الواحد اكتشف فاجأه انه مبقاش فيه حاجهه اسمها صحاب خالص، فاجأه بقى اكتشف انه نادرر جدا تلاقي صاحب بيحبك من قلبه و سند ليك و يكون جنبك دايما ، الصحوبيه بقت عباره عن كلمه عاديه ملهاش معنى ابدا لا في الحقيقه ولا في السوشيال، في السوشيال هتقابل ناس كويسين و ناس وحشيين هتقابل الي يحبك بجد بس للاسف انت فقدت شئ مهم و هو انك مبقتش تثق فالناس بسبب كم المرات الي اتخذلت فيها ونت بتحاول فكل مره تقوم و يدوب تقوم تلاقي المشكله التانيه بتوقعك، بقت كلمة الصحاب بتتقال لٱي واحد يدوب ليك معاه مصلحه لكن في ضهره انت بتتكلم عليه و مطلعه شخص وحش شخص مش محبوب و ان انت الشخص النضيف الي مفيش زيك تاني ، ممكن أكون مش الاختيار الامثل لصحابي و ممكن أكون مش أكتر حد بيسمع كلام اهله وممكن أكون مش أشطر واحد و ممكن أكون مش أكتر حد بيقول كلام حلو و ممكن أكون مش أكتر حد محبوب و ممكن أكون مش أكتر حد بيساعد و ممكن أكون مش أكتر حد مميز و ممكن أكون مش أكتر حد دمه خفيف أو وجوده خفيف، بسس ممكن أكون أي حاجه غير اللي أنا فاكره أو معتقدها بس رغم كل دا، ممكن أكون أكتر حد لسه بيحاول و هيحاول، لسه بحاول إني أكون نسخه أحسن من نفسي قدام نفسي. لسه بحاول إني أسيب علامه حتي لو بسيطه. لسه بحاول إني أكون شخصيه أحسن، متحاسبونيش علي إمبارح، حاسبوني علي النهارده عشان اياً كانت الدنيا بتحدفنا فين، كلنا لسه بنحاول نكون احسن لانه فاجأه بقينا لوحدنا، فاجأه فقدنا معني كلمة الصحاب .

↶ مَحمْد عَلاء | تَـوَهَـآنْ |↺¹.

↶ أيآم بِرفقة كتاباتي .
↶ ﮼ ٢٠ يْنًأُيْرٌ ٢٠٢٠ 𖤐.

جروب كتابات الواتس اب ♥️
https://chat.whatsapp.com/Cu2r1NaVz1aDY8voiGV9lB

الواحد محتاج يفهم الناس كلها ان مش كل كلمه انا اسف وراها سامحتك ولا كل كلمه اسف وراها خلاص محصلش حاجه، لازم الناس كلها تفهم انه مفيش حد أهبل ولا عبيط، انه مستحيل ابدا حد هيقبل إنه يتداس عليه دايما وينسى اللى فات وكل حاجه حصلت بكلمة أنا اسف !!! . مكنش حد غُلب وكل ماحد يزعل نقله احنا اسفين، لازم الكل يفهم انه معيار المسامحة الوحيد إنك تدينى أمارة بالأفعال إن ليا خاطر وإن الغلطة كانت فعلا غصب عنك وانها مش هتتعاد تثبتلي ده ب افعالك، وبعد كده القلب هيصفى لوحده، ولما نغلط نعاتب لانه العتاب ده أكبر دليل علي الحب لما نغلط ونتعاتب ونحط النقط علي الحروف عشان بعد كده ناخد بالنا من تصرفاتنا والغلط ما يتكررش تاني ده أكبر دليل علي حبنا لبعض وإن علاقتنا قويه عشان عارفين كويس بعض ، بس لازم تعرفه انه فاجاه لما ناخد جمب ونبطل نعاتب على اي حاجه بسبب تكرار الموضوع، وقتها كل حاجه هتنهار تدريجيا ومن غير ما تحس هتلاقي إن العلاقة إنتهت ومفيش مجال للرجوع ولا الإعتذار تاني الكل يخلي باله من من مفاتيح الأبواب اللي معاه عشان اللي بيضيع عمره ماهيرجع تاني مهما اعتذرت ولا حاولت ترجعه مش هيرجع تاني.

