكون بالكتاب وأقاموا الصلاه انا لا نضيع أجر المصلحين}..

الناس تجمع في مقام واحد يوم القيامه إلااا
"حافظ القران" مع السفره الكرام.. كل الناس يفرون من بعضهم يوم القيامه الا حافظ القرآن...
قمت وانا بقول لي كاظم جزاك الله خيرا والله م قصرت معاي و وقفت معاي كتير م عارفه اجزيك كيف غير بالدعاء قال لي هسي أن شاء الله دعيتي لي قلت ليه دعيت ليك ولي رفقتي اكيد ولي اهلي وكلكم كلكم ♡..
قال لي الحمد لله ♡ مبسوط منك وفخور بيك والله ي ورده.. ابتسمت قال لي يلا نصلي ركعتين عشان نرجع الشقه قلت ليه حاضر اصلا متشوقه امشي اتصل لي أمي وابشرها قال لي نصلي طيب.. فعلا صلينا وبعد خلصنا ذكرنا الله كتير ودعينا كتير بعدها رجعنا الشقه..
بعد غيرنا قال لي انا عارف هسي حتقولي عاوزه شاي قلت ليه فعلا قال لي طيب انتي جهزي التربيزه انا حأعملو م عاوز شي قلت ليه فعلا تشغل السخان وتجهز الكبابي و.. قاطعني بي وكمان اكب لبن البدره واخت ظرف ف الكبايه عارف ي ورد عارف والله قلت ليه ربنا يديك العافيه ويوسع عليك يا سِيدهم ابتسم ومشى... فعلا ختيت التربيزه قدامي ومشيت لسه ف المطبخ اونس فيهو قال لي احكي لي احساسك قلت ليه والله ماف حروف حتوصف فرحتي.. انا مفرفشه وحاسه نفسي فراشه خفيفه ومبسوطه حد الانبساط.. حاسه اني م خايفه اموت..(شال الصينيه وطلعنا بيها على الغرفه وقعدنا قصاد بعض وبنشرب ف الشاي وبنواصل حكى)..
انت عارف ي كاظم انا وصلت للمرحلة دي بسبب ربنا ثم صحباتي.. بجد انا لقيت نفسي بعد صاحبتهم عرفت يعني شنو رِفقه.. الرفيق البدلك على الصح والبمنعك عن الغلط البمشي معاك وماسك يدك وبِصر انو يمشي ف الطريق الصح وانت معاهو.. م حيهون عليهو يتقدم ويخليك مكانك... الرفيق البحب ليك الصح وبحب يشوفك متقدم ف طاعه ربنا.. انت عارف انا اول م صاحبت ريان كنت بقول نفسي ابقي زيها نفسي انافسها ونفسي وشي ينور زيها نفسي اكون من عباد الرحمن صح هي م كانت بتقول لي انها بتقيم الليل بس كان ظاهر ف وشها.. م شاء الله لا قوه الا بالله... انا عمري م شفت شله بالحلاوه والرهابه دي..

