#مسلم_بن_عقيل

▪️گليلي بس وين▪️

حال السيده حميده في فقد والدها مسلم بن عقيل عليه السلام
طور مااحتمل فرگاهم
الملا جبار الحريشاوي





ياروحي والله اشتاگيت گليلي بس وين الگاه
للغالي والله حنيت مااحتمل هم فرگاه

قلبي دوه ابنار ماعنه اخبار
ياروحي والله اشتاگيت
———
ياروحي بالله هوّدي كافي تونين
من فارگج والله الابو وانت تحنين
مسلم ياروحي مايرد بسج تقولين
باجر نشوفه والورد انطشه صوبين

شب الحنين ابهالروح ما تنطفي نيراني
عنه ولا جت اخبار يالوعتي واحزاني
ظل دمعي نثار ماعنه اخبار
ياروحي والله اشتاگيت
————-
كل ليله اغفه بهالحلم باحضانه انبات
اعليّه يلولي كالطفل يسكتلي ونات
ومن نومي افز ابلهفتي وترويني دمعات
مسلم ولا يرجع بعد كطعيها ظنّات

مايرحم الروح الليل تكثر تراهي اجراحه
تكتل دليلي الحسبات وكله يمر بنياحه
ياليل الاكدار ماعنه اخبار
ياروحي والله اشتاگيت
————
اقعد اون امن الصبح ياوالدي اشلون
ابذيج المسيه امن ارحلت دلالي مرهون
قلبي يسولف ماترد بهمومه محزون
وروحي ابحلمها تنتظر واتشوفك اعيون

تانيت يابويه خبر ووياك أنا اتلاگه
اتسولفلي روحي ماترد صبحك طفى مشراگه
دلالي محتار ماعنه اخبار
ياروحي والله اشتاگيت
————
يمسح على راسي الولي واگليبه جن ذاب
يسلم اشوفه من بعد آ يبن الاطياب
بالكوفه ظني منچتل آيغلى الاحباب
والوالي دمعاته تهل هذا اول إصواب

بالكوفه روحه فارگت مايرجع اردود
اول مصاب الصوبج والجايج ابزود
يارب ياستار ماعنه اخبار
ياروحي والله اشتاگيت
———-
#بنت_الشمري


https://www.tg-me.com/Wounds_AshuraOne

فزاعيه نصف للشبان

توجع ونت الشبان
واصيحين منها ياويلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عليهم ناري لهابه
يحرك كلبي غيابه
ماضي حيل ياصوابه
((اخذ مني الولد حيلي))
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
امك حيلها مهدود
يالنايم وسط اللحود
رسومك خرباها الدود
((عليكم مانمت ليلي))
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلولي عزيزج مات
مايرجع بعد هيهات
خلوني اجر حسرات
((اكعد يابني واحجيلي))
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احجيلي على الفركه
تهيج بروحي الحركه
اروحن للكبر شالكه
((ياعيني بالدمع سيلي))
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كبرك يمه بس طابوك
اشوفه والكلب محروك
شباب الموت منه يبوك
((وعليهم ذايب دليلي))
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادمة الزهراء عليها السلام ام مصطفى الموسوي
🌺🌺🌺🌺🌺🌺🌺🌺🌺🌺🌺🌺

الناشر // عالي مقامي
غير مبري الذمه يحذف اسم الناشر من القصيده
https://www.tg-me.com/Wounds_AshuraOne

فزاعيه لمسير زينب ع إلى كربلاء

محمله النوك  زينب وين تردين
الدرب الموت بخوانج تسيرين
.............
حزينه وجايه بحزام  الاخوان
الله ايعين كلبج   يم الاحزان
من شال الولي وسدد الديران
وضلت خاليه وتبجي الدواوين
..........
محمله وجايه بعزازج شلون
يزينب خاف بخوانج يغدرون
تضلين بهظم واهلج  ينامون
والمن ياحزينه جايبه حسين
..........
المن كاصده  وابن امج وياج
خافن يالعقيله تخون دنياج
اليوم احنان واتعاين الممشاج
باجر  حايره  اوحدج  تضلين
..........
تضلين بغرب  والدهر يوليج
وتضيعين زينب كل اهاليج
عكب عباس وجفوفه التحاميج
يزينب خالي من اهلج تردين
.........
باجر يالحزينه وكتج ايدور
وتروح الهيابه وهاي الابدور
وجف الجابجن عالكاع مشمور
غريبه  بلاولي  زينب ترجعين

