🇺🇿 Yoshlar ittifoqi tavsiyasi bilan talabalikka: Maqsudova Alina hikoyasi

🖋 Vazirlar Mahkamasining 914-sonli qaroriga muvofiq, Oʻzbekiston yoshlar ittifoqining tavsiyasiga asosan imtiyozli ravishda talabalikka qabul qilingan Maqsudova Alina uchun bu yil unutilmas xotiralar bilan boshlandi.

🙋 Alinaning ilk taassurotlari shuni ko‘rsatadiki, davlatimizda yoshlarga berilayotgan e’tibor va imtiyozlar ularni nafaqat ta’lim olishga, balki yurt kelajagi uchun mas’uliyat bilan yashashga undaydi. Shu boisdan ham uning hikoyasi boshqa yoshlar uchun ibrat va ilhom manbai bo‘lib xizmat qiladi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🇺🇿 O‘zbekiston jahon pasportlari reytingida sakkiz pog‘onaga ko‘tarildi

O‘zbekiston Henley & Partners kompaniyasining pasportlar jahon reytingidagi o‘rnini sezilarli darajada yaxshiladi.

🟡 2025-yilga kelib, respublika o‘tgan yilga nisbatan sakkiz pog‘onaga ko‘tarilib, 72-o‘rinni egalladi. Shu bilan birga, avvalgidek, fuqarolar 62 mamlakatga vizasiz yoki kelgandan so‘ng viza olib kirishlari mumkin.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🤩Kecha yana bir tarixiy voqea bo‘ldi… Yana bir tarix yozildi… Bu haqda yozmaslikning iloji yo‘q…

🇺🇿 CAFA Cup. O‘zbekiston MTJ tarixda ilk marta o‘z maydonida Eronni mag‘lub etib, musobaqa g‘olibiga aylandi… O‘yinning 120-daqiqasiga kelib Hojiakbar Alijonov boshi bilan to‘pni darvozaga aniq yo’llab gol urdi va jamoaga g‘alaba keltirdi.

🥳🤝 O‘zbekiston Respublikasi Prezidenti Shavkat Mirziyoyev hamda FIFA prezidenti Janni Infantino jamoamizni shaxsan taqdirlashdi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

❗️O‘zbekistonda 2025-yilning birinchi yarmida iqtisodiy ko‘rsatkichlar ijobiy tendensiyada...

Joriy yilning birinchi yarmida mamlakatimizda iqtisodiy ko‘rsatkichlar barqaror o‘sishni ko‘rsatdi:

🔵YAIM 7,2%;
🔵Sanoat ishlab chiqarishi +6,6%;
🔵Bozor xizmatlari 13,3%;
🔵Qurilish ishlari 10,7%;
🔵Qishloq xo‘jaligi mahsulotlari 4,0% ga oshdi.

💬 Asosiy kapitalga investisiyalar 273,4 trln so‘mni tashkil etdi (+5,5%), aholi real daromadlari 9,5% ga oshdi.

💬 Tashqi savdo aylanmasi 37 mlrd dollarga yetdi (+16,1%), davlat byudjeti daromadlari 103,4% ga bajarildi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🇺🇿 Birozdan so‘ng Prezident Shavkat Mirziyoyev raisligida maktabgacha va maktab ta’limi sohasidagi islohotlar ijrosi va kelgusidagi ustuvor vazifalar yuzasidan videoselektor yig‘ilishi boshlanadi

Ijtimoiy tarmoqlarni kuzatib boring:
🕊Telegram 📱Facebook 📱Instagram

🙋 Yig‘ilishda jalb qilinayotgan investisiyalarga, yangi ochilayotgan korxonalarga yarasha munosib kadr ham tayyorlanishi lozimligi qayd etildi. O‘tgan davrda o‘qituvchilarning oyligiga qo‘shimcha 10 dan ziyod ustamalar joriy qilindi.

“E’tibor bering, bugun o‘z ustida ishlagan 60 mingdan ortiq o‘qituvchi 10-12 million so‘m maosh olyapti. Bu qachon bo‘lgan?”

– dedi Prezident.

💳 Joriy oydan boshlab maktab direktorlari, bog‘cha mudiralari va ularning o‘rinbosarlari oyligi ham 10 million so‘mdan oshdi. Yangi baholash tizimiga o‘tgan 1,5 ming maktabning 300 tasi ijobiy natija ko‘rsatgani uchun butun jamoasi 40 foizgacha ustama oladi.

“Men xalqimizga vaqti kelib o‘qituvchilarning maoshini ming dollarga yetkazamiz degan gaplarim mana uch yil ichida haqiqatga aylandi”,

Ijtimoiy tarmoqlarni kuzatib boring:
🕊Telegram 📱Facebook 📱Instagram

🔗 Joriy yil boshidan xalqaro fan olimpiadalarida o‘quvchilarimiz 195 ta medalni qo‘lga kiritdi. Ularga oshirilgan stavkada jami 10 milliard so‘m, murabbiy o‘qituvchilariga esa 3,5 milliard so‘m pul mukofoti beriladi.