كنت عارفه اني حأتغير بس م عارفه اني ممكن اتغير بسبب شله.. كنت بتخيل انو برأي حشوف مشهد واتغير وكده بس سبحان الله بجد.. كنت لمن أغلط بلقى ترتيل بتمسك يدي بي لطف وتوجهني انا لسه بتذكر لمن امتنعت اصافح كانت ترتيل بتقول لي تركتي شيء لله ولكِ الجنه بإذن الله.. واساور كل م اتكاسل عن النوافل بتقول لي حرم الله وجهك عن النار فلا تتركيها ولك الجنه.. وريان ف بداية مشواري مع النقاب لمن كنت بتعب بتقول لي احتسبي الأجر هنا حر وهناك برد ولك الجنه بإذن المولى.. وكم من موقف لا يُعد وقفو معاي بطريقه حلوه شديد يعني بجد انا محظوظه شديد بيهم وبيك برضو م ناسيه بعد العرس انا قدرت البس الخمار والنقاب البغطي العيون "فيه طبقه خفيفه توضع امام العينين لتسهيل الرؤيه"..
وكمان بقيت اصوم يومين ف الأسبوع الاتنين والخميس وعملنا يوم خصوص الصدقه وكمان خصصنا يوم نحضر فيه المحاضرات.. وتتذكر كيف وقفت معاي ف حفظ القرآن؟ كل م تجي من الشغل تسمع لي وتشجعني ومرات تجيب لي ورد اللوتس والجوري كل لم اسمع ليك جزء ♡..
كاظم انت أعظم زوج م خليتني ولا يوم وكل مره معاي وبتشجع فيني شكرا عشان انت ف حياتي شكرا ♡..
ابتسم وقال لي انا اصلا وجودي ف حياتك ليه هدف اني اخفف عليك واكون سندك بعد الله... واكون خفيف عليك وعلى قلبك.. واحافظ على وعدي لي ابوك ربنا يديه الصحه والعافيه.. ولي امك ربنا ينور وجهها.. آخر مره لمن طلعنا من بيتكم كلماتها لي كانت "بنتي ف عيونك.. امانه عندك ي ولدي".. قلت ليه وانت وعدتها واوفيت بوعدك♡.. أبتسم ابتسامه خفيفه وهو بقول واقر عينيك♡..
ابتسمت وشلت التلفون وقلت ليه على سيرتهم ادق ابشرها قال لي حاضر حشيل العده تعالى غسليها قلت ليه عليك الله غسلها م قادره قال لي طيب غسليها بكره قلت ليه كاظم يخ عليك الله قال لي هي كلها صحن وكبايتين نحن لي كسلانين كده؟ قلت ليه اسألني قال لي طيب لو جونا اطفال حيحصل شنو قلت ليه لا بعد يجو حأجتهد واكون ست بيت ناجحه قال لي الحقيقه انك ستي قبل البيت.. مشى وانا ابتسمت لي كلماتو دي.. دقيت ليهم واول م ردت قلت ليها يُمه البشاااااره قالت لي بشرييي قلت ليها ختمت القرآن يُمه حلبسكم تاج الوقار بجد م قادره اصدق ياخ من قبيل ببكي والله ي ماما ياريت لو كنتي معاي قالت لي يا الله ي فرحتي بيكك ي بتي اللهم لك الحمد حتى ترضى والله مبسوطه بيك شديد ي هدي عاااافيه منك وراااضيه منك دنيا وآخره ويا رب م تشوفي شر وعساها ايامك دايما حلوه قلت ليها آمييييين يارب.. حلوه بوجودكم.. وين حبوبه يُمه قالت لي هاك ليها.. ي بتييي مبرووووك ي حبيبتي والله فرحتينا ورفعتي راسنا وان شاء الله من طاعه لي طاعه وربنا يثبتك قلت ليها امين يارب دعواتكم لي.. اتونست معاهم شويه وقفلت رسلت للبنات وختمت بحمد الله..
كاظم شال التلفون وقال لي خلاص كفايه قلت ليه عاوزه ارسل لي ريان حاجة قال لي بسرعه مسافه اقفل الشقه قلت ليه طيب هو مشي وانا كتبت لي ريان
*((عزيزتي الريان...جميلةٌ انتِ على قلبي*
*مثل طوقِ الورد المزدهر ي حبيبه الروح*
*احببت عفتك وما حبي لك إلا* *ود*
*والود وردٌ مني لكِ اُلقي بيه التحايا إليك*

*كم انا دافئه بقربك وكم انا اذبل دونكِ*
*حفظكِ الله لي ورعاكِ يا نسمه الرياح البارده*
*في كل حياه شخصٍ.. زرعتي بصمتكِ*

*لن أنسى انك كنت سُكر على كل أيامي*
*لن أنسى أيضا انني بكِ رسمتُ أهدافي*
*لا أعلم كيف اشكرُ الربّ على هذه الهدية*
*ف انها هديه غاليه الثمن*
*انها (الريان♡) بحالها؛ لا* *تتعوضين*

