٢:٢٢

مُطر كلش مُطر ، والشارعَ مغِوش حچَي.

١٢ ينَايِر.
عِيد ميلادِي.

١٢:١٢

عَودتني
تالي مِن رِدتك مشيّت وفارگِتني
ليش كِل عمري أكابَر
حَتى أعيش متانِي باچَر
وهوَ باچَر بلا عيُونك شنهِي لذتَه؟
وهوَ گلِبي بلايّه حُبك شتسوَه دگته؟
أي وَحگ حُبي الترّكتهَ
موَتتِني
عيشتني بواهِس الهستوّه يمشي
چَانت أول خطوَة إليه وياك انت
وتالي باقي أصرَخ وراك بصُوت سكتَه
ليش أتاني؟ بأي محَطة؟
وكُل قطار البيَه مَجيئك ماكو سكتَه
كُلشي عِشته وبهجرّك كبرتنِي مَوتتنِي .

٠٠:٠٠

هو ذَنبي
لا سكَتّ ويه الاجُوني
ولا تبعِت الراحِلين
ولا آني خالي ومُختلي
ومرتَاح بالِي
ولا آني مِن العَاشگين
ومَدري لِيلي شلون أخَلصه
ولا سِهرت ويه السهَارة
ولا آني مِن النَايمين
ولا آني عَابِد وأرتجِي الجَنة
مِن أموت!
ولا آني مِن الكَافرين
آني قِصتي وياك قَصة
انكتِبت بورقَة قَديمة
وخَط حزِين
أني وين
وإنتَ وين...

١١:١١

رِاح وماترك بَس ذكريَاته .

٢١ فِبرايَر.
‏﴿ وَتَوَكَّلْ عَلَى الْحَيِّ الَّذِي لَا يَمُوتُ﴾.

٣:٣٣

بِينِي وَبِين المسَوُدَن بِقَت شَعرَة
الوَجع مِن عُمرِي شَال وَزِيد العمرَة
القَهرَة مِن الغَرِيب بِجَفَة هَاي تهُون
وَالقهَرَة التجِيك مِن الاهِل كَسرَة
مَاغَثنِي الحَچِي نِغَثِيت بِل اسلوُب
حَجِيهُم مَا وُجَع التُوجَع النَظرَة
الكِلمَة التِرفَه بِاخشَن صُوت سَب تصِير
طَريقَة حَجِي الكِلمَة تِعَادِل السَطرة
لُو عدي الدَمع بَس بِهَذَاك اليوُم
يِترِس نَهِر دجَلةَ ويغَسِل الصَحرَة
الهُم الشِلتَة اثگل مِن سَفِينَة نُوح
هَلِي رَاحَت البَال اعلِيّة مِتكَبرِة
اول مَرة ادرِي الكِلمَة بِيها الوُان
الحجِيتوُهَة اجِت ترَس الاذِن صَفرة
هَلِي مگطُوع ثَار العُمر مِن جَذرَة
هَلِي المَطرُود مُو الا حَچِي بنَظرَة
هَلِي بِطلابَتِي ويَه الغُرب انَتُو وِياي
ويَاهُو ويَاي اذِا مِن عِدكُم الطَبرَة
انَا شبِيدِي عَلي هِي البَشر خِطرَة
زِين وُيهَ الغرُب ويِحَارِب ابِزرَة
طعشَت فِكرَة ويهَ اهَلك تِحچِي رَسمِيات
وُقبَل لا تحچِي لازِم تعِد للعَشرَة
ويعَزلوُن زَادك مِن عَلى السُفرَة
وَحق اللّٰه تِخَوُف الفِكرَة .

١٢:١٢