↶ مَحمْد عَلاء | تَـوَهَـآنْ |↺¹.

دايما سيب مسافه بينك وبين كل الي بتحبهم، سيب مسافه تخليك متتعبش ولا تنهار لما يمشو، سيب مسافه تخليك متملش من وجوده او تكون خانقه، سيب مسافه تسمح للثقه بينكم، لان المساحه الي كلها مبنيه على ثقه دي نوع خاص من المحبه محدش هيفهما غير الي اهتم كتيرر وفي الاخر لقى كميه خذلان، هو الوحيد الي هيعرف قيمه المسافه دي ، هو الوحده الي تعلم انه يسكت احسن من كل النقاشات، يسكت احسن من العلاقه الي انتهت بكلام يوجعه واثارها لسه جواه، هو الوحيد الي عرف انه ازاي يبقى الواحد مسالم قبل مايكون محب.

↶ مَحمْد عَلاء | تَـوَهَـآنْ |↺¹.

الناس الي دايما بتتأذى في اي علاقة سواء كانت ايه العلاقه هيا الناس اللي دايماً شايفة نفسها أقل من اللي حواليها، الي دايما شكاكين الي هما بيبقوا ضحايا الشك في نفسهم، الناس اللي معندهاش ثقة في نفسهم و دايماً حاسين إنهم ميستحقوش اللي هما فيه، شايفين انه الي فيه ده كتير عليه او ميستحقهوش اي كان، فييقابلوا أي مشاعر حب أو انبهار بالصد، و بيتعاملوا معاها على أساس إنها خدعة أو سوء تقييم او تسليه من الطرف التاني، ف بيبقوا مش قادرين يصدقوا إنهم ممكن يتحبوا او يكونوا مصدر جذب لأي حد، فكره الشك دي مسيطرة عليهم، تلاقيه دايما بيقول ايه مميز فينا يخلي حد يقرب لنا ؟!" ولا في ايه حلو فينا يخلي حد يحبنا، و لو حصل و اقتنعوا أخيراً انهم يستحقو ده دايما بيكونوا شايلين هم الحفاظ علي العلاقة دي، بيبقوا شايلين هم الطرف التاني انه ميخسرهوش، يبقوا الطرف اللي يسامح بزيادة أو يتنازل بشكل غير مشروط، الطرف الي بيجي على نفسه كتير، الطرف اللي يحاسب علي أي غلطة في العلاقة و يتحمل مسؤولية تصليح أي إخفاق فيها، و اللي دايما هيكون المبرر تجاه نفسهم إن هو دا الحب و هي دي التضحية، وده كله بيبقى بسبب خذلان كذا مره، بس لازم الكل ‏ميتعاملش مع الكل بتلقائية زيادة لأن الناس تفكيرها مش زيك ولا حد هيبقى زيك.

↶ مَحمْد عَلاء | تَـوَهَـآنْ |↺¹.

عمر الندم ما هيفيدك بحاجه ابداا بس الواحد بقى ندمان على وقته الي ضاع في حاجات كتير، ندمان على الوقت الي ضاع في اي مناقشه او مشكله او تبرير لناس متستاهلش ابدا، ندمان على الاهتمام والتنازلات الي بعملها واني اجي على نفسي ومكنتش بلاقي ليها مقابل. ندمان على كل حاجه عملتها وملقتش غير قله تقدير، ندمان على كل فرصه اديتها لناس واقول هيتغيرو ومفيش غيري انا الي بتعب وبتغير، نا أي حد في حياتي بياخد مني بدل الفرصه ١٠ ولا ٢٠ ولا ١٠٠ فرصه بياخد كل الأعذار والحجج، بعدي وأسامح واعدي دي مره والكدبه دي مره والتحوير ده مره وافضل اعدي بمزاجي عشان مخسرش الشخص ده، لحد ما أروح أقوله رصيدك خلاص هيخلص وانا مشعايز كده، بس الناس دي بتتعدل يومين على اساس بتشحن رصيدها، وبيفضلوا برضو ياخدو من رصيدهم عندي لحد مابلاقي نفسي واخد نفسي وماشي بكل هدوء، بمشي خلاص والشخص ده بطلعه من حياتي وعمري مافكر ارجع لعلاقه معاه تاني بمشيي ومبرجعش حتى لو تجابلي نجوم السما كلها، حقيقي في ناس لو الزمن رجع بيا تاني كنت هتمنّى من ربنا إنه ما يخلّنيش أقابلهم أو أعرفهم ولا يزرع في قلبي ذرة حُب ليهم، وما كُنتش هفكّر حتى إنّي أتعامل معاهُم ابدا.