✍ام زينب كربلاء
💓💓💓💓💓💓💓💓💓💓💓💓💓💓
الناشر // عالي مقامي
غير مبري الذمه يحذف اسم الناشر من القصيده
https://www.tg-me.com/Wounds_AshuraOne

قصيده لمصرع الامام الحسين عليه السلام (تقرا مربعه وتقرأ طور هادئ
ــــــــــــــــــــــــــــــــــــــــــ ـــــــــــ
المستهل 👇👇👇

شلون الخيل مارحمن هالونين
داسن عل صدر ماعرفن حسين
ــــــــــــــــــــــــــــــــــــــــــ
وبذاك الضهر من طاح عل غبره
يـــاسهم المثلث نابت بصدره
طلع ياويلي يمه من خرز ضهره
احظرينه يزهره الكربله الحين
ــــــــــــــــــــــــــــــــــــــــــ ـــــــــــ
اجت تركض الخيل حيل داسنه
مـــــاخلن ظلــع سالـــم ورضنه
رادنـــه يموت حسين رادنــــه
يــــاوناته وصلت للصواويــــن
ــــــــــــــــــــــــــــــــــــــــــ ـــــــــــ
كليلـي يخيل شعدجن ويـــاه
صدر حسين غالي النبي شماه
تدوسنه وتسحكن صدره ويلاه
من حر الشمس متغير الحنين
ــــــــــــــــــــــــــــــــــــــــــ ـــــــــــ
جبيـــــنه من السحك مهشمينه
ماضل سالم حسيــــن ويجينه
نخاف نصيـــــح ويسمع بجينه
بس شلـون نخفي دمعة العيـن
ــــــــــــــــــــــــــــــــــــــــــ ـــــــــــ
روحه ماگدر عزريـــل يقبضها
ماضل بـــي كتر سالم يطلعها
من سابع سمه الرحمن خلصها
رب الكون قابض روح الحسين
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان

https://www.tg-me.com/Wounds_AshuraOne

📜قصيدة: يغالي
🖊الشاعر: مؤمل مزهر
🎤بصوت: موسى البولاني
📍المناسبة: مجلس لليالي الاربعين - كربلاء المقدسة 1443 هــ حسينية مهدي السماك | عزاء لواء الحسين - شباب البصره

••○○○●●○○○••

نايم عالتراب وبصدرك اسهام
ما ضلت خيم و افرشلك تنام
يغالي  يعلعلون بروحك
يغالي  مكثرين جروحك

••○○○●●○○○••

جيتك وشفت الي صاير
شرد اضمد عقلي حاير
ابكل كتر ياخويه اشوفن
جرح   دمه   سايح
حافر الگبك وصله
گطع نياطه ويحمله
گلبك بعيني اشوفه
عله  الصدر  طايح
تمطر بس نبل وگليبك انصاب
ما كفاهمْ و رگضو عالثياب
يغالي  امغيرات رسومك
يغالي  كافي فز من نومك

••○○○●●○○○••

عضمك اسمعنه نكسر
والحافر الدگ بالظهر
چم حافر بصدرك عثر
اثر  بقه  بصدرك
عيني ماصدگها آنه
گلبك تغير مكانه
من أجو راسك أجانه
دمه  يصب  نحرك
لحيتك خويه اضنها السيف لايح
بنحرك گمت اشوفن شيب طالح
مرمي ياخويه حسافه
وحافر يجرك مسافه
اجيبك الخيل التجينه
وترد أذا ردن
بالخيم اسمع كسرهن
كسروهن خويه كلهن
وستعد ياخويه رجعن
اجن  الك  يعدن
من السحگ ماضل ميت الحيل
ابلا رباط تدبچ فوگك الخيل
يغالي  ردلي شوف سكينة
يغالي  اتگلي بابا وينه
الرمضه تچوي وانته عاري
سومرك نوم الصحاري
التمن الجن والملائك كلهم بأمرك فدائك
انت بس اشر عليهم ولا يضل واحد
منهو يقبل بيها بالله ايطشرون بنعمة الله
حــســـيـــن  حــســـيـــن  حــســـيـــن

