📸📸
Академик лицейларга қабул бошланди

10 июндан 2025/2026-ўқув йили учун академик лицейларга умумтаълим мактабларининг жорий йил 9-синф битирувчиларидан ҳужжатларни my.edu.uz портали орқали онлайн қабул қилиш бошланди.

✅Абитуриентлар рўйхатдан ўтиш жараёнида тизимга ID карта ёки туғилганлик ҳақида гувоҳнома маълумотларини киритиш билан бирга қуйидаги ҳужжатларни электрон шаклда (PDF, JPEG) юклашлари лозим:

➡️ 3,5х4,5 см ўлчамдаги 1 та рангли фотосурат;

➡️ Ўқишга имтиёзли кириш ҳуқуқини берувчи ҳужжатлар — фан олимпиадаси ғолиби эканлигини тасдиқловчи диплом, чет тили ва умумтаълим фанларни билиш даражаси тўғрисидаги миллий ёки халқаро сертификат (мавжуд бўлса).

✅Абитуриентлар рўйхатдан ўтишда:

➡️ ўзлари танлаган учтагача академик лицейнинг биттадан мос йўналишини танлаши (бунда таълим тили бир хил бўлиши керак);

➡️ ва қайси чет тилидан кириш тест синовини топширишини белгилайди.

📍Абитуриент ўзи танлаган ҳудудда ташкил этиладиган кириш тест синовларида иштирок этади.

🗓 Қабул жараёнлари 10 июлга (шу куни ҳам) қадар давом этади.

👉 @Oylik_hisoblashbot - Ойлик ҳисоблаш учун бот.

Асосий каналимизга уланиш учун сўров қолдиринг 👇👇👇

https://www.tg-me.com/+jdDEcMOPTegwNTc6
https://www.tg-me.com/+jdDEcMOPTegwNTc6

📸📸
2025-2026-ўқув йили учун абитуриентларни рўйхатга олиш 25 июнь кунига қадар давом этади

📄2024 йилдан бошлаб, давлат олий ва профессионал таълим муассасаларига (касб-ҳунар мактаби бундан мустасно) қабул қилиш бўйича имтиҳонлар “аввал тест, сўнг танлов” тамойилига мувофиқ бир вақтда ўтказилиши белгиланган.

📝Бунда абитуриентлар ўз танловига кўра тест синови натижасида тўплаган балидан келиб чиқиб, дастлаб олий таълимнинг бакалавриат таълим йўналишларига, сўнг профессионал таълим муассасаларига ўқишга кириш учун танловда иштирок этади.

🗓 Олий ва профессионал таълим муассасаларига ўқишга қабул қилиш бўйича кириш имтиҳонлари июль-август ойларида ўтказилади.

✅Давлат олий таълим муассасалари бакалавриатига қабул жараёни қуйидаги 2 босқичда амалга оширилади:

➡️ 1-босқичда абитуриентлар ҳар йили 5 июндан 25 июнга қадар (25 июнь куни ҳам) тест синови топшириш учун рўйхатдан ўтади ҳамда тест синови топшириладиган фанлар мажмуаси, таълим тили ва тест топшириш ҳудудини ҳамда кириш имтиҳонлари таркибида касбий (ижодий) имтиҳон бўлса, ушбу имтиҳонни топширадиган давлат ОТМни танлайди.

➡️ 2-босқичда абитуриентлар тест синовлари тўлиқ якунланганидан сўнг 15 кун давомида олий таълим муассасаси, бакалавриат таълим йўналиши ва таълим шаклини танлайдилар.  Олий таълим муассасаси, бакалавриат таълим йўналиши ва таълим шаклини танламаган абитуриентлар якуний танловга қўйилмайди.

🖥 Коллеж ва техникумларда ўқиш истагини билдирган абитуриентлар коллеж ва (ёки) техникумни, касб ва мутахассисликни ҳамда таълим шаклини ОТМларига қабулнинг якуний натижаси эълон қилинганидан сўнг 10 кун муддатда танлайди.

👉 @Oylik_hisoblashbot - Ойлик ҳисоблаш учун бот.