↶ مَحمْد عَلاء | تَـوَهَـآنْ |↺¹.

فاجاه بقينا نخاف جداا من كل حاجة في حياتنا، بقيناا نخاف من كل حاجه كويسه او حلوه في حياتنا، في لحظه بقي من المستحيل نحب اي حاجة من غير إحساس الخوف، احساس الخوف من أننا تخسر حد حبناه أو إنه يتحول لحاجة تانية مختلفة، خوفنا كل ما نفكر إن الموت ممكن ياخد حد قريب مننا، خوفنا من إن صحابنا يتغيروا معانا وميبقوش زي الاول، الواحد فعلا مؤمن بجُملة ان العين بتتكلم، العين دايما بتبين كل حاجة سواء كان حب، ولا كُره، ولا غيرة، او حتى حقد، بتخليك تقدر تعرف الشخص ده لما شافك إتبسط ولا لأ، تعرف الشخص ده بيحقد ولا لا ، بتشوف لمعة عين صُحابك لما بيفرحوا فعلاً إنك نجحت، بتشوف الحقيقة كاملة من العين، الواحد بقى بيتمنى أنه ربنا يدله على إلى المفروض يعمله وميسبهوش فى حيره من آمره للتفكير الكتير، لو ليه نصيب فى حاجه يقربها منه ولو ملهوش يبعدها عنه وميعلقهوش بيها، ويبعد عنه كل الناس الوحشه.

↶ مَحمْد عَلاء | تَـوَهَـآنْ |↺¹.

الواحد عايز يتكلم بس على الشخصيات الي بتتريق على الشكل، هو مفيش حاجةَ اسمها البنت دي شكلها وحش، لا البنت دي تخينه لا البنت دي كذا، والله دي حاجةَ مش بمزاجها، ولا هي اختَارت شكلهَا، كلها خلقه ربنا، بس فية حاجة أسمها بنت اخلاقها وحشة، بنت شخصيتها وحشه، دي بمزاجها لكن شكلها لا !!، كل بنتَ حلوة ومفيش بنت وحشة مهما كان شكلها، انتِ مش متخيل كميةَ الكلام عليهَأ انها وحشة بتكسرهَأ وبتجبلهَا مرض نفسي مش مديها حتي فرصَة أنها تحلَو ، والعكس صحيح ع الولَد محدش مختار شكلةَ والله الحلو حلو حتى في أخلأقه وشكله، بس عايز افهمك انه انت ممكن تحب واحدة في منتهَي الحلاوه وجامده جموده بس فالاخَر تطلع رقاصة ومقضياها، مفيش حد وحش و مفيش بنت وحشة ومفيش ولد وحش، وبطلوا تحسسوهم انهمَ كدة الناس دي بني ادمينَ ليهم الحق في الكلمةَ الحلوة وانهم يصاحبوا ويتحبوا، ‏الناس محتاجة تفهم بس انه الروح والاخلاق اهم من اي حاجه .

↶ مَحمْد عَلاء | تَـوَهَـآنْ |↺¹.

انا دايما لما بتأسف لحد بحبه او حد في حياتي مش بيكون ضعف مني، لان أنا ببقى عارف اني غلطان فبتأسف عشان مضيعش لحظة واحده بيني وبين الشخص اللي بحبه، لازم نتصالح بسرعه عشان نكون مع بعض في كل ثانيه في كل دقيقه لازم نكون سوا ومبسوطين مهما كان إيه سبب الزعل أو الغلط، ولو أنا اللي زعلان من حد بحبه وبيحبني هكون بتصالح بـأقل كلمة حتي لو قلي حقك عليا بتصالح علطول وده مش رخص او غباء ده عشان بينا حُب، ومش عايز اضيع لحظه حلوه بينا في الزعل، الحب ده مش حاجه قليله والله ده شيء كبير جداً وعظيم يسمحلنا نغفر ونسامح ونعدي اي حاجه عشان نكمل ونحاول مع اللي بنحبهم، وانا عندي إن الشخص ده حس إنه زعلني وحاول يراضيني ده لوحده كفايه اني اسامح واعدي، مش سهل خالص نخسر حبايبنا عشان مش سهل نعوضهم تاني،والتسامح مش ضعف ده قوة عشان بحاول مره تانيه وبتمسك بالشخص اللي بحبه و بعلاقتنا، ودايما بيبقى في حنين للحياه مع حد بحبه.

