💠 “Xalq nazorati” elektron portali butun respublikada ishga tushiriladi

➡️ Ushbu portal orqali aholi qurilish, obodonlashtirish va infratuzilma muammolarini suratga olib va aniq manzilini ko‘rsatgan holda mobil ilova orqali yuboradi.

🔨 Masalaning yechimi ham fotosurat bilan tasdiqlanadi. Ularning qanchalik tez va sifatli hal etilishiga qarab, hokimlar faoliyati kunlik baholab boriladi.

🔨 Bu tizim murojaatlarning yagona platformasi bo‘ladi va unga barcha vazirlik, idora, hokimliklar ulanadi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🇺🇿🥳Yoshlar ishlari agentligi direktori, senator Alisher Zafarovich Sa’dullayev AQSHning Stenford universitetiga o‘qishga kirdi

🎓 Stenford universiteti — dunyodagi eng nufuzli oliy ta’lim muassasalaridan biri bo‘lib,🔬 ilm-fan, texnologiya, biznes va siyosat sohalarida yetakchi mutaxassislar aynan shu maskanda yetishib chiqqan.

🌍 Har yili dunyoning turli burchaklaridan eng bilimli va iqtidorli yoshlar ushbu universitetga o‘qishga kirish uchun harakat qiladi. 📈 Innovatsiyalar markazi hisoblangan Stenford — nafaqat bilim, balki tafakkur va liderlikni ham shakllantirib, uni rivojlantiradigan muhitdir.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🔥 “O‘zbek dasturxonidan shunchaki taomlarni emas, balki, Sharqning xushbo‘y ifori va Markaziy Osiyo ziravorlarining uyg‘unligini topasiz” — “Okaz”

Saudiya Arabistonining “Okaz” gazetasida O‘zbekiston milliy taomlariga bag‘ishlangan "O'zbekona mehmondo‘stlik: Lag‘mon, palov va manti — Saudiya oshxonasini eslatuvchi trio” sarlavhali maqola chop etildi. Unda o‘zbek milliy taomlari, xususan, Samarqand, Buxoro va Toshkent oshxonasi, shuningdek xalqimizning mehmondo‘stligi haqida so‘z borgan.

🥰 “O‘zbek dasturxonidan siz shunchaki taomlarni emas, balki, Sharqning xushbo‘y ifori va Markaziy Osiyo ziravorlarining uyg‘unligini topasiz. Bu, shuningdek, Buyuk ipak yo‘li nafaqat mahsulotlar, balki xalqlar o‘rtasidagi madaniy uyg‘unlikni o‘zaro bog‘lagan davrga olib boradigan noyob gastronomik tajribadir”, deyiladi maqolada

✨ Nashrda ta’kidlanishicha, o‘zbek madaniyatida ovqatni baham ko‘rish shunchaki odat emas, balki qadimiy an’anadir. Bu yurtda mehmon oila a‘zosi sifatida qabul qilinib, unga ulkan mehr va hurmat ko‘rsatiladi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🇺🇿 🇰🇿O‘zbekiston Respublikasi Prezidenti Shavkat Mirziyoyev Qozog‘iston Respublikasi Prezidenti Qasim-Jomart Toqayevning taklifiga binoan "Markaziy Osiyo - Xitoy" ikkinchi sammitida ishtirok etish uchun Ostona shahriga keldi

Bo‘lajak tadbirda ko‘p tomonlama hamkorlikni yanada rivojlantirishga doir, shuningdek, mintaqaviy va xalqaro ahamiyatga molik dolzarb masalalar ko‘rib chiqiladi.

🇺🇿 🇨🇳 Davlatimiz rahbari Xitoy Raisi bilan ham muzokara o‘tkazadi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

⚡️Endi oliygohlarda chet tilida ayrim maxsus fanlarni o‘qitgan o‘qituvchilar 100 foizgacha ustama olishlari mumkin

Hukumatning 2025-yil 12-iyundagi 362-sonli qarori bilan 29.09.1994 dagi 409-sonli qarorga o‘zgartirish kiritildi.

⏺ Unga ko‘ra:

💬 Davlat byudjeti mablag‘lari hisobidan moliyalashtiriladigan oliy ta’lim muassasalarida xorijiy tillar bo‘yicha B2 va undan yuqori darajadagi milliy yoki xalqaro sertifikatga ega bo‘lgan professor-o‘qituvchilar tarkibiga (chet tillari, xorijiy filologiya, chet tili va tarjima yo‘nalishlarining kasbiy va maxsus fanlari o‘qituvchilari bundan mustasno), shu jumladan mehnatga soatbay haq to‘lash shartlarida o‘quv mashg‘ulotlari o‘tkazayotganlarga, chet tilida ayrim maxsus fanlarni o‘qitganlik uchun, fanni o‘qitish kursining davomiyligi va chet tilini o‘qitish kasb mahoratiga qarab, bazaviy maoshning 25 foizidan 100 foizigacha miqdorda ustama belgilanadi.