*وفي آخر السطور وبين كُتل الحب*
*آحبك في الله وليكن لقائِي بكِ*
*في الحياه وما بعد الممات♡..*
..
كاظم شوف حلوه؟ قال لي زي عيونك م شاء الله تبارك الله... ابتسمت ورسلت لي ترتيل
*من يراك يتمني ان يصادفك مئه مره*
*كان اللقاء بك يفوق الروعه*
*انا ممتنه لهذه الصدفه بالكثير الكثير*
...
رسلت لي اساور
*برفقتك اُنير النفق*
*وبكِ ذهبتُ إلى اخره بِشجاعه*
*حتماً سأذهب لطالما لدى* *"اساوري♡"*
*بحبك ي رفيقه الجنه ♡*
...
ف القروب
*ولولا الله ثم انتم لما عرفت ما معني ان ينام العبد وهو يبتسم.. لما عرفت ما معني الراحه* *النفسيه... لما عرفت معنى* *الرِفقه.. الحمد لله والف حمد عليكم♡..*
..
قفلت التلفون وختيتو في التوليت وعاينت لي كاظم البقرا ف قرآن.. رقدت جمبو وغمضت عيوني قال لي عاوزه تنومي؟ قلت ليه ايوه قال لي اتحصني طيب قلت ليه م قادره حصني قال لي قومي ي هدى اتحصني.. كنت راقده وفجأه تذكرت قبل سنه وعشره شهور ويلي هو بعد شهرين من عرسنا
قاعده ف السرير وبقول لي كاظم ارح نطلع حاسه نفسي زهجانه قال لي هسي مشغول قلت ليه كاظم والله زهجانه حاسه اني مخنوقه قال لي بسم الله مالك؟ قلت ليه انا م عارفه عندي خنقه بتجيني دايما وهسي حاسه بي بدايتها قال لي دي عين قلت ليه ياخ بطل كلام ماما وحبوبه ده قال لي وم مشيتي لشيخ؟ قلت ليه لا قال لي طيب نتعالج برانا...