➡️ Xorijiy til egalari jalb qilingan 1 mingdan ziyod maktabda til bo‘yicha sertifikat olgan o‘quvchilar soni bir yilda 2,5 barobar ko‘paydi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

📌 Endilikda tadbirkorlar bilan ochiq muloqotda 80 ta tuman uchun aytilgan imtiyozlar yangi ko‘p kvartirali uylarning birinchi qavatida bog‘cha ochadigan tadbirkorlarga ham berilishi belgilandi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

💬 Yangi o‘quv yilidan pedagogika oliygohlarida o‘rta maxsus ma’lumotli tarbiyachilar uchun “1+5” (1 kun o‘qish, 5 kun ish) bakalavr ta’lim shakli joriy qilinadi. Bu orqali bog‘chalarga har yili qariyb 10 ming oliy ma’lumotli mutaxassis kirib keladi.

💬 Kelgusi yilda har bir viloyatda bog‘cha tarbiyachilari pedagogik mahoratini oshirishga metodik ko‘maklashuvchi tayanch “Yangi avlod” bog‘chalari barpo qilinadi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

💳 O‘tgan yildan boshlab 1-sinflarda axborot texnologiyalari darslari yo‘lga qo‘yildi. Keyingi o‘quv yilidan yuqori sinflar uchun sun’iy intellekt bo‘yicha darslar kiritiladi.

💳 Iqtidorli o‘quvchilarga sharoit yaratish uchun viloyatlarda axborot texnologiyalariga ixtisoslashgan Al-Xorazmiy, muhandislik bo‘yicha Mirzo Ulug‘bek, tabiiy fanlar yo‘nalishida Ibn Sino maktablari filiallari tashkil etiladi. Endi ularning barchasi hududlardagi texnika oliygohlariga nomma-nom biriktiriladi. Yaxshi natijaga erishgan bitiruvchilar ushbu oliygohlarning 2-kursiga qabul qilinadi.

🚪 2026-yilda maktab o‘quvchilari o‘rtasida eng nufuzli ikkita – xalqaro kimyo va informatika olimpiadalari Markaziy Osiyo davlatlari ichida ilk bor O‘zbekistonda bo‘lib o‘tadi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

📊 Endilikda yosh toifalari bo‘yicha milliy tarbiya modeli yaratiladi. Bu orqali bolalar zamonaviy kompetensiyaga ega mutaxassis bo‘lish bilan birga milliy qadriyatlarga sodiq inson bo‘lib tarbiyalanadi.

➡️ Bolalar kontentini rivojlantirish markazi Qori Niyoziy nomidagi Tarbiya pedagogikasi milliy instituti olimlari bilan birgalikda qiziqarli videoroliklar ishlab chiqadi. Yaratilgan kontent "Milliy tarbiya" platformasiga doimiy ravishda joylashtiriladi, telekanallarda yoritib boriladi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

💳 Joylardagi 219 ta "Barkamol avlod" maktabi, "Yoshlik" sport jamiyati, O‘quvchi yoshlar markazi va O‘zbekiston bolalar tashkiloti negizida respublika, hudud va tumanlarda "Kelajak" markazlari tashkil etiladi.

🔵 "Kelajak" markazlari maktablar bilan uzviy va maqsadli tadbirlarni jonlantirib, muhandislik, ilm-fan, madaniyat, san’at, kitobxonlik, sport va ekologiya yo‘nalishlari bo‘yicha o‘quvchilarni to‘garaklarga jalb qiladi.

☀️ Ushbu tizim bilan barcha maktablar qamrab olinishi ta’kidlandi. Har bir o‘rta maktabda maslahatchi lavozimi joriy qilinadi. Maslahatchilar o‘quvchilarning qobiliyati va qiziqishiga qarab, til, kasb, muhandislik, ijod, san’at va sport to‘garaklarini tashkil qiladi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

📰Meni tashvishga solayotgan masala – yoshlarimizni kasb-hunarli qilib, doimiy daromad topishi uchun sharoit yaratish. Agar buni to‘g‘ri yo‘lga qo‘ysak, mahallada kambag‘al va ishsiz qolmaydi”,

– dedi Prezident.

🗣 Davlatimiz rahbarining Xitoyga tashrifi davomida energetika, geologiya, kimyo, transport, qishloq va suv xo‘jaligi sohalaridagi o‘nlab yirik kompaniya rahbarlari bilan 35 milliard dollarlik istiqbolli loyihalar paketi shakllantirildi.

📌 Bunday loyihalar uchun texnologiyalar va xitoy tilini yaxshi biladigan minglab kadrlar kerakligi ta’kidlandi. Kasbga o‘rgatishda Xitoy tajribasini joriy etish maqsadida har bir viloyatda 2 tadan “O‘zbekiston – Xitoy ustaxonasi”ni tashkil qilish topshirildi.

