Xorazm viloyati Urganch shahar maktabgacha va maktab ta'limi bo'limi tasarrufidagi umumiy o‘rta ta’lim maktablarida 2025-yil 20-oktabr kuni “Kelajak soati” darslari yuqori saviyada o‘tkazildi.

Xorazm viloyati Urganch shahar maktabgacha va maktab ta’limi bo‘lim boshlig‘i M.Marimov Urganch shahar 13-sonli umumiy o'rta ta'lim maktabining 10-“E” sinfida milliy.tarbiya.uz platformasidan foydalanilgan holda 21-oktabr-“O‘zbek tili bayrami” kuni mavzusida “Kelajak soati”ni o‘tkazdi.

📚 Suhbat “21-oktabr – O‘zbek tili bayrami kuni” mavzusida bo‘lib, unda hokim o‘zbek tilining milliy o‘zligimiz, mustaqilligimiz va ma’naviyatimiz timsoli ekanini ta’kidladi.

Shuningdek, yoshlarni doim bilim olishga, o‘z ustida ishlashga va izlanishdan to‘xtamaslikka chorlab, ularga o‘qish va ishlarida muvaffaqiyat tiladi.

🇺🇿 ONA TILIM — G‘URURIM, FAXRIM

21-oktabr — O‘zbek tiliga davlat tili maqomi berilganligining 36 yilligi munosabati bilan Xonqa tumani Znaxos mahallasidagi Alisher Navoiy bog‘i-muzeyida “Ona tilim — g‘ururim, faxrim” shiori ostida tantanali tadbir o‘tkazildi.

Tadbirda O‘zbekiston Yozuvchilar uyushmasi Xorazm viloyati bo‘limi xodimlari, Xonqa tumani hokimligi, Maktabgacha va maktab ta’limi bo‘limi vakillari, shuningdek, 2-, 16-, 23- va 34-son umumta’lim maktablarining pedagog hamda o‘quvchilari ishtirok etdilar.

Ishtirokchilar tomonidan o‘zbek tilining ulug‘ qadriyati, milliy g‘urur va iftixorni tarannum etuvchi badiiy chiqishlar, she’r va qo‘shiqlar namoyish etildi.

Boshqarmaning rasmiy sahifalariga ulanish
Telegram I Youtube I Facebook I Instagram I Web-sayt‌‌

Xonqada “Til — millat ko‘zgusi” shiori ostida tadbir o‘tkazildi

Xorazm viloyati maktabgacha va maktab taʼlimi boshqarmasi Xonqa tumani 5-son umumiy o‘rta taʼlim maktabida 21-oktabr – O‘zbek tiliga davlat tili maqomi berilgan kun munosabati bilan “Til — millat ko‘zgusi” shiori ostida maʼnaviy-maʼrifiy tadbir o‘tkazildi.

Tadbir davomida o‘quvchilar va ishtirokchilar tomonidan o‘zbek tiliga bag‘ishlangan sheʼrlar, qo‘shiqlar, raqslar va sahna ko‘rinishlari namoyish etildi.

Mazkur tadbir orqali yosh avlodda o‘zbek tiliga nisbatan hurmat va ehtirom tuyg‘ularini yanada mustahkamlash, milliy qadriyat va madaniyatimizga sadoqat ruhini shakllantirishga alohida e’tibor qaratildi.

Boshqarmaning rasmiy sahifalariga ulanish
Telegram I Youtube I Facebook I Instagram I Web-sayt‌‌

🇺🇿 “Ona tili — millat ruhi” adabiy kechasi Bog‘otda

O‘zbek tiliga davlat tili maqomi berilganligining 36 yilligi munosabati bilan Respublika Ma’naviyat va ma’rifat markazi Bog‘ot tuman bo‘linmasi, Oila va xotin-qizlar bo‘limi hamda Maktabgacha va maktab ta’limi bo‘limi hamkorligida Bog‘ot tumani 14-son umumiy o‘rta ta’lim maktabida “Ona tili — millat ruhi” mavzusida tadbir o‘tkazildi.

Tadbirni maktab direktori M. Rajabova ochib, o‘quvchilarga kelgusi o‘qishlarida muvaffaqiyatlar tiladi.
O‘quvchilar ona tilining buyukligini kuylovchi she’r, hikmatli so‘z, kuy va raqslar orqali o‘z mahoratlarini namoyish etdilar.

Tadbir so‘ngida Bog‘ot tumani Oila va xotin-qizlar bo‘limi mutaxassisi U. Otajonova hamda Respublika Ma’naviyat va ma’rifat markazi tuman bo‘linmasi mutaxassisi S. Jumaniyozova tomonidan faol qatnashgan o‘quvchilar rag‘batlantirildi.

Yakunda MMIBDO‘ R. Amanova davlat tilini asrab-avaylash — har bir o‘quvchining muqaddas burchi ekanini ta’kidladi.

📝 Ona tilimiz bayrami muborak bo‘lsin!