••○○○●●○○○••
#اللهم_عجل_لوليك_الفرج
يغالي مكتوبة
https://www.tg-me.com/Wounds_AshuraOne

ـــــــــــــــــ  ✦ʚɞ ✦ʚɞ✦ ــــــــــــــ

كلمات الشاعر ✏️🖋️
حسين الدراجي

#شهادة_السيده_زينب_عليها_السلام_


ماريد برض الغربه موتي

اريدن اموت ابنص اخوتي

على اخواني

على اخواني

اريد ابچي

على اخواني

🔥✏️🔥✏️🔥✏️🔥✏️🔥✏️🔥

اريد ابچي على اخواني

لحد ما يعمن اعيوني

هذولا الدللوا روحي

الأحبهم واليحبوني

بسيف انذبحوا اخواني

و انه بفرگه ذبحوني

المفروض انه ويه حسين

بالحافر يدوسوني

مااريد بأرض الغربه موتي

اشمحلاها اموتن وي اخوتي

اريدن اموت ابنص اخوتي

ذولا الأعز من روحي اعزهم

احزام الظهر ذولا تچوتي

ماريد برض الشام موتي

خلوني اموت ابنص اخوتي

على احزاني

على احزاني

الصخر ينحب

على احزاني

على اخواني

على اخواني

اريد ابچي

على اخواني

🔥✏️🔥✏️🔥✏️🔥✏️🔥✏️🔥

الأخو لاخته تچيه ايصير

بيها من تمر عازه

و انه اخواني رفعة راس

ما خلوني ابعازه

الگلب يرتاح من ايشوف

يمه تلتم اعزازه

اليموت و ماكو يمه اهله

غربه اتصير (اتشيل) الجنازه

و انه الغريبه الگلبي مشلوع

ما عندي غير الآآآآخ موضوع

يا حيف نعشي الغربه شالوا

ما يمي اخو يبچيلي الدموع

جرح ثاني

جرح ثاني

يفرگتكم

جرح ثاني

على اخواني

على اخواني

اريد ابچي

على اخواني

✏️🔥✏️🔥✏️🔥✏️🔥✏️🔥✏️

الأخت مهيوبه بخوتها

وتبقى محشمه و حره

منو المثلي و اخوها حسين

ال الله ايحبه و ايقدره

عزيز امي التحبه اهواي

و دوم اتشمه من نحره

اشحلات اعيون ابو الأكبر

ترد روحي من اشم عطره

ما الوم گلبي الميت اعليه

هذا عزيز الروح اسميه

ماكو اليشبها ابين هالناس

ترتاح روحي من الاگيه

يذرعاني يذرعاني

تحب ملگه

يذرعاني

على اخواني

على اخواني

اريد ابچي

على اخواني

✏️🔥✏️🔥✏️🔥✏️🔥✏️🔥✏️

تمنيت الگمر عباس

بيده ايغمض اعيوني

و تجي امي فاطمه وياه

و الگبري ينزلوني

ردت اهلي و ردت ناسي

همه اللي يشيعوني

و بالدمعات و الصرخات

وسط گبري ينزلوني

يم گبري يلتمون كلهم

و ادموعهم تترس هدمهم

يقرون عد راسي نعاوي

ويلاااا يختنه اسمع نحبهم

منو اجاني

منو جاني

وكت موتي

منو اجاني

على اخواني

على اخواني

اريد ابچي

على اخواني

✏️🔥✏️🔥✏️🔥✏️🔥✏️🔥✏️

و الما الها اخوان

والمالها اخوان

تره زينب يهلها

مالها اخوان

اووووووي

الهضمت مولاي صاحب الزمان

يصيحون زينب طلعوها

و حرگوا گلبها ابراس اخوها

يآآآآآآآ زيـــــــــــــــــ😭ـــــــــــــــنب

✏️🔥✏️🔥✏️🔥✏️🔥✏️🔥✏️

ألـــــ 🖋️ـــكاتبه #أزهار_التميمي_
#غير مبري الذمه من يحذف اسم الكاتبه

نسألكم الدعاء🕊️

.
https://www.tg-me.com/Wounds_AshuraOne

*قصيدة لام البنين ع (اقري الفاتحه)*