قلت ليه كيف قال لي نقرا سوره البقره كل يوم وكل م تجي تشربي مويه تقري الفاتحة سبعه مرات.. وبرضو كل م تلقى نفسك فاضيه تصلي على النبي كتير.. وف قيام الليل تسألي الله يشفيك.. قلت ليه حاضر أن شاء الله قال لي يلا هسي نيدا البقره قلت ليه خايفه قال لي عادي يلا بسم الله الرحمن الرحيم.. وبدينا نقرا انا وهو لم فجأه بقيت ابكي ابكي لمن خلصت البقره الحمد لله حتى هديت... جاب لي مويه وقال لي اقري الفاتحة سبعه مرات واشربيها قلت ليه طيب فعلا قريتها بنيه الشفاء وشربتها.. واصلت على الحاجه دي اسبوعين وتاني حسيت نفسي كويسه شديد الحمد لله ومن يومها الخنقه م جاتني بفضل الله ورحمته ♡..
الان.. كاظم قال لي نمتي قلت ليه لا قال لي اتحصني ونقرا سورة الملك وننوم قلت ليه طيب حاضر قال لي يطيب خاطرك ويحضر ليك كل الخير.
بعد اتحصنت وقرينا سورة الملك نمنا..
زي الساعه 2 صباحاً صحيت بصوت ترتيلو♡..قمت للقيام ودخلت اتوضيت وطلعت لبست العبايه حقت الصلاه وفرشت مصلايتي جمبو.. جبت مصحفي وقعدت جمبو وبسمع فيه بتمعن♡َ.. بتلي السورة الانا بحبها الفرقان♡
الايه وعباد الرحمن ♡.. وانا بسمع فيه كالعاده ببكي من الصوت والخشوع في الأيات.. بعد خلص قلت ليه عيدها قال لي حأقرا المزمل قلت ليه طيب حاضر.. فعلا تلى تلاوه جميله م شاء الله تبارك الله.. بعدها قال لي يلا اقري سورة القارعه وق قلت ليه حاضر.. بعد قريتهم قال لي سورة القارعه هي سورة القيامة الكبري واما ق القيامة الصغري.. لمن تكوني فاضيه فسري الآيات واقريها بتمعن واعرفي لي هي سورة القيامة الكبري قلت ليه طيب قول لي انت قال لي لا اجتهدي انتي براك بعدين قلت ليه حاضر..
(وانتو كمان اجتهدوا لاني م حأوريكم حأعمل ليكم زي كاظم اجتهدو براكم😆)..
.......
*مراسى :*
بعد عرست رشيد اتغيرت وبقيت شايله نصف طباعو وكلامو.. ود بسعدني جدا.. رشيد انسان م هين ابدا..كان واقف معاي وبعلمني كل يوم حاجه جديده ف الدين لين التزمت بطريقه جميله الحمد لله وكلو بفضل ربنا سبحانه وتعالى...ورُزقنا بي وقار ولين♡.
=ممكن تقرأ لي سوره البقره لاني بحبها ♡
_حاضر ي ام وقار♡
=يحضر ليك الخير يارب
_آمين.. يلا أعوذ بالله من الشيطان الرجيم
بعد خلص سورة البقره جات لين وقالت ليه
_بابا بابا انا عاوزه اقرا زيك
=ماما صوتها احلى
_لا انا عاوزه صوتك
=حاضر يلا تعالي اعلمك
وبدا يعلمها كيف ترتل وتجود.. انا كنت مبتسمه وبعاين ليهم.. حقيقي ماف احن من اللحظه دي♡..
.......
*اسوه :*
أواب انسان هادي وجادي عكس شخصيتي م كنت بتوقع ف يوم احب شخصيتو وكمان اتعود عليها وم كنت متخيله اني اقدر اتعامل معاهو عادي ونكمل بعض .. بجد زي م قالت لي هدي حتعرفي تلينيه... وف الحقيقه انو انسان لا يُعوض بحمد ربنا عليهو وعلى كل لحظه قضيتها وهو معاي.. جبت لي بنوته سمحه زي سميتها نواره و ولد سمح زي وم حأقول زي ابوهو وسمتو ريان "بلال".. بعد عرفت انو هدي ختمت القرآن سميت بتي الفي بطني عليها وان شاء الله تشيل اسمها♡.
=م تعاين لي كده
_حتجي بتشبهك؟
=انا حاسه انها حتطلع بتشبه هدي
_عشان على اسمها يعني؟
=انا بتمني تشيل طبعها
_أن شاء الله.. وحلاوتك انتي
=اكيد اكيد
_ مستهبله
=عشان بحبك
_عاوز شاي احمر اعملي لي
=حاضر اي حاجه تانيه؟
_وختي من اليانسون
=والله انا م كنت بحبو نهاي الا معاك
_طيب امشي
فعلا مشيت عملت لينا الشاي وختيت اليانسون الذي يُحب وقعدت جمبو
=بالهناء عليك
_ربنا يهنيك
=د شنو؟
_شنو؟
=الصندوق ده
_شوفيهُ
فتحتو وطلع سلسل دهب
=ده لي؟
_ايوه أن شاء الله يعجبك
=واي ي اواب يااااه بجد حلو شديد م شاء الله تبارك الله شوفو
_اي حلو لمن لبستي
=شكرا ليك كتير
_العفو م عملت شي
=وجودك كفايه وم كان تكلف نفسك
_يرخص ليك ي ماما اسوه♡
=ربنا يحفظك لي والله
_اشربي الشاي ببرد
=نسيتو من الفرحه
_تستاهلي والله
=طيب المناسبة شنو
_ده حب وتقدير لي البتعملي عشاني وعشان أولادي حبيت افرحك شويه وشايف انك تعبانه ف البيت وكده..
=د واجبي والله
_وانا واجبي اقدر البتعملي لي ود هدية بسيطة مني
=(سكت من الفرحه غلبني)
_اسوه
=ها
_أنتي تتزني بالذهب♡
.....
هدي :
*بعد اسبوعين..*
الساعه سته صباحاً صحيت كاظم دخل الحمام.. بعد طلع قال لي ليه م صحيتيني ابدر من كده قلت ليه شفتك نايم كده حننتني قال لي لا تاني صحيني قلت ليه حاضر امشي جهزت ليك الشاي بالكيك ف المطبخ ف المسافه د حأجهز ليك لبستك.. مشى المطبخ وانا فتحت الدولاب وطلعت ليهو لبسه واخترت ليهو الساعه والعطر وقفت بختار ف الاسبورت لمن حددت طلعتو بره الدولاب..
لمن جا وشاف الملابس حقتو جاهزه لبس طوالي وقال لي بدلي العطر د قلت ليه مم طيب ده كيف؟ قال لي اي.. اتعطر وقال لي بي استعجال رسلي لي الحاجات العاوزها في الواتسب.. يلا ف امان الله.. وصلتو لحد الباب وطلع.. قفلت الشقه وع طول اتجهت علي المطبخ نظفتو وبعدها نظفت البيت ورتبتو ومشيت ولعت بخور ودخلت استحميت وطلعت..