↶ مَحمْد عَلاء | تَـوَهَـآنْ |↺¹.

شعور وحش جدا إنك تكون حاسس بشويه حاجات بس مش لاقي كلام يوصفها، مش لاقي اي كلمه توصف بيها الكلام الي جواك، ولما حد يسألك مالك بتقول انا كويس مالي!؟، بتقولها مع ان نفسك تقول مالك بس مشعارف تقول عشان إنت مش لاقي تعبير صح يوصف اللى إنت حاسس بيه، يوصف الي جواك، اللى هو إنت مش مضايق بس مش تمام، إنت كويس بس مش كويس، عايز تتكلم بس مش عارف تتكلم، ولا حتي عارف تقول اي احيانا دا بييقا انطفاء من تراكمات، مشاكل ، خناقات مع اهلك، أهلك مش عارفين ضغوطات الجامعة او الثانوي او اي حاجه، مش عارفين مشاكلك ومنعطفات علاقاتك مع صحابك، وصحابك مش عارفين اللي بيدور في بيتك مع عيلتك، وصحابك القدام مش عارفين انشغالاتك وظروفك الجديدة، والجداد مش عارفين كمية الخذلان في علاقاتك القديمة، ف ياريت انه قبل ما تعاتب حد عديلو شوية حجج من عندك، متحاولش تتقل عليه لانه والله الواحد حياته معقدة يعني وغالبا هو بالعافية ماشي فيها ف كلنا نراعي بعض.

↶ مَحمْد عَلاء | تَـوَهَـآنْ |↺¹.

كل واحد لازم يعرف انه ‏إحنا مش شبه بعض ابدا مفيش ناس شبه بعضها، حتى قوة تحملنا ل اي حاجه مش متساوية، اللي أنت بتقدر تعديه مره و اتنين واكتر، غيرك بيحسه هم تقيل عليه ومش بيقدر يعديه، بيكمل وهو موجوع وكانه شايل حاجه تقيله على روحه، فـ لو مش قادر تفهم؛ متلومش اي حد على حزن وتعب أنت مش قادر تستوعب أسبابه!، لان ‏انت متعرفش ايه حكايتي، و متعرفش عمق مشاكلي ومصاعب حياتي كانت قد ايه، ولا تعرف كام مره اتأذيت ووقعت وكنت لوحدي، انت متعرفش اي حاجه عني، غير الي قدرت احكيه ليك، كلنا بنعاني ومحدش عارف حاجه، كلنا بنخوض صعاب ومشاكل محدش هيحس بيها غيرنا احناا وبس، ولو اي شخص حب يقف جمب حد لو عايز تقف جنب حد بغرض أن لما الايام تلف يقف جنبك، من أولها ما تقفش جنبه، لأن مش بالضرورة خالص يقف جنبك يمكن طبعه ما بيعرفش يعمل ده، طاقته خلصت مبقاش يستحمل، او انه شخص غير مسؤول، لو عايز تقف جنب حد يبقى اقف من غير ماتستنى مقابل، و متحاولش ترضي الناس علي حساب نفسك، محدش هيفتكر لك اللي عملته غير الي بيحبك بسس اما الباقي هيفتكروا بس أنك مشيت وزهقت وسبتهم.

↶ مَحمْد عَلاء | تَـوَهَـآنْ |↺¹.