Асосий каналимизга уланиш учун сўров қолдиринг 👇👇👇

https://www.tg-me.com/+jdDEcMOPTegwNTc6
https://www.tg-me.com/+jdDEcMOPTegwNTc6

#Биласизми
​⚡️Битирувчиларга 6 турдаги шаҳодатномалар берилади

Ҳукумат қарори (44–сон, 31.01.2023 й.) билан Умумий ўрта таълим тўғрисидаги электрон шаҳодатномаларни бериш тартиби ҳақидаги низом тасдиқланган.

🔰 Низомга кўра, битирувчиларга қуйидаги турдаги шаҳодатномалар берилади:

▫️таянч ўрта таълим тўғрисида шаҳодатнома (9-синф);
▫️таянч ўрта таълим тўғрисидаги аъло даражали шаҳодатнома (9-синф);
▫️умумий ўрта таълим тўғрисидаги шаҳодатнома (11-синф);
▫️умумий ўрта таълим тўғрисида (кумуш медаль билан) шаҳодатнома (11-синф);
▫️умумий ўрта таълим тўғрисидаги аъло даражали (олтин медаль билан) шаҳодатнома (11-синф);
▫️психик ривожланишида нуқсони бўлган болалар учун ихтисослаштирилган мактабни (мактаб-интернат) тамомлаганлик тўғрисидаги сертификат.

▶️ Шаҳодатнома ўзбек ва инглиз тилларида шакллантирилади.

📌 Буюртма бериш ва шаҳодатномани шакллантириш “Электрон шаҳодатнома” ахборот тизими орқали амалга оширилади.

🗓 Бунда ҳар йили 1 декабргача битирувчи ҳақида тегишли маълумотлар платформага киритилиб, буюртма шакллантирилади.

➡️ Шаҳодатномалар битирувчиларга ҳар йили 20 июнга қадар берилади.

📁 Битирувчилар шаҳодатномани электрон платформадан шахсини тасдиқловчи ҳужжатлар тўғрисидаги маълумотларни киритиш орқали бепул юклаб олади.

⚠️ Қарорга кўра, 2022/2023 ўқув йили якунидан “Электрон шаҳодатнома” ахборот тизимига битирувчилар ҳақидаги маълумотлар киритиб борилади.

👉 @Oylik_hisoblashbot - Ойлик ҳисоблаш учун бот.

Асосий каналимизга уланиш учун сўров қолдиринг 👇👇👇

https://www.tg-me.com/+jdDEcMOPTegwNTc6
https://www.tg-me.com/+jdDEcMOPTegwNTc6

📸📸
2025-2026-ўқув йили учун 1-синфга қабул 20 июндан бошланади, бу йил 1-синфга 2018 йилнинг 31 декабрга қадар туғилган болалар қабул қилинади

✅Регламентга мувофиқ, 1-синфга қабул жараёнлари 2 босқичда амалга оширилади:

➡️ 1-Босқич: 20 июндан 31 июлгача микроҳудуд доирасида,

➡️ 2-Босқич: 1 августдан 15 августгача микроҳудуддан ташқарида.

💻1-синфга қабул жараёнлари қуйидаги туман (шаҳарларда) электрон шаклда давлат хизматлари орқали амалга оширилади.

Бунда ота-оналар 20 июндан бошлаб my.maktab.uz электрон платформаси орқали рўйхатдан ўтиб, ариза топширишлари мумкин. Ҳурматли ота-оналар, видеойўриқнома билан танишиб чиқинг, унда my.maktab.uz платформаси орқали ўзингизга бириктирилган мактабни қандай аниқлашни билиб олишингиз мумкин.

Давлат хизматлари кўрсатилмайдиган ҳудудларда 1-синфга қабул қилинган ўқувчилар вазирлик электрон тизими (adm.maktab.uz) га киритилади.

☝️Эслатма: “Таълим тўғрисида”ги Қонунга мувофиқ, болалар 7 ёшга тўладиган йилда мактабга қабул қилинади. Бу йил 1-синфга 2018 йилнинг 31 декабрига қадар туғилган болалар қабул қилинади.

👉 @Oylik_hisoblashbot - Ойлик ҳисоблаш учун бот.