*من ديوان 📚 عبرات وانين في رثاء ام البنين الجزء6(خاص بأم البنين وسفرتها)*
❥━──➸➽❥❂❥━──➸➽❥❂
اقري الفاتحة والحرة ذكريها
تجبر خاطرچ والحاجة تگضيها
❥━──➸➽❥❂❥━──➸➽❥❂
اقري الفاتحة وناديها يالحرة
وبمجلسها خلي دمعتچ تجرة
بالعطشان حلفيها وگطع نحرة
بكل شدة وحق عباس تلگيها
❥━──➸➽❥❂❥━──➸➽❥❂
توگف بالشدايد محلة وگفتها
حاشاها الكريمة اتعوف شيعتها
سألي اللي اعتنت ليها وتنختها
بالتردينة هاي ايديچ تمليها
❥━──➸➽❥❂❥━──➸➽❥❂
لوجتها مريضة وكلش نحيلة
ونادت يالحنينة ومدمع تسيلة
يام عباس عندچ انه ادخيلة
تحضر ليها وامن العلة تشفيها
❥━──➸➽❥❂❥━──➸➽❥❂
عزيزة فاطمة وباب الكرم هية
عد ام البنين الحاجة مگضية
متخسرين ندبيها يشيعية
تسمعچ ماتتركچ لو ندبتيها
❥━──➸➽❥❂❥━──➸➽❥❂
هاي ام البنين وبالشدد تحضر
تنطي امراد لاهيهات متقصر
وگفتها نريد بساعة المحشر
من النار تحمي كل محبيها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
https://www.tg-me.com/Wounds_AshuraOne

يازهراء:
قصيدة بحق السيدة زينب عليها السلام في نهار العاشر جديد محرم ١٤٤٣ هـ


ياويلي جريبة الگوم والعباس مـــو يمي
وينك يبن ابوي الحيد يامن تشرك بهمي
يا عباس يا خوية يا عباس يا خوية
=======================
وصلت غارت العدوان ولصوب الخيم يردون
بيديهم مشاعل نار كل جيش العدة ايركضون
ناس اتفرهد الصيوان وناس بخيمتي يحرگون
وين اطي الوجه ياصوب راحت همتي وعزمي
يا عباس يا خوية يا عباس يا خوية
============================
وصلونة والف ياحيف انظر خيمتي احترگت
ياوسفة ولونة انذال كلها اعله الخيم هدت
بحبال وعصي وسياط ويلي دروبنا انسدت
هذا اليبچي ذاك الطاح هذا من الظرب مدمي
يا عباس يا خوية يا عباس يا خوية
========================
طشينة اعله كبر الگاع والسب والشتم بية
وانة اركظ والم ايتام علوية اعله علوية
باگوها التراچي الگوم عمة صاحت رقية
امسح دمها وانة ايسيل من شد الحبل دمي
يا عباس يا خوية يا عباس يا خوية
=========================
يا ويلي على السجاد ذبلان الوجه اصفر
ينظر عيلتة ومحتار بحبال اليسر تنجر
يعينة الباقر ابهالحال وعليهم حبل مفتر
ريتك يالكفيل اتشوف صاح بصوت يا عمي
يا عباس يا خوية يا عباس يا خوية
==========================
جابوها لسبينه النوكَ هزلة ابلا غطة ولا ظل
حادينا العدو الچتال بالحر والصحارة ايچل
والروس بسنان ارماح جدام الحرم يحمل
فگدك والسموم الحار هنة الغيرن رسمي
يا عباس يا خوية يبا عباس يا يا خوية
=========================
كل احنا بحبل مشدود من واحد لعد ثاني
والحادي يجرنة بحيل قصدة ايذلنة ونعاني
وخواني اسف بس روس وانة انظر على اخواني
يلعب بيها ظل الريح والناس بحجر ترمي
يا عباس يا خوية يا عباس يا خوية
=========================

