🇺🇿 “El-yurt umidi” — motivatsiya, stipendiya va imkoniyatlar


Bugun, 10-oktabr kuni Abu Rayhon Beruniy nomidagi Urganch davlat universitetida “El-yurt umidi” jamg‘armasi mas‘ul vakillari bilan talaba va o‘quvchilarning ochiq muloqoti bo‘lib o‘tdi. Tadbir universitet Axborot-resurs markazining katta majlislar zalida tashkil etildi.

Tadbirda Xorazm viloyati hokimligi, Maktabgacha va maktab ta’limi boshqarmasi, Urganch davlat universiteti rahbariyati, O‘zbekiston Respublikasi Prezidenti huzuridagi Boshqaruv samaradorligi agentligi Xorazm viloyati filiali, Oliy ta’lim, fan va innovatsiyalar boshqarmasi,  jamg‘arma stipendiatlari, oliy ta’lim muassasalari talabalari, tayanch doktorantlar (PhD), magistrlar hamda viloyatimizdagi maktablarning iqtidorli o‘quvchilardan 600 nafari markaziy studiyadan ishtirok qilgan bo'lsa, tuman va shahar studiyalaridan 3500 nafardan ziyodi ishtirok etdi.

Tadbirni viloyat hokimi o'rinbosari S.Salayev ochib berdi va yoshlar uchun bu kabi tashabbuslarning dolzarbligini ta’kidladi. Shuningdek, Xorazm viloyati Maktabgacha va maktab ta’limi boshqarmasi boshlig‘i X.Bektеmirov so'zga chiqib, yoshlarga berilayotgan e’tibor va imkoniyatlar haqida so’z yuritdi.

Shundan so‘ng, “El-yurt umidi” jamg‘armasi boshqarma boshlig‘i G‘.Xatamov, jamg‘armaning bosh inspektorlari M.Fayziyev va Q.Bektemirovlar jamg‘arma faoliyati, mavjud dasturlar, tanlovlar, nomzodlarga qo‘yiladigan talablar va hujjat topshirish tartibi, xorijdan qaytgan mutaxassislar uchun yaratilgan sharoitlar, malaka oshirish imkoniyatlari haqida batafsil ma’lumot berishdi.
Jamg‘armasining xorijda o‘qish, malaka oshirish va ilmiy faoliyat olib borish uchun taqdim etayotgan stipendiya dasturlari va ularning keng qamrovi haqida ham batafsil ma’lumotlar taqdim etildi.

Telegram I Youtube I Facebook I Instagram

🧭 Ta’lim muassasalarida halollik va korrupsiyaga murosasizlik darslari

Xorazm viloyatida korrupsiyani oldini olish va unga qarshi kurashish bo‘yicha 2025-yilda tasdiqlangan “Yo‘l xaritasi” ijrosini ta’minlash maqsadida o‘quv-amaliy seminar o‘tkazildi.

Urganch shahridagi 22-sonli maktabda tashkil etilgan seminarda maktab direktori, ma’naviy-ma’rifiy ishlar bo‘yicha direktor o‘rinbosari, tarbiya, huquq va informatika fanlari o‘qituvchilari ishtirok etdilar.

📚 Tadbirda o‘quvchilarga halollik, to‘g‘rilik va vatanparvarlik tushunchalari sodda tilda yetkazildi hamda “GRACE” global dasturi imkoniyatlaridan foydalanish yo‘llari muhokama qilindi.

Zoom platformasi orqali boshqa ta’lim muassasalari rahbarlari va o‘qituvchilari ham masofadan ishtirok etishdi.

Boshqarmaning rasmiy sahifalariga ulanish
Telegram I Youtube I Facebook I Instagram

Yangibozorda Xalqaro qizlar kuni munosabati bilan ma’naviy-ma’rifiy tadbir o‘tkazildi

Yangibozor tumanida 11- oktabr — Xalqaro qizlar kuni munosabati bilan bayramona ruhda tadbir bo‘lib o‘tdi. Unda tuman hokimi o‘rinbosari F.Ro‘zmetova,  mas’ullar, faollar ishtirok etdi.

Tadbir davomida qizlarning jamiyatdagi o‘rni, ularning ta’lim va kasb sohasidagi imkoniyatlarini kengaytirish, huquq va manfaatlarini himoya qilish masalalariga alohida e’tibor qaratildi.
So‘z olganlar ta’kidladilarki, bugungi kunda tumandagi ta’lim muassasalari qoshidagi kasb-hunar to‘garaklarida qizlar faol ishtiroki orqali ularning salohiyati, qobiliyati va ijodiy fikrlashi yanada namoyon bo‘lmoqda. Qizlar tikuvchilik, dizayn, kulinariya, gulchilik, IT va san’at yo‘nalishlarida bilim va ko‘nikmalarini oshirib, kelajak kasbini tanlayotgani quvonarli holat sifatida e’tirof etildi.

Shuningdek,  qizlar ishtirokida tayyorlangan ijodiy ko‘rgazmalar va kasb-hunar mahsulotlari namoyishi ham tashkilantirildi.

Telegram I Youtube I Facebook I