👤 Oliygoh, texnikum va maktablarda xitoy tilini o‘qitish maqsadida 100 dan ziyod til egalari va volontyorlar taklif qilinadi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

📰Bizda 450 ming o‘quvchini qabul qila oladigan 598 ta texnikum bor. Bu yoshlar uchun juda katta resurs, sharoit va imkoniyat. Lekin bu yil 9-sinfni 608 ming o‘quvchi bitirgan bo‘lsa, ularni atigi 182 ming nafari texnikumlarga boryapti. Bugundan boshlab bir yil yoshlarni kasb-hunarga o‘rgatish yili bo‘ladi”,

– dedi Prezident.

👁 Prezident va ixtisoslashgan maktabda orttirilgan tajriba asosida joriy yilda 598 ta texnikumga xalqaro standart bo‘yicha zamonaviy kasbga o‘qitish muhiti olib kiriladi. Kelgusi o‘quv yilida 9-sinf bitiruvchilarining kamida 50 foizi, hozirgiga qo‘shimcha yana 200 ming o‘quvchi texnikumga qamrab olinadi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

⚡️ Bu ishlarni yagona siyosat asosida olib borish uchun Kasbiy ta’lim agentligi tashkil qilinadi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

👁 Joriy yildan boshlab oliygohlarda qabul kvotalarini investisiya loyihalarida kadrlarga bo‘lgan talabdan kelib chiqib shakllantirish tizimi yo‘lga qo‘yildi.

❗️ Endilikda investor buyurtmasi bilan texnikumlarda ham kadrlar maqsadli tayyorlanadi. Investor so‘roviga asosan texnikumdagi ta’lim dasturlarini 30 foizgacha o‘zgartirish mumkin bo‘ladi. Texnikum bilan dual ta’limni yo‘lga qo‘ygan korxonalarga imtiyozli kredit ajratiladi.

Ijtimoiy tarmoqlarni kuzatib boring:
🕊Telegram 📱Facebook 📱Instagram

🇺🇿 O‘zbekiston Markaziy Osiyoda ilk bor kimyo va informatika bo‘yicha xalqaro olimpiadalarni qabul qiladi

Ijtimoiy tarmoqlarni kuzatib boring:
🕊Telegram 📱Facebook 📱Instagram

📶 2027-yilgacha O‘zbekistonda qishloq xo‘jaligidagi yerlar ijara huquqiga o‘tkaziladi

💬 Bunday yerlarga xizmat ko‘rsatuvchi obyektlar — muzlatkichli omborxonalar, saralash, qadoqlash joylari, suv tejovchi texnologiyalar, dala shiyponi hamda texnika parki qurishga ruxsat beriladi.

💬 Buning uchun yer tuzish loyihasi ishlab chiqilib, u qurilishga ruxsat berish paytida yerga bo‘lgan huquqni tasdiqlovchi hujjat sifatida qabul qilinadi:

👉 Batafsil

Ijtimoiy tarmoqlarni kuzatib boring:
🕊Telegram 📱Facebook 📱Instagram

⚡️Xorijdagi vatandoshlar bilan ochiq muloqot!

An’anaviy tarzda o‘tkazilib kelinayotgan ochiq muloqot bu safar xorijdagi vatandoshlar va migratsiyaga borishni istayotgan yoshlar bilan tashkil etiladi.

💬“Yoshlarni eshitamiz” shiori ostida o‘tadigan ushbu muloqot bugun, 10-sentyabr kuni soat 15:00 da poytaxtimizdagi Yoshlar ijod saroyida boshlanadi.

Muloqotda quyidagi vazirlik, idora va tashkilot mas’ullari ishtirok etadi.

1. Tashqi ishlar vazirligi;

2. Ichki ishlar vazirligi;

3. Oliy ta’lim, fan va innovatsiyalar vazirligi;

4. Kambag‘allikni qisqartirish va bandlik vazirligi;

5. O‘zbekiston mahallalari uyushmasi;

6. Yoshlar ishlari agentligi;

7. Migratsiya agentligi;

8. O‘zbekiston yoshlari umumjahon assotsiatsiyasi;

9. Millatlararo munosabatlar va xorijdagi vatandoshlar masalalari bo‘yicha qo‘mita;

10. “Vatandoshlar” jamoat fondi;

11. “El-yurt umidi” jamg‘armasi.

Xorijdagi vatandoshlarimiz muloqotda Zoom platformasi orqali onlayn ishtirok etishlari mumkin.

🔹Murojaat va takliflaringizni “Yoshlar murojaati” boti orqali jo‘nating. Har bir taklif va tashabbus biz uchun muhim.

Manzil: Toshkent shahridagi Yoshlar ijod saroyi

Ijtimoiy tarmoqlarni kuzatib boring:
🕊Telegram 📱Facebook 📱Instagram