أسالكم الدعاء رائد الاسدي
https://www.tg-me.com/Wounds_AshuraOne

نزله حماسيه
4
محـــرم الحـــرام  

ثكيله وزنجيل ونزله 


       غــيره منها راضعين 
       ذوله ولــد أم البنين 

_
درستهم عل وفه  
 ورضعتهم عاطفه 
           يابنــينـي هـاتفـه 

للاخو صـيرو معين 
ذوله ولد أم البنين 

للخو صــيــرو ســــند 
جسد طايح يم جسد 
             يمـه اريد أنه الوعـد 

لا تـعوفون الحسين 
ذولـه ولد أم البـنين 

يا أبو فاظــل ياذخر   
عينك اعله أم الخدر 
            صبح واجب هل أمر 

واجب تـوفـيها أدين 
ذولـه ولد أم البـنين 


صاحو بصوت النداء 
عل وعد وعله الوفاء 
           لينــه تــشـــهــد كـربــلاء 

بصرخه وحده هاتفين 
ذولــه ولـــد أم البـنين 


 ثلث كواكب والكمر. 
شدو للــضهـر بضـهر 
             بالعــدو بـان الـــخطر 

من فعــلهـم حائرين 
ذوله ولــد أم البنين 

أخـوان شـــيال الــوى.   
 نــزلـو الـطـف نـيـنوى 
            ونكـطع حـتى الهوى 

ياحبــل الله الــمتـين 
ذولــه ولد أم البـنـين 


نــسل عـبد المــطلب  
للـحـرب لمــن يـهــب 
           الغيره من عدهم تشب 

مـن فعلـهم حـائريـن 
ذوله ولــد أم البـنين 


نـاده جعــفر بالقـتال     
من بده بسوح النازل
               اليوم اسويكم مثال 

ينظرب طول السنين 
ذوله ولــد أم البـنين 

نـاده عثـمان وهـتـف    
وحـق حيدر والنجف    
                والعدو بسيفه رتجف 

يرجف وكلش حزين 
ذوله ولــد أم البـنين 

هـذا عبـدالله الـبطل   
ع الكفـر لمــن حمـل 
                بالـــحرب.مــاله مــثل

من دخل سوح الهجين 
ذولــه ولــد أم البــنـين 
____
كلمات الشاعر الحسيني 
مرتضى مكطوف الموالي 
https://www.tg-me.com/Wounds_AshuraOne

هوسات نخوه مسلم بن عقيل عليه السلام

كل باب العبرته وجيت ادك بابك
اعرفك ماتقصر ضخر لحبابك
اعازي اولاد عمك واذكر امصابك
(( واقرالك والطم عالهامه ))


مايكفي الدمع اقره واهوسلك
ياجيدوم يالماصح بعد مثلك
عن ضيم البگلبي جيت اسولفلك
(( مولاي انته ونور عيوني ))


ياضخري وملاذي وهيبتي ورجواي
افرح من اگولن خادمك مولاي
من ضيم المرض جيت وصحت شكاي
(( متعني الدكتور الشيعه ))


اجيت اسحل بهمي والگلب مكسور
احلفك بالزچيه ومنحر المنحور
اريد ادواي منك صحت يادكتور
(( وادواك ايشافي امجربينه ))


بس انته الدواك ايشافي ويعافي
ياساس المحنه ويانبع صافي
ماتدري بحميده من مشت حافي
(( والگطعو راسك شتموها ))


اخبرنك سبوها واعتذر منك
خاف بهالحچي مولاي الچمنك
لو حي چا گلبت الكون اعرفنك
(( وتهز الحومه اعله البيهه ))


لشاعرة اهل البيت
ام هجران العمارچيه
🌷🌷🌷🌷🌷🌷🌷🌷🌷🌷🌷🌷🌷🌷
الناشر // عالي مقامي
غير مبري الذمه الي يحذف اسم الناشر
https://www.tg-me.com/Wounds_AshuraOne

قصيده ( لمسلم ابن عقيل ع )
*طور ملا قحطان الابديري ( واسوها )*
.....................