قعدت ف المرايه وعملت روتيني بعد قمت قلت ارسل لي ريان أشوف ولدها بقى كيف من حمه التسنين لقيتها رد لي بي والله غلبني التعبير بجد ي هدو بحبك قلت ليها وانا كمان ي غاليه.. ولدك بقى كيف؟ قالت لي كويس الحمد لله لكن مُنير راقد عندو التهاب قلت ليها ربنا يكتب ليه الشفاء العاجل.. قام ولدك رقد راجلك الله يعينك قالت لي اي والله الحمد لله... هي رسلتي لي اساور شفتيها عامله شنو مع الحمل؟قلت ليها لا بدق ليها عديل فيد عاوزه اسلم على الياس زاتو قالت لي طيب وشوفي معاك ترتيل قلت ليها يختي ترتيل مع أهل مزمل ولا فاضيه لي ضحكت فيني.. مشيت دقيت لي اساور م ردت.. قفلت التلفون ورقدت نمت... صحيت بصوت التلفون وكانت اساور فتحت الكول.. بسم الله توكلنا... قلت ليه بتشيل تلفونات الناس مالك قال لي تلفون مرتي انتي مالك قلت ليه شكرا قصفتني قال لي كيف عامله قلت ليه الحمد لله راحلين بكره الرياض قال لي كويس والله اتفسحو وصورو لينا قلت ليه خليك من ده اساور وين قال لي نايمه قلت ليه مم.. جا صوت من وراهو بقول الياس اديني التلفون قال ليها ضاربة فيد هي... قعدو يتكلمو معاي ونص الكلام ضحك بسبب الياس.. وانا بتكلم معاهم دخلو وئام مره صابر وبقت ونسه بجد.. بعد لقيت الزمن جرا قفلت منهم ومشيت جهزت الغده.. عملت لي شاي بعد خلصت وقعدت بمزاج شربتو.. بعد خلصت غسلت عده المطبخ ورتبتو ونظفتو وبعدها دخلت الحمام لفيت البشكير وطلعت الجرس دق.. او كان بدق من قبيل... غريبه كاظم عندو مفتاح.. لبست بسرعه ومشيت عاينت بالعين السحريه لقيتها بنت.. فتحت الباب وقلت حياك ابتسمت وادتني بوكي ورد طبيعي وكان ورد كاتدرائية وينشستر.. ابتسمت ليها بعد شلتها وانا بشم ف ريحتها ياااه بجد ريحتها حلوه شديد وقويه.. قالت لي دي هديه من مستر كاظم وبقول ليك شوفي البوكي مكتوب فيهُ♡.. معسلامه.. ومشت قفلت الباب وانا م قادره اخفي ابتسامتي بعد اتأملت الورد عاينت ف البوكيه كانت ف ورقه صغيره شلتها وكان مكتوب فيها :
*عَيناكِ لَذةُ حُسن استطيبُ بِها*
*وكَفى بالحُسن أنَّها عَيناكِ*
*ورمُوشكِ باقاتِ وردٍ*
*وانا الناظر والمغرمُ بها*
*اعلم انك ستتحولين إلى فراشه*
*حينَ اُهدى إليك بعضاً من الوردٍ♡*
*آحِبُك ي وردتِي♡..*