❗️ Avvalgi tartib bo‘yicha sertifikat talabi mavjud emas edi hamda ustamani 25 foizdan 40 foizgacha berish mumkin edi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🇺🇿 “Andijon do‘ppisi” geografik ko‘rsatkich sifatida davlat ro‘yxatidan o‘tkazildi

Mazkur bosh kiyim o‘zining yuqori sifatli matolari, nozik naqshlari, o‘ziga xos shakli, shuningdek, ramziy va estetik mazmuni bilan ajralib turadi.

🇺🇿 Ushbu do‘ppi Andijon viloyatining hunarmandchilik an’analari, kashtachilik maktabi va madaniy ramzlariga asoslangan bo‘lib, xalq orasida o‘ziga xos hurmat va mavqega ega.

🗺 Geografik ko‘rsatkich sifatida ro‘yxatdan o‘tkazilishi: Andijon do‘ppisining kelib chiqish manbaini belgilaydi, hamda uning sifati va madaniy qiymatini huquqiy jihatdan himoya qiladi.

❗️Eslatma: Geografik ko‘rsatkich — bu mahsulotning ma’lum hududga xosligi va aynan shu hudud tabiiy, insoniy, tarixiy omillari bilan bog‘liq alohida sifatlarga ega ekanligini bildiruvchi intellektual mulk obyekti hisoblanadi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🇨🇳 Xitoyda Markaziy Osiyo davlatlari tillarini o‘rganish kurslari ochiladi

XXR raisi Si Szinpin Ostonadagi “Markaziy Osiyo-Xitoy” II sammitida so‘zlagan nutqida kelgusi ikki yil ichida Xitoy Markaziy Osiyoning beshta davlatiga kasbiy tayyorgarlik kurslaridan o‘tish uchun uch mingta kvota ajratishini ma’lum qildi.

⏺ XXR rahbari, shuningdek, ta’lim va madaniyat sohasidagi hamkorlik iqtisodiy sohadagi hamkorlikdan kam ahamiyatga ega emasligini ham ta’kidlagan holda Xitoy universitetlarida Markaziy Osiyo mamlakatlari tillarini o‘rganish kurslari ochilishini ham ma’lum qilgan.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🇺🇿 Bugun Prezident Shavkat Mirziyoyev Toshkent viloyati Parkent tumaniga tashrif buyurib, turizm, transport va qishloq xo‘jaligi sohalarida amalga oshirilayotgan ishlar va istiqbolli loyihalar bilan tanishadi. Davlatimiz rahbari "Toshkent-Sharqiy" aeroportidagi qurilishning borishini ham ko‘zdan kechiradi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

💬 Ma'lum qilinishicha, 4 kilometr uzunlikdagi uchish-qo‘nish yo‘lagi yangilanib, eng og‘ir samolyotlarni ham qabul qilish quvvatiga ega bo‘ldi. Hozirgi kunda yuqori martabali mehmonlar hamda biznes-aviatsiya uchun 2 ta terminal, perron va angarlar barpo etilmoqda.

💬 Aeroport noqulay ob-havo sharoitlarida ham uchish-qo‘nishni ta’minlovchi ICAO III-A toifasidagi ilg‘or radiotexnika va meteorologiya uskunalari bilan jihozlanadi. Yopiq angarlarda samolyotlar soz va xavfsiz saqlanishi uchun zamonaviy sharoitlar ta’minlanadi.

💬 Eng muhimi, qulay joylashuvi bilan aeroport poytaxtimiz va Yangi Toshkent shahri uchun istiqbolli bandargoh, Toshkent viloyatining turizm salohiyatida qo‘shimcha afzallik bo‘ladi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🔺 Bugun Prezident Shavkat Mirziyoyev hududlar rivoji, islohotlar natijadorligi bilan yaqindan tanishish maqsadida Qashqadaryo viloyatiga tashrif buyuradi.

Tashrif davomida sanoat, tibbiyot, turizm, energetika kabi ko‘plab sohalardagi korxonalar faoliyati va mahallalardagi bunyodkorlik ishlarini ko‘zdan kechirish rejalashtirilgan. Shuningdek, viloyatni ijtimoiy-iqtisodiy rivojlantirishning kelgusi vazifalari yuzasidan yig‘ilish o‘tkazilishi ko‘zda tutilgan.

Ijtimoiy tarmoqlarni kuzatib boring:
🕊Telegram 📱Facebook 📱Instagram