Асосий каналимизга уланиш учун сўров қолдиринг 👇👇👇

https://www.tg-me.com/+jdDEcMOPTegwNTc6
https://www.tg-me.com/+jdDEcMOPTegwNTc6

⚡️Бола 2019 йил 1 январда туғилган бўлса ҳам уни давлат ёки нодавлат мактабига 1-синфга қабул қилиш мумкин эмас

❓Савол:

Фарзандим 2019 йил 1 январда туғилган, давлат мактабларига қабул қилишмас экан, нодавлат мактабига жойлаштирсам бўладими?

✅Жавоб:

Йўқ, бўлмайди. “Таълим тўғрисида”ги қонунга мувофиқ, 1-синфга болалар улар 7 ёшга тўладиган йилда қабул қилинади. 

Мазкур қонун талаби барча турдаги мактаблар, жумладан нодавлат таълим ташкилотлари учун ҳам тааллуқлидир.

Бу йил 2018 йил 31 декабрига қадар туғилган болалар 1-синфга қабул қилинади.

👉 @Oylik_hisoblashbot - Ойлик ҳисоблаш учун бот.

Асосий каналимизга уланиш учун сўров қолдиринг 👇👇👇

https://www.tg-me.com/+jdDEcMOPTegwNTc6
https://www.tg-me.com/+jdDEcMOPTegwNTc6

⚡️Дарс тақсимоти бўйича ишлаб чиқилган низом қайта кўриб чиқилиши керак

Мактабларда адолатли дарс тақсимоти масаласи кун тартибига кўтарилгач, 2020 йилда "Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида"ги низом ишлаб чиқилиб, 3271-сон билан Адлия вазирлигидан рўйхатдан ўтказилган эди.

✅Албатта, ушбу низом жуда кўп муаммоли масалаларга ечим бера олди. Аммо ҳозирги кунга келиб, низомни қайта кўриб чиқишга эҳтиёж мавжуд. Чунки унда айрим мавҳум қуйидаги масалалар кўпчиликни ўйлантириб қўяди, - деб ёзган Халқ таълими инфо телеграм канали:

➡️ Биринчи ҳолат: Дипломи тан олинмаган педагогларга дарс бериш масаласидир. Маълумки, низомнинг 15-бандида педагог ходимларга дарсларни устувор кетма-кетликда тақсимлаш масаласи ҳақида гап кетган.

15-банднинг 17-хатбошида эса педагогик йўналиш бўйича хорижий давлатларнинг олийгоҳларини битирган, бироқ дипломи тан олинмаган ўқитувчиларга ҳам дарс бериш мумкинлиги айтилади.

Аммо дипломи тан олинмаган фуқароларга иш бериш Вазирлар Маҳкамасининг 2019 йил 24 июлдаги 620-сон қарори талабларига зид ҳисобланади. Мантиқан олиб қараганда ҳам қандай қилиб дипломи тан олинмаган фуқарога дарс бериш мумкин?

➡️ Иккинчи ҳолат: Педагог ходимлар максимал миқдорда дарс олиш учун асос бўладиган кўрсатгичларнинг амал қилиш муддати белгилаб берилмаган.

Масалан, бир ўқитувчи қачонлардир йил ўқитувчиси танловида ўрин олган, ёки анча йиллар аввал унинг ўқувчиси олимпиадада ғолиб бўлган бўлса, ёки бўлмаса республика босқичидаги қандайдир кўрик танловларда анча йиллар аввал ғолибликни қўлга киритган бўлса, у ўқитувчига умрбод максимал дарс берилиши керакми?

Бу масала бўйича низомда аниқ бир ечим бериб кетилмаган. Бунинг оқибатида эса педагоглар ўртасидаги дарс тақсимоти борасида тушунмовчиликлар юзага келмоқда.

➡️ Учинчи ҳолат: Баъзи ҳолатларда устувор кўрсатгичларга эга бўлган барча ўқитувчиларга максимал дарс соатлари ажратилса, айрим ўқитувчиларга дарс соати етмай қолиши ёки атиги бир соат дарс ажратилиш ҳолати ҳам кузатилади. Бу эса меҳнат қонунчилигига зид бўлиб қолади.

➡️ Тўртинчи ҳолат: Низомнинг 15-банди 13-хатбошида белгиланган тартибда ўз фанидан ўтказилган назарий ва амалий синовлар натижаси бўйича аъло баҳоларга эга ўқитувчилар ҳақида ҳам сўз борган, аммо бу масалага ҳам тўлиқ тушунтириш берилмаган.