ضحكت وانا بقول وانا كمان بحبك والله .. مشيت ختيتها ف اثاث الزهور ومشيت الغرفه طلعت فستان زهري لبستو ومشيت المرايه عاينت ف نفسي وفكرت اكوي شعري قعدت كويتو وعملت روج وماسكرا.. اتعطرت ولبست حجل ذهبي بدل الفضي الكنت لابسه..
م عارفه انا الكنت متشوقه انو يجي ولا بجد اتأخر.. لمن الجرس دق جريت لمن وصلت اخدت نفس واتعدلت وفتحت الباب قال لي السلام عليكم.. رديت ليه بكل حماس وعليكم السلام .. ابتسم وقال لي شكلها عجبتك قلت ليه شديد قفلت الباب ودخلت قلت ليه كيفك؟ قال لي الحمد لله وانتي كيف كان يومك؟ قلت ليه الحمد لله بقيت كويسه شديد بعد البوكي.. قال لي بدخل استحم وبجيك.. دخل وانا مشيت شلت الحاجات الجابها ودخلتها المطبخ لفتني الكيس الزهري فتحتو كان فيه شكلاتات و ورد صناعي ولبان كتير ابتسمت وختيتو بالجمبه وطلعت الاكل ف السفره ومعاهو العصير.. كان طلع وقعد ف السفره وكب من العصير شويه.. قعدت جمبو وقلت ليه لو دلعتني كده حأتعود.. ابتسم وهو بقول من حقك تتعودي عشان انا م حبخل اني افرحك♡.. ولو بي حاجة صغيره ف كفايه اشوف ابتسامتك الحلوه دي.. قلت ليه ربنا يحفظك لي... قال لي الورد قبيل لفتني بما انو نوع جديد قلت ليه حلو وريحتو قويه وحلوه قال لي الورد على أشكاله يقع.. ابتسمت وانا بقول
*حملتكَ مثل ورود الصباحِ*
*زرعتُـك وردًا على أضلعي♡*
__

*حللوا حروف الروايه ركزوا وافهمو القصد منها واهدوني من الدعوات الطيبه♡..*

روايه خفيفه عليكم♡.

*إختر رفيقاً ينتشِلك من قاعِ المعاصي لتذهبوا إلى مجالسِ الذكر ولِتُطهرَ رُوحكَ معهُ ♡*

*سبحان الله ♡*
*استغفر الله العظيم ♡*
*الحمد لله ♡*
*لاحول ولا قوة الا بالله ♡*
*اللهم صل وسلم على نبينا محمد ♡*
*سبحان الله وبحمده ♡*
*سبحان الله العظيم ♡*
*الله اكبر ♡*

*#كُتبت بحب*
*النهـــــــــــــــــــ❤ـــــاية*
*كـــــــــــــــــــــــــــــل الـــــــــــــــــــــــــــــود*
*خـــــــــــــــــــــــــــــالد بــــــيـــــــــجـــــــــــــه*

" ابتسم لأنّك بخير "
لأنّك تفرح إن فعلت الخير، وتندم إن أخطأت
لأنّك تغسل قلبك دومًا، وتُحاسب نفسك، وتُعدد نِعمَ الله عليك ..
فالحمدُ لله على كُلِّ يومٍ انتهى بخيرٍ وعافية. 🤍🌻

سألتني فتاة : من تحب !!
فقلت لها : ليونيل ميسي🤍
فقالت : و من أيضا ؟؟؟
فقلت : رونالد اراوخو🤍
فقالت : من أيضا ؟؟؟
فقلت : فرانك ديونغ 🤍
فقالت : من ايضا ؟؟؟
فقلت : بيدري 🤍
فحزنت و قالت و ماذا عني ؟
فقلت لها : سألتني من أحب و ليس من أعشق
فقالت و بكل فرح : و من تعشق !!!!
فقلت بإفتخار برشلونة. ❤️

#اللهم صل وسلم على نبينا محمد وعلى آله وصحبه وسلم❤️