عزوها عزوها
بت مسلم عزوها
اصغيرونه الابنيه
و بالوالي فجعوها


صِبح گلب الصغيره اليوم مكسور
من سمعت ببوها شلون مجرور
و من فوك القصر عالكاع مشمور
و دمعتها اعله ابوها حاره اتفور

حگها الشال ابوها اتهل الاعيون
يا ناس اليتم ميهون تدرون
جمرات الابو ما تطفي يجوون
عينوها اعله ابوها يل تعازون

عازوها اعله ابوها ابگلب مالوم
هاي اول يتيمه صارت اليوم
گلب زينب اوياها اليوم مهضوم
امگابل باللطم و الدمع مسچوم

امگابل بالعزه لطمن على الحيد
يا لطم الحياده امگابل ايريد
ثگيل افراگ مسلم كلش اشديد
متهيد الامضيعه و الله متهيد

الامضيعه الابو وناتها اثگال
صعب يومه ترا يمرد الدلال
ما ينطاگ ابد يا ناس جتال
و الفگدت ابوها اتهدم الاجبال

وين الفاگده الزينين تحظر
حميده اليوم تنعه بگلب منطر
راح الدللاها و راح تسهر
تصيح اليوم نارك بويه تسعر

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tg-me.com/Wounds_AshuraOne

قصيده فزاعيه ( لمسلم ابن عقيل ع )
-------------------------------------------------------

لبو طاهر تون اليوم
زينب حيل حزنانه


لبو طاهر تون زينب
و دمع اعيونها يسچب
و بنته ضاله تعتب
تگلها ليش ماجانه

ما جانه الابو عمه
اضنه غارگ ابدمه
و عيني لفرگته تعمه
بس اغيابه أذانه

يأذي افراگه تدرينه
يا عمتي تحاجينه
گليلي الابو وينه
اضنه ايتام خلانه

محتاره شنو اتگلهم
راح الولي و يتمهم
افراگه راح يهضمهم
و تبقه ابنيته دوهانه

صعب اليتم شيحمله
الابو لا ما يصح مثله
تبقه ابنيته اتونله
لو ضل خالي امجانه

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه لهhttps://www.tg-me.com/Wounds_AshuraOne

قصيده مربعه ( لمسلم ابن عقيل ع )
-------------------------------------------------------

يبو طاهر عليك النوح يحلالي
وسفه اتموت يالعلمك شده بالي


يبوطاهر عليك النوح محلاته
اليوم الجفن لجلك تهل دمعاته
هذا البشدد مشهوده وگفاته
خبر موتك يمسلم صدع دلالي

خبر موتك يمسلم ما الي حيله
لا تمشي و تضل ابنيتك انحيله
حمل بتك بعد جا منو الايشيله
مهضومه تضل ابعازة الوالي

تضل ابعازتك بتك يبو الغيره
بعد عينك يمسلم باجر ابحيره
وجها لو رحت جا عدمن اتديره
تضل بالضيم بس اعيونها اتهالي

ضيم البت ترا ما ينحمل مُره
تضل تنعه لبوها و هيه متحيره
افراگ الاب صعب يسعر مثل جمره
تگول اوياه اموت اهواي اشوالي

يبوطاهر حميده الليله مرتابه
تلطم عالوجه و اتصيح يا يابه
راح البي محنه و يكلف اغيابه
بيه شلون من بعده انه تالي

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://www.tg-me.com/Wounds_AshuraOne

مقطوعه شعريه و نعي ( لمسلم ابن عقيل ع )
.....................