تخيل كدا ان الشخص الي بتحبه ويومك مبيكتملش غير بيه بقى عايش حياته كانه مكنش عارفك او شافك قبل كده، تخيل ان الشات اللي كان مصدر راحتك وبتهرب ليه وقت ماتتضايق او فيك حاجه بقى ممنوع إنك تكتب فيه حرف، التجاهل بقى بيلغي اي حاجه حلوه ممكن تكمل، التجاهل بيقلل من قيمتك رغم انك مش مقصر ف حق الي قدامك ابداا ف اي حاجه، بيحسسك قد اي انت مش موجود او ملكش لازمه، وان اهتمامك وتقديرك دا كله طاار ف الهوا، بتحاول تكمل لوحدك او تعافر لوحدك تاني، بتحاول تكون متمسك، بس هيجي عليك وقت وطاقتك تخلص، وساعتها هتبعد وضميرك مرتاح، واعتقد مفيش شعور مريح اكتر من انك تمشي وانت عارف انك بذلت كل اللي في جهدك وطاقتك،كان اقصي طموحك يقدروك، ويحبوك، واحباط ورا احباط ورا تجاهل ورا خذلان بتوصل لمحطة الادراك واليقين ان مفيش حاجة تاني في ايديك تعملها غير انك تمشي، تمشي وماتقدرش تبص وراك، وعلى راي المثل
‏" اللي مايتعدل يتبدل والدنيا مليانه ناس حلوه ."

↶ مَحمْد عَلاء | تَـوَهَـآنْ |↺¹.

🖤.

مينفعش لما تغلط في حق إنسان بيحبك، وتبقى عارف إنه بيتألم بسببك، تقرر تتعامل معاه عادي، وتتجاهل ألمه، كأن مفيش حاجة حصلت، وتتوقع منه إنه يتبسط بكده، فأنت بتراهن على تماسك علاقتكم واستمراريتها من الأساس.. مفيش حاجة بتؤذي في اللحظات دي قد تجاهل الزعل، والألم اللي اتسببت فيه، وتجنُّب العتاب أو النقاش لمجرد إنك عاوز كده، الأنانية دي كفيلة تقتل ما بينكم حاجات للأبد؛ إنك تستخسر تراضي شخص بيحبك وبيتألم بسببك، ده كفيل يبوظ كل حاجة بينكم مع الوقت.. المحبة بتموت بتراكم الخيبات الصغيرة اللي زي دي.. لما بنحس إننا بنهون عادي.علاقتكوا مش هتكمل غير لما تكون أنت بتحبها أكتر ما هي بتحبك، هو آه لازم تشيلو الحمل مع بعض بس أنت لازم تشيل أكتر شويه، متنساش إنك الراجل ومتنساش إنه من ضعفها بتظهر قوتها، ومتنساش إنها هتكون معاك مره طفلة ومره عاقله ومره بنتك ومره حبيبتك، وزي ما بيقولوا "خدها علي قد قلبها" وأنت عشان تستحمل كل ده وتبقي مرتاح ومبسوط لازم تحبها أكتر وأهم حاجه متبالغش.. بحترم اي اتنين علاقتهم برايفت لابيعملوا منظر ولا كل شويه يكتبوا موضوع تعبير عشان يقولوا للناس بصوا احنا بنحب بعض وانتوا سناجل ؛ انا عمري ما حبيت العلاقه المكشوفه اللي كل حاجه بتحصل فيها لازم الناس تعرفها اللي بيحب مش محتاج يثبت للناس وكفايه جدا يثبت للي بيحبه .

↶ مَحمْد عَلاء | تَـوَهَـآنْ |↺¹.

هيجي يوم وهتعرف إنك بتتحب حُب حقيقي لما تلاقي إن كل العيوب اللي ممكن حد يشوفها فيك وحشه حد تاني قادر يشوفها مميزات ، زي الزن والخناق يطلع اهتمام ، الرغي يتشاف حُب ، السكوت يتشاف ونس ، العيب دايما في العين اللي مبتشوفش تصرفاتنا بعين المُحب ومبيوصلهاش إشارة بجمال كل تصرف طالع من قلبنا ، في ناس يكاد يكونوا قليلين في الدنيا هتقابلهم ويشوفوك زي ما أنتَ بدون ما تبذل أي مجهود وهيلاقوا إن حتى عيوبك حلوه ولطيفه وهيخلوك تحب عيوبك حتي لو كانت مشكله بالنسبالك قبل كده هتبدأ تتقبلها وانتَ مرتاح ، لما تلاقي الناس دي اتمسك بيهم علي قد ما تقدر لان الحب اللى بجد مش هو الحب الأول، الحب اللى بجد هو الحب الأخير، حب الشخص اللى قدر يلم جروحك ويرجعلك ثقتك بنفسك، الشخص اللى كان لك العوض بعد الوجع والخيبة وفقدان الأمل، الشخص اللى شال معاك همومك وحاول يصلح اللى اتكسر جواك، الشخص اللى شاف فيك الحلو فى الوقت اللى أنت كنت شايف فيه الدنيا كلها وحشة الشخص اللى حبك وأنت مستهلك ومستنزف، الشخص اللى اتمسك بيك بالرغم من كل الظروف مش اللى سابك على اول رصيف ..

↶ مَحمْد عَلاء | تَـوَهَـآنْ |↺¹.

'مساء الخير ' 🖤
كل العيوب اللي ممكن حد يشوفها فيك، حد تاني قادر يشوفها"مميزات"، الدوشه، الصداع ممكن يتشافو "حيويه وطاقه"، الزن يطلع" اهتمام"،الرغى يتشاف "حب"،وحتي السكوت يتشاف" ونس"، العيب طلع في العين اللـِ مابتشوفش تصرفاتنا"بعين المحب"، ومابيوصلهاش اشاره بجمال كل تصرف طالع من القلب، في ناس كتير في الدنيا هتقابلهم ويشوفوك زي ما إنت من غير ماتبذل اي مجهود وهيلاقو ان حتى عيوبك "بتحليها"، احنا حلوين بس مع ناسنا وفي مكانا الصح.

متشيلش هم طول م إنتَ عامل الي عليك و مقصرتش ف حاجه ، ملهوش لازمة الزعل ، أصل هتعمل إيه أكتر من جهدك و الي قدرت تعملوا و الي حاولت تعملوا و مقدرتش ، ربنا شايف و عالم الي فِ قلبك و الي فِ نواياك ، و مهما تعمل مش هتوصل لحاجة غير الي ربنا عايزك توصلها ، مفيش داعي للحزن و حاول تتعمق ف كلام ربنا " لاَ يُكَلِّفُ الله نَفْساً إلا وُسْعَهَا " مش مطلوب منك إلا الي ع قد طاقتك و بس . إنتَ مش مجبر على حاجه
افتكر نفسك وأنت طفل لما كنت بتحب حاجة كنت بتاخدها غصب عن الدنيا ، ممكن عشان انت كنت طفل ومش مسؤول عن تصرفاتك زي دلوقتي لما كبرت ، بس بردوا لما كبرت لسه عندك مساحة ترتاح وتريح نفسك من الإرهاق ، مش لازم تمشي ع القوانين دايمًا ، ومش لازم تحقق المبهر الخارق اللي هيقولوا دا حرر القدس ، ومش لازم تمشي ورا المفروض اللي هيتعبك ، مش لازم تتحمل مسؤولياتك كل يوم أوقات بنحتاج فترة نقاهه وراحه ، متحرمش نفسك م الانهيار ، العياط ، الخروج عن النص ، الفرح كله مؤقت بس لازم تدي مساحة لنفسك تتنفس ، الدنيا مش هتخرب لو خدت يومين لنفسك ، نفسك وبـس ..

↶ مَحمْد عَلاء | تَـوَهَـآنْ |↺¹.

الغيره حاجه لطيفه جدااا فِي أي علاقه، بس خلينا متفقين إن الشخص الي قدامك لما يغير عليك مينفعش يغير لدرجه الشك لانه بتبوظ العلاقه، الشك لو دخل اي علاقه هينهيها .. قبل ما أي حد يدخل أي علاقه لازم يكون واثق فِ الشخص اللي بيكون معاه الشراكه أو علاقتهم، لازم نكون واثقين فِ بعض، مفيش حب بيتبني على حاجه غير الثقه، أنتَ لو معندكش ثقه فِ اللي قدامك فَ أنتَ مبتحبهوش، فيه ناس سواء ولد او بنت بتلاقيهم من كتر الحب والغيره بيشكو انه في حد تاني ف حياه الشخص ده .. بس خلي ف دماغك انه بيحبك والثقه ايا كان قلبك واحساسك بيقلك ايه تجاه الشخص .. ولما الشك يغلبك حاور واسال لكن متظلمش حد بظنونك .. حب الشخص اللي أنتَ مكون علاقه معاه، خلي علاقتكوا تبقى علاقه دافيه وحنينه، خاليه من الشكوك، الطرف الي شاكك يصراح لتاني ويطمنو سوا .. لانه مهما فضلنا نفتّش ونجرب هيفضل أعظم وأجمل أحساس في العالم أن يكون الإنسان مطّمن ، مطمّن مش أكتر ميهاجموش شعور بالخوف ، وميفضلش عايش في شكوك ، وميخوضش معارك مع عقله كل ليلة ، مطمّن وبس لان ‏لو الناس فهمت التأثير اللي بيسيبوه فى غيرهم لما بيجبروا بخاطر اللي قدامهم أو بيكسروه؛ كان كل واحد هيفكر ألف مرة قبل ما يتأخر في كلمة أو تصرف؛ كان كل واحد فكر ازاي يخلي اللي قدامه مبسوط دايما .. 👌🏻♥️

- M.Âlaâ ♥️

مش مطلوب منك تفضل مُتمسك بحد وهو دماغه ضايعه ومش مُستوعب حجم تعبك معاه، ومش مطلوب تفضل تشرح وتبرر من رصيد صحتك ونفسيتك ومفيش خطوه جديه أساساً من اللي قصادك ، مش مطلوب كل ده يحصل علشان تبقي قصاده Special والهبل ده، باب اتقفل برغبه صاحبه مع السلامه . ماتطولش في مكان مش شبهك عشان هتتعب دايما ..
if you don't belong, don't be long.
يعني لو ماحسّيتش بقيمتك وإن انت مش متقدّر ومبسوط في المكان اللي انت فيه،ماتكمّلش أبدًا ولا تطوّل فيه عشان ماتنطفيش لان مهما كنت ضامن اللى قدامك و واثق فى محبته ليك فحاول إنك متربطش سعادتك فى وجودة بشكل كامل، أو إنك تشوفُه محور الكون مثلاً لأنه فى النهاية مُجرد بشر وفى لمح البصر وارد يتغيّر عليك أو يكون مش موجود من أصلّه، ووقتها هتروح معاه لحته مُتعبه جدًا ومش بس هتكون مُرهقه نفسياً.. هي حرفياً هتخليك تايه عن نفسك وعن كل شيء حواليك، هتبقى فى حيرة مع كتير من التفاصيل اللى محدش هيعرفها ولا هيحس بقسوتها عليك إلا أنت وهيكون صعب جدًا على أي شخص إنه يداويك منها للأسف .. ‏هتوصل لنقطه كدا ف حياتك هتعرف وقتها ان معظم الي قدمته للناس كان مجرد تضييع وقت وانك مهما قدمت مش هتلاقي التقدير المناسب وانك لو كنت استثمرت كل الوقت الي ضيعته ده علي نفسك كان زمان حالتك النفسيه احسن من الي انت عليه دلوقتي ..

- M.alaa ♥️

شعور وحش جدا إنك تكون حاسس بشويه حاجات بس مش لاقي كلام يوصفها، مش لاقي اي كلمه توصف بيها الكلام الي جواك، ولما حد يسألك مالك بتقول انا كويس مالي!؟، بتقولها مع ان نفسك تقول مالك بس مشعارف تقول عشان إنت مش لاقي تعبير صح يوصف اللى إنت حاسس بيه، يوصف الي جواك، اللى هو إنت مش مضايق بس مش تمام، إنت كويس بس مش كويس، عايز تتكلم بس مش عارف تتكلم، ولا حتي عارف تقول اي احيانا دا بييقا انطفاء من تراكمات، مشاكل ، خناقات مع اهلك، أهلك مش عارفين ضغوطات الجامعة او الثانوي او اي حاجه، مش عارفين مشاكلك ومنعطفات علاقاتك مع صحابك، وصحابك مش عارفين اللي بيدور في بيتك مع عيلتك، وصحابك القدام مش عارفين انشغالاتك وظروفك الجديدة، والجداد مش عارفين كمية الخذلان في علاقاتك القديمة، ف ياريت انه قبل ما تعاتب حد عديلو شوية حجج من عندك، متحاولش تتقل عليه لانه والله الواحد حياته معقدة يعني وغالبا هو بالعافية ماشي فيها ف كلنا نراعي بعض.

↶ مَحمْد عَلاء | تَـوَهَـآنْ |↺¹.