Шунингдек, кўплаб малака тоифасига эга бўлган ўқитувчилар халқаро сертификатлар ўқитувчининг малака тоифадан устун кўрсатгич сифатида қайд этилганига ҳам эътироз билдириб келишади.

Умуман олганда, "Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида"ги низом қайта кўриб чиқилиши керак деб ҳисоблаймиз.

👉 @Oylik_hisoblashbot - Ойлик ҳисоблаш учун бот.

Асосий каналимизга уланиш учун сўров қолдиринг 👇👇👇

https://www.tg-me.com/+jdDEcMOPTegwNTc6
https://www.tg-me.com/+jdDEcMOPTegwNTc6

❓Абитуриентлар тест учун тўловни қачонгача ва қанча миқдорда қилиши керак?

✅Хушнудбек жавоби:

Жорий йил битирганлар учун тестга кириш текин, аввалги йилларда битирганлар 187 минг 500 сўм (ярим “минималка”) тўлаши керак.

❓Тўловни амалга оширмаса нима бўлади?

❗️Тўловни амалга оширмаган абитуриентлар рўйхатдан ўтмаган деб ҳисобланади ва тест синовларига қўйилмайди.

❓Бўлиб-бўлиб тўласа ҳам бўладими?

✅ Ҳа, ушбу тўловни бўлиб-бўлиб амалга оширса ҳам бўлади, фақат 25 июнга қадар (ўша куни ҳам) мазкур сумма тўлиқ тўланиши шарт. Яъни қачон рўйхатдан ўтганингизнинг фарқи йўқ, асосийси тўловни 25 июнь соат 23:59 гача тўлаш шарт.

‼️ЛЕКИН!!! Сиз тақаб охирги муддатга олиб борманг. Сабаби банк ва онлайн тизимларда кутилмаган профилактик ишлар бўлса, ёки охирига тақаган одамлар туфайли серверда юклама кўпайиб кетса, кутилмаганда тўловни амалга ошира олмай қолишингиз мумкин.

❓Кимлар тўловдан озод қилинган:

➡️ таълим муассасасини жорий йилда тугатганлар;
➡️ Меҳрибонлик уйи ва Болалар шаҳарчалари битирувчилари;
➡️ тўлиқ давлат таъминотидаги шахслар;
➡️ ногиронлиги бор шахслар;
➡️ ижтимоий ҳимоя ягона рейестрига киритилган шахслар ва уларнинг фарзандлари;
➡️ “Ёшлар дафтари”га киритилган ёшлар.

👉 @Oylik_hisoblashbot - Ойлик ҳисоблаш учун бот.

Асосий каналимизга уланиш учун сўров қолдиринг 👇👇👇

https://www.tg-me.com/+jdDEcMOPTegwNTc6
https://www.tg-me.com/+jdDEcMOPTegwNTc6

📸📸
Тошкентдаги давлат мактабида пулли синф очилди. Мактаб директори бу янгилик эмаслигини айтди

Мирзо Улуғбек туманидаги 50-мактабда янги очиладиган тўртта 1-синфнинг биттаси пулли қилинмоқда.

Мактаб директорига кўра, бундай синф ўтган йили ҳам очилган бўлиб, бунда ўқувчиларга 3 маҳал овқат берилади ва кечгача қўшимча машғулотлар ўтилади. Ойлик тўлов – 2,8 млн сўм. Бутун бошли синфни тижорий шаклда ташкил этиш қонунчиликда йўқ.

👉 @Oylik_hisoblashbot - Ойлик ҳисоблаш учун бот.

Асосий каналимизга уланиш учун сўров қолдиринг 👇👇👇

https://www.tg-me.com/+jdDEcMOPTegwNTc6
https://www.tg-me.com/+jdDEcMOPTegwNTc6

⚡️2025-2026-ўқув йилида ҳам мактаб дарсликлари ижараси бепул бўлади

Иқтисодиёт ва молия вазирлиги баёнотига кўра, ота-оналардан дарсликлар ва машқ дафтарлари ижараси учун қўшимча тўлов ундириш режалаштирилмаган.

👉 @Oylik_hisoblashbot - Ойлик ҳисоблаш учун бот.

Асосий каналимизга уланиш учун сўров қолдиринг 👇👇👇

https://www.tg-me.com/+jdDEcMOPTegwNTc6
https://www.tg-me.com/+jdDEcMOPTegwNTc6

⚡️“Пуллик синф” деб нотўғри талқин этилаётган ҳолатлар аслида қўшимча билимлар бериш учун ташкил этилаётган таълим хизматидир

Ижтимоий тармоқларда мактабларда пуллик синфлар очилаётганлиги хусусида турли фикрлар билдирилмоқда.

“Пулли синфлар” бўйича Мактабгача ва мактаб таълими вазирлиги расмий муносабат билдирди:

Аввало шуни маълум қиламизки, Ўзбекистон Республикаси Конституциясининг 50-моддасида қатъий белгилаб қўйилганидек, "давлат бепул умумий ўрта таълим олишни кафолатлайди."

Шунга мувофиқ, мамлакатимиздаги умумтаълим мактабларидаги барча дарслар тасдиқланган ўқув режага мувофиқ бепул амалга оширилишини маълум қиламиз.

Ижтимоий тармоқларда “пуллик синф” деб нотўғри талқин этилаётган ҳолатлар аслида давлат умумтаълим мактабларида ўқувчиларга ўқув режа ва давлат таълим стандартларидан ташқари қўшимча билимлар бериш учун ташкил этиладиган таълим хизматидир.

Ушбу мезон Ҳукуматнинг 2019 йил 22 апрелдаги 343-сон қарори билан тасдиқланган тегишли Низомда алоҳида қайд этилган.

Мактабларда ташкил этиладиган қўшимча таълим хизматлари мактабларнинг ўқув дастурларида назарда тутилмаган (давлат таълим стандартларидан ташқари) машғулотлар бўйича мактаб директори ва ўқувчиларнинг ота-онаси ёки уларнинг ўрнини босувчи шахслар ўртасида ихтиёрийлик асосида тузиладиган шартнома асосида кўрсатилади.

Пуллик таълим хизматларидан топилган бюджетдан ташқари маблағларнинг 50 фоизидан кам бўлмаган миқдори ўқитувчиларга ҳақ тўлашга, қолган қисми мактабнинг моддий-техник базасини мустаҳкамлашга ва ходимларни рағбатлантиришга йўналтирилиши мумкин.

Энг муҳими, мактабларда ташкил этиладиган пуллик таълим хизматларига директор ва педагоглар томонидан ўқувчиларни мажбурий тартибда жалб этилишига йўл қўйилмайди.

2025-2026-ўқув йилида 738 минг нафар бола 1-синфга қабул қилиниши режалаштирилган ва уларнинг барчаси ўқув режадаги фанлардан бепул ўқитилиши кафолатланади.

Қўшимча таълим хизматлари, энг аввало ота-оналарнинг ташаббуси, яъни улар ўртасида ўтказилган сўровнома асосида ўқув йили бошланганидан сўнг ихтиёрийлик асосида ташкил этилиши мумкин.

❗️Шу ўринда барча мактаб директорларини ота-оналарни қўшимча пуллик таълим хизматларига мажбурий тартибда жалб этмаслик ҳақида қатъий огоҳлантирамиз. Давлат таълим стандартларидаги дарслар пул эвазига ўқитилишига йўл қўйилмайди.

👉 @Oylik_hisoblashbot - Ойлик ҳисоблаш учун бот.

Асосий каналимизга уланиш учун сўров қолдиринг 👇👇👇

https://www.tg-me.com/+jdDEcMOPTegwNTc6
https://www.tg-me.com/+jdDEcMOPTegwNTc6

📸📸
“Долзарб 90 кун” тадбирлари ҳақида билдирилаётган фикрлардан 5 тасини ММТВ хато деб уларга изоҳ берибди

Ижтимоий тармоқларда “Долзарб 90 кун” тадбирлари ҳақида турли фикрларни кузатилмоқда. Улар орасида тўғрилари ҳам ва афсуски, ташаббус нотўғри талқин этилаётганлари ҳам бор. Бугун мана шу ноаниқликларга изоҳ берилган видео тайёрладик. Унда “Долзарб 90 кун” тадбирлари ҳақида 5 хато фикр ва унга вазирлик изоҳи берилган.

❌1. Бунақа тадбирлар аввал ўтказилмаган, ўқитувчиларни ишлатиш учун ўйлаб топилган.

✅— Ёзги таътил даврида ўқувчиларнинг мароқли дам олишлари ҳамда бўш вақтларини мазмунли ташкил этиш мақсадида ҳозирга қадар ҳам зарур ишлар амалга оширилиб келинган.

Бунда вазирлик ҳамда бошқа ҳамкор ташкилотлар, маҳаллий ҳокимликлар билан бирга белгиланган мактабларда кундузги оромгоҳлар фаолияти йўлга қўйилган. Турли маданий ва спорт тадбирлари, танлов ва мусобақалар ўтказиб келинган ва уларда ўқувчиларнинг қатнашиши ихтиёрий бўлиб, болалар ота-оналарнинг розилиги билан жалб қилинган.

Мазкур тадбирларда иштирок этган ўқитувчилар меҳнат таътилидан ташқари вақтда, белгиланган иш вақтида жалб қилинган.

Жорий йил ташкил этилаётган “Долзарб 90 кун” тадбирларига Мактабгача ва мактаб таълими вазирлиги тизимидаги 1239 та умумтаълим мактабида кундузги оромгоҳлар фаолияти йўлга қўйилган ҳамда унга 170 минга яқин ўқувчилар ихтиёрий жалб қилиниши режалаштирилган.

Ушбу мактабларга меҳнат таътилидан бўш вақтларда ихтиёрий жалб қилинган педагогларни бир марталик пул мукофотлари билан рағбатлантириш бўйича зарур ишлар олиб борилмоқда.

❌2. Энди ўқитувчилар ёзда дам олмайди.

✅— Ўзбекистон Республикаси Вазирлар Маҳкамасининг 2023 йил 26 июндаги “Педагог ходимлар учун йиллик узайтирилган меҳнат таътили давомийлиги меъёрларини белгилаш чора-тадбирлари тўғрисида”ги қарори билан умумтаълим мактаблар педагог ходимлари учун 56 календарь кунлик меҳнат таътили муддати белгиланган.

Республикадаги мавжуд барча умумтаълим мактаблари педагогларининг ёзги таътил даврида меҳнат таътилига чиқиши учун тегишли режа-график тасдиқланган ва мазкур режага асосан педагогларнинг белгиланган кунларда меҳнат таътилига тўлиқ чиқиши таъминланади.

❌3. Ўқитувчилар ёзда уйма-уй юради.

✅— Ўзбекистон Республикасининг “Педагогнинг мақоми тўғрисида”ги Қонунида педагогни касбий фаолияти билан боғлиқ бўлмаган ишларга жалб этиш тақиқланиши алоҳида қайд этиб қўйилган.

Мазкур қонуний талабдан келиб чиққан ҳолда, педагогларнинг ёзги таътильда уйма-уй юриши ҳақидаги фикр мутлақо асоссиздир.

❌4. Долзарб 90 кун мажбурий меҳнатдан иборат.

✅— Ўзбекистон Республикасининг “Педагогнинг мақоми тўғрисида”ги Қонунига биноан педагогни бирон-бир шаклда меҳнатга маъмурий тарзда мажбурлаш тақиқланади.

“Долзарб 90 кун” тадбирларига ихтиёрий жалб этилган педагогларнинг белгиланган режа график асосида меҳнат таътилига чиқиши таъминланади ҳамда иш вақти ҳисобидан тадбирларда ўз ихтиёри билан қатнашган педагогларни бир марталик пул мукофотлари билан рағбатлантириш режалаштирилган.

❌5. Ўқувчилар ҳам ёзда мажбурий мактабга чақирилади.

✅— “Долзарб 90 кун” тадбирларига ўқувчиларнинг қатнашиши ихтиёрий бўлиб, болалар ота-оналарнинг розилиги билан жалб қилинади.

👉 @Oylik_hisoblashbot - Ойлик ҳисоблаш учун бот.

Асосий каналимизга уланиш учун сўров қолдиринг 👇👇👇

https://www.tg-me.com/+jdDEcMOPTegwNTc6
https://www.tg-me.com/+jdDEcMOPTegwNTc6