شمحلاته ابونه افياي بالدار
شمحله اسوالفه و ذاكه حجينه

خيمتنه الجبيره الما تصح دوم
مثله ما يجي روحه حنينه

لو سير و اجانه ايشيل الاهموم
يلاعبنه ابحنانه و عطف ادينه

صار اهواي غايب ما رجع ليش
مشتاگين اله الينشد علينه

ننشد وين ابونه و نهمل العين
مسلم ما اجه يحسين وينه

💔😭💔😭💔😭
حگ الاعيال اتريد والي
بالنزل هوه سور عالي
مثله مايصح ياناس غالي

غالي و غلاته يا حلاها
جا ليش الابنيه جفاها
تنشد عليه و ما اجاها

ثاري الابو ماكو ابعزه
حط بيه طول الليل فزه
و اغيابه حز دلالي حزه

ثاري الابو ماكو ابغلاته
حنين يا محله صفاته
حنيت اسمع حجاياته

يا محله ابونه نگعد اوياه
نتسامر و نسمع حجاياه
كلش هضمنه يوم فرگاه

يفراگ ابونه نار تسعر
جندوب نبقه اعليه ننطر
تعبنه هجره الله اكبر

يا هجر ابونه ويا صعبته
ما گال ضلت تون بنته
كل يوم اون ليه و ذكرته

حن الگلب و ايريد شوفه
غالي الابو وروحه عطوفه
مشتاگه ابوسنهن اجفوفه

يا شوفتك يا بويه عيدي
كلساع اگول لروحي هيدي
انطر يبويه و اصفگ ايدي

يابويه يكتل حيل الاغياب
ضليت اتاني و دمعي سجاب
هلبت تردلي يغله الاحباب

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه لهhttps://www.tg-me.com/Wounds_AshuraOne

قصيده فزاعيه ( لمسلم ابن عقيل ع )
.....................


لبن عمها العقيله نصبت احداد
و تبجي وي حميده بگلب مراد


لبن عمها العقيله ناصبه المأتم
اليوم اويا العلاوي امحزمه و تلطم
على مسلم تون و ادموعها من دم
يا وسفه انغدر و اتنوح الاولاد

يا وسفه انغدر و اطفاله يتمها
و بنته اخلاف عينه الدهر يهضمها
اليوم ام الخدر تنحب لبن عمها
و عليه حسين يبجي اليوم ما هاد

اليوم حسين گابل زينب و ينعه
گعد ويا اليتامه و ينحب بفجعه
شيرجعه ابوكم راح شيرجعه
بالكوفه انغدر ما بين الاوغاد

ماتم بالحزن نصبوله هالليله
و زينب نايحه و المدمع اتسيله
يا مسلم عليك ارواحنه انحيله
و بعيده اعلينه خويه ذيج الابلاد

اليوم الزين شال الكله حنيه
و مهضومه تضل اخلافه الابنيه
خن انعاون حميده ابدمعه مجريه
مهضوم اعله ابوها اليوم الافاد

مهضومه گلب صاحت ايا يابه
اجت وياها زينب تون مرتابه
و يا نار الابو بالگلب لهابه
جمر فرگاه يسعر حيل وگاد

------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه لهhttps://www.tg-me.com/Wounds_AshuraOne

هله بالحبايب جبتلكم مكتبة تفيدكم كلش صاحبة المكتبة بنيه تكدرين تسولفين وياها براحتج تعالي اشتركي بقناتها كولشي متوفر في مكتبه عاشوراء جميع متطلبات خادمات الحسين ع (دواوين لجميع الشعراء،وشاح،طبابه،طبع قصائد،)جميع ماتحتاجه للملا وتوصيل لكافه المحافظات بأسعار مناسبه

المراسله عبر المعرف 👇🏻👇🏻

@ABRAR5325

الأشتراك بالقناة 👇🏻👇🏻👇🏻

https://www.tg-me.com/AiDoiwwn19878

من أروع المحاضرات المنبريه باللهجه الشعبيه المطلوبه 👌🏻👌🏻

حجزي ديوانج لأن عدد الديوان كلش محدود

سارعي بالحجز من هنا 👇🏻👇🏻👇🏻👇🏻


@ABRAR5325

للحجز والاستفسار تواصلو معي عالمعرف

👇🏻👇🏻👇🏻👇🏻


@ABRAR5325

للحجز والاستفسار راسلوني عالمعرف


👇🏻👇🏻👇🏻👇🏻👇🏻


